ankawa
منتدى الهجرة واللجوء => الهجرة و واللاجئين => الموضوع حرر بواسطة: كلي امل في 19:24 14/05/2011
-
السلام عليكم انا بحاجه الى ارائكم جيراني ضابط ومسجل بلامم المتحده وذاكر كلشي بصراحة ونام ملفه بلامم لمده 4سنوات بعدهة گال حجازف واني مخسران شي رجع لبغداد وطلع جواز جديد وسافر لتركيا وقدم عليوان وسألو مسجل قبل بلامم وگال لا ومشي الحال وهو حاليا بأنتظار السفر وهو ذكر قصة مخالفة تماما عن قصته الاولى يعني مجاب طاري ضابط اواي شي يخص وضيفته السابقة ولو دوختكم بس السؤال هو اذا احنا سوينا مثله وبدلنا الجواز وسجلنا بغير بلد مثلا الاردن هل يمشي الحال مثل اخونا لو يمشي بس بتركيا لان حسب مافهمت منة انه الامم تعتمد على رقم الجواز في قاعده بياناتها والسؤال الثاني اخواني اني نسيت هل بصمتنا الامم عند اول استلام لورقة الحمايه ام لا ارجو تفضلكم بأبداء الرأي
-
حلو شكد يعجبني هيجي واحد ............عمي اذا بدلت جوازك تكدر تروح تقدم على اي مكان تريده ولا تخاف والضمان ركبتي ...بس لاتقدم بنفس المكان الي قدمت عليه اول مرة .....زين هسه تسئل ليش ابدل الجواز ...حبيبي اول مايسون بلتقديم ياخذون رقم جوازك ويخلوا على الكيس نمبر يعني بس يدك الرقم راح يطلع الكيس نمبر القديم ...ثاني شي ..من تدخل وتطلع يصيرلك ختومات على جوازك وعبى ضوء هاي الختومات يكدرون يتحققون من الدول الي طبيت عليها وقدمت على المنظمه ...يعني من تسوي جواز جديد ....رقم الجواز راح يتغير ....وجوازك يصير كلين يعني صافي مجرد دخول الى الدوله الفلانيه الي راح تقدم عليها ..............تحياتي عزيزي ..سوي هاي الشغله ولاتخاف ;D ;D ;D ;D ;D ;D ;D ;D ;D ;D ;D الله يحفظكم ويخليكم
-
اختي الكريمة انتي كلتي هو جازف بكل شي .. يا ترى انتي تستطيعين القيام بهذا العمل ؟
من الاخير ..انا كنت بسوريا وحصلت رفض بعد المحلفين وغادرت سوريا بعد سنيتن ونصف من الانتظار القاتل وبعد الرفض قررت الرجوع للعراق العظيم ولكن الرياح لاتأتي بما تشتهي السفن قمت بالتقديم على فيزة للاردن وحصلت على الموافقة بعد 4 اشهر في العراق وقدمت الى الاردن ببداية سنة 2010 وذهبت لليو انUN ةحصلت على وثيقة جديدة ولكن بعد تقديم الوثيقة القديمة ولكنهم اتلفوها امامي وحصلت معي احداث في العراق تمت اضافتها للقضية من جديد ولكن قدومي للاردن بالجواز G ,, اما سوريا كانت بالجواز S ,, ولكني لم اخفي عليهم تقديمي بسوريا نهائي مع العلم جوازي جديد ولم اذهب واسافر الى اي دولة غير الاردن
البصمات فقط كانت بعد تحويل ملفنا للتوطين وخاصة بعد مقابلة المحلفين او بنفس اليوم ,,,
ارجوا ان اكون وفقت بالاجابة
ابو محمد
عمانـــــــــ
-
كلش شغلة عادية اخي روح واتوكل بالله
-
اخوان يعني اسجل من جديد واگول مسجله قبل واحچي بثقه مواني موكلش بلكذب راسا اضحك شون
-
العفو اقصد اگول مااامسجله يعني ميحسون بلتسجيل السابق
-
اختي الكريمة
اذا كان الامم المتحدة محولين ملفك على التوطين و من التوطين متحول الى الهجرة و ماخذين بصماتك و صور الخ
فالافضل انه تقولين لهم انه كنت مقدمة ولكن
اذا من اول مرة مامتحولة توطين و لا ماخذين بصماتك و مامفتوح لك ملف بالهجرة فشغلة عادية
اختي نصيحتي الك
طلعي جوازات جديدة للكل و قدمي على الامم المتحدة اللي بالاردن من جديد و لاتذكر لهم اي شئ بخصوص تقديمك القديم صدقيني ماكو اي ربط و لا قاعده بيانات بين الامم المتحدة سواء في سوريا او الاردن او تركيا فقط اذا كان عندك ملف في الهجرة لان الهجرة تمتلك قاعدة بيانات مشتركة مع بعضها
علما انه فقط يحتاجون الاسم اذا نزل بالبيانات مالتهم في الهجرة راح يطلع عدهم انه عندك ملف و لا يعتمدون على الجواز لان الجوازات تتغير و تضيع فيعتمدون على الاسم الثلاثي
-
اخويه احنا مقابلين مقابله بكفرسوسه وموقعين فقط توقيع على اوراق وبعدهة علساس يصعد الملف لكندا بس لجنة التوطين رفضت تصعده للسفاره اعتقد هاي المرحله مالهة علاقه بلهجره الدوليه موصحيح لان يمكن في حالة مقابلة الوفد راح يصعد الملف للهجره الدوليه ماهيك? الله كريم اني بعد شهر اروح اقدم وعلى الله واكيد ابلغكم بلنتيجه لان بعد ماعدنة غير حل وهمة ديجبرونا نكذب
اختي توكلي بالله لعد مادام ماحولوا ملفك للهجرة قدمي من جديد و لاتقولين فاتحة ملف بسوريا ترة اني هم سويت مثلك كنت بسوريا و بعدين سنة و نص حتى مادزوا توطين عليه و هسة قدمت من جديد من غير ذكر انه عندي ملف بسوريا و هسة هنا بالاردن بانتظار السفر
-
قدمي ولتكولين مقدمه من سوريا مومشكله معليهم وحتا لو تكولين جنت بسوريا كولي جنت بس ماقدمت هناك لليو ان معليهم
-
خويي
النجاة في الصدق
همه عادة مايدققون بس ماتعرف
اللي ماتعود عالكذب مايعرف يكذب لايروح يطلعلك موظف لوموظفه من هذوله
اليدققون حتى بالمي
وهذاك الوكت انت الخسران
مابيهه شي كول انه مقدم عالامم من قبل واذكر قصه مختلفه
عادي لانه احنه بالعراق الواحد يوميا تصير وياه قصص وظروف شكل
بالتوفيق خويي
-
شكرا جزيلا الكم احبابي شرفتوني بدخولكم للموضوع الله ييسر اموركم اني هم داريد اجع اكبر قدر من اراءكم وتجاربكم حتى ماسوي شي اندم عليه لان بعد متنعاد الفرصه وشكر مكرر نوار تيتو ، مهاجرين بلاحدود، رافدالوردة ، وخواتي زهرة الصبار ومظلومة سوادي الله يحفظكم