ankawa

منتدى الهجرة واللجوء => الهجرة و واللاجئين => الموضوع حرر بواسطة: Avatar في 08:36 20/05/2011

العنوان: افتار يعيد مقابلة المحلفين للمرة الثانية؟؟!!! ارجوا المساعدة
أرسل بواسطة: Avatar في 08:36 20/05/2011
السلام عليكم يا احلة منتدى

البارحة خابروني الاي او ام عمان علمود اعادة المقابلة مع المحلفين ...اتعجبت صراحة ولو اني عايد الفحص الطبي مرتين وحددولي موعد للثالث وعايد بصمات مرة بس اعادة المقابلة الثانية وية الدي اتش اس شوية شفتهة شغلة جديدة!!! ما ادري اذا صايرة وية واحد من الاخوة والخوات بالمنتدى وممكن ان يساعدمة بالمعلموات.

مقابلة المحلفين الاولى كانت قبل سنتين ...اي نعم اني من المخضرمين والمغضوبين عليهم وحتة نضيف الملح للجرح علة كولة خوالنة لا خادم عسكرية ولا طالع لباب الحوش ولا عندي اي باركنك تكت بحياتي....ليش الامنية ما اجت لحد سنتين بحيث عادولي مقابلة المحلفين ما ادري؟

سوالي هو الاتي...هل هاي المقابلة المعيودة راح يسالون ويستفسرون علة تاريخي العظيم من جدة وعتيك؟؟؟؟ لو بس يسون اب ديت لهاي السنتين يعني شكو ماكو ووين ما وين ومشتاقيلك وليش متبين كايد اوف كوسشنز؟؟؟؟

اني عائلتي متكنة من 8 اشخاص واذا كل واحد يسالو انت شكلت بالمقابلة السابقة وهذا ميتطابق وية الكلتة....هاي اني رحت بيهة..ميين اجيب اللي يتذكر بلة اني اوكي بس الحجي والحجية تاريخهم مليئ بالاحداث اللي كل حجي وحجية بالعراق عايشيهة وميتذكروهة ايضا.....

زين والسؤال الثاني هوة هل راح يكون اكو ديفيرال لتر ورة المقابلة مثل ما كان بالمحلفين الاولى لو لا؟؟؟ يعني اذا جانت اب ديت فميحتاج اكيد بس اذا جانت انفضك نفض لو المحلف لو انت لا والله اكو والله يستر مو؟؟؟ ارجوا من اصحاب الخبرة ينجدوووووووني بلييييييييز وشكرا....

بس مع كل هذا اكو خبر حلو كللولي بالميل انو هاي اعادة للقمابلة وللمرة الاخيرة تعرفون هذا شنو معناة ...افسرلكم بما انو همة يعيدون المقابلة كل سنتين من مثيلتها فان شبه جملة جملة للمرة الاخيرة¬ تعني انو اخر موعد لسفرتي مراح يتجاوز السنتين لان حينها عليهم ان يسولي اعادة مقابلة المحلفين للمرة الثالة وبذلك يكونون قد خالفوا نفسهم وحاشا ان يكون هذا من شيمة الاي او ام.....ههههههههه

دة تشوفون شلون الاي او ام حولوني الى متفائل بالحياة من الدرجة الاولى يعني كل هل الظيم والقهر والاعادات والجيب وودي واني ساكن بجزر الواق واق وعلما اودي 3 نفرات لبغداد جدي يستلك وبعدني اعتقد انو هذا الخبر زين.... بعد؟؟؟

ولو طولت عليكم حبايبي اني اسف جدا جدا بس اريد اشوف هل اني الوحيد بالدينا حظي اغبر لو اني مثل عباد الله وعادي وتقبلو مروري....

افتار
العنوان: رد: افتار يعيد مقابلة المحلفين للمرة الثانية؟؟!!! ارجوا المساعدة
أرسل بواسطة: aws love في 08:55 20/05/2011
ورده انته اخوية اني مثللك تمام بس انته حظك حلو لان عندك موعد مقابله اني لحد الان ما عندي منتظر ايحددون موعد وماكو نتيجه فقط اب ديت بس شغله الرساله وهاي اخيرة مقابله هاي اشويه صعب اصدكه تعرف ليش لان iom حشاك ماعندهم صدوك ولا راح ايصدكون كل لعب بلعب وداعتك خليه على الله هدا مصيرنه احنا تحياتي  
العنوان: رد: افتار يعيد مقابلة المحلفين للمرة الثانية؟؟!!! ارجوا المساعدة
أرسل بواسطة: Avatar في 12:24 20/05/2011
اخوية aws love شكرا على ردك وان شاء الله راح يدزولك ايميل قريبا علمود يحددولك المقابلة لان الولد اللي اتصل بية من عمان كال احنة مسوين حملة على اللي مقابلتهم مر عليهة سنتين نريد انعيدلهم المقابلات فان شاء الله تجيك قريبا

وانت كتلي بس ابديت مو؟؟؟ زين ومسألة الديفرال اكو لو ماكو؟؟؟

اخوتي الاعزاء ان امكن المساعدة وعلي مستعجل حييييل اريد اعرف شنو السالفة قبل ما اروح للمقابلة

افتار