ankawa
منتدى الهجرة واللجوء => الهجرة و واللاجئين => الموضوع حرر بواسطة: ماجلان في 12:52 20/05/2011
-
الأخوة و الأخوات الأعزاء في منتدى الهجرة و اللاجئين
السلام عليكم
أخص بهذا الموضوع أو النداء كافة المهاجرين الواصلين الى أمريكا على برنامج SIV و أرجو منهم الدخول على هذا الموقع الخاص بدائرة الهجرة و الجنسية و هو موقع رسمي حكومي ... لإيصال صوتهم و طلبهم بالحصول على الجنسية الأمريكية في فترة أقل من خمس سنوات كون أغلبنا (المترجمين و العاملين لحساب الحكومة الأمريكية في العراق) قد عانينا ما عانيناه من أخطار و مصاعب أثناء عملنا المذكور و بقاءنا لفترات طويلة في القواعد الأمريكية في العراق و شمولنا بالأنظمة و القوانين الأمريكية داخل تلك القواعد.
و عملية إيصال الصوت سهلة جداً و هي مجرد كتابة تعليق في المكان المخصص و إرساله ... علماً أن نشر التعليق يتم بعد قراءة التعليق من قبل إدارة الموقع المذكور و المصادقة عليه ... و لا تنسوا إننا في أمريكا .. بلد الحرية و الحقوق ,,, و ليس ببعيد أن يتم الإنتباه الى تعليقاتنا و طلباتنا المشروعة من خلال ما نكتبه في الموقع المذكور.
الموقع هو:
http://blog.uscis.gov/2011/05/do-you-want-to-become-us-citizen-uscis.html#comment-form
الرجاء أخذ الموضوع على محمل الجد فهو لمصلحة جميع الواصلين لأمريكا على برنامج SIV
تحياتي
-
اخي ماجلان,,زين و المترجمين الطالعين على برنامج اي او ام,,يشملهم هاذه الشي لو لا؟؟؟
-
اخي ماجلان,,زين و المترجمين الطالعين على برنامج اي او ام,,يشملهم هاذه الشي لو لا؟؟؟
أختي سارة ...
هو مو قرار حتى يشمل البعض و يترك البعض الآخر ... و لكن برنامج SIV هو برنامج خاص و يختلف إختلاف كامل عن برامج الهجرة و اللجوء الأخرى ... و متطلبات التقديم على برنامج SIV تختلف إختلاف كامل عن كل متطلبات الهجرة و اللجوء الأخرى ... و لكون البرنامج (خاص) فممكن أن تحصل فيه بعض الإستثناءات ... و طبعاً مسألة حصول مهاجر SIV على الكرين كارد فور وصوله للولايات المتحدة هي أيضاً أحد الإستثناءات الخاصة لهذا البرنامج.
تقبلي تحياتي
-
شكرا عالرد,,, و هي محاولة عسى و لعل تنفع ولو حتى لو قررو النظر بالموضوع هم تاخذلها فترة الشغلة يله تاخذ حيز التنفيذ...شكرا اخ ماجلان عالموضوع و ان شاء الله التوفيق للجميع
-
شكرا عالرد,,, و هي محاولة عسى و لعل تنفع ولو حتى لو قررو النظر بالموضوع هم تاخذلها فترة الشغلة يله تاخذ حيز التنفيذ...شكرا اخ ماجلان عالموضوع و ان شاء الله التوفيق للجميع
هلو ساره شلونج
شنو الموضوع ممكن تفهميني ::)
-
الاخت سارة شكرا على الموضوع الذي في غاية الاهمية
نعم اكو جماعة كان عدهم كرين كارد واخذوا الجنسية وهم داخل المعسكرات وكالوا مادام احنه نخضع للقوانيين المريكيه فنعتبر داخل امريكا وحصلو على الجنسيه
شكرأ على الفكرة الرائعه
-
اخي المحترم ماجلان
صحصيح امريكا بلد الديمقراطية بس صدكني هيجي طلب ينرادلة سنين دراسة وتمحيص وتدري همة حبالهم شكد طويلة هاي وحدة والثانية اذا همة صحيح يهتمون بالمترجمين اللي خدموهم وعرضو حياتهم للخطر خلي ينطوهم الفيزا بسرعة مو المترجمين واحدهم هسة اذا عندة حظ ياخذ الفيزا ب 5 اشهر تحياتي
-
الأخ ماجلان
عجبتني فكرتك بخصوص نكتب فد تأييد او مقالة بخصوص تسريع التجنيس للي خدموا القوات الامريكية.
واني خليت الكومن مالي هم تكدر تشوفه حضرتك
ارجو من بقية الاخوه المساهمه بهالموضوع لان فعلا الخدمة الي قدموها العراقيين للجيش وغيره مو هينه بنص المخاطر.
راما
-
اخي المحترم ماجلان
صحصيح امريكا بلد الديمقراطية بس صدكني هيجي طلب ينرادلة سنين دراسة وتمحيص وتدري همة حبالهم شكد طويلة هاي وحدة والثانية اذا همة صحيح يهتمون بالمترجمين اللي خدموهم وعرضو حياتهم للخطر خلي ينطوهم الفيزا بسرعة مو المترجمين واحدهم هسة اذا عندة حظ ياخذ الفيزا ب 5 اشهر تحياتي
كلامك صحيح اخي العزيز ... و اي قرار في امريكا ياخذ فترة طويلة للدراسة و التمحيص قبل إقراره .. و لكن مع هذا احنا نسوي اللي علينا و نوصل صوتنا ما دام الباب مفتوح على مصراعيه ... و اذا احنا ما استفادينا منه ممكن يستفادون منه اللي يوصلون بعدنا ... و مسألة تسريع إصدار الفيزا للمتقدمين فهذا بحث آخر ... و مع هذا فالتأخير الحاصل حالياً مسألة طبيعية لأن هاي فيزة أمريكا .. يعني مو شغلة هينة ... و كل احنا اللي وصلنا لأمريكا عانينا ما عانيناه من الإنتظار ... و اتمنى التوفيق للجميع.
تحياتي
-
up
شكراً اختي عبير لرفع الموضوع ... و الحمد لله انه وصلنا الدعم حتى من كندا ;)
-
الأخ ماجلان
عجبتني فكرتك بخصوص نكتب فد تأييد او مقالة بخصوص تسريع التجنيس للي خدموا القوات الامريكية.
واني خليت الكومن مالي هم تكدر تشوفه حضرتك
ارجو من بقية الاخوه المساهمه بهالموضوع لان فعلا الخدمة الي قدموها العراقيين للجيش وغيره مو هينه بنص المخاطر.
راما
بارك الله بيك أخي راما ... و عاشت ايدك على الكومنت اللي حطيته حضرتك ... بصراحة كلش عجبني تعبيرك ... و طبعاً الكومنت اللي حضرتك قدمتله الدعم هو الكومنت اللي آني كتبته سابقاً ... و حضرتك أول من تفاعل مع الموضوع ... و هذا شي أشكرك عليه الشكر الجزيل ... و أيضاً شفت كومنت ثاني من شخص آخر نزل البارحة ... و اتمنى أن يحذوا الأخوة و الأخوات الباقين حذونا و يكتبون تعليقاتهم و آني متأكد إذا صارت مجموعة لا بأس بيها من التعليقات بنفس الموضوع قد تشعر دائرة الهجرة بجدية الطرح و تدرس المقترحات ... و ان شاء الله خير
أشكرك مرة ثانية اخي العزيز راما
تحياتي
أخوك ماجـــلان
كاليفورنيا