ankawa
منتدى الهجرة واللجوء => الهجرة و واللاجئين => الموضوع حرر بواسطة: zena_rh_2005 في 15:34 21/05/2011
-
يكولون اكو عائلة سافرت عن طريق سوريا وصار تسهيل بسفره لان كفيلهم اللي بأميركا وقع على اوراقهم ان العائلة تتحمل مصاريفة بأميركا وحتى تكت الطيارة عالعائلة لان يكولون اسباب التأخير بالسفر هي مادية . طيب يصير اناشد الهجرة واكوللهم اني اتحمل مسؤولية تكت طيارتي ومصاريفي بأميركا يعني ما اخذ من المنظمة شي ممكن يسهلون أمري لو متصير . ياريت تجاوبوني
-
الصراحة اني مسامع بيهك شي بس سامع بتذكرة الرحلة عادي
-
يكولون اكو عائلة سافرت عن طريق سوريا وصار تسهيل بسفره لان كفيلهم اللي بأميركا وقع على اوراقهم ان العائلة تتحمل مصاريفة بأميركا وحتى تكت الطيارة عالعائلة لان يكولون اسباب التأخير بالسفر هي مادية . طيب يصير اناشد الهجرة واكوللهم اني اتحمل مسؤولية تكت طيارتي ومصاريفي بأميركا يعني ما اخذ من المنظمة شي ممكن يسهلون أمري لو متصير . ياريت تجاوبوني
اخويه العزيز وين اكو هيجي شي جان كولتنا طفرنا من قبل اشهر
تحياتي
ألن
-
بالي صحيح مضبوط كلامك اكو هيجي شي بانه يتعهد بعدم اخذ شي وهذا الشي اتوقع ايسهل اشويه الاجراءات
-
هذا خبر صحيح تكتب رساله للسفارة تطلب بي تحمل كل نفقات السفر
-
السلام عليكم .. مع احترامي وتقديري لآراء الجميع هذي يسموها انانية وعدم احترام الناس الي فعلا مهددين ومحتاج ان يستقر بأمريكا .. ومن المهم جدا ياأخواننا ان تعرفون اكو ناس من المنظمة يراقبون الموقع هذا.. يعني اذا انت الله رزقك بحبوحة عيش وعندك ليش تاثر على فئة من الناس ماعندها كانت عايشة على راتب المترجم والي يادوب يسد عيشته .. مع الاسف نبثى بس نفكر بالمصلحة الشخصيه فقط وليست المصلحة العامه للناس.
-
حبيبي اخ صلح ليش شنو هوة بس الفقير مهدد بالعراق ويستحق يطلع شنو عدم احترام وشنو انانية ليش العندة فلوس وبحبوحة مو مهدد وديمر بالوضع الكسيف الي ديمرون بي كل العراقيين واذا هية على كد جيبك تستحق ومتستحق السفر فالمترجمين كلهم اذا تقارن اوضاعهم باوضاع الناس المحتاجة صدك يكون الترجم وضعة احسن لان على الاقل عندة راتب وشغل والحمد لله ومع احترامي لرايك بس الي الله مفضل علي من خيرة هم من حقة يطلع ويستفاد من هالفرصة الي متجي غير مرة بالعمر ويخلص من العراق الي هو مو زين بس للحرامية ومع الاسف هذا حالنا نريد نخلص من وطنا بس الحمد لله والشكر
-
السلام عليكم yzar اولا احب ان اوضحلك وجهة نظري وياريت تقرأ الموضوع بكل الردود من الاخوة الي مشاركين بيه ... ورأيي بكل صراحة يعني الي رب العالمين مفضل عليه ويريد يوصل لامريكا خلي يفكر شويه مو على حساب الي يريد يوصل ويعيش بأمان واستقرار في بلد تصعب بيه فرص العيش والعمل بأستقرار ... يعني مايصير الي اموره المادية ممتازه يكون سبب لقطع المساعدات والمعونات للناس الي توصل لانه هوه عنده ويريد يوصل بأي طريقة حتى لو تنازل عن كل حقوقه كلاجيء ويسافر على حسابه الخاص.. لكن اكو ناس وصلت واخذت المساعدات وبعدها بحاجة الى مساعدات لان سوء الحالة الاقتصادية الي تعاني منها امريكا صعبت الحياة على الكل وخاصه العراقيين بالحصول على عمل وهوايه عوائل عايشه على حقوقها بالمساعدات من الحكومة الامريكية ... فما من المعقول اني يجي واحد فايخ يريد يحرمهم منها... وماافتهمت قصدك شنو من هاي العبارة ((اذا هية على كد جيبك تستحق ومتستحق السفر فالمترجمين كلهم اذا تقارن اوضاعهم باوضاع الناس المحتاجة صدك يكون الترجم وضعة احسن)) ياريت توضحها ..لان اني كلامي بالتعليق الاول كان واضح..مدا افتي فتوة اني مو؟؟؟..ولعلمك المترجم وغيره الي عمل مع القوات الامريكية احق من اي شخص لانه بالفعل مهدد ومايختلق التهديد مو؟.
ولعلمك البرنامج وضع للناس الي تهددوا بالفعل والناس الي عندهم فعلا قضية وعملوا مع القوات الامريكية وخاطروا بحياتهم ؟ مو الي طفر من العراق لان عنده كم فلس ويخاف على نفسه وكان جلاد ومستفاد من النظام السابق... وربك الامريكان ناس حيل متساهلين ودينطون حق الهجرة واللجوء . زخايها ببالك اكو هوايه ناس وصلت لامريكا مامستحقه اللجوءوبعد سنة انكشفوا وصارت عليه شكاوي لانهم كانوا هم سبب بتهديد بعض العاملين في القوات الامريكية او كانوا جلادين بالنظام السابق انطردوا من امريكا وانسحبت الاقامة منهم واعادوهم للعراق .. ومع الاسف احنا دناكل بعضنا ومايهمنا بس مصلحتنا فقط وما اله اي علاقه بغيره من الفقير الي فعلا مهدد وماعنده امكانية ماديه حتى يتنازل عن حقوقه ك لاجيء ... ويجيك واحد فايخ وعنده فلوس يريد يتنازل عن حقوقه ويريد يسافر على حسابه وهوه كاعد بالدول المجاوره..برأيي افضله يبقى ببالدوله الي عايش بفلوسه شعنده مسافر لامريكا.. الدول المجاوره مناطق آمنه لعائلته ويكدر يعيش بيها بفلوسه ..وبالمناسبة الموقع هذا يقرأ بشكل يومي من قبل بعض افراد المنظمة ويطلعون عليه ... مع تحياتي
-
الاخ صالح
اني معاك 100 % حجيك جدا معقول وعلى الجرح والله مهددين ومنفصلين اني وزوجي كول واحد بمكان عايش وعلى هلوضعية صارلنه 5 سنوات واكو ناس نعرفهم حق معرفه لا الهم علاقة بالامريكان ولا اي شي مجرد خلق قصه وهميه خدعوا بيهه الناس وطلعو صارلهم اكثر من سنه واحنه باقين هسه ابو مهند اشتغل سنه ونص وياهم ومبطل صارله 5 سنوات وكاعد هسه لا شغل ولا عمل واني انفصلت من الوظيفه بسبب الانقطاع وهاي عايشين احنه على اهله واهلي يدزونه فلوس حتى ناكل ونوكل الجهال والله العظيم كولشي ما باقي بحالنه ومقدمين من ال 2008 على IOM بغداد وهسه قبل يوم يله قابلنه المقابله الاولى يعني هي هاي العداله اترك الجواب الكم واني جدا ممنونه منك اخ صالح ووياك هذا البرنامج خصص للي عملو مع الامريكان وضحو بحياتهم فعلا اكراما لهذي التضحية اعّد هذا البرنامج
-
...مدام وصلتم للنميمه الله يكون بعونا كلنا ....بس لاتنسوا الله معانا دائما وابد ماينسى عبده .....كلبوا وجهوكم مثل ;D ;D ;D ;D ;D ;D ;D وكولوا الحمدالله .
-
الحمد لله على اية حال
-
حبيبي اخ صالح والكلامك على راسي واحترمة اشد الاحترام واني مو بقصد خلق المشاكل خصوصا وية انسان مبين جدا محتر من خلال كلامك
بس مع ذلك اخي اني مختلف بالراي معاك بشي واحد اني من الي اشتغلو مع الامريكاان وبالسفارة ووزارة الدفاع والجيش والجي ار دي والار تي اي والله 4 سنوات وقدمت من 2007 من خارج العراق على السفر ورة مطلعت ووافقو المحلفين وصار 3 سنين او اربع انتظر الموافقة الامنية وماكو واكو ناس دا اشوفهم انكس من الي انت دتحجي عليهم ومرتاحين ومليانين وديسافرون والله العظيم افرحلهم مثل ما افرح لنفسي يعني كل واحد يريد يسافر بالطريقة الي تعجبة ميأثر علية وللعلم 90 الى 95 بالمية من الي سافرو من اليو ان والاي او ام والاس اي في قصصهم ملفقة والله والله والله هوة الجذب المصفط احسن من الصدق المخربط بس عاشت ايدهم والف عافية عليهم وبالخير وبالبركة والسبع منهم يعلك بالسكلة ركي نجي هسة احنة نكله انت ليش تطلع وخلي مجال لغيرك ليش شنو احنة من فلوسنة دنطلعهم خليهم وبالعافية على الي يستفاد وربك يسوي ما بيه الخير للجميع
وبعدين رحمة لابوك انت وام مهند وكل المنتدى الي مجلبين احنة الي اشتغلنة ويه الامريكان واحنة المهددين عمي يا مهددين يا امريكان اتذكر اني بديت اشتغل بال 2004 واربعة جان الي يشتغل وية الامريكان هذف متحرك للكل صحيح حتة طلعت هاي النكتة كردي مر من يم جماعة ديذبحون طلي كاهم هاي شنو لازم الاخ مترجم اي صح بس رحمة لوالديك من ال 2006 من الشعب الذكي فرهة سنة وشيعة مو كمنة نمشي بطولنة ومحد يحجي ويانا اقصد احنة الي نشتغل بالمنطقة الخضراء جان السرة مال معلق والقران يطول سلعة وساعتين ليش فد يوم صار انفجار فد يوم احد تقربلة ابد هية افترت السني بمطقتة مرتاح والشيعي بمنطقته مرتاك وروح لو تشتغل بالدعارة محد يحجي وياك المهم تصير مو ضد الربع الي يمك ومن ذاك اليوم لهذا اليوم يا تهديد يا مهددين شو دنمشي بطولنة الف الحمد لله والدنيا كلهة تدري بينة وين جنة نشتغل وعادي الموضوع لامشاكل ولا كلشي
بس انت كول هية فرصة واحنة نتمنة ان نكون النه حض بيهة ونغتنمها حتة نخلص من بلد الشر وبلد الحقد هذا ومن العالم الاغريبة الي عافت المحتل على كولتهم وافترت على ولد البلد سنة وشيعة ههههه والله احنة نضحك والله شعب يضحك ويموت من الضحك والي عندة فلوس لو ماعندة ويكدر يخلص من العراق فالله كاتبلة عمر جديد لو يروح لموزمبيق
والحمد لله والشكر على كل وانشاء الله الموفقية للجميع من الله
-
لا والله مسامع
-
لا ماكو هيجي شي,,اني سالت الاي او ام بنفسي و كالو لا ميصير :-\
-
الاخ يزار
حجيك الي دتحجي واني احترمه واقدره بس هذا الكلام يمكن دينطبق عليك وعلى كم واحد بس ما ينطبق على الكل اكو هواي ناس متبهذلين وعايشين على الهاوية واني حجيتلك قصتي مثل ما هي وما الي اي مصلحة بيهه وماكو داعي اكذب ولا طالبه من اي واحد يساعدني بأي شي بس حالتنه ما تتسولف بيتنه خرب وعايشين على الصدقات واكو هواي مثلنه يعدي هذا البرنامج IOM خاص للي اشتغلو مع الامريكان فقط فقط فقط ما يصير نبرر ونكول الي بي حظ يجذب ويسفط حتى يطلع والجذب المسقط الى اخره ما يصير نبرر الجذب .......الجذب خطأ وحرام وعيب وخصوصا بهيج قضايا لان دياخذ حق غيره ناس فعلا مهدده وتعبانه وحتى مدت ايدهه للاصدقاء والاقارب وناس مرتاحيين يجذبون ويلفون ويدورون وياخذون حق غيرهم والله ما اعرف يا اخي ... والله العظيم اني قلبي يتقطع على الناس الي تهجرو وطلعو وتهددو على اساس طائفي ويا مكثرهم وهمه منو ؟؟؟ غير اقاربي واقاربك بس اكو طرق اخرى طلعو بيهه استقبلوهم السويد وبلجيكا وغيرهه بس يا اخي ويا عيوني هذا البرنامج مخصص الى فئة خاصه رجاءا لا نخبط الاوراق وما يصير نشجع على هذا الشي الي يجذب والي يحتال والي يلف ويدور نكول عليه بي حظ .... والله ما بي حظ وانسان مخطأ وتجاوز وتحايل على كول القوانين بس للأسف بالعراق الي يتصف بهيج مزايا نكول عليه رجال وبي حظ وسبع للأسف والله ....لا حول ولا قوه الا بالله
اختك ام مهند
-
السلام عليكم
المشكلة انتو مكبرين الموضوع زايد عن اللزوم و متخيلين المساعدات لو تنازلتوا عنها رح ينهجم بيتكم .. اني بالنسبة الي ما رح اعلق شي على هالشغلة بس ان شاء الله الكل توصل و تستلم هالمساعدات و رح تشفون انه هية كلشي ما رح تسد الك ولا رح تكدر تستفاد منها بشي مجرد تحصيل حاصل لان انت رح تكضي اول كم شهر تركض بين المنظمات حتى تخلص اوراقك فبالتالي هالمساعدات طايرة طايرة لان طول هالفترة انت بدون شغل
على العموم هذا مو موضوعنا .. بس بالنسبة الي اني اتمنى انه اكو هيج فرصة بس للاسف ماكو لان لسبب جدا بسيط احنا عايشين بالاردن و الكل يعرف الاردن شنو مصاريفها .. فاذا انت بالعراق عندك فرصة انه تشتغل حتى لو سايق تكسي فبالاردن انسة تحصل شغل و اذا اشتغلت باي مكان انسة تحصل الراتب او ممكن تحصل راتب الشهر الاول بعد اربع اشهر من الدوام لان الحجة الي الكل يستعملها انه ماكو وارد و ماكو فلوس
اني و العائلة مصرفنا بالاردن يعادل ضعف المساعدات الي رح ناخذها .. الاجار ادفعة هنا الاحسن ادفعة هناك و يجوز هناك بعد شهر ممكن احصل اي شغلة حتى لو كاشير او الم عربات من برة السوبر ماركتات او بمطعم ( و لتحلمون باكثر من هيج شغلات ) بس اضمن انه كل اسبوع او كل شهر اكو راتب و محد يكدر ياكل حقك
اتمنى تكون الفكرة وصلت و ربي يفرجها على الجميع .. بس احب انصح الي يفكر انه رح يروح لامريكا و يعتمد على هالكم الف دولار الي يسموها مساعدات و ماكو بجيبة ولا فلس الاحسن يبطل و يلكيلة شغلة بالعراق هواية اشرفلة لان الحياة هناك مو سهلة و خاصة اول ست اشهر
الله يفرج على الجميع و ان شاء الله السفر القريب للكل
كلام مضبوط 100% احسنت بنقل الواقع
-
شكرا اخ ستيف على هاي المشاركة الحلوه هو نمشي على المثل الي يكول شجابرك على المر غير الامر منّه
-
كلامك على الجرح يا اخ ستيف والله والله عايشين على الحافة .. بس المهم احنه عايشين ومحد ميفكر بالاكل .... احنه بس نريد نستقر يعني ما يصير هيج متزوجين وعدنه اطفال اثنين ومتزوجين صارلنه 8 سنين ...خمس سنين منهن احنه متفرقين عن بعضنه لاسباب امنيه يعني الى متى ... وشلون عيشه هاي؟؟؟ ومن نحجي تكول الاي او ام خاص للعراقيين الي مهددين فعلا وكانو يعملون مع الامريكان ... يطلعلك واحد يكول الك يا طويل الذراع وخلي الناس تجذب وتطلع او تلفق وتطلع .....والفقير اله الله ويطبه مرضين فوك مرضه نعم مثل ما كال الاخ صالح الانانية موجودة وللاسف موجوده بكثره
-
كلامك على الجرح يا اخ ستيف والله والله عايشين على الحافة .. بس المهم احنه عايشين ومحد ميفكر بالاكل .... احنه بس نريد نستقر يعني ما يصير هيج متزوجين وعدنه اطفال اثنين ومتزوجين صارلنه 8 سنين ...خمس سنين منهن احنه متفرقين عن بعضنه لاسباب امنيه يعني الى متى ... وشلون عيشه هاي؟؟؟ ومن نحجي تكول الاي او ام خاص للعراقيين الي مهددين فعلا وكانو يعملون مع الامريكان ... يطلعلك واحد يكول الك يا طويل الذراع وخلي الناس تجذب وتطلع او تلفق وتطلع .....والفقير اله الله ويطبه مرضين فوك مرضه نعم مثل ما كال الاخ صالح الانانية موجودة وللاسف موجوده بكثره
اختي ام مهند سلام عليكم
بالنسبة لبرنامج usrap اللي هو تابع الى iom المفروض يكون خاص بالمترجمين اللي حياتهم اصبحت دمار و في خطر
يعني هل من العدل المساواة في تسريع القضية بي المترجمين و بي الناس اللذين قدموا بواسطة اقربائهم في امريكا والله شنو في خطر؟
يعني مثل سالفة ابن عم الخياطة
انا لا امانع انهم يطلعون و يسافرون الف عافية عليهم
لكن المترجمين اهم
لانهم في خطر حقيقي
تحياتي
-
كلامك على الجرح يا اخ ستيف والله والله عايشين على الحافة .. بس المهم احنه عايشين ومحد ميفكر بالاكل .... احنه بس نريد نستقر يعني ما يصير هيج متزوجين وعدنه اطفال اثنين ومتزوجين صارلنه 8 سنين ...خمس سنين منهن احنه متفرقين عن بعضنه لاسباب امنيه يعني الى متى ... وشلون عيشه هاي؟؟؟ ومن نحجي تكول الاي او ام خاص للعراقيين الي مهددين فعلا وكانو يعملون مع الامريكان ... يطلعلك واحد يكول الك يا طويل الذراع وخلي الناس تجذب وتطلع او تلفق وتطلع .....والفقير اله الله ويطبه مرضين فوك مرضه نعم مثل ما كال الاخ صالح الانانية موجودة وللاسف موجوده بكثره
ههههههههه قسما بالله حتة ما اعرف شنو اجاوبج يا اختي العزيزة بس ما اعرف شنو الفايدة من تجريحج بالكلام وتكولين اكو ناس انانيين ؟؟؟؟؟؟
بس برأيي انه تخاطبين اليو ان وتكليلهم وقفوا برنامجك الي سفرتو بي نص العراقيين الي سافرو لان هواية اكو عراقيين انانيين سافرو عن طريق اليو ان وذولة ذبحهم حلال لان كلش انانيين والي اخو اخت ام مرتة اشتغل وية الامريكان شهر من حقه وحق امه وابو ان يسافرون ويخلصون من العراق مووووو المهم الي عملو مع الامريكان نطلعهم والباقين خلي يولون ويكعدون حتة لو بسبب الطائفية الي صارت بالعراق خسرو نص عوائلهم وخسرو اعضاء من جسمهم وخسرو كل الي يملكو هذولة الانانيين على قولج طبهم مرض ماكو اي داعي يزاحمونة احنة الي عملنة مع الامريكان واخذنة رواتب تسد عين الشمس وعملنة برضاتنة ولا احد ضربنة على ايدنة احنة لازم يطلعونة ويخلصونة من العراق لان احنة خوش ولد والباقين الهم الله مو بلة
حسبي الله ونعم الوكيل اختي ام مهند خاف صدك انتي مصدكة انه هذا البرنامج الامريكان سووا علمود سواد عيون الي اشتغلو وياهم ؟؟؟؟؟؟؟؟ هاي نكتة تدرين اللاجئين الايرانيين الي يدخلون امريكا في يومج هذا اضعاف اعداد اللاجئين العراقيين وتدرين من ال 90 لحد 2003 العراقي من يوصل امريكا ويريد لجوء يحصله بايام هية سياية البلد الي عنده وياهم مشاكل وعداوة يقبلون منة لاجئين حتة يعززون موقفهم ولو لا الضغط الدولي الكبير على الحكومة الامريكية بسبب الاوضاع الكسيفة الخايسة الي مر بيهة العراق بعد ال 2003 وربج لا احد يدخل امريكا ولا ابد لا الي عملو ولا غيرهم بس من الاحراج همة سووا هاي البرامج مال اليو ان والاي او ام والاس اي في وخصة الاس اي في لو لا هذا السيناتور كيندي مدري شسمة يكلب الدنيا بالبرلمان الامريكي والله مجان فتحو لو نموت
عمي هسة فرصة والانسان الذكي والفاهم يستغلهة باي طريقة كانت والانانية من الانسان يحب شي لنفسة وميريدة لغيرة مو من الانسان يريد الشي الزين كلة اله وللعلم قسما بالله العظيم وداعة جهالي اني مشتغل اكثر من سنتين ونص الى 4 سنين وية الامريكان بالمنطقة الخظراء ومنهن سنة بالسفارة الامريكية والسبب الي دا اكول بي هذا الكلام حتة لا تتخيلين انه اني دا ادافع عن الناس الي طلعوا بلا شغل وية الامريكان لان اني منهم والله اني مشتغل بس حرام اجي هسة اكول والله بس اني والي مثلي من حقنة نطلع والباقين خلي يكعدون ببغداد والهم الله شيصير بيهم خلي يصير
اسف اذا كان كلامي بي اي تجريح فوالله مو مقصود وانتي اخت عزيزة حالج حال اي اخ واخت بالمنتدى واشكرج لسعة صدرك[/size][/color]
-
لالالالا والله ما بي اي تجريح ورأيك على راسي والله هذا رأيك وانت حر بي واني مجان قصدي الاناني عليك والله لان بصراحه ما اتذكر شنو المناسبة الي اخذنه الكلام بيهه اني الي اقصده الاتي بس اسئلك سؤال همه منو الي انكتل لاسباب طائفيه غير اخويه واخوك هواي من اقاربنه ومن ضمنهم اختي تهجرت من كركوك وتهددو لانوا تركمان وغيرهم وغيرهم تأذو بس اكو طرق طلعو بيهه غير ال IOM يعني طلعو لجوء وما اعرف بالضبط شلون بس المهم طلعو اني الي جنت قاصدته انو هذا الربنامج خاص للي اشتغلو مع الامريكان اما التحايل والكذب والتزوير يبقى خطأ هذا الي اريد اوصله مهما كان هذا الشي ملح وضروري يبقى خطأ ويبقى خطأ وما يصير نتفاخر بي ونكول هذا سبع جذب وسافر وعاشت ايده او هذا زوّر وحصل لجوء وبي الف حظ يا اخي والله ما يصير هذا يبقى خطأ وحرام وممنوع سواء كانو عراقيين او غير عراقيين ما يصير نبررلهم من هذا المنتدى بس ملاحظة اذا امكن بس احجيلك تفاصيل بخصوص عين الشمس لان اني مسجلتهه زوجي اشتغل 16 شهر ... 9 اشهر راتبه 800 دولار يعني 7200 دولار و7 اشهر الثانيه راتبه 1200 يعني 8400 دولار يعني المجموع 15 الف دولار خلال 16 شهر خلي نكول معدل 1000 دولار بالشهر يا عين شمس سديناهه مو حرام هذا الحجي انت ما تعرف ضروفنه ولا عايش ويانه ولا حتى سامع بينه بس اسئلك سؤال لو انت متزوج ويكولولك راح ننطيك الف دولار بالشهر ولمدة 15 شهر ونريدك تترك زوجتك 5 سنوات وتبطل عمل وتنحرم من شوفة جهالك انت تقبل ارجو يا عزيزي ما تحجي حجي تشمل الجميع بيهه كول البعض منهم ..... هواي ناس متبهدله وتأذت وبصراحه ما حسبهه ابو مهند عدل وهي هاي النتيجة وارجو تتقبل مني رأيي لان رأيي ناتج عن ضروف قاسيه جدا وطالت سنين يجوز انت تذكرلي امثال عن ناس تهجرت بس اعذرني لان اني مريت وامر حاليا بالتهجير ولو كول واحد واسبابه بس فعلا الي يمر بضيق ما يفكر بغيره لان الي بي مكفي وارجو تتفهم وضعي اخ يزار وشكرا
-
السلام عليكم .. الاخ Stive_DN كلامك جدا منطقي وعاشت ايدك
الاخت ام مهند الله يكون بعونج ويارب تفرج عليكم
اخواني الموضوع بالبداية اكو ناس تريد تسافر لامريكا وتتنازل عن حقوقها وحتى تذاكر السفر وتكاليفه يكون على الاشخاص الطاكين اقروا الموضوع بالبداية فأني كان رأيي هذي انانيه مع احترامي للموقف والحاله لان هذا يعطي انطباع للمنظمة غير عن العراقيين لان اذا يريدون يحسبوها فالامر واضح... يعني حالته الماديه ممتازه وعايش بدوله مجاوره ويكدر يعيش لويش يزاحم الفقير الي حالته تعبانه ويريد يسافر لأمريكا لانها امله الوحيد ان بلم شمل عائلته لانه مهدد وكذلك يريد يعيش في استقرار وعمل بسيط يسد عيشته ويشوف اطفاله مستقبلهم كدامهم ..
سؤالي هل من العداله ان تتساوى الحالات .. بالعراقي او بالجلفي .. تتساوى الكرعه وام الشعر؟؟؟
-
يكولون اكو عائلة سافرت عن طريق سوريا وصار تسهيل بسفره لان كفيلهم اللي بأميركا وقع على اوراقهم ان العائلة تتحمل مصاريفة بأميركا وحتى تكت الطيارة عالعائلة لان يكولون اسباب التأخير بالسفر هي مادية . طيب يصير اناشد الهجرة واكوللهم اني اتحمل مسؤولية تكت طيارتي ومصاريفي بأميركا يعني ما اخذ من المنظمة شي ممكن يسهلون أمري لو متصير . ياريت تجاوبوني
ياريت اكو هيج برنامج كان هواية عوائل ارتاحت الله كريم
-
ما بقة شي لعد .... نتكفل بكولشي نتنازل عن المساعدات... والمصاريف كولهه علينه واجور الطياره هم عللينه يعني اذا عائلة 5 نفرات تدفع 8000 دولار يمعودين فدوه ونصعد بطياره 5 نجوم بس عايزة بعد ندفعلهم رشوه حتى يديرون بالهم علينه ويخلونه بولايه زينه وبسرعة.... واذا رشوه دسمة يخلوك تاخذ جناح بالبيت الابيض يمعودين والله لا تصدكون هذا الحجي والله ينعكس علينه وديتطلع صوتنه بالخالي بلاش والله الصغير والجبير بال IOM يعرفون كول الحجي الي ديصير بهذا المنتدى لان هذا المنتدى صار الى شهره بكول انحاء العالم والله رجاءا رجاءا خلي نطرح مواضيع تخدم ضروفنه وتقلل من معاناتنه الله يخليكم مع احترامي لكل المشاركين
-
السلام عليكم.. ام هند اني اول يوم نزل هذا الموضوع كتبت للمراقب ان يلغيه ويغلق الموضوع.. لكن مع الاسف ماكو احد ديسمع والمشكله يعني هاي فرصه للطاكين واصحاب الكروش والاموال الي بس الله يعلم منين جابوها ( برووس ولد الخايبه الفقراء) الي مديفكرون بالفقير.... وياريت تخلون بحساباتكم مثل ماكالت ام مهند الموقع يطلعون عليه من المنظمة وموقع معروف ومشهور وبلكي يعتبرون هذا الموضوع استفتاء حول قدرة العراقي على دفع التذاكر والاستغناء عن مساعدات المنظمه والمساعدات الحكومية.. واخيرا دعائي لله عز وجل ... اللهي اعطهم مايتمنون لنا .
-
السلام عليكم كلكم اهل المنتدى ورحمة الله وبركاته طبعا هذا الموضوع جابي الغصة من قريته غصيت ومتت بدمي اذا اكو هيجي كلام ليش هو الي يكدر على العيشة في بلد مجاور وعندة هذه المبالغ الي كاعد تذكرها الامهات من تحجي ام مهند وام مدري ياهيه وام تحسين عيني الف رحمة على والديكم اني حتى الرقم ما اكدر اكوله 8000 الاف دولار يعني هيج مبلغ ما شايفه وما كايله بلساني فياعيوني الي عنده حلكد خلي ايشوف شغلة يشتغل بيها بهاي الفلوس وليش امزاحم غيره بس هي هاي السالفة ديطلعون الي عنده ويبقون الي ماعنده والله بدون شقه تاجر عراقي خابروه على امريكا كللهك صدك جذب اني اروح مع الاسف كلوله لعد عيني غلقنه ملفك وبعد سنه قنعوه اصدقائه يابه دروح جرب شوف سافر انت وعائلتك وتعال كللهم يمعودين اني اخذ العائله وتعال للمقابلة وروح من المقابله بس هو راح يوم الثلاثاء كللهم يابه انتو خابرتوني على امريكا واني رفضت هسه اريدها بعد اسبوع خابروه ورة يومين قابل اول مقابله وراها بسرعة صاحوه على الثانية والثالثه وبعدها بسرعة محلفين وراها بيومين فحص وأخذ قبول من المقابلة الاولى للسفر ست اشهر سافر وصارله ثمانيه اشهر وراح يجي بشهر السادس مو عجيبه بس انكول الله كريم وكلنه ان شاء الله نسافر