ankawa
منتدى الهجرة واللجوء => الهجرة و واللاجئين => الموضوع حرر بواسطة: tuna في 09:49 25/05/2011
-
اخوان ما اعرف اشلون ابدي الموضوع لكن بكل امانه اعصابي تعبت (ناس اتكول امريكا جنت الله على الارض وناس اتكول امريكا جهنم ولحد يتورط ويروح واني دا اعيش في حاله من القلق ومن اختلاف الاراء واكيد هسة البعض ايكول هاي بطرانه وما عدها شي لا اخوان اني وزوجي وعائلتي مرينه بظروف كلش سيئه حيثذبولنه ورقة تهديد بها رساله تهديد وطلقات وطلعنه من بيت الي هوه عباره عن بيت جبير والمنطقة زينه خمس غرف نوم وثاث كامل بس بهدومنا واشياء بسيطه وانباع برخص التراب حيث ان افلوسه ما جابت غير شقة اصغير كاعدين بيها اني واطفالي وزوجي وامه واخو والسياره مالتنه وره فتره انفجرة وطلع منها زوجي سلامات والحمد لله وهواية مشاكل بس اني الحجي الي داسمعه امخبلني على ما كو شغل في امريكا والعيشة كلش غالية وهذا الشي تعب اعصابي اني بصراحه لان عندي اطفال دا اخاف لان مثل ما كتلكم وره التهديد وانفجار بد زوجي من جديد وكدرنه هسه يله اشويه انشيل روحنه وما اعرف بعد شكول بس حبيت اسئلكم
-
بس انت على الوضع الي انت بيه امريكا زينه او مو زينه الخروج من العراق افضل الك وتوكلي على الله وقدمي على الهجره
-
كل واحد يتكلم عن وضعه .....مثلا شخص مرتاح ماديا بالعراق وما مهدد وبين أهله وأحبابه ......سنحت له فرصة يروح لأمريكا يشوف الوضع شراح يلكي بأمريكا ....الحياة عبارة عن شغل متواصل من الصبح لليل وكله وكفة ماكو مكتب وإستكان شاي وسوالف .....ألخ
مثل هذا الشخص طبيعي يرجع للعراق.....
أما شخص الموت يحوم حوالييه لا ليله ليل ولانهاره نهار ...ماشايف بالعراق بس المر.....راح تكون أمريكا جنة بالنسبة إله
أخوية العزيز ....إنت يا واحد من ذولا ....قرر وباوع ليكدام وأمسح الباقي من راسك وتوكل علي الله وما يهمك حجي الناس
أهم شئ إنته شنو وضعك وشتريد
إحترامي
-
حبيبتي السلام عليكم
عمري اني اول ما طبيت للمنتدى هم طبيت بهذا السؤال حياتي بس الناس كلها والاراء كلها جانت تكول طلعوا وهمه ناس اصلا بامريكا حبيبتي نصيحتي الج انه تشجعين زوجج على الخروج من العراق مثل مدااسوي اني حاليا وكملو الاجراءات وطلعو يعني الوضع هنا يوم بعد يوم ديصير اسوأ وماكو اي تغيير وهناك جربو اذا ماعجبكم الوضع سنه ورجعوا بس حبيبتي نصيحة خليكي متفائلة بالروحة حتى تقاومون الصعوبات لأن اذا رحتو وانتو بنفسيه تعبانه طبعا حتصير صعبه ومحد يكول الغربة سهله والله يوفقكم
تقبلي تحياتي
-
اختي تونة.. اني ما الومج كلامج صح و حقج تخافين.. بس اريد اكلج شغله.. اذا رحتي لامريكا و عشتي انتي و جهالك و رجلج بشقه.. هم راح يجي واحد وسخ يهددكم و يكولكم طلعوا لو نقتلكم؟؟ هم راح تعيشون بقلق و خوف و رعب.. هم فلوسكم و تعبكم و حلالكم يروح من ورة ناس حثالة ما يسوون شي.. باميركا حتى لو اشتغلتوا شغل بسيط... بس راح تعيشون عيشة كريمة حقوقج و حقوق عائلتج محفوظة اطفالج احسن تعليم و اكلهم و شربهم و كل مستلزماتهم على الحكومة.. مو حكومتج العراقية انما الحكومة الامريكية هي الي تتكفل بيكم.. يعني تتوقعين حتكون العيشة بالعراق احسن من هاي الفرصة؟؟ ثم شي ثاني.. انتي متحملة هالظروف الصعبه و تعبتوا و بديتوا من الصفر ورة ما راح كلشي علمود من هالتعب؟؟ مو علمود اطفالكم؟؟ نفس الشي روحي لامريكا و تعبوا فد سنتين لحد ما تحصلون شهادات و وراها شوفي شون الامور تستعدل.. هواية عراقيين من الي طلعوا بال 2007 و 2008 هسة بدوا يشترون بيوت و يستقرون بحياتهم و الله وفقهم بالعافية عليهم.. هذا رائي طبعا و الموضوع يبقى يمج و يم عائلتج انتو تقررون.. موفقين ان شاء الله
-
اشكر الكل على الردود وانتو نعما الاخوان والاخوات الى واحد يستعين بيهم اني صح يجوز قلقي مو بمحله بس والله اني بس قلقي على اطفالي والظروف الصعبه متهمني اني وزوجي بدينه مو من الصفر يجوز اول زواجنه من تحت الصفر معنو اني من عائله حالته الماديه تعتبر زينه وجانو اهلي محارمبنه من اي شي وبدينه حياتنه اشويه اشويه بس زوجي سبع واشتغل وطور نفسه واتمكن من ان يتعلم اللغه الانكليزيه بدرجة ممتازه جدا وهو محاسب وامكانياته كلش قويه وقدم من العراق بالانترنيت على هوايه وظائف طالبين بيها محاسبين وجانو ينصلون بيه ويريدوه بس من ايعرفون ان جنسيته عراقي يكولوله احنا اسفين فهو يكلي اني ما اريد اطفالي يمرون بنفس الشي الي مريت بيه واشكر الكل على الاجابات والله يقدم الي بيه الخير للكل وانشاء الله ايوفق الكل بجاه كلمن اله جاه عنده
-
اختي تونه
انتي وحظج يمككن اموركم تتعدل ومتتخيلون الرزق منين يجيكم بامريكا
ويمكن تصير العكس .. ولاتسمعين بحجي الناس لان كل شخص وتجربته وهاذا لا يوخذ به كمصدر اساسي لحاله جميع الاجئين
والتوفيق من الله
-
في زمن من ازمان عنكاوه , من جان ينطرح هيجي موضوع تصير عركه ::) ::) ::)
بهذا الزمن يمكن مراح تصير عركه اعتقد >:( >:(
-
اطلعوا ....ترة راح اسوي عركة >:( >:( >:(
وارجع واكول .....ودمتم للنضال
-
اختي ساحاول الخصها لك ببضعه كلمات الحياه في امريكا سهله امان اكثر ونظام ومستقبل للاطفال
وحقوق محفوظه السلبيات غربه ,الحياه روتينيه ,والعمل متعب ,واليوم عباره عن بضع ساعات
ونقطه مهمه اود ان اشر اليها وهي العمل .. العمل .. ثم العمل فلعمل ديمومه لما ذكرته
من ايجابيات وبفقدانه امريكا متسوى (نكله) وتصبح جحيم
-
اشكركمرفاقي في النضال من اجل العبور تذكرون احجاية صدام ذبحني بالعبور وجنت ولحد الان اموت واعرف وين نعبر عليكم الله اذا اتعرفون كولولي :D :D
-
يعني شمتكون امريكا ميصير الي صار الكم بالعراق
وثاني شي انتي لتفكرين بنفسج وبس فكري بولدج ومستقبلهم
خلي نحجي بصراحه
دراسه هناك لو دراسه الدول العربيه ؟
احترام هناك وتقدير الطفل لو ضربه بالمدارس العربية
راتب هناك لحد عمر 18 سنه لو كلشي ماكو بالدول العربية
مستقبل وجنسيه وشهاده تخبل لو غرامات واقامه ماكو واذا اكو فه مؤقته او بفلوس ومن حقهم باي وكت يطلعون الشخص
زين هسه مثل انتي افرضي بالبلد الي عايشه بي كلولج طلعي وين تروحين ؟
للعراق يعني ترجعين لنفس الوضع التعبان
روحي الامريكا تحملي كل الحياة الصعبه الى ان تحصلين على الاقل اقامه
ومنا لمن تحصلين الاقامه ان شاء الله تتاقلمين على الوضع وتشتغلون وتشوفون جالهم
متونسين بالمدارس
مراح تفكرون ترجعون اصلا