ankawa
منتدى الهجرة واللجوء => الهجرة و واللاجئين => الموضوع حرر بواسطة: مظلومه سوادي في 18:54 30/05/2011
-
خواني خواتي
انه خويتكم مظلومه سوادي اكتشفت اكتشاف موطبيعي
يحدث فقط في مكتب اليوان في ماليزيا
بصراحه انصدمت وحبيت اتاكد وفعلا اتاكدت
الشخص بكل الدول من يقدم على لجوء اول شي يحولون ملفه لامريكا
ووره مايخلص الاجراءات من الفحص ومقابلة المحلف الى اخره تطلع النتيجه لوينقبل لوترفضه امريكا
اذا انقبل يروح الله وياه لامريكا
بس اذا انرفض يتحول فايله للسفاره الكنديه اوغيرها
بماليزيا الموضوع يختلف تماما
فرضا وصلت لمرحلة الامنيه ومااجتي الامنيه بل اجه رفض
بهالحاله مايتحولالملف الى اي سفاره ويسقط حقك باللجوء من ماليزيا
هذا الحجي صار ويه عوائل صارلهه سنتين متوطنه على اميركا وهسه اجاهم رفض
ومن راحوا لمكتب اليوان كالولهم ناسف
ماعدنه شي اسمه تحويل الملف لدوله اخرى عند رفض اميركا للشخص
ونحن ننصحكم باللجوء الى دول الجوار والتقديم من جديد
مع تحياتي
-
للرفـــــــــــــــــــــــــــع
-
شكرا اخت مظلومة وان اشالله نسمع يوم سفرج وتخلصيــــــــــــــــــــــــن
ابو محمد
-
حبيبتي مظلومة هذا الشي جديد صاير صارله تقريباشهر ونص من بلشو بي ومو بس بماليزيا بكل مكان بي يو ان تقريبا احنا وره امريكا ب3سنين تحولنا على كندا وبنص الطريق گالونا خلص بعد غلقنا ملفكم مالكم حق بلتوطين واعرف كومة ناس نفس الحاله يعني ديسدوها بوجه الناس وحتى اكو ناس صار 4سنين تنتظر وغلقوهم على غفله وهمة بلحمايه بعدهم ممتحولين لاي بلد
-
تحية طيبة للجميع..والله مظلومة حبيبتي دخنا و ما نعرف شنو نصدك ؟؟ ??? كل يوم مكتب ماليزيا طالعين بخبر شكل.مرة يبدلون مهاجرين ويه استراليا مره رفض مرة ماكو توطين؟؟
زين عيني مظلومة انتي مو رفضتي امريكا اول شي و حولوج لاستراليا؟؟؟ لو هذا الخبر للمعاملات الجديدة..
وشكرا
اختكم
عفراء من ماليزيا الخضراء :(
-
هاي شنو مو جنت بليو ان قبل يومين شو مكالت الموظفه واني مرفوضه من امريكا؟
-
الله يكون بالعون !!!
اني الي سامعه انه اذا الرفض من الوفد الامريكي مباشرة فيتحول الملف الى بلد ثاني بس اذا الرفض امني فالملف مايتحول
طبعا هذه المعلومة عرفتها من المنتدى من احد الاخوان واتمنى تكون خاطئة لانه بيها ظلم لكثير من الناس
وانشالله التوفيق للجميع