ankawa
منتدى الهجرة واللجوء => الهجرة و واللاجئين => الموضوع حرر بواسطة: ساحر بغداد في 00:31 31/05/2011
-
السلام عليكم اخواني جميعآ
_
اني كتبت رد في احد المواضيع اشير فيه الى ماسوف اكتبه في هذا الموضوع وارتأيت ان اكتب بموضوع مستقل ليستفيد الجميع وارفع معنويات من دخلو في الأحباط عندما سمعو ان السفر يبدء في شهر السابع وليس السادس..
وانا بالفعل سمعت وقرأت من الكثير ان ذروة السفر الحقيقي تبدء في شهر السابع
ولكن هل هذا سوف يحبطنا ويزعجنا
بالتأكيد لا
لأن مادام ان السفر في شهر السابع اذآ اعطاء مواعيد السفر سوف تكون في شهر السادس وبهذا نستطيع القول ان شهر السادس هو ابو البشائر وابو مواعيد السفر وابو الغيرة هههههههه لأن من شهر السادس راح تبدء بداية النهاية مع المعاناة والأنتظار
وانا بنظري الشخصي ان خبر موعد السفر هو احلى من السفر نفسه لعدة اسباب ومنهن
اولآ:: نهاية التفكير بالرفض والخوف من نتيجة الأمنية التي قد تكون نتائجها ظالمة للكثيرين/ يعني راح نضمن ان امنيتنة نظيفة وماكو اشكالات وسفرنا صار اكيد حتى لو اجلونا وموضوع التأجيلات شيئ شبه مستحيل لأن همة يريدون تعديل الحال والتراكمات التي حصلت بسبب التأجيلات السابقة لمواعيد السفر"
ثانيآ:: سوف يكون خبر اعطاء موعد السفر هو نهاية المعاناة ورجوع العقل لوضعه الطبيعي وبدء الترتيب للمستقبل لأن في لحظة اعطاء موعد سفر سوف تنفجر طموحاتنا ونبدء بالتخطيط لمستقبلنا وسوف نرجع في مراجعة اهدافنا من السفر التي انستنياها ايام الأنتظار الطويلة
بأختصار::: ان انعطافة حياتنا سوف تبدء لحظة استلام موعد السفر بل ان الهوم سك سوف يبدء من تلك اللحظة// انشاء الله جميعنا نسافر ونخلص من تعب الأنتظار وتعب التفكير
_
طبعآ اكو موضوع قالت فيه الأخت انجي انها سألت منظمة في امريكا وقالو لها سوف تبدء الرحلات بذروتها في شهر السابع وكلامها وكلام المنظمة صح وهذا الأن يبين لنا ان استلام المواعيد بالتأكيد سوف تكون في شهر السادس/ انشااااااااء الله
عمي والله اني اقبل يكون موعد سفري في شهر العاشر بس خلي ينطوني الموعد من الأن والله موبس اقبل اكون ممنون لهم ههههههههههههه
_
_
تحياتي للجميع
-
الله يسمع منك .......... لانه الشهور صارت علينه مثل الدقايق.......... السابع السابع راح يجي السادس ونشوف ينطون مواعيد سفر وشكيد يريدون يسفرون واحنا لا واحد ولا اثنين.
الله كريم.
مشكور حبي
-
السلام عليكم
صح كلش هذا الكلام وصاير وياية على شهر تموز
-
اقبل اذا ينطوني الموعد السنة الجاية بس خل ينطوني :-\
-
الله يسمع منك .......... لانه الشهور صارت علينه مثل الدقايق.......... السابع السابع راح يجي السادس ونشوف ينطون مواعيد سفر وشكيد يريدون يسفرون واحنا لا واحد ولا اثنين.
الله كريم.
مشكور حبي
_
اهلآ اخي العزيز
تعقيبآ على كلامك/ هو اكيد ماراح يطلعون الكل بشهر واحد او شهرين ولكن راح يتجدد بينا الأمل من جديد ونكون بحال افظل من حالنا بالأشهر الماضية الي ماشفنه منها شي بس ضالين نتصفن بالمنتدى وكلشي ماكو
انته تدري كنا كل اسبوع في سنة 2010 نودع مجموعة اصدقاء من المنتدى والله كنت مااحس بالأيام لأن كنت عايش على امل يوصلني السرة بس من نامة علينة طابوكة 2011 تعبت حيل من التفكير وتحطم الأمل وانهيار كامل بكل عقلي بسبب توقف السفر// ولكن اذا عاد السفر ونرى ايادي السفر بدئت تطال اعضاء المنتدى كل اسبوع فبالتأكيد راح يرجع بينة الأمل من جديد ونبدء ننتظر سرانة وتكون لأيامنا قيمة احسن من عاصفة الأحباط السابقة التي جعلتنا لانهتم للأيام ونحسب لأنفسنا انتظار اشهر وسنين بسبب ركود السفر/
يلا تأمل الخير وانشاء الله نفرح بموعد سفرك خلال شهر السادس انشاء اللهالله يسمع منك .......... لانه الشهور صارت علينه مثل الدقايق.......... السابع السابع راح يجي السادس ونشوف ينطون مواعيد سفر وشكيد يريدون يسفرون واحنا لا واحد ولا اثنين.
الله كريم.
مشكور حبي
-
الله وكيلكم يجي السادس ويجي السابع والثامن والتاسع وتخلص السنة واحنة كل شهر نكول شهر اليجي وكلشي ماكو !!!!! مو صارلنة 7 شهور نراوح بمكانة وماكو لا سفر ولا بطيخ ..
-
السادس او السابع اي شهر بس خلي نخلص كلشي منريد
-
حلو خوش خبر انشالله يكون الصحيح تسلم على النقل
تحياتي
-
حبيبي ساحر بغداد ولك ولاخواني بمثل مادعوت لي .............. بارك الله بك.
ولي بيك بيه وبكل اخوانا ............. والله تعبنا .............. بس نطلب من الله اليسر بعد العسر والفرج بعد الكرب.
وسامحني اذا كان في كلماتي شي ازعجك.
حبيبي وتاج راسي.
اخوك عراقي كرادي
-
انشاءالله اخي ساحر ربي يفرجها عليكم كلكم بهاي الاشهر تسافرون وتستقرون ويرتاح بالكم من هم المقابلات والانتظار
والقلق والتفكير بمصيركم ربي يصبركم ويكون صبركم على خير
-
شهر السابع لو بعد سنه هاي هيه مادام عبرت الفورث اوف جولاي ماريد ارروح :'( :'( :'( :'( :'( :'( :'( :'(
-
زين والمؤجلين على يا شهر بالظبط :'( :'( :'( :'( :'( مو حمظنا
-
ان شاء الله والله يسمع من حلكك يكون الشهر السابع شهر البشائر لان والله ملينه من الصبر ومن الانتظار وحتى نفسيتنه تعبت وصار اتاثر علينه اني واحد ن الناس صار عندي توتر بالاعصاب يعني كمت ماتحمل كولشي الله يخلصنه من هذا الشي وتجينه الامنيه المحترم وينطونه مواعيد السفر ايباخخخخخخ والله حلم استلم خط الرحله بس وداعتكم كوله تصير سوالف بس نوصل لارض الاحلام اخوكم الهموندي عمان
-
سلام ومحبة للجميع
بس اريد اعرف عليش مستعجلين ؟؟؟؟؟؟؟؟؟؟
مو السادس السابع موالسابع الثامن موالثامن التاسع --------------
تنقضي وصير سوالف مثل عمرنا انكضا كله بس انتضار وسوالف وياريت سوالف عدلة
اذا ما بس كلها حروب وحصار وعازة
ننتضر الحرب يمتا تخلص والحصار اشوكت ينتهي وباقي المصايب انتو ادرة بيها ماحاجة انكولها
ضلت على هذا الانتضار هم يخلص ويبدي بعد انتضارات اخرى هاي اذا اذا اذا سافرنة
انتضار تعلم لغة
انتضار تأقلم مع الحياة الجديدة
انتضار الحصول على عمل في الدرك الاسفل من الاعمال
انتضار----------------
انتضار-------------انتضار--------انتضار----
اجوكم لحد اقول عني متشائم والدليل
ههههههههههه شوفو عدضحك رغم كل شي
والله اكون ابعون الجميع آمين
-
والله خويي انت كلامك صح هاي حياتنا كلها انتظار في انتظار بس هم نبقى نكوووول اااالله كرررريم
لان ماعدنه غير رب العباد بهيج لحضات :( :-[
-
السلام عليكم ...
اني مخلص كلشي وية IOM من 26-10-2010 وكفيلي موقع اوراقي من شهر الواحد 2011 ... كلت خلي اتحارش بالمنظمة البارحة اشوف شكو ماكو خاف عندي موعد سفر بس ناسين ينطونيا ;D ... دزيتلهم ايميل كتلهم " ها شكو ماكو شلونكم شخباركم اني ابديت" كالولي " انتضر الامنية ولا تدوخنة" ... ههههههه
RED HAT