ankawa
منتدى الهجرة واللجوء => الهجرة و واللاجئين => الموضوع حرر بواسطة: رعدالعربي في 19:39 01/06/2011
-
شباب الي عنده معلومات عن المانيا عن طريق القجغ الصراحه ماخفيكم الامر اني اهنا بتركيا صارلي سنه ونص ومقدم على اليوان وجاني رفض فحاير اطلع قجغ لو انتضر على مايحولوني على غير دوله هاي اذا حولوني لئن اعرف جماعه اهنا صارالهم 4سنوات وشويه وبعد مامحولين ملفهم فاريد اسمع ارائكم وشكرا......
-
والله يا اخي المانيا من الصعب جدا تنطيك اقامة وبعد مرور سنين لو تحصل اقامة لو تركب طيارة وترجع
اذا تريد حاليا بلجيكا وفنلندا مفتوح بيها اللجوء والله اعلم
وان شاءالله يتسهل امرك
-
مثل متفضل الاخ نيفر فورگيت توجه اما لفنلندا اوبلجيكا لان المانيا بس للاقليات صايره
-
مرحبا اخوان
اني مقيم بالمانيا وكتبت موضوع سفر بالمانيا او وضحت حتى قيمة المساعدات فيها
المانيا متفيد فقط لللاقليات المسيحيين والصابئة فقط
-
بلجيكا وفنلندا واذا عندك فلوس سوي كفالة كنائسية او خماسية لكندا
-
بصراحه كلام الاخ زيد الالماني صحيح
اخويه هي شغله حظ وداعتك
وهم تنتظر سنه بالكمب اقل شي لحد ما يجي الك الجواب
يكلك اني حضي اسود بس بالركي ابيض ;D ;D
-
اخي المانيا متفيدك
لانه الكهرباء ساعتين بساعتين
البك ياكلك اكل بالليل
الجو حار 60 درجه مهههويه
الكارص شديد
شغل ماكو
كل 1200متر نقطة تفتيش
-
المانيا زينة تسال عنك
-
العنصرية بيها هواية
-
ما تفيدك
-
صار بيها كهرباء وبك وعنصريه يابه بس انريد نخلص من تركيا طلعت روحنا دنشتغل من الصبح الى الليل يوميه على هذا الحال حتى استراحه ماكو والله تعبت وارجو من الي عنده معلومات قويه لا يبخل بيها مو كلمن يحجي منعده وشكرا والله يوفق الجميع
-
كلمن يحجي من عنده شنو؟
عمي روح اسهل من المانيا ماكو
لاعنصريه ولا يرجعوك قسري
و اللجوء مفتوح بس كوللهم اني عراقي
يتلكوك بل الاحضان و كبل ينطوك لجوء بدون مقابله
بعد شتريد
-
اخوان اشو انت حيرتوا الولد ودوختوا
اخوية رعد خلي اكلك شي كل بالمنتدى دائما يكولون كل اناس وضروفة وهذا الشيء صدك يعني انت وضروفك اني اشعر بيك انت جاي تشعر بايام عمرك جاي تركض وانت ما متقدم ولا خطوة بحياتك بس شغل على كد العيشة وهذا مو حل صح لكن لازم انت تخلي ببالك شغلة اذا رحت وذبوك بالكمب وانطوك رفض وانت ما عندك احد يساعدك باي طرقة وضعك اشلو يصير حاول تفكر بالموضوع من كل الجوانب
تحياتي
-
عمي لا حيرنا الولد ولا دوخناه
هو يكول لحد يحجي بكيفه
كلناله ما تفيدك ماعجبه حرنا وياه و الله
نكله تفيدك هم مايعجبه
غير يفهمنا هو على شنو ناوي
-
حبي المانيا ناس حيل حقراء وميحبون الاجئين والي شعرهم اسود وميحجون وياك غير الالماني يعني انكليزي حتى لو يعرفون ميجاوبوك انسى والجنسية الا بعد اكثر من 8 سنوات ومركز اللجوء الي يخلوك بيه لازم متبعد عنه اكثر من 30 كيلومتر والمساعدات زفتيشن
واذا نطوك اقامة فتشوف نجوم الظهر يلة تلكالك بيت لان همة مالهم دخل ولازم انت تلكى البيت
خصم الحجي خلي تولي اكو دول احسن منها
-
زين اخوان اقرو هذا الموضوع ونطوني رايكم والله حيرا.......http://www.refugees.almorabit.com/index.php?option=com_content&view=article&id=149%3A2011-01-29-04-38-09&catid=93%3A2011-04-08-18-59-41&lang=en (http://www.refugees.almorabit.com/index.php?option=com_content&view=article&id=149%3A2011-01-29-04-38-09&catid=93%3A2011-04-08-18-59-41&lang=en)
-
المجموعة الاوروبية الحصول على إذن بالإقامة والعمل الدائمين في المانيا إلا في حالات استثنائية نادرة جدا. وقد كانت التأشيرة التي يمكن الحصول عليه من قبل الممثليات الالمانية في الخارج تمنح فقد لغرض الدراسة او العلاج او البحث العلمي او السياحة ولكن ليس للعمل والاقامة، ولهذا كانت مقيدة بفترة زمنية محدودة يمكن تجديدها اذا توفرت اسباب مقنعة لذلك. ويرجع ذلك الى قانون وقف استقدام العمالة الاجنبية الذي اصدرته الحكومة الألمانية عام 1973 وكذلك الى ارتفاع مستوى البطالة.
اما القانون الجديد فقد حمل في طياته تغييرا جذريا في قوانين العمل والاقامة اهمها تحول المانيا الى بلد للهجرة المنظمة والمقننة اسوة بالولايات المتحدة وكندا واستراليا وإن كان ذلك باعداد اقل وبشكل اكثر صرامة من تلك الدول. ويمكن تلخيص تعليمات الهجرة والاقامة حسب القانون الجديد بالتالي.
1. أشكال الإقامة:
الغاء جميع اشكال الاقامة السابقة وابدالها بشكلين فقط هما:
الإقامة المؤقتة Befristete Aufenthaltserlaubnis
الإقامة الدائمة Unbefristete Niederlassungserlaubnis
ولكن في كلا الحالتين يتطلب دخول البلاد لأول مرة الحصول على "تأشيرة دخول" يمكن ان تتحول لاحقا الى إقامة مؤقتة او دائمة وفقا لشروط محددة.
2. الإقامة بغرض الدراسة
يمنح إذن الإقامة المؤقتة وفقا لاغراض الإقامة المحتملة التي اشار اليها القانون وهي الدراسة والعمل واسباب تتعلق بالقانون الدولي واخرى سياسية وانسانية وعائلية. أما الإذن بالإقامة الدائمة فيمنح للأجنبي الذي مضى على اقامته في المانيا خمسة اعوام ويفي بعدة شروط اهمها ضمان توفر اسباب المعيشة وعدم وجود سوابق جنائية والالمام الكافي باللغة الالمانية.
يمكن منح الاجانب إذن الإقامة القابل للتمديد بغرض الدراسة أو السعي اليها لدى جامعة او مؤسسة تعليمية شبيهة بذلك. كما يمكن بعد اتمام الدراسة بنجاح تمديد الإقامة لسنة اضافية حتى يتمكن الطالب الأجنبي من البحث عن عمل في نفس مجال دراسته.
ويمكن في حالات منفردة منح إذن الإقامة للاشتراك في دورات لغوية دون ارتباط ذلك بالتحضير للدراسة والتسجيل في جامعة معينة، كما يمكن شريطة موافقة الوكالة الاتحادية للعمل منح إذن بالإقامة بغرض القيام بالتدريب والتأهيل في احدى الشركات الألمانية.
3. الهجرة بغرض العمل
ابتداء من 2005.01.01 سوف يحل النظام الجديد القاضي بامكانية منح الأجانب إذنا بالإقامة والعمل معا محل النظام المعمول به في القانون السابق والذي كان يفصل بينهما. وهذا يعني ان الأجانب في داخل المانيا سيتعاملون في المستقبل مع جهة رسمية واحدة تتولى شؤون الإقامة والعمل معا، اما في الخارج فتقوم الممثليات الألمانية (السفارات والقنصليات) بهذه المهمة.
أما بالنسبة لذوي الكفاءات العالية فينص القانون على امكانية منحهم الإذن بالإقامة الدائمة كما بوسعهم ايضا الحصول على حق المواطنة كما يحق لذويهم الذين يلتحقون بهم منذ البداية او فيما بعد مزاولة العمل أيضاً.
Bildunterschrift: Großansicht des Bildes mit der Bildunterschrift: فرص جيدة للخريجين من ذوي الكفاءات العالية
والواضح ان قانون الهجرة يهدف من خلال ذلك الى كسب الأجانب الذين تخرجوا من الجامعات والمعاهد الالمانية كما يهدف الى الاستفادة من خبرات الجانب اسوة الولايات المتحدة الامريكية.
وينطبق الامر ذاته على اصحاب الأعمال الحرة حيث ينص القانون على اعطاء حق الإقامة لمن يستثمر مبلغ مليون يورو كحد ادنى ويوفر فرص عمل لعشرة اشخاص على الأقل. وفي حالة عدم توفر هذه الشروط بالكامل تدرس من حالة الى اخرى احتمالات وجود مصلحة المانية من نوع خاص او وجود انعكاسات على الوضع الإقتصادي او حالة الضمان التمويلي. وبالمقابل يظل الحظر ساريا على منح الاقامة لاشخاص من ذوي الكفاءات المتواضعة الا في حالات نادرة عندما تقتضي المصالح العليا ذلك.
ويعتبر الحصول على عقد عمل شرطا اساسيا للحصول على إذن بمزاولته بشكل يتماشى مع حاجات المجتمع الالماني ويراعي المعطيات القائمة في سوق العمل.
4. الهجرة لاسباب انسانية
وفقا لقانون الهجرة الجديد وتمشيا مع اللوائح والقوانيين المعمول بها في الاتحاد الاوروبي يمكن منح اللجوء في المانيا حتى في حالة عدم وجود اضطهاد وملاحقة للشخص في بلده الاصلي. فالقانون الجديد يعتبر الاضطهاد المرتبط بالجنس سببا وجيها لحصول الشخص على اللجوء.
Bildunterschrift: Großansicht des Bildes mit der Bildunterschrift: طالبو لجوء سياسي في دائرة الهجرة في مدينة هامبورغ
وعلاوة على ذلك يمنح طالبي اللجوء السياسي حرية السفر واللإنتقال والإقامة بين مختلف المقاطعات الالمانية كما يحق لابناء اللاجئين السياسيين الذين لم يتموا الرابعة عشرة من عمرهم حق الالتحاق بذويهم في المانيا.
5. جمع شمل العائلة
لم يطرأ على اللوائح السابقة الخاصة بجمع شمل العائلة والتحاق الأطفال بذويهم تعديلات جوهرية. فتوفر حق الاقامة والسكن المناسب يبقيان شرطان اساسيان لجمع شمل العائلة.
اما فيما يتعلق بالاعمار المطلوبة لالتحاق الأطفال بذويهم فيبقى شرط عدم تجاوز سن ال 16 عاما ساري المفعول مع الاشارة الى امكانية منح افراد الاسرة البالغين من العمر 16 الى 18 عاما امكانية الالتحاق بابويهم في الحالات المستعصية جدا او في حالة كون فرص اندماج العائلة في المجتمع الالماني جيدة.
6. الاندماج الاجتماعي
يحث قانون الهجرة الجديد لأول مرة الاجانب على ضرورة الالتحاق ببرامج ودورات خاصة لدفع وتنشيط عملية اندماج الاجانب في المجتمع الالماني من خلال الالتحاق بدورات تعلم اللغة الالمانية او بتلك التي تعرف بجوانب الحياة القانونية والثقافية في البلاد. اما في حالة عدم توفر القدرة لدى المهاجرين الجدد على التخاطب والتفاهم باللغة الالمانية فان القانون الجديد يلزمهم بالالتحاق بدورات تعلم تلك اللغة من اجل تسهيل اندماجهم في النسيج الجتماعي والاقتصادي للبلاد.
7. الابعاد من المانيا
يحدد القانون الجديد اسبابا عدة تؤدي الى ابعاد حتمي للأجانب من المانيا اهمها ارتكاب جنحة او جريمة استدعت الحكم لمدة ثلاث سنوات على الأقل. ومن ضمن الجنح المشار اليها في القانون الاتجار بالمخدرات والاخلال بالامن العام للبلاد وادخال اللأجانب الى البلاد على نحو مخالف للقوانين.
Bildunterschrift: Großansicht des Bildes mit der Bildunterschrift: السجن وارتكاب الجرائم سبب للابعاد من المانيا
ويتم الابعاد ايضا في حالة وجود ما يبرر الافتراض بكون الاجنبي ينتمي الى تنظيم ارهابي او يدعمه او يهدد النظام الاساسي المبني على الحرية والديمقراطية او يدعو علنا الى استخدام العنف او التهديد باستخدامه . كما يستدعي ابعاد كل اجنبي تثبت قيادته لاتحاد محظور مخالف للنظام الاساسي القائم على الحرية والديمقراطية في الدولة
الاتحاد الأوروبي يعتزم توحيد قوانين اللجوء بحلول 2012
يعتزم الاتحاد الأوروبي توحيد قوانين اللجوء السياسي في الدول الأعضاء بالاتحاد بحلول عام 2012 وذلك حسبما تخطط المفوضية الأوروبية.
ومن المنتظر أن يؤدي هذا التوحيد لبعض التخفيف في قوانين اللجوء الألمانية. ولكن من غير المحتمل أن يتم إلغاء اللائحة التي تسمح بترحيل اللاجئين (لأسباب وهمية) فورا في منطقة الترانزيت بالمطارات وذلك حسبما قالت متحدثة باسم المفوضية في تصريح لصحيفة "بيلد" الألمانية امس في بروكسل.
وتعتزم المفوضية عدم إجبار أي دولة من أعضاء الاتحاد الأوروبي على منح المتقدمين بطلب اللجوء الحق في الحصول على مساعدات اجتماعية.
وتقترح بروكسل إلى جانب توحيد مدة انتظار البت في طلب اللجوء منح حق الإقامة المؤقتة للقاصرين الذي تقدم أشقاؤهم بطلب اللجوء وليس فقط لأزواجهم كما هو المعمول به حاليا في ألمانيا على سبيل المثال.
وتقدمت المفوضية الأوروبية بهذه الاقتراحات عام 2008 وعام 2009 ولكنها لم تصبح سارية.
وسيتناقش وزراء العدل و الداخلية بالدول الأعضاء بالاتحاد الأوروبي بهذا الشأن خلال لقائهم المزمع الأسبوع المقبل في بروكسل.
-
اخويه انت حاول تطلع تهريب وين ماكان شلون ميكون احسن من تركيا والرجعه للعراق
-
اخوية دطلع على سويسرا عل اقل ما بيها ترجيع قسري واحنمال كبير تحصل لجوء انساني بس بحالة الانساني امتيازات قليلة لازم تعتمد على نفسك
-
اخي المانيا متفيدك
لانه الكهرباء ساعتين بساعتين
البك ياكلك اكل بالليل
الجو حار 60 درجه مهههويه
الكارص شديد
شغل ماكو
كل 1200متر نقطة تفتيش
لا ومو بس هيجي الماانيا بيهاا عجاات وبلحرر تصير طين لان التراب ينخبط فصدكني الماانيا متفيدك اخي و كل شوية تسمع صوت تصفيقااات من ورة البك
-
شكرا اخي فارس الغربه على هاي المعلومات القيمه وشكرااا للجميع صدكوني تعبت اهنا والله المستعان وللجميع التوفيق ???
-
يعني المانيا احسن من سويسرا وبلجيكا ؟ ;D ;D ;D ;D ;D ;Dhttp://[flash=200,200][color=maroon][/color][/flash]
-
اخي علي النعيمي ذكرت انه الدول اللي فاتحة لجوء هي بلجيكا وفنلندا واذا عندك فلوس سوي كفالة كنائسية او خماسية لكندا شنو يعني كفال خماسية وشكد تكلف فلوس وشلون اسويه