ankawa
منتدى الهجرة واللجوء => الهجرة و واللاجئين => الموضوع حرر بواسطة: nickazawee في 18:55 08/06/2011
-
السلام عليكم اليوم جنت يم المنظمه مالتي الي هيه الوورد ريليف وسالتهم على السبب الرئيسي من تاخير الفيز وكلتلهم انه اهلي مقابلين من نوفمبر 4 بسنة 2010 جاوبتني انه كل التاخير صاير من النظام الامني الجديد الي مسويته الهوملاند سيكيورتي والي يجيك الشخص واحد واحد ومن بداية تقديمه لاواراقه للحصول على الفيزا يعني بالمختصر عملية غربله للجميع لان مو كل الي يجون لامريكا " حسب قولها طبعا " ناس نظيفين ويستحقون العيش اهنا ... وسالتها ليش اكثر شي العوائل تتاخر والمثل موجود هو عائلتي ال صارلها 7 اشهر واكثر واكو ناس تستلم قبلهم كالتلي هذا الموضوع ما اكدر اجاوبك عليه لان مو شلي ..... عموما كان كل الي كالته مو مقنع حيل وبصراحه اني راح اروح لل uscis واخذ وياي ضابط صديقي مو من باب الواسطه لاكن المساعده الي وهو يفهم شلون يتصرف اهناك واعرف مني بامورهم وراح افهمكم شصار وياي انشاء الله .... على فكره كلولها على اساس بشهر السابع او الثامن او التاسع راح يجون لاجئين هوايه كالتلي ما معناه عدنه " ماكو هيجي بطه تلعب شناو " هههههههههههه وانه محد يعرف او يكدر يحدد اي مو عد لقدوم اللاجئين والميزانيه المخصصه حاليه مو مال اعداد عملاقه من اللاجئين ....
اسف على الاطاله وحبيت بس اكول الكم على الصار وياي والله الموفق للجميع
-
THANKS FOR THE TIP
-
مو هو هذا جان قصدي من كتبت موضوع للرد على الاخت ام توفي كلت المنضمات كلها ما تعرف الارقام الحقيقية للاجئين اللي رح يجون وحبيت اصحح المعلومة بس بالمقابل الناس ضاجت من ردي هذا لا لا وفوكاها انمسح الموضوع ما اعرف ليش الحقيقة مؤلمة تحياتي للجميع
-
شكرا على نقل المعلومات ...........
الله كريم.
-
مو هو هذا جان قصدي من كتبت موضوع للرد على الاخت ام توفي كلت المنضمات كلها ما تعرف الارقام الحقيقية للاجئين اللي رح يجون وحبيت اصحح المعلومة بس بالمقابل الناس ضاجت من ردي هذا لا لا وفوكاها انمسح الموضوع ما اعرف ليش الحقيقة مؤلمة تحياتي للجميع
مرحبا ...عونك يارب .. شلونك اخوية العزيز؟ صديقي هي كلها مجرد نقاشات وتحليلات ماكو داعي احد يضوج من احد انما هي مجرد اختلاف في وجهات النظر اني وياك مية بالمية انه جماعة المنظمات اغلبهم مالهم علاقة بالموضوع وفهمهم على كدهم هاي حقيقة منتهين منها اتذكر قبل فد 8 أشهر اهلي اتصلوا باو المنظمة وكاللهم بالحرف الواحد راح اسعى قصارى جهدي ان اجيب ابنكم يمكم (قصدة اني) هذا الشهر بالزايد يعني ميعبر الشهر هههههههههه وبوقتها اني ضحكت على كلامة ولاازال ..
احنا كل اللي نقدر عليه هو مايلي:-
1- نقل المعلومة والتأكد من مصدرها قدر الامكان ان يكون موثوقا
2- تحليل المعلومة وتداول الاخبار وتبادل وجهات النظر
3-توقع كيف ستجري الامور في الايام والاشهر القادمة ولكن هذه تبقى تكهنات لااكثر
4- الدعاء والتضرع الى الباري عز وجل ان يفرجها على العراقيين الصابرين والمشتتين والمهددين .
وتقبلوا مروري
-
اخوية العزيز kunda اني اشكر ردك على كلامي اللة الشاهد اني من شفت الناس صار عدها هبوط بالمعنويات من سمعوا الارقام اللي ذكرتها ام توفي حبيت اطمن الناس انة هاي الارقام مو صحيحة لان اني صار اللي سنتين هنا بامريكا ولاية نورث كارولاينا وعندي اتصالات هواية بالمنضمات ما عدا اني اشتغلت مترجم في احدى المنضمات وعرفت طبيعة عملهم وشنو همة ملخص الحديث اخي همة اخر من يعلم وشكد رح يجون اس اي في وشكد لاجئين محد يعرفها بس اللة و uscis تحياتي