ankawa
منتدى الهجرة واللجوء => الهجرة و واللاجئين => الموضوع حرر بواسطة: dellearth في 23:11 08/06/2011
-
السلام عليكم
كيف يتم معادلة الشهادة في امريكا , حسب ما سمعنا امريكا متعترف بالشهادة العراقية الا بعد الاعتراف
-
الشهادة العراقية حسب معلوماتي متاكل هناك يعني الا تتعادل يله واكو فد نظام خاص للمعادلة بس معلوماتي قليلة علي انشاء الله يجون اهل امريكا وينطون الاجابة الوافية
تحياتي الك
-
اي والله جماعه امريكا نتمنى تفيدونا بالمعلومات يعني اني خريج هندسة شلون واحد يكدر يعادل الشهادة هناك ويشتغل بشهادته
-
حبيبي الغالي انا بامريكا صارلي سنه وجم شهر وانا مهندس ميكانيك وشهادتي من العراق.. هنا انت وحظك يعني ممكن تشتغل بشهادتك بدون ما تعادلها وممكن تعادل وما تشتغل يعني انا مثلا عادلت بس بعدني ما اشتغلت بيها لحد الان لانه انت تعرف بامريكا حاليا اكو ازمه اقتصاديه والشغل كلش صعب بس انا انصحك نصيحه وانصح كل الشباب انه الدراسه هنا اهم شي وممكن انت تعادل شهادتك عن طريق الجامعه وتدرس الباقي الي انت مادارسه بالعراق وبهيج حاله انت تعتبر خريج امريكا. اتمنى انه وضحتلك الصوره واذا عندك اي استفسار انا حاضر
-
كلام جميل وصحيح ...ممكن تشرح شلون عادلتهه اني ايضا مهندس كيمياويي وبكاليفونيا محتاج اعرف التفاصيل واكون ممنون منك
-
السلام عليكم ورحمة الله وبركاتة .. مشكور اخوية العزيز على هالموضوع والي صدك محتاجين لهواية اجوبة على تساؤلاتنه ... اكون جدا شاكرة وممنونة منك اخي لو توضحلي عن اسئلتي : احد ابنائي طبيب متخرج كيف تكون معادلة الشهادة له وما هي الاشياء المطلوبة منا تحضيرها والاوراق الرسمية لهذا الغرض من هنا ومن هناك . ولدي الاخر مرحلة ثالثة اسنان اي مايزال طالب .. هو الاخر حابة اعرف كل ماهو مطلوب مني وعندي طالب متوسطة ؟؟؟ ماهي الشهادات المطلوبة مني جلبها وترجمتها والتي تفيدني هناك في امريكا , لاني اسمع هنا ولكن بودي اعرف منك باعتبارك صاحب خبرة وعايش هناك .. ولو زحمة عليك اخوية العزيز تخدمني خدمةبهاي معلوماتك لان كلش دايخة بيها.....
-
السلام عليكم ورحمة الله وبركاتة .. مشكور اخوية العزيز على هالموضوع والي صدك محتاجين لهواية اجوبة على تساؤلاتنه ... اكون جدا شاكرة وممنونة منك اخي لو توضحلي عن اسئلتي : احد ابنائي طبيب متخرج كيف تكون معادلة الشهادة له وما هي الاشياء المطلوبة منا تحضيرها والاوراق الرسمية لهذا الغرض من هنا ومن هناك . ولدي الاخر مرحلة ثالثة اسنان اي مايزال طالب .. هو الاخر حابة اعرف كل ماهو مطلوب مني وعندي طالب متوسطة ؟؟؟ ماهي الشهادات المطلوبة مني جلبها وترجمتها والتي تفيدني هناك في امريكا , لاني اسمع هنا ولكن بودي اعرف منك باعتبارك صاحب خبرة وعايش هناك .. ولو زحمة عليك اخوية العزيز تخدمني خدمةبهاي معلوماتك لان كلش دايخة بيها.....
مساء الخير اختي العزيزة
بالنسبه للطبيب اكيد هو سامع عن معادلة الشهادة الامريكيه USMLE هو هذا امتحان كل الاطباء لازم يعبروه يلة يشتغلون بامريكا ولازم يحضرلة زين ويقراه هو 3 ستبات والكتب مالته موجودة بباب المعظم\ ولازم يحضر وثيقة التخرج مالته ويفضل يمتحن الامتحان الاول بعمان قبل لا يسافر لان امورة هواي تتسهل وشكرا
-
اخواني بالنيه للاطباء انا ماعندي علم ب كل الي اعرفه اكو امتحان لازم ينجح بيه الواحد حتى يشتغل وهو صعب لانه حب ما افتهمت انه النظام او الاسلوب يختلف عن دراسه الطب الي عدنا.
بالنسبه للمهندسين والاقسام الثانيه مثل ماكلت انه انت وحظك بس احسن طريقه تعادل عن طريق الجامعه يعني شلون؟؟؟ اكو شي امه ترانفير كردت يعني تقدم على الجامعه وتكللهم انه انت مخلص الكليه الفلانيه من الجامعه العراقيه وتنطيهم نسخه من الترنانسكريبت يعني مالت الدرجات وطبعا لاتزم تقدم اون لاين. اكو جامعات ماتحتاج بيها توفل تدرس الانكليزي بيها وقسم لازم تمتحن فمن تنجح راح لكليه تشوف انت شنو دارس وشنو مادارس الي دارسه خلص انتهى والي مادارسه تاخذه ومن تخلص تعتبر خريج هذيج الجامعه الامريكيه. هاي احسن طريقه للمعادله وعن طريقها تعتبر انت شخص مخلص من امريكا مو من العراق. واذا اكو اي اساله انا حاضر.
-
اخي الكريم زيد
السلام عليكم وعلى جميع الاخوان الكرام مثل ما اتفضلت حضرتك مشكور الطريقة الي تتعادل بيهه اقسام الهندسة. اني بكلوريوس علوم حاسبات اريد اعادل شهادتي شلون هم نفس الشي انطيهم وثيقة الدرجات؟
طيب يحقلي ادرس على حساب المنظمة؟ طيب اذا درست كورس اللغة و خلصت اكدر اقدم على جامعه الدراسة الي اختارهة؟؟؟ ارجو الاجابة مشكور
ومشكورين اخوان
اخوكم سمير العراقي
-
السلام عليكم ورحمة الله وبركاتة .. مشكور اخوية العزيز على هالموضوع والي صدك محتاجين لهواية اجوبة على تساؤلاتنه ... اكون جدا شاكرة وممنونة منك اخي لو توضحلي عن اسئلتي : احد ابنائي طبيب متخرج كيف تكون معادلة الشهادة له وما هي الاشياء المطلوبة منا تحضيرها والاوراق الرسمية لهذا الغرض من هنا ومن هناك . ولدي الاخر مرحلة ثالثة اسنان اي مايزال طالب .. هو الاخر حابة اعرف كل ماهو مطلوب مني وعندي طالب متوسطة ؟؟؟ ماهي الشهادات المطلوبة مني جلبها وترجمتها والتي تفيدني هناك في امريكا , لاني اسمع هنا ولكن بودي اعرف منك باعتبارك صاحب خبرة وعايش هناك .. ولو زحمة عليك اخوية العزيز تخدمني خدمةبهاي معلوماتك لان كلش دايخة بيها.....
الاخت الكريمة الطبيب شغلته اسهل من غيره نسبيا صحيح الطريق مو معبد لكن نتائجه مضمونة عالمدى البعيد ماكو طبيب بقى بلا شغل بامريكا
نصيحتي اذا ابنك خريج جديد معلوماته فريش خلي يبدي يقرا للامتحان يسموه USMLE وهو من 3 خطوات الاولى المواد الاساسية مال اول 3 سنوات طبية والثانية مال مواد سريرية يعني اطفال/باطنية/جراحة...الخ والثالث هذا عملي
الامتحانات الاولى والثانية موجودة بعمان اذا تحبون بس ترة الاكسباير للامتحان سنتين فقط فاذا موعد سفركم مو قريب وشغلتكم تتأخر مو من صالحه الامتحان بس لازم يقرا زين ويطلع سكورات زينة وراح يحتاج الوثيقة من الكلية وديروا بالكم يكون الاسم بيه اي اختلاف ترة يرجعوها عليكم وشغلتها صعبة
-
:Dالسلام عليكم حبيت اشارك وأسال بنفس الوقت أني خريج كليه ادراره واقتصاد /محاسبه بغداد زين شنيه الاوراق المطلوبه من عدنه نجيبه ويانه ولازم نصدقه من الخارجيه حتى نعادله او تفيدنه هناك ارجوا للي عنده معلومه يفيدنه وجزاكم كل الله خير وشكرا وتقبلوا مروري أخوكم الاعظمي /عمان