ankawa
منتدى الهجرة واللجوء => الهجرة و واللاجئين => الموضوع حرر بواسطة: samieraliraqi في 14:55 09/06/2011
-
اول شي شكرا لمرور كل الاعظاء الي مرو
باجر انشاء الله عندي فحص طبي اريد احد من الي يمرون بموضوعي ويعرفون شي عن موضوع الفحص الطبي يتكرم ويحجيلي شوية عنه
واكون ممنون منكم كلكم اخواني
اخوكم سمير العراقي
-
اقتباس
اول شي شكرا لمرور كل الاعظاء الي مرو
هما وينهم الاعضاء اللي مرو اخوي ...... هاي انته الفحص الطبي حيل امدوخك من هسه ;D ;D ;D
خويه ما يحتاج تسأل هيجي سؤال لان التوقيع مالتك هوا الجواب ;D ;D ;D ;D
الفحص الطبي عادي ويشمل اشعة الصدر وفحوصات الدم والسكر واذا كانت عندك عمليات جراحيه سابقه واذا عندك امراض معينه او مزمنه او تشكو من حاله مرضيه وفحص البدن بشكل عام وكلي وطبعا الفحص نفسه لكلا الجنسين ... وبشكل عام الفحص عادي وبسيط ...
بس دير بالك بالتشريح تره اسجاجينهم كلش حاده يعني لا تتحرك من يبدون التشريح ;D ;D ;D ;D
تحياتي
شمعه
-
موضوعك لو بالهجره احسن الك
لان كثير اعضاء راح يمروا هناك
-
اخوية على عينه وراسنه انساعدك بس غير تكول من يادولة انت مقدم لان كل دولة اجراءات طبيه شكل
بلتوفيق
-
شكرا شمعة بس انو اني جديد ولله هنا بلمنتدى فماعندي خلفية شلون ووين أسأل
اختي ماكنتوشة الغالية اني بلبنان وشكرا الكم اخواني
-
انشاء الله هسه يجون جماعه لبنان ويجاوبوك
-
اخويه العزيز
الظاهر اكو عندك خوف من موضوع الفحص الطبي ... واحب اطمئنك انه الفحص الطبي في كل الدول العربيه التي يتواجد فيها اللاجئين العراقيين هي تقريبا متشابهه وليست بينها فروقات كبيره ... وبشكل عام كما قلت لك الفحص الطبي يشمل :
اشعة الصدر - تحليل الدم - قياس الضغط - قياس السكر بالنسبة لمرضى السكر - قياس القلب لمرضى القلب .. ويسالوك اذا كنت تعاني من امراض معينه دائميه او وقتيه .. ويفحصوك اذا كان عندك لا سامح الله عوق معين .... ويسالوك اذا كنت مصاب لا سامح الله باحد الامراض الساريه او المعديه ... وفحص ظاهري عام للبدن والجسم بشكل كامل ... يعني بشكل عام الفحص طبيعي جدا وروتيني جدا ولا خوف منه ...
بالنسبه لفحص السيدات لما في ذلك السيدات الحوامل .. نفس الفحص والخطوات ... ومن حقك ان تطلب بالنسبه للسيدات ان يكون الفاحص دكتوره وليس دكتور وهذه ملاحظه لك لكي تعرفها .... وكل وقت الفحص لا بستغرق اكثر من 3 ساعات تقريبا ... بعدها سيتم ارسال نتيجة الفحص الى المنظمة ... وطبعا المنظمة تبلغك فيما بعد بوصول النتيجه ..
ملاحظة مهمه : بالنسبه للسيدات الحوامل اذا كان حملها قد دخل الشهر السابع لا يسمح لها بالسفر الا بعد الولاده للعلم ..
اي سؤال اخر انا حاضر ..
شمعه