ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 15:56 09/06/2011
-
الى جميع الاخوه والاخوات
مثل ماتعرفون وبدون شك ان الانتظار قاتل ومثل ماكال ابو المثل الوقت كالسيف ان لم تقطعه قطعك
يعني باختصار احنه قلوبنه مقطعه من الانتظار فخلي نسوي شي بأيام الانتظار يفيدنه بالغربة
اولا منخلي اليأس يقضي على امالنا خلي نكون اقوى منه ونقظي عليه
ثانيأ اكو كثير من عدنه ميتكلمون الانكليزيه بصوره صحيحه فبهذه المده خلي نتعلم كل يوم فد 3 كلمات وطريقة لفظهه راح تفيدنه كلش هواي
ثالثأ اللي يعرف انكليزي خلي يتطور اكثر حتى يكدر يشتغل بمكانات رسميه او شبه رسميه
رابعأ اللي يتكلم انكليزي وبروفشنال فخلي يدرس برامج الكومبيوتر حسب رغبته يعني يطور مهاراته بالكومبيوتر وكلما عرف برامج اكثر راح يزيد من فرصته نحو الافظل
خامسا يعني مابيهه شي اذا واحد بده يعلم زوجته واولاده على اللغه او يدخلهم معاهد تعليم اللغه صحيح اكو كورسات بعد السفر ومجانيه من قبل المنظمه بس وين واحد يروح يطكطك وين واحد يروح ولا طكه
والله ياجماعه ماكو شي افظل من ان الواحد ينسه يعد بايام الفيزا انشغلوا بغير شغلات وهيه وحدهه تجي وما تحسون نفسكم الا وانتم بالطيارة
احترامي للجميع
-
حياك الله حبي انت طلعت صدك .... كلش حباب خخخخخخ ::)
-
والله كلامك صحيح لازم الواحد يعيش حياته عادي
وهي اقصد الامنيه غصبن ما عليها تجي تجي واحنة وياها والزمن طويييييييييييل
-
والله عفيه عليك حمودي واكو شغلات هوايه بعد ماذكرتهه مثل مراجعة طبيب الاسنان والعيون لان هناك كلش غاليه وحته اذا تكدر تشتغل اي شغله بيهه مستقبل يعني تتعلمهه بالعراق يمكن تفيدك بامريكا يعني اني مفكر اروح يم واحد صاحبي فيتر حتى يعلمني على الشغلات البسيطه اتصور تبيديل دسكات ب 200$ حسب ماسمعت يعني الواحد كلما تعلم كلما زادت فرصته بالعمل المؤقت اما العمل الدائمي فخليهه على الله
احترامي
-
شكرا على هذا الموضوع الرائع
والله انه بديت اعلم زوجتي انكليزي وابني عمره سنتين بده يكول this ههههههه والله صدك
-
many thanks
-
عاشت اديكم اخوان بس اللي دا أشوفه اكو 100 قراءه و بس 5 ردود يعني معقوله انه 5% متفائلين و 95% يائسين والله مدا اصدك ليش اخوان تره الله كريم وان شاء الله السفر العاجل ومدة الانتظار سووهه مثل الاحماء لان الحياة طويله وعمركم طويل ان شاء الله. يعني لعبة كرة القدم مثلا 90 دقيقه ويتم التحضير الهه قبل اشهر او خلي نكول اللاعب الجاهز يسوي احماء قبل ربع ساعة يعني النسبه 1/6 وانتم بعد بكيفكم شلون تسوون المعادله بالنسبه لخوض مباراة طويله بالغربه
اتمنى ان ما اكون ازعجتكم بس اني كلش فرحان بالاخوه الخمسه اللي وصل صوتي الهم واتفقوا وياي
احترامي للجميع
-
حبيبي موضوعك كلش حلو ياكلش حباب
والله هواي شغلات لازم يسويها قبل السفر مثل مراجعت دكتور الاسنان لان بامريكا غالي عدهم حسب الي فهمته من الاخوان
وبعد هواي شغلات
-
صديقنا وزميلنا كلش حباب أنت طلعت كلش كلش كلش حباب ولاتعني قلة الردود انه موضوعك غير بناء بقدر مايعني وجود قليل من الاحراج يعني مثل ماكنا بالاعدادية ومن نجحنا من الخامس للسادس كانو ينصحونا انه نقرا للسادس بالعطلة بس القلة القليلة اللي سووها !! ومثل متعرف ايام زمان كنا نعتمد على شرح الاستاذ ومحد يستغل وقت فراغه بأشياء مفيدة مثل متفضلت وجاوبني بصراحة انت شتسوي بوقت الفراغ ؟ وهو كلشئ بالتوفيق وانشاءالله التوفيق للجميع بدون استثناء
-
و الله كلشي سويت ما خليت شغله ما سويتها
حتى گمل فليت المنطقه كلها و اكول خلي التهي هسه تجي الفيزا و كلشي ماكو
7اشهر افلي المنطقه خلصوا ولا واحد بقه بيه گمل ::)
و الفيزا ماكو شسوي بعد :-\ :-\ :-\
-
نشكرك على هذه النصيحة وبالفعل هذا مايجب ان الواحد يسويه
-
نصيحة ذهبية بصراحة واعتقد نه الكل ماشي بهذا الاتجاه ولو ببطء نسبي ;D
-
موضوع كلش حلو اخوي(كلش حبحب) عاشت ايدك
صحيح اخوي تعلم اللغة من بين اهم الاشياء الي الواحد ضروري ايركز عليها اني الي سويته افتريت على كم معهد مال تعليم اللغة اهنا بعمان ولكن للاسف الدورة غالية حيل خصوصا احنة ماشاء الله كاعدين بلا شغل .
ولكن مع هذا ما ايست رحت للمكاتب وجبت كتب تعليم لغة للمرحلة الي اني واصلة بيها وهسة اني بالبيت اقره ومن اضوج ادخل على مواقع تعليم اللغة الانكليزية على النت لان كلش مفيدة .
اختكم ميمي
-
صراحة موضوعك من احلى المواضيع الي قريتها بالفترة المضت .. و كلامك جدا صحيح .. راح ابدي ادور على معهد لغة للاطفالي حتى اقلها يروحون يعرفون كم كلمة .... شكرا على موضوعك الرائع
-
شكراً على الموضوع و عاشت ايدك
بس و الله اني ما براسي عقل حته احفظ .. ارجع من الشغل لو عل كمبيوتر لو الف راسي و انام
تحياتي و راح احاول احفظ
-
عاشت ايدك على الموظوع الله ايسهل امر الجميع
-
بارك الله بيك علىٰ هذه النصيحة
و ان شاء الله موفقين