ankawa
منتدى الهجرة واللجوء => الهجرة و واللاجئين => الموضوع حرر بواسطة: البلبل الفتان في 17:13 09/06/2011
-
اليوم اجتلي رسالة بالبريد من المحكمة الاوروبية بانه قرروا ابعادي الى العراق وانا في الدنمارك وعندي معاملة في السفارة الامريكية للالتحاق بزوجتي في امريكا قبل سنة ولحد الان لم تكمل الاجراءات الادارية وما اعرف شسوي والمن اشكى حالي وين اروح حتى يخلوني انتظر اكمال اجراءات المعاملة. دخيلكم كلمن يعرف يساعدني اذا اكو جهة معينة اروحلها وينطوني ورقة تمنع ترجيعي قسرا . اريد معلومات اكيدة لان ما عندي وقت للانتظار. عشت 4 سنين انتظر بالضيم وبعدين كلشي ينتهي بلا نتيجة.
اخوان اني دآكتبلكم والدموع تنزل ولو عيب علي اكول هجي بس بعد ما اتحمل , كل الابواب انسدت بوجهي.
كلولي اذا اكو اي جهة تكدر تساعدني يا عراقيين يا طيبين.
-
اخي هي قبل فتره المحكمه الاوربيه مو فتحت قضايا المرفوضين و اخذوا وره حمايه منها؟
انته اخذت الاستماره لو لا؟
مااعرف بل ضبط احد او منظمه تكدر تساعدك بس
اذا تغير عنوانك و تختفي هو الحل المؤقت
الى ان تطلع فيزتك
-
اني انطوني استمارة بوقف الابعاد من شهر 11 _2010 وهسى اجت ورقة بالتسفير .
-
الله يكون بعونك وينطيك الصبر بس انت لازم تكون اقوى من هذه الظروف
ويا اخي العزيز لازم تعرف بانها ماتضيق الا تفرج
الله يفرج همك وقلوبنا وياك وارجو منك ان تستمر بابلاغنا عن وضعك
احترامي
-
ما الك اله تختفي تغير عنوانك حتى لا يجون الشرطه جفت للبيت الى ان تحل قضيتك ويه السفاره
-
اخي ليش ما تجرب تروح على السفاره الامريكيه في الدنيمارك
وشوفهم قرار المحكمه الاوربية بترجيعك الى العراق بلكي يسوون
الك حل اخي هي محاوله جرب بلكي ينطوك حمايه لحد ما تطلع
الفيزا مالتك
وان شاء الله تفرج كدامك
-
اخوان حسب ما اعرف السفارة كلتلي لازم يكون وجودك قانوني بالبلد من البداية واذا اخفي نفسي راح يعتبروني مخالف للقانون. اكو جهة معينة مثل الامم المتحدة او اي جهة اخرى تكدر تساعدني.واذا عدكم ايميل اكون ممنون حتى اراسلهم.
-
ترجم الرساله الي جتك بدقه وشوف هل من الممكن الاستئناف لو القرار قطعي غير قابل للاستئناف فاذا بيهه مجال استأنف ضيف اي ورقه حتى لو كانت مضروبه بس استهلك وقت مثلا تهديد جديد اجاك للبيت باسمك شخصيا اما في حالة عدم امكانية الاستئناف فايضا لتخاف روح بلغ السفاره الامريكيه انه يحولون ملفك بسبب عودتك لبغداد وهيه فتره وتجيك موافقة لم الشمل لتخاف منكلبت الدنيا وماكو شي يستاهل علمود تنزل دموعك عليه دموعك اغلى من كلشي اخويه العزيز طول بالك واكو رب يحلهه لتخاف
-
البلبل الفتان يطير في البستان
Du går bra i dag ?
Plan A
تحاول وية السلطات الدنماركية تاجيل تسفيرك الى حين تجيك رحمه الله , الامنية. واشك بأنو بيهم مجال , اذا ما نجحت تنتقل الى
Plan B
تتصل بالسفاره الامريكية في كوبنهافن وتكللهم انو اجاك تسفير للعراق وانو انت راح تروح الى كردستان وراح تروح مباشره الى تركيا بأنتظار الفيزا الى اميركا وبذلك تطلب نقل الفايل مالتك الى تركيا. مراح يكون عند السفاره الامريكية اي مانع وما بيها اي تاثير على قضيتك. همه مجرد ينقلون الفايل لغير سفاره لا اكثر ولا اقل.
-
الله يعينك اخويه
اخويه ليش متجرب اتروح للسفاره العراقيه بلكي يطلعلك فد واحد ابن اوادم ويساعدك جرب مخسران شي
-
رفيق مغتررب بلان A انسى هم بس يلزموه كبل حجز الى ان يسفر
بلان B بيها مجال
-
كان الله بالعون اخوية اعتقد خطة المغترب B بيها مجال اهون شوية
لا املك لك سوى الدعاء بالفرج القريب وان شاء الله ينولك الي تريد وينور طريقك اخي
-
اخي العزيز اذا انت خلصت كل المتاح لك من استئنافات ماعتقد اكو اي فايدة من محاولتك و بقائك بصورة غير شرعية لان مراح تكدر اتكمل معاملتك احسن حل ترجع للعراق و بعدين تجي لدولة من دول الجوار و اتحول معاملتك و اتكملة بصورة قانونية و هم للتاكيد تكدر زوجتك تستشار محامي هجرة بامريكا اساعدة بجرائات التحويل و الموضوع يا اخي مو صعب مايحتاج اي ارباك انا هم جنت باوربا و ارجعت بس مو قصري الله اوفقك
-
اخي العزيز اذا انت خلصت كل المتاح لك من استئنافات ماعتقد اكو اي فايدة من محاولتك و بقائك بصورة غير شرعية لان مراح تكدر اتكمل معاملتك احسن حل ترجع للعراق و بعدين تجي لدولة من دول الجوار و اتحول معاملتك و اتكملة بصورة قانونية و هم للتاكيد تكدر زوجتك تستشار محامي هجرة بامريكا اساعدة بجرائات التحويل و الموضوع يا اخي مو صعب مايحتاج اي ارباك انا هم جنت باوربا و ارجعت بس مو قصري الله اوفقك
-
اني ممنون منكم كلكم على جوابكم بغض النظر اذا راح يفيدني لو لا، يا رب تفرجها على الجميع.
-
اخي العزيز
حاول تبلغ السلطات الدنماركية انك بأنتظار فيزا لامريكا وحاول اتأجل قرار الترحيل واذا ماوافقوا
واصروا على ترحيلك للعراق لاتحاول البقاء بالبلد بصورة غير شرعية لان اذا اعتقلوك لاي سبب لاسامح الله
راح يكون لهذا تأثير مباشر على منحك فيزا لامريكا فلا تخاطر
انطي خبر للسفارة الامريكية بكوبنهاكن انو انتة صدر قرار بترحيلك للعراق واطلب تحويل ملفك لتركيا وارجع للعراق وتوجه مباشرة الى تركيا هواية اكو عراقيين بتركيا والحياة بيه مو صعبة واحسن من كثير من الدول الاوروبية
وعوف الباقي على الله
ابن بغداد83