ankawa
منتدى الهجرة واللجوء => الهجرة و واللاجئين => الموضوع حرر بواسطة: ام مهند في 21:58 09/06/2011
-
الرجاء الاجابة من الناس الي حضرو الفحص
تحياتي
-
ام مهند عيني الفحص مبيه اي تاثير فقط الاشعة مالت الصدر وما اتصور الها ضرر كبير بس الافضل ان تبلغيهم انك حامل ... الفحوصات تشمل فحص دم ادرار واشعة وكشف سريري .. يعني بالضبط مثل الجيك السنوي الي نسوي ... فليظل بالك ...
تحياتي
ابو قمر
-
يجب ان تذكر المراه للطبيب بحاله الحمل حتى يفحصها فحص الحامل وليش الفحص المعتاد
-
عيوني ام مهند
اني اخذت زوجتي للفحص وكانت حامل اخذوا منهه تحليل دم وفحص نظر ووزن وطول وبعض الاسئلة من قبل الدكتور
اما الاشعة فمااخذولهه لان حامل والاشعة موزينه على الحامل والجنين
طبعا الفحص كان في عيادة wamar في بغداد
احترامي
-
اني زوجتي من فحصت جانت حامل بس حطوله واقي على بطنه كالو حته لايثر على الجنين وقبل مناخذ الاشعه اتصلت على الدكتوره مالته كالت مايثر ولا تخافون
-
اني زوجتي من فحصت جانت حامل بس حطوله واقي على بطنه كالو حته لايثر على الجنين وقبل مناخذ الاشعه اتصلت على الدكتوره مالته كالت مايثر ولا تخافون
الدكتوره ثوله
-
يجب ان يذكر الحمل حتى متعمل اشعة لان الاشعة اتاثر على الحامل
-
صحيح اخي ابو ادم من تبلغهم بالحمل يحطون واقي رصاص و يعملون الاشعةويكون الموضوع امين لكن يفضل بعد العشرة اسابيع من الحمل
-
اختي العزيزة ام مهند
راح احجيلج اللي صار ويايا بالضبط اني عايشة بمصر وجان عندي فحص وصار اكسباير ورا 6 شهور وطلبوا من عدنا نعيد الفحص وبلغتهم اني حامل هسة ومراح اكدر اروح للاشعة لانه حسب مااعرف مو زينة للجنين كلولي لتروحين بس زوجج يروح يسوي ومن راح زوجي يسوي اشعة الدكتور سال علية وكله زوجتي حامل ومجتي ويايا ومكله خلي تجي ونخليلها واقي رصاص لانه حتى الواقي خطر على الجنين لو وصلتله شوية من الاشعة واكو هواية يكولون يصير ورا 3 شهور من الحمل تسوين اشعة المهم رحنا للفحص الثاني اللي هو دم وطول ووزن وهيجي اشياء بسيطة يعني من دخلنا للدكتورة وشافت اني ماعندي اشعة وحامل صارت عصبية وبهذلتني وكلتلي شلون تصيرين حامل وانتي على سفر ومن هذا الحجي اللي بلا معني وكلتلي طالما ماكو اشعة ماكو سفر ومقبلت تسويلنا فحوصات ابد اتصلت بالاي او ام وكلبت الدنيا عليهم على اللي سوته الدكتورة ويانا وسالوا عن موضوع الاشعة وكلولي لازم تجيبين تقرير من الدكتورة انه تسوين اشعة علمود السفر يعني على مسؤليتي واذا مااسوي الاشعة على مسؤليتي لازم انتظر لغاية الولادة وبعدين اسوي اشعة واسافر عادي ... رحت للدكتورة مالتي وقبلت نهائيا اسوي اشعة كلتلي كلش خطر على الجنين حتى لو ورا 3 شهور لانه اذا يكتمل تقريبا ب 3 شهور وميصير تشوهات فبالمستقبل احتمال يصير بيه اورام سرطانية لا سمح الله ومقبلت تكتبلي تقرير وبلغتهم بهذا الحجي وكلولي هاي قراراتنا لازم اشعة وياج تكون من تسافرين وبصراحة احنا مقصرنا وسالنا كومة ناس وحتى السفارة الاميريكية وكالو يصير ابرة تحت الجلد او تحليل للدم بمكان الاشعة بس الاي او ام مقبلوا يسوون هاي الطرق وسدوها بوجهي لغاية الولادة ومن يومين عرفت من ولد هو وزوجته سافروا من مصر بدون اشعة وزوجته حامل بالشهر السادس مجرد سوت تحليل دم وسونار عادي حتى يتاكدون هية حامل وبيا شهر ومااعرف احنا ليش هيجي ديسوون بينا يمكن الى هسة اوراقنا الامنية والموافقات مجاية ودينتظرون تجي وبعدين يسوولنا فحص .... مااعرف شنو اكولج بصراحة هاي صارلنا 3 شهور بهذا الحجي وماكو اي شي جديد بس الله موجود وانشاء الله يصير خيييير بالاخير واحتمال متجي الامنية لغاية الولادة يعني بشهر العاشر راح تصير الولادة والله كريم لوقتها
هاي اللي صار ويانا وحبيت ابلغج بيه حتى لتدوخين مثلنا بس اللي اعرف الاشعة مو زينة باي مرحلة من مراحل الحمل وعندي تقرير من الدكتورة وبعد انتي وقرارج وانشاء الله تتوفقين وتسوين فحص بلا شاعة ومتصير مثلنا يارب
اختج ننوسة
-
اشكر مشاركاتكم وراح نتوكل على الله والله كريم
-
اشكرج اخت ننوسة على نقل تجربتج بس ممكن اعرف اشكد صارلج من مقدمة على الاي او ام
-
اشكرج اخت ننوسة على نقل تجربتج بس ممكن اعرف اشكد صارلج من مقدمة على الاي او ام
Abnaa Al-Iraq اني عندي معاملة i 130 وتحولت من اللهجرة الى اللجوء شهر 5 / 2010 وبعدنا دننتظر الموافقات الامنية صارلنا 10 شهور ونكول الله كريييييييييم
-
حبيبتي نصيحتي الج
ميصير اشعة نهائيا قبل الثلاث شهور بس انتي روحي للموعد وشوفي الدكتور اشراح ايكولج يعني لا تصيرين مثل اختنة واصلا ما راحت للموعد
ومن ترحين شوفي الطبيب اشراح يكولج واذا كالج مياثر كوليلة تكتبلي ورقة وتوقعهة وتختمهة على مسؤليتك
وبهاي الحالة اكيد مراح يسويلج اشعة والله اعلم وتخلصين من هالدوخة
-
نعم نعم نعم يؤثر يؤثر للاسف خاصة في الاشهر الاولى للحمل ويؤثر للاسف على الجهاز العصبي للجنين ....