ankawa
منتدى الهجرة واللجوء => الهجرة و واللاجئين => الموضوع حرر بواسطة: no_fear في 14:02 12/06/2011
-
السلام عليكم
اخواني الاعزاء اريد اعرف اسرع طريقة لطلب اللجوء من اي دولة .... اكو ناس تكول من الاردن واكو ناس تكول من لبنان وسوريا واني هسه حرت واريد رأيكم بدون زحمة .... علما انه عائلتي متكونه من 3 اشخاص انا وزوجتي وابني .... اريد نصيحتكم
واسف على الاطالة
-
السلام عليكم
اخواني الاعزاء اريد اعرف اسرع طريقة لطلب اللجوء من اي دولة .... اكو ناس تكول من الاردن واكو ناس تكول من لبنان وسوريا واني هسه حرت واريد رأيكم بدون زحمة .... علما انه عائلتي متكونه من 3 اشخاص انا وزوجتي وابني .... اريد نصيحتكم
واسف على الاطالة
[/quote
والله اسرع دولة تمشي بلجوء و اسرع دولة تمشي بلمعاملات هي تركيا يعني اسرع بهوااايه من الاردن وسوريا وحتى العراق نصيحتي ترروح لتركيا
وتحيااتي
-
أخي العزيز طلب اللجوء عن طريق منظمة اليو أن أفضل شي حسب معلوماتي الأردن وتركيا فقط طبعآ هي موجودة بغير دول بس هاي الأفضل وأسرع والشغلة الثانية وضعية البلد الأكثر أستقرار مثل تركيا والأردن أفضل من الباقي لأن أحتمال تروح لغير دولة تقدم على لجوء وتصير ركضة وتطلع لجوء للعراق ;D ;D ;D وأنت بكيفك.
تحياتي للجميع
الأعظمي
-
مساء الخيرر "
اخي العزيز اطلب هجرة من عمان اني الي سمعت بيه انه احسن مكان عمان والله واعلم ولازم اكو احد بالمنتدى عنده خبره ومن الله التسهيل .
وشكراااا
-
اخي العزيز
هذا الموضوع يطرح دائما على الاقل مرة او مرتين بالاسبوع والاجابات هي هي لا تتغير ويمكنك ان تتطلع على هذه الاجابات ،
الدول التي يمكنك ان تقدم منها هي العراق اذا كنت تعمل مع الامريكان او احد اقربائك من الدرجة الاولى فيمكنك ان تقدم على IOM او SIV.
بالاضافة الى الامارات وتركيا وسوريا ولبنان والاردن ومصر وافضلهم تركيا والاردن من ناحية سرعة انجاز المعاملات والامان والاستقرار والاردن نوعما افضل اولا من ناحية اللغة والعراقيين متواجدين في اغلبية الاماكن واعتقد ارخص قليلا نوعما .
القرار الاول والاخير متروك لك ادرس الموضوع واي مساعدة اخوتك بالمنتدى وخارج المنتدى ما يعوفوك من تنخاهم.
والتوفيق من الله
-
شكرا اخواني الاعزاء على الاجابة
اخوان اني ممشتغل وية الامريكان بس اني هسه مهدد من مجموعة ارهابية واطلاق نار صار على بيتي وموثق هاي بصور .... هاي تخدمني لو لا
وشكرا لكم
-
شكرا اخواني الاعزاء على الاجابة
اخوان اني ممشتغل وية الامريكان بس اني هسه مهدد من مجموعة ارهابية واطلاق نار صار على بيتي وموثق هاي بصور .... هاي تخدمني لو لا
وشكرا لكم
لازم تكون برة العراق وتقدم عاليو ان ما دامك ما عملت وية الامريكان وقصة تهديدك تفيدك باليو ان
-
اخي ساافر لتركياا الشغلة تفيدك كلش خصوصا اذا عندك صور و موثقة
-
اخي العزيز
اني اللي اعرفة انو من عمان او تركيا هي الاسرع نقول انشاللة
بس لازم تكون بالبلد اللي انت تقدم بي على طلب اللجوء
وبالنسبة للتهديد والصور
طبعا هاية راح تكون وثائق قوية وحجة دامغة بايدك انشاللة وتوكل على ربك هو المعين
-
اخي العزيز
سابقا كانت مصر باعتبارها المركز الرئيسي ولكن في الوقت الحاضر اوضاعها غير مستقرة فانصحك بالاردن /عمان
تقبل تحياتي
-
اخي العزيز حسب مااعتقد تركيا ولبنان هما الافضل وهذا مجرد راي
والقرار الاخير راجعلك
مع اجمل الامنيات
-
[hمن تركيا اسرع شي
ولاحد يكلك الاردن صارلي 3 سنوات دانتضر الامنيه وباقي البلدان مثل تركيا ميصير تتاخر الامنيه اكثر من سنه r]