ankawa
منتدى الهجرة واللجوء => الهجرة و واللاجئين => الموضوع حرر بواسطة: mrwan2 في 18:28 12/06/2011
-
السلام عليكم اخواني في لمنتدى
اذا تذكرون سابقا كان الي موضوع على الغرامات وشلون رحت للحدود وصار بية فلم هندي او مقلب مرتب على العموم :
اخواني اني اليوم رحت على دائرة الاقامة والحدود علمود الغرامات واول مادخلت سئلت الاستعلامات وكلت اله اني متجاوز وعلية غرامات واريد اسقطها لااني اني عراقي ومشمول بالعفو الملكي ... والله اخوان لكيت اليوم الهنود والفلبيين والروس وكل الجنسيات العربية جاية اتسقط الغرامات وتستفاد من العفو الملكي .
على العموم ابو الاستعلامات انطاني استمارة على كل جواز يعني اللي عنده 4 انفار ياخذ اربع استمارات وهكذا ... ولمن تخلصون من تعبئة الاستمارة اتروحون على شباك رقم 2 حتى يحدد الكم اشكد راح تدفعون الغرامات واهنا اريد اوضح انه الغرامات تنحسب من تاريخ 1\6\2011 يعني من بداية اصدار العفو والغرامات قبل هذا التاريخ كلها تنلغي . المهم اني اليوم حسب الي الضابط غرامات من تاريخ 1\6 ولغاية 12\6 ودفعت 16,500 دينار على كل جواز ... وبعدها اتروحون الى شباك رقم 1 الموظف اهناك تدفعون الغرامات في الصندوق وبعدين الضابط راح يختم بالجواز ويكتب الكم رقم الوصل وتاريخ الدفع .
اخواني ملاحظة مهمة الكم انه لمن تلغي الغرامات عليكم مراح ينطوكم تمديد بالاقامة نهائيا . يعني القرار بس الغاء الغرامات فقط بدون تمديد الاقامة مثل مايتصور قسم من الاخوان .
وشكرا لكم
-
مرحبا اخي شلونك زين والي واحد عنده غرمات من سنه 2001 همين مشمولين بهيج قرار وتحياتي الك ياغالي
-
شكرا اخي على المعلومات وبارك الله بيك لارشادنا للطريق الصحيح
بس اخوي عندي اشتقسار
ذا اسقطنا الغرامات شلون ممكن انحصل تجديد للاقامة؟؟؟؟؟ لو انظل هماتين بدون اقامة
وشكرا الك اخي مقدما
اختك ميمي
-
السلام عليكم اشلونك اخوية مروان انشاء الله بخير هي هاي النقطة المهمة لان على الاقل المفروض ثلاث شهور بس اني كلولي تروح وراها للداخلية وهناك ينطوكم مدة كتلة اشكد كال ممعلوم بس اشو كلامة حسيت بي مومظبوط شنو ممعلوم شنو هناك تشوف المهم الله ارحم الراحمين همين نعمة لان اني 6 نفرات ومن اربع سنين وعكم الحساب
-
اخي العزيز انت عندك الكارت الازرق مال المفوضيه لان اني قبل 3 اشهر رحت حتى اسوي حسن سير وسلوك من المخابرات
ورحت الى الاقامه والحدود ختمولي على استماره حسن السلوك (لا يوجد قيد بحق المذكور )يعني اني هسه هم لازم اروح
اسقط الغرامات لو الي عنده كرت ازرق مشيوله الغرامات عليه
-
السلام عليكم
الاخت ميمي بالنسبة الى تمديد الاقامة اني رحت اليوم على وزارة الداخلية مباشرة بعد اسقاط الغرامات وابو الاستعلامات في الوزارة انطاني استمارات تمديد اقامة ولمن كملت كالي روح الى شباك رقم 31 واهناك الموظف شاف الجواز مالي كالي انته كنت متجاوز وهسه مشمول بالعفو كتلة نعم وكالي هسه شنو المطلوب كتلة تمديد اقامة ... باوع عليه الموظف وهز راسة وكال مانعطيك تمديد اقامة كتلة حتى لو شهر كال مانعطيك تمديد ,,, وعلة العموم اني كان عندي فيزة خروج وعودة تسقط بعد 15 يوم فكلت اروح للحدود احسن وارجع مرة ثانية وبالحدود انشاء الله ينطوني شهر وبعدين امددها لشهرين .
الاستفسار الثاني للاخ saroin ,,, نعم اخي انشاء الله انته كل الغرامات تسقط عليك لاانه عفو ملكي شامل وعام فروح باجر واتوكل على الله .
-
السلام عليكم
اخي العزيز abu shahed اني اعتقد انه اتروح اتسقط الغرمات اللي عليك حتى لو عندك الكارت الازرق .
لاانه حسب ما اعرف انه اللي عنده كرت ازرق لمن يسافر من المطار مراح يسوون اله ابعاد ولا يدفعوه الغرامات اللي عليه وانما راح يجمدون عليك مبلغ الغرامات يعني راح يبقى مبلغ الغرامات بذمتك وفي حال رجعت مرة من المرات الى عمان ففي المطار مراح يخلوك تدخل الا اذا دفعت الغرامات المتبقية عليك .
فافضل شئ روح سقطها وانته مراح تخسر شئ .
اخوك مروان
-
شكرا اخي العزيز ...........بارك الله بك.