ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 13:09 15/06/2011
-
احبائي انطرح موضوع سبب ضجه وذعر للsiv من قبل عضو بأسم مائده نزهت (احترامي لمائده) لكن هذا العضو لم يعطي اي تفاصيل عن الحاله مما ادى الى استياء البعض وقلق البعض. ومن حق الجميع ان يقلق
ارجو ان نجعل هذه القضيه موضوعأ للنقاش واللي عنده سؤال يطرحه والاجابه تكون بدليل وخبره, الله يخليكم يعني مو اجتهادات وفتاوي وتخمين.
1- ما هي الاسباب التي تؤدي الى رفض siv بعد ال COM أبروفال أو بعد المقابله?
2- هل تعتبر ال COM أبروفال هي الموافقه على الفيزا والخطوات التي تليها هي عمليه جمع الوثائق والتحضير للسفر؟؟
ارجو المشاركه لوضع النقاط على الحروف . واتمنى ان ترتفع معنويات الاخوه والاخوات اللي منتظرين ( والله اكرم الاكرمين)
احترامي للجميع
-
اي صدك شنو القصه ______ للرفع
-
والله يااخي مشكو على هذا الموضوع
اني الي ادري بيه انو الكوم يوازي او يعادل موافقه المحلف يعني انتو سامعين واحد اي اوام اجا رفض وره موافقه المحلف
بالنسبه لل اس اي في في بعض الاحيان وره استلام الكوم المقدم يصير عنده مشكله بلشغل وراه ينسحب الكوم
هذا الي اني اعرفه تحياتي لصاحب الموضوع
-
اخوان شنو السالفه وينكم وين المخضرمين نرجو منكم اجابات شافيه
-
اخي تره الموضوع نشر لخلق البلبلة صدكني مبين و واضح و روح على رسائل المدعو مائدة نزهت و شوف الخرابيط ;D
-
عيوني اخت ساره ميخالف اني شفت رهه بس انريد نعرف منو انرفضت معاملاتهم وليش ؟ يعني خلي انسوي اليوم حزايني ونستفسر عن الشغلات اللي تضوج
ويا مائده يجيج يوم ونقره عليج المائده
-
اخوية العزيز بالنسبة الي اني خارج العراق من 6 سنوات تقريبا وما اعرف احد من خارج المنتدى وقدم على SIV وكل الي اعرفهم بالمنتدى من 2009 طلعوا باستثناء حالة وحدة انرفض وانسحب منه الكوم جان عنده مشكلة جبيرة وما اتذكر تفاصيلها بس اعتقد القصة موجودة بالارشيف
-
السلام عليكم اخواني واخواتي ...
تحية طيبة وببعد ...
بعد الخبر المفجع وبعد التحليل الشخصي وأرجوا ملاحظة الشخصي ....
المفروض بعد حصولنا على موافقة رئيس البعثة يكونون قد تحققوا من الشخص المعني بشكل دقيق ومن اوراقه ومن الامور المتعلقة به بشكل عام وخاص ولكن يتبقى شيء واحد وهو التجييك الامني والذي يخص الشخص المعني من ناحية الانتربول وفي حالة وجوده في دول الجوار او لديه اي سابقة او محكومية مخلة ....يعني يبقى التجييك المتعلق بالعراق وحكومة العراق السابقة والحالية حسب عدم المحكومية المطلوب ويتبقى سجله الخاص بالدول الاخرى كدول الاتحاد الاوربي ....وهنالك احتمال اخر وهو وجود مايسبب سحب موافقة رئيس البعثة واذا اكو سبب اخر فأنا لا اعرف ماهو فهذا ما توصلت اليه وارجوا من لديه تعليق او حل اخر ان يفيدنا به.
ودمتم للنضال
-
عمي ماكو شي تصير ب احسن العوائل ;D
مائده نزهت حبت تلطف الجو شويه ;D
حبييب كلشي ماكو ولا يظل بالك
-
هاي شنو شو صار نفير عام ..يمعودين ماكو هيج شي لان اي واحد ياخذ ال com انتهت شغلته بس ينتظر اصدار الفيزه.وهسه كل واحد يرجع الى مكانه وعينه على السبوره .شويه حركنه الدم في شريانكم لانه جمد الدم من الانتظار.هههههههههههههههههه
-
حسبي الله و نعم الوكيل هاي عدها عقل بالله يا أدارة المنتدى وينكم شنو الاعضاء صاروه لعبه
-
و الله مليت من سوالف الرفض و كلاواته صارت قديمه السالفه هاي يمعودين
رفض اكو صح مو ماكو بس شكد من كل 100؟ لو واحد لو ماكو و الي عدهم مشاكل و حسب مشكلتهم مو كل بلاك لست ينرفضون و مو كل الي ماعدهم شي ينقبلون ::)
عمي عوفوه للموضوع الي ماعنده شي شكو خايف لخاطر الله
اني بلاكي عتيك ;D و مامهتم للموضوع وين مايصير خلي يصير
ARMY STRONG
بلاك لست عتيك
-
صح كلامك ارمي وهلا بيك ;) ;) ;) ;) ;) ;)
-
هاي شنو شو صار نفير عام ..يمعودين ماكو هيج شي لان اي واحد ياخذ ال com انتهت شغلته بس ينتظر اصدار الفيزه.وهسه كل واحد يرجع الى مكانه وعينه على السبوره .شويه حركنه الدم في شريانكم لانه جمد الدم من الانتظار.هههههههههههههههههه
طبعأ اكيد صار نفير عام من عندج ماأدري اكول من عندك , عموما هي المصداقيه انعدمت من عضوية مائده نزهت
-
صح كلامك ارمي وهلا بيك ;) ;) ;) ;) ;) ;)
بعدج مامسافره :o :o :o :o :o هلا بيج
هلو اخويه اين الحله
ARMY STRONG
بلاك لست عتيك
-
اول واهم الاسباب مال الرفض هي تشكيل تهديد على الامن القومي. والسالفة مال التلفونات والايميلات خلت على الجرح ملح مثل مايكلون.
يعني راح يجيكون كل الايميلات ويشوفون بيها فدتشي يخص القاعدة وجيش المهدي ؟ والتلفونات نفس الشي. وراح يجيكون العشيرة والاقرباء ومنو منهم معتقل وماخذين بصماتة... الخ.
كل هاي واني الحمدلله واثق من نفسي وان شاء الله الجميع واثق من نفسة والله يوفق كلمن يستاهل الفيزة. لديرون اخوان لو اجتمعت الإنس والجن على أن يضروك بشيء ، لم يضروك إلا بشيء قد كتبه الله لك.
خلي ايمانكم بالله قوي.. وعوفوا هاي المواضيع الي تنقصهة الدلائل والتفاصيل وبلتالي المصداقية
-
السلام عليكم جميعا
كل المترجمين اللي أعرفهم حاليا بأمريكا ،آني تأخرت بالتقديم لأن إجيت إلي أوروبا وبعدين قدمت ولذلك مو وياهم ....
الله يحميكم جميعا من طاولة ....قصدي مائدة ...أم ستة رجلين ;D ;D ;D ;D
-
اخي العزيز
الكوم ابروفال هو فقط دليل على انه عراقي و مشتغل وية الامريكان و عندك توصيات من المراجع وانت مستوفي الشروط حتى تقدم على الفيزا ..
اما باقي المراحل هي اغلبها تجييك امني ..
يعني مو غريبة جدا ان تنرفض بعد الكوم ابروفال
-
هاي شنو شو صار نفير عام ..يمعودين ماكو هيج شي لان اي واحد ياخذ ال com انتهت شغلته بس ينتظر اصدار الفيزه.وهسه كل واحد يرجع الى مكانه وعينه على السبوره .شويه حركنه الدم في شريانكم لانه جمد الدم من الانتظار.هههههههههههههههههه
مع الاسف ومثل ما اتوقعت. الموضوع طلع كذب في كذب.. واعيد واكول حديث رسولنا الكريم محمد صلى الله عليه وسلم
ايه المنافق ثلاث. اذا حدث كذب. واذا وعد اخلف. واذا اؤتمن خان.
-
اخواني القدماء يعرفوني
اني شكو موضوع رفض اروح ابحوش بيه لاان اني بلاكي عتيك ;D
اكو انرفضوا و اني كايلها اكثر من مره هنا بل منتدى
الرفض موجود يعني شغله ريكي كلنا نعرفها
عندي اخو صديقي انرفض قبل الكوم ابروفال لاان تعارك ويه بي او سي
ريكي انرفض بعد المقابله
شخص ثاني بل منتدى قديم هو :o انرفض بعد المقابله
الي عدهم مشاكل ينرفضون لكن مو كلها
قبل منتصف 2009 كان بلاك لست و الي عنده باند يعبر عادي هسه شويه اختلف الموضوع كلشي يتغير بس يردون حجه بس هذا مو معناها انه ماكو رفض اكو لااسباب صريحه و اكو لااسباب غامضه لو يموت الشخص و يمرغل روحه بل تراب ما يكولوله ليش انرفضت :(
ابسط مثال فجنزو الله يذكره بل خير هم بلاكي و هسه هو باامريكا
اني متفائل بيه ;D
عوفوه للموضوع و لحد يفكر بيه صدكوني تعبون
ARMY STRONG
بلاكي عتيك
-
لتهتمون اخواني تفائلوا بالخير وانشاء الله تجدوه واعتقد همه اعضاء عينكاوة مناقصهم هيجي كذبة همه بلا شي راح يصير بيهم جلطة ياستار من ورا القلق والانتظار بس شنكول حسبنا الله ونعم الوكيل
???
-
اني ايضا سمعت عن شخص بالمنتدى اسمة ريكي وكال انه انرفض ((بس منو يكول كلامة صحيح ؟ منو يكول سالفتة مو مثل سالفة مائدة نزهت؟؟ هل اكو من يعرفة شخصيا هنا؟؟؟؟مااعتقد))
-
اخواني القدماء يعرفوني
اني شكو موضوع رفض اروح ابحوش بيه لاان اني بلاكي عتيك ;D
اكو انرفضوا و اني كايلها اكثر من مره هنا بل منتدى
الرفض موجود يعني شغله ريكي كلنا نعرفها
عندي اخو صديقي انرفض قبل الكوم ابروفال لاان تعارك ويه بي او سي
ريكي انرفض بعد المقابله
شخص ثاني بل منتدى قديم هو :o انرفض بعد المقابله
الي عدهم مشاكل ينرفضون لكن مو كلها
قبل منتصف 2009 كان بلاك لست و الي عنده باند يعبر عادي هسه شويه اختلف الموضوع كلشي يتغير بس يردون حجه بس هذا مو معناها انه ماكو رفض اكو لااسباب صريحه و اكو لااسباب غامضه لو يموت الشخص و يمرغل روحه بل تراب ما يكولوله ليش انرفضت :(
ابسط مثال فجنزو الله يذكره بل خير هم بلاكي و هسه هو باامريكا
اني متفائل بيه ;D
عوفوه للموضوع و لحد يفكر بيه صدكوني تعبون
ARMY STRONG
بلاكي عتيك
بتعبير اخر
كل الي يصادقك ينرفض ;D ;D ;D ;D ;D
-
اني ايضا سمعت عن شخص بالمنتدى اسمة ريكي وكال انه انرفض ((بس منو يكول كلامة صحيح ؟ منو يكول سالفتة مو مثل سالفة مائدة نزهت؟؟ هل اكو من يعرفة شخصيا هنا؟؟؟؟مااعتقد))
اني مااعرفه شخصيا بس حجيت وياه و تاكدت من موضوع الرفض و خلفيات القضيه ;D
يعني موضوعه صح
مغترب بلا وطن ;D شلون يعني ;D ;D ;D ;D ;D
ARMY STRONG
بلاكي عتيك
-
السلام عليكم اخواني ...
حبيت اعلق عل موضوع بس تعليق بسيط :
الكوم (جيف اوف مشن ابروفل) هية المرحلة الاولى فقط والي تعني
1- انه انت مشتغل وية الامريكان لمدة سنة او اكثر .
2- متشكل تهديد عل الامن الوطني الامريكي .
3- تعرضت لتهديد بسبب عملك مع الامريكان .
4- وانت شخص عراقي .
الي هي هاي النقاط مذكورة كلهة من تجيك الكوم واكيد كلكم قاريهة وفاهميهة .
بس بنفس الوقت ترة هية موافقة مبدئية للمراحل الي وراهة لا اكثر ولا اقل والدليل انه يطلب منك بالمرحلة الي وراهة صورة قيد 57 وصورة قيد ولادة حتى يثبت مقدم الطلب انه عراقي الاصل .(مع العلم انه هو كتبلك بالكوم انه انت عراقي بس مثل ما كلت هية موافقة مبدئية للمراحل الي وراهة) ,,, وكذلك ديطلب منك عدم محكومية حتى يتأكد انه انت ما عندك اي تهمة قديمة داخل العراق ..
واكرر انه الكوم هي مجرد موافقة اولية بس لا اكثر ولا اقل للمراحل الي وراها ... واكيد تذكرون من وصلكم الظرف الاول ورة ما دزيتو
ال 360 لنبراسكا ومكتوب بي انه هذا مجرد وصل استلام المعاملة مالتك وميعتبر وثيقة سفر او موافقة
اخواني انتو كلكم اقدم من عندي بهذا الموضوع اني لحد هاي اللحظة دا امشي بأوراقي بس سألت هواية وتعلمت هواية منكم ... بس الشغلة الي متأكد منهة وعلى كولة ابو المثل (حرامي لاتصير من السلطان لا تخاف) ** مع احترامي للكل ** انتو ليش خايفين اذا ما عدكم شي واذا اجتكم الكوم معناها انه جيكو وية المدير مالتك وجاوبهم وكاللهم يابة ترة هذا خوش انسان وما عندة مشاكل بالشغل وعلى هذا الاساس اجاكم الكوم وماكو واحد بينة طالع لامريكا قبل مسويلة مكسورة هناك وراجع للعراق يعني ما عدنة بلاك لست فليش خايفين . عوفو الموضوع على الله وان شاء الله كل خير
-
بارك الله بيك اخوي وارفع القبعه احترامأ لك يا ريد هات
-
عاشت أيدك أخي RED HAT فعلا لقد كنت مثالا جيدا لوضع النقاط على الحروف وأغلقت الطريق بوجه كل من يريد أن يعكر صفو المنتدى وأعضائه المحترمين
أخي العزيز كلش حباب (( قل لن يصيبنا الا ماكتب الله لنا)) وشكرا لطرحك مثل هكذا مواضيع مفيدة
وأريد فد يوم نسولف على الفورمات لانه حيل مدوختني وأذا أكو كروب يشمل فورمات الـSIV دلوني عليه وأكون ممنون
أخوكم في النضال ياسر
-
وبارك الله بيك يا اخوية ....
اسولفلكم سالفة زغيرة ...
من دزيت المعاملة ماتي اول مرة وبعد ما طلعو روحي لحد ما كالولي معاملتك انقبلت وانتضر الكوم ... المهم ... اجنتي الكوم وكالولي ترة هسة انريد منك ال 360 ... طبعتهة وبقيت صافن عليهة 12 صفحة وكلشي مدا افتهم منهة لا دا افتهم راسهة وين ورجليهة وين ... كلت خلي استشير اهل العلم بال هجرة من زملائي الي بالعمل والي همة اقدم مني بهاي الشغلة ... ما اسولفلكم شنو الخرابيط الي كالوليها هذا الي يكولي تمليها كلهة وهذا الي يكلي حضر كل اوراقك وجناسي الاهل والعدم محكومية ودزهن لنبراسكا ... المهم خبصوني خبص بحيث كلت ابقة عل IOM احسنلي لان ترة هاي السالفة طويلة وما ادبرهة ... صدفة اتذكرت ولد صديق من ايام الطفولة وهو هم مقدم SIV كلت استشيرة احسن شي .. خابرت عليه وكتلة انت موجود بالبيت اليوم (طبعا يمكن صارلي شهرين ما مخابرة ** طلعت مصلحجي و ما ادري بروحي** ;D) كالي تعال ومية هلة بيك بس جيبلي الاوراق كلهة وياك ... اني هم سويتلي فايل شكبرة وطبعت كلشي من البداية لحد اخر ايميل ...
رحتلة للبيت وبعد ما خسرته عشة مضبوط وكيك وجاي وكهوة والمعدة انترست ترس والحمد لله ... كعدنة بالاستقبال مالتهم وبيدينة فنجان الكهوة والجكارة وكالي كول شعندك هسة ... كتلة ترة السالفة هيج وهيج ... كالي اوكي ما عندي مشكلة هسة اساعدك بيهة وكالي ترة الي اعرفة اني انت انكليزيتك كلش زينة داقرالي الايميل شيريدون منك ... قريتلة الايميل بالانكليزي كالي اوكي دسولفلياه بالعربي شيريدون منك كتلة هيج وهيج ... كالي دا اقرالي ال 360 بلة صفحة صفحة وشوف شيريدون منك ... المهم كمت بالاخير اني اسأل واني أقرة واني اجاوب نفسي وهوة الرجال كلشي ما كالي بس خلاني اقرة الايميل واترجمة لنفسي. ودزيت الاوراق والحمد لله دا امشي اباقي المعاملات هسة ...
اخواني اني قصدي خلي تكون ثقتنة عالية بالنفس ولا حجاية اتجيبنة وحجاية ترجعنة ... ترة الموقع مال سفارة والفيزا سنتر والهوم لاند سكيورتي بيهن هواية معلومات فوتولهن واقروهن وانتو جاوبو نفسكم ...
اني ما اكوللكم اني افتهم لا والله اصلان لو ما انتو ساعدتوني بهواية امور جان اني لغيت المعاملة مالتي وبقيت عل IOM بس قصدي ... لا تصدكون كل حجاية تنكال بدون دليل وترة السفر هو من رب العالمين اذا الله كاتبلكياة تروح واذا لا فشتريد تسوي ... خلو الحياة تستمر طبيعية هنا لحد متكمل اوراقكم ... اني صارلي 8 اشهر انتضر الموافقة الامنية مال IOM خو ما معناها اكعد بالبيت وانتضر ... لا الحمد لله دا امارس حياتي طبيعي كلش لحد ما تطلع الموافقة او لحد ما اكمل SIV ...
اخوكم RED HAT
-
اخويه القبعه الحمره ;Dكلامك كله صح
و اضيف عليه هواي بلاك لست طلعوا لاامريكا
اني يمكن اكثر واحد نبش و بحوش بسوالف الرفض ;D
بل منتدى انكتب كم موضوع عن الرفض منها كلاوات و منها صح
الرفض مثل ما كلت موجود بس الي ماعنده شي شكو خايف يمعودين
احنا المفروض نخاف البلاكيه ;D
ARMY STRONG
بلاك لست عتيك
-
والله أخي العزيزRED HAT ولايهون أخونه كلش حباب ابو المثل يكول أسأل مجرب ولا تسأل حكيم وما كو أي مشكلة أذا تعاونه بيناتنه على هذه الأمور وأني أعرف انه الخطأ راح يكلفنه وقت ويسويلنه أحباط لاسامح الله وهذا موبصالحنا اللي أتمناه منك شخصيا وكذلك من الأخ كلش حباب أن نتعاون بهذه الفترة ولحدوث تغيرات كبيرة في أجرائات ال SIV ومثل متعرفون أني هم,SIV IOM قديم
أنتظر ردودكم حتى لو على الخاص أذا كانت هنالك خصوصية في الكلام وعذرا من باقي أخوتنا أذا كان الكلام بشكل خاص واكيد الدعوة مفتوحة لكل من لديه أهتمام ويمر بنفس الظروف اللي نمر بيها.
أخوكم في النضال ياسر
-
هو كل الكلام اللي ذكرتوة صحيح مئة بالمئة بس الاحداث الاخيرة اللي صارت مال ذولة الارهبيين العراقيين الاثنين اللي لكفوهم ب كنتاكي غيرت هواية معايير اني قريت بصحيفة لوس انجلوس مقال طويل يذكر فية انو العراقيين اللي رح يدخلون امريكا سواء لجوؤ او هجرة رح يخلوهم تحت المجهر وهاي مو جديدة لان هذولة عرفو بيهم من نهاية 2009 ولهذا تشوفون اعداد الل ديدخلون امريكا تنازليا مو تصاعديا يعني ملخص العراقي اللي كان يستغرق الجيك الامني علية شهرين ضربو في اربع اضعاف الان تحياتي