ankawa
منتدى الهجرة واللجوء => الهجرة و واللاجئين => الموضوع حرر بواسطة: ام مهند في 21:49 15/06/2011
-
بالمقابلة الاولى سألو ابو مهند وضعك بالعسكرية شنو كلهم دفعت بدل كالو يعني خدمت خدمة العلم كلهم لا اصلا هو ما وصل للمعسكر بس هو مجرد كلهم لا بس هو مثل متعرفو ابو مهند دفع فوك المليون ونص الرسمي بصك دفع 250 الف رشوه حتى ما يوصل اصلا للمعسكر والاحتياط هم 75 الف دفع وما وصل اصلا للاحتياط يعني بين قوسين رشاوي برشاوي بس هو اساسا من سألوه جاوب كلا وفقط ما دخل بالتفاصيل هسه بالمحلفين اذا رادو من تفاصيل شيكلهم تبرعت ونزلت دفعت رشوه وما وصلت انطيت للضابط حصته وهاي هي والله حيره وما اعرف شلون اخاف الرشوه هم تأثر وهو حتى ما متدرب على السلاح وما واصل اصلا لاي معسكر بحياته من وره الرشاوي
تحياتي
-
خلي ايجيبلهم دفتر الخدمه حتى يبين انهو دافع بدل
لانه هسه عبالهم كان بالحرس الجمهوري او بالحرس الخاص
-
اختي ام مهند اني رأيي الشخصي ان ما يذكر شغلة الرشوة وان يجاوب على كد السؤال يعني يكول ليش مخدم ؟؟ ( لان اني دفعت بدل ومخدمت عسكرية ) ويخلي شغلة الرشوة بالاخير اذا اضطر كلش كلش يله يذكرها والقرار طبعا بالنهاية الكم
اتمنالكم الموفقية وانشاء الله يوم سفركم القريب
-
اختي اكو حل يكدر ايكللهم اكو بعض الضباط الي برتب كبيرة يحقلهم يخللولهم سواق ببيوتهم
خلي يكللهم اني جان اكو ضابط خلاني طول الفترة عندة بالبيت سايق كونة جيرانة او احد اقربائنة واني جان عندي سيارة اكظيلهم شغل البيت ومااداوم وهياي اتصور يكدر يسال عليه وهاي الحالة جانت واردة
تحياتي
-
اخي محمد جيران الدفتر مضيعيه
اخي اوركي البدل مليون ونص ودفعت بصك رسمي بس هذا المبلغ ما يعفي عن خدمة العلم ولذلك دفع رشوه حتى ميخدم خدمة العلم 250 الف اما الاحتياط ايضا 75 الف رشوه حتى اصلا ميوصل للوحدة سنة 99 هو خدم خدمة العلم ونعم كان مليون ونص
واخيرا اخي عيون النسر اشكرك على المشاركة والمقترح
-
موظوع اكثر من جيدياريت معلومات اكثر بخصوص العسكرية شكرا ام مهند على الموضوع
-
اكيد لان شعبنه كوله جان خادم عسكرية ونصه دافع رشوه شكرا لمرورك
-
موضوع كلش مهم شكرا ام مهند وياريت نسمع اؤاء الاخوة الي قابلوا شكالوه على هيج حالة
-
اختي الكريمة ام مهند
انا قابلت محلفين بسنة 2009 شهر كانون الثاني ومع الاسف لم اكن احمل دفتر الخدمة العسكرية أنذاك
انا قصتي تشبه قصتك تقريبا
مركز التدريب دفعت للضابط مساعدة مالية ;)ولم اتدرب فقط 10 اايام
بعدها دفعت البدل النقدي سنة 2000 وكان 1.500000 مليون ونص دينار
وبعد سنة خدمت احتياط لمدة شهرين وكان لابد من الدوام بالوحدة لان كان الضابط مصلاوي ومقبل ياخذ ولا عانة
الوحدة الخدمت بها كانت في وسط معسكر تابع للحرس الجمهوري ولكنها ليست حرس جمهوري ولا يوجد علاقه بها
قصتي كلها حقيقة ولم ازيد عليها اي شي ولكن بالاخير حصلت رفض لعدم المصداقية وعدم حصولي على دفتر الخدمة لاني كنت بسوريا وتركنا البيت بسرعة وجميع الاغراض ولم اتوقع سوف اجده عندما رجعت قبل سنة
نصيحيتي اختي لابد من الحصول عليه وابعثو ناس يدورون عليه
ابو محمد
عمان
-
ماكو ماكو ماكو والله دورنه وكلبنه الدنيا عليه بس ماكو والله
-
اعتقد سبب رفض الاخ مهاجرين بلا حدود هو ذكره اسم الحرس الجمهوري وذاكر تفاصيل اكثر من اللازم .
-
اتفق معاك اخ عبدون يعني هسه الي يضيع هويه او مستمسك هاي هيه ينحرم من كولشي هو اصلا احنه شردنه شرادة من بيتنه ضيع مستمسكات وهوية النقابة ودفتر الخدمة وهواي اشياء
-
ام مهند
همه يعتقدون انه اللي يدعي دافع بدل يريد يفلت من قصة العسكريه ودوختهه فلازم تجيبون الدفتر الطركاعه
او اي مستمسك يثبت الشغله
-
اختي ام مهند
ارجو ان يبقى ايمانك بالله كبير وسلمي امرك الى رب العباد فهو اعلم بالقلوب
قولوا الحقيقة دفعنا بدل، لا تتطرقوا الى موضوع الرشاوي، هربنا بروحنا العزيزة لم نستطيع ان نجلب كثير من المستمسكات، واتركي الباقي لسبحانه وتعالى. وانشاء الله ان يعطيك على نيتك ويفرج عنكم القهر والالم
تمنياتي لكم بالتوفيق والفرج القريب
-
محمد جيران اخي وعزيزي واقولهه للمره العشرين ماكو مستمسكات يا عيوني ماكو طلعنه بالثوب الي علينه يا عيني يا اخويه اي مستمسك ماكو
-
اخ عبدون
صحيح ربما ذكرت اشياء اكثر من الازم
ولكن هذا الشي اصلا قبل سالفة التوطين وكان التوطين لم يبدا بال2006 عندما وثقنا معلوماتنا عند الامم
الصراحة حلوة هههه
-
اخواني وبعد اذن اختنا ام مهند قبل فترة طرحت موضوع حول استدعاء مواليد 1972 لخدمة الاحتياط وكانت مرتين سنة1999 بس اي شهر ماعرف بالضبط وثاني مرة 2001 شهرين ايظا اي شهر ماعرف بالضبط ??? لم تكن هناك اجوبة شافية حيث شوهد الموضوع 240 مرة كانت هناك 9 ردود غير شافية ومشكورين على كل حال ، يعني ماكو واحد نفس مواليدي عنده المعلومة الاكيدة والدقيقة ;D
-
اخي عبدوون
بصراحة اني جماعة 74 واتمنى كنت ااساعدك بمعلومة بس اعتقد قبلنا ليسوا ال72 بشهرين او اكثر
تحياتي
-
لا هو سأل كاله ابو مهند بدل وما داومت كاله وخدمة العلم جاوبه ابو مهند وكله ما وصلت اصلا ولا تدربت ولا اي شي سكت وما كال شي
-
اختي ام مهند هاي الحاله لا اول مره تحصل ولا اخر مره
خلي نكون واقعيين زوجك كال دافع بدل خلص بعد ميكدر يغير شي بالكلام قد المحلف يكون خوش ادامي
ويجاوز شغله العسكريه لان الي دافع بدل اصلا المحلف يكيف عليه لان ميدوخه بالاسئله واكو حالات بس كله
دافع بدل للمحلف انتقل على القصه راسا ولكن اذا نفرض ان المحلف راد يتاكد من ان الشخص دافع بدل
ومعنده ما يثت ذلك راح يساله اسئله عن قيمه البدل وما يعادلها بالدولار وباي سنه والمكان وذا لح قد يساله
عن سير المعامله واذا على شغله الرشوه خلي يكول ظابط عرف انطا اجازه او خدم عشر ايام واخذ اجازه
وانصح ان واحد يجاوب على كد السؤال بدون تبريرات اختي المساله سهله ولاديرين بال اهم شي ركزوا على
القصه والله المسهل
تحياتي
-
دائما متألق وتزيد من الامل اخوي عكعك بس مكتلي انت وين صرت ما وين
تحياتي الك
-
لوكايل جنت فرار جان احسن
-
ام مهند تره نشاقه مرات
صدكيني الموضوع عادي ولتخافين همه يعرفون الوضع بالعراق احسن من عدنا في زمن صدام وفي هذا الزمان
يعرفون كل صغيره وكل جبيره
ويعرفون هواي ناس طلعت بجوازات تزوير وهواي ناس مستمسكاتهه تزوير وشهادات وفاة مو صحيحه
وقصص وهميه وخرافيه
اني مره قابلت واحد يم المفوضيه مغير قصته اربع مرات يعني هوه يروح يكلهم اريد اغير قصتي
يعني شنو يعني اني كاعد اجذب عليكم هيج ديكلهم
وتالي طلع لكندا
هيه شغلة حظ ونصيب مو اكثر تره
اللي ربنا كاتبله يطلع واللي مامكتوبله ميطلع وشفتي شكد ناس دفعو الاف وبالاخير لو غرق ومات لو راحت فلوسه
فخليها على رب العباد
والرب اللي فاتحهه بوجه السريلانكيات يفتحها علينا احنا العراقيين وكولي يارب
-
ممنونه منك عيني نخليهه على الله والله كريم
شكرا لمرورك الكريم
تحياتي
-
تحية طيبة للجميع
اختي العزيزة اذا كان خادم بلجيش فماكو مشكلة حتى لو كان بلحرس الجمهوري لان همة ايعرفون الخدمة بلعراق الزامية لكن فقط لازم يشرحلهم التفاصيل عن الخدمة كاملة واذا كان دافع بدل فماكو اي مشكلة , لكن خليهة ترجية بأذنج واذن زوجك ليكلهم انطيت رشوة لان ينطوه الرفض بلكصة , خلي ياخذ دفتر الخدمة بلمقابلة ويكلهم دفعت بدل وليجاوب اكثر من السؤال حتى تمشي الامور والله يسهل عليكم وعلى كل الناس
-
شكرا لمرورك اخي
-
أختي العزيزة ام مهند ................يمكن عندي شويه اوليات على موضوعج الكريم ........ويمكن هذا ثاني موضوع.........اختي العزيزة ...........اولا همه مو غشمه ((يعرفون اكثر الناس هجت وهاجرت بضروف صعبه وقاسية وماقدروا ياخذون كل مقتنياتهم ومستمسكاتهم )) يعني عادي لاشيلين هم .
وثانيا خلي زوجك الكريم يحجي الصحيح والي جراله بدون اسهاب وتفاصيل ..........يعني اني دافع بدل وخلص ومامشترك ولا مدرب على السلاح وخلي ينطيهم التواريخ ...............لانه همه اصلا و بعض الشواهد ادل على انه عدهم تجييك مع العراق بخصوص اصدار صحة صدور او غيره ............وعدهم اسامي معينه للي حاطين عليه اكس ..........يعني لاتخافين ماكو مشكله .
ثالث شي مو شرط دفتر الخدمه العسكرية يسرع بالسفر او لا .........واكبر دليل هو اني .........دفتري موجود ولحكت اجيبه ويايه .........ومعفي من الخدمتين المسلحة والاحتياط ولاسباب صحيه ومقدم تقارير طبيه ورسمية عن علتي.......ولايوم لبست الخاكي ولا يوم توضفت حكومي ولايو م انتميت لاي جهه معينه او حزب معين ...........ولحد هسه صارلي اكثر من سنة ونصف بانتظار الامنية .......فكله حظ يانصيب............
واتمنالك الموفقية
تحياتي
-
كلام منطقي وحلو دائما متألق اخي الكرادي من اقره كرادي اتذكر حلويات الزيتون ايام حلوه جانت بس شنسوي للضروف
تحياتي الك
-
كلام منطقي وحلو دائما متألق اخي الكرادي من اقره كرادي اتذكر حلويات الزيتون ايام حلوه جانت بس شنسوي للضروف
تحياتي الك
شكرا اختي العزيزة ...............بس ان ولادتي ودراستي وعيشتي وعملي كله بالكراده .........بس ههههههههههه
صدق مدا اذكر حلويات الزيتون .........يمكن خرفيت حشاج.
اذكر تيماء جنت صغير اروح اجيب بقلاوة وزلابيه يم الجنسية ........ابو عفيف نفس مكانه .......والشكرجي.........وحلويات مالت فندق الحمراء .........يايبه شكيد طيبه بس بالمناسبات الكلش يعني ..........والايس كريم :o :P :-\ :'( سكتي وخليه ........الاندلس والحمراء ........وكص النور يم بانزين خانه ............كافي سويتي بيه ..............اويلي عليج كرادة.
-
الزيتون يم المصرف يجوز كان اسمهه غير شكل بس هي هسه اسمهه الزيتون احلى بقلاوه واطيب كيك وسوسرول يسوون