ankawa
منتدى الهجرة واللجوء => الهجرة و واللاجئين => الموضوع حرر بواسطة: zamproty في 22:48 15/06/2011
-
مرحبا
ممكن مساعده من اصحاب الخبره
اني حاليا مقدم علي زواج امريكيه هل راح اتكون سالفه الفيزه لامريكا سهله ام لا ?
وشكد اطول ?
-
اخي zamproty
انت مو مقدم ويه اهلك وباقيتلك بس الامنيه بعد ليش دتمشي باجراء ثاني
وانت بعدك عمرك 19 سنه من هسه دتفكر بزواج من امريكيه
استمر ويه كيس اهلك ومن توصل عود هناك قرر تزوجها او لا
الزواج من الامريكيه ممكن تسحبك بس سالفة الفيزه مو بالسهوله الي تصورها
والخطوات انه تقدم اون لاين على الاستماره I-130
وتقدمها لل uscia وراح يسوولها مقابلات تقريبا اثنين ويتاكدون من صحة الموضوع وراح يطلبون منها اثباتات
بعدها اذا وافقوا راح تتحول للسفاره الامريكيه في البلد الي انت بي
ويدزون عليك للمقابله والفنكر برنت واما يحولوك على ال اي اي او ام كطلب لجوء
او هي تكفلك وتتحمل كل المصاريف وتسويها معاملة هجره وهاي يكون بناءا على طلبك
وبعدها تنتضر الى ان تجي الموافقه الامنيه وتحصل على الفيزه وبعدها اجراءات السفر
واذا متذبرها الافضل انه تستعين بمحامي حتى يمشيلها بالشغله