ankawa
منتدى الهجرة واللجوء => الهجرة و واللاجئين => الموضوع حرر بواسطة: كريت في 07:50 16/06/2011
-
مرحبا اخوان بلا زحمة منو عندة معلومات عن عدم المحكومية واذا واحد ميكدر يطلع بيان ولادة شيسوي واشكركم اني
-
عليكم السلام
حبي كرين
بالنسبه لعدم محكوميه
تروح لساحة 52
مركز شرطة العلويه .. تاخذ الجنسيه وشهادة الجنسيه لكل شخص تريد اطلعله عدم محكوميه وصورتين ..بعد ماتوصل للمركز ..اكو مكان مسوي المركز ورة المركز .. توكف سره وتستلم فايل ... بعدين بصمات بعدين ينطوك وصل بيه رقم ورة 10 ايام تروح تستلم عدم محكوميه (مصدقه من الداخليه ) انته تحتاج تصدقه من الخارجيه
بالنسبه لبيان الولادة
تروح لدائرة صحة بغداد بساحة عدن تسوي طلب يم العرضجي ... بعدين تاخذ الطلب تصعد للطابق الرابع يوافقون على الطلب ....
نرجع تودي الطلب لكتب الولادة والوفيات يم خضر الياس تقدم الطلب .... وبنفس اليوم يسولك بيان ولاد ة بس لازم تذكر امك بيا مستشفى جاببتك لان راح يسألوك وراح يدورن بالسجلات وشويه مالهم خلك يتحملون.... بعديت تاخذ البيان تروح تصدقه من دائرة صحة بغداد ومن الخارجيه
-
السلام عليكم ...
عدم المحكومية اتطلعهة من مركز شرطة العلوية الي صاير بالساحة الي بيهة مطعم كرسبي وتحتاج الجنسية وشهادة الجنسية وبطاقة السكن والبطاقة التموينية والجواز ... وكلهن اصليلات ونسخ وصورتين لكل فرد من افراد العائلة ... اول متفوت للمركز مال شرطة من الباب الرئيسي تاخذ عل يسار راح تشوف ممر زغير تفوت بي وبنهاية الممر راح تلكة بناية هية هناك المكان الي تقدم اوراقك بي ... اذا انت متزوج وياك العائلة لاتلزم سرة روح كبل عل شباك لان يمشون العوائل بدون سرة واذا ما متزوج لا تروح من الصبح كلش لان الصبح ازدحام روح فد بالعشرة ونص راح تلكة السرة قليل ..
وبالنسبة لبيان الولادة والله اني لحد هاي اللحظة دايخ بي لان اكو ناس يكولون ما يحتاجو اذا عندك صورة قيد 57 والله اعلم
تقبل مروري
-
كل الي تفضلو بي الاخوان صريح واضح ماقصرو بارك الله بيكم بس اني اكو سؤال محيرني سمعت من اذا كانت المقابلة داخل العراق ميحاج تصدق اي وثيقة من الوثائق الي ذكرتوها واذا كانت المقابلة خارج العراق لازم تصدق الوثائق ارجو تاكيد هذا المعلومة صحيحه مع جزيل الشكر
-
السلام عليكم ...
اخوية هسة اني قبل اقل من نص ساعة شفت ولد صديقي مكمل المقابلة وسألته عن التصديق بوزارة الخارجية وكال مو ضرور ي وهو قابل بدون ما يصدق اي ورقة من الاوراق الي طالبيهة في وزراة الخارجية .
وان شاء الله الاعضاء الي عدهم خبرة اكثر مني يجاوبون ... لان اني بعدني ممكمل اوراقي :'(
RED HAT
-
ان شاء الله مايحتاج الله يسمع من حلكك والله مابية لان يردله فرة وماتخلص بيوم واحد وتعرف دوئرنا الحكومية شكد يسهلون ويقدرون المواطن