ankawa
منتدى الهجرة واللجوء => الهجرة و واللاجئين => الموضوع حرر بواسطة: مترجم سابقا في 02:31 20/06/2011
-
لا ادري ماذا اقول فو الله احس بان شخص ضربني على راسي من هول ما انا به وقصتي انا مثلي مثل باقي الاخوان قابلت في السفاره ومنتظر وصابر حتى اعرف النتيجه علما اني اس اي في ولكن يوم امس تفاجات بان ايميل اتاني من اس اي في @ ما ادري شنو تكملته ومضمون ماكتب به انك قلت لنا بانك تريد العيش في ولايه مشيغان ولكن معلومات الكفيل او القريب يرجى كتايتها . مع العلم اني كتبت اسم الكفيل وعنوانه ورقم تلفونه ولكن الذي اعتقده بان الكفيل رفض ان يكفلني عندما اتصلو به لان منذ امس الى الان وانا اتصل به رد يوم امس وعندما قلت له اني فلان من العراق الذي كفلتني اغلق الهاتف وكررت الاتصال ولكن الانسر ماشين تطلع الي واليوم اتصلت به وسلمت عليه وكان صوته واضح ويسمعني جيدا ولكن عندما قلت له انا فلان قال لا اسمعك جيدا الو الو و اغلق الهاتف وعندما اتصل به يظهر لي الانسر ماشين وقد يسالني البعض كيف اخترته وهل تعرفه (حظي يربد) والله انا لا اعرفه والذي جعلني اكتبه في الاستمارات هو ان لي اقارب في كندا وهذا الشخص يعيش في اوك بارك مشيغان وهم قالو لي تعال لهذه المدينه لكي نتمكن من المساعده ان احتجت لها واعطوني عنوان هذا الشخص لكتابته وقالو لي انه ثقه انسان محترم وقبل ان تكتب معلوماته ولكن حصل الذي حصل ولا اعرف ماذا افعل واذا كان على اقاربي في كندا اتصل بهم ولكن بدون رد لا تلفون ولا ماسنجر ولا فيس بوك يمكن حتى بالجدر راح اطلع الهم بس لاحس ولا نفس
اخواني شسوي انه هسه احس نفسي تايه
لان جماعة كالو الي بما انه انته كتبت عنوانه حتى يجي الكرين كارد عليه فراح هو الي يستلمه واذا طلع موخوش ادمي يكدر يسبب الك مشاكل ويبيع معلوماتك زين شاسوي انه هسه وشنو ردي الي اكتبه للمنظمه والله يمعودين انصطرت وصار الي ماكنت متوقعه الي ارجو الرد من كل واحد عنده معلومات
-
والله مااعرف شكلك
بس اذا هيج ان شاء الله ابشر
لان صديقي هم خابروه علمود رقم التلفون هتاك وراها بسبوع جته الفيزا يوم لالك يارب
هسه الاخوان يفيدوك
-
حسبنا لله ونعم الوكيل/ هذولة شنو من بشر بس الصوج بالدزك عليه وورطك بهيج بشر.
اخي اكتب موضوع اطلب فيه كفيل من المنتدى وستجد الكثير من الأخوان الطيبين يتسابقون لكفالتك ماعندك غير حل/ واسأل الله أن تيسر امورك وتفرج ازمتك وترفع حيرتك يارب
حاول تنزل موضوع بسرعة لطلب كفيل.
-
اخي ساحر بغداد شكرا على الرد والنصيحه
اخي رامي البابلي شكرا على الرد
-
اخوية ليش متكلهم بعد متريد هذا الكفيل و همة يدزوك لاي ولاية غيرها.
-
أخي العزيز
أذا يعجبك تسكن بمدينتي فأنا حاضر لكفالتك و أنا الممنون ....
بس كللي شنو اللي تريده أسوي من يمي .... بخدمتك ....
اذا تحب راسلني عالخاص حته أنطيك معلوماتي التفصيلية ....
أنا أسكن مع عائلتي بولاية مينيسوتا - مقاطعة أولمستد - مدينة روشستر .....
حسب آخر أحصائية لعام 2011 أنا أسكن ضمن أفضل عشرة أماكن للسكن داخل أمريكا و تحديدا مقاطعة أولمستد تحتل المرتبة الخامسة .... و أذا تريد تتأكد من كلامي أبعثلك اللنك اللي يؤكد ما كتبته لكم .... رب العزة يقول جل في علاه ( عسى تكرهوا شيئا و هو خير لكم ) .....
الله لا يحير عبده .... لا تدوخ و لا تهتم .... و ربك يفرجهه ....
أخوكم
زياد - أبو الحسن
مينيسوتا - روشستر
-
احب اجاوب بالنسبة لعنوان الكرين كارد
هذا تكدر تغيره بكل سهوله بواسطه مراسله السفاره وطلب ذلك منهم
اذا متحب تسوي هيجي تكدر تغيره بالمطار بنقطه دخوليتك الى امريكا تكدر تغير العنوان وتنطي للضابط العنوان الي تريد ادز عليه الكرين كارد
هذا الي اني سويته وغيرت العنوان بالمطار واجاني الكرين كارد على العنوان الجديد ;D ;D
-
لا اله الا الله .. الله يكون بعونك اخوية العزيز ولتنقهر ولا تهتم صدكني اخوية رب العزة والجلالة ميسد باب اذا ميفتحلك باب ثاني ويجوز رب العالمين رايدلك الخير بهذه الشي ((وعسى ان تكرهو شيئا وهو خير لكم )) وانشالله رح تلكة هواية من الطيبين الي يمدون ايدهم الك امثال الاخ زياد ابو الحسن الله يبارك بية ويجعلة بميزان حسناتة
-
لاحول ولا قوة الا بالله تثق بشخص والشخص غير اهل للثقة ........... الله يفرجها عنك وماتحتاج اي انسان انشاء الله
-
أخي العزيز
أذا يعجبك تسكن بمدينتي فأنا حاضر لكفالتك و أنا الممنون ....
بس كللي شنو اللي تريده أسوي من يمي .... بخدمتك ....
اذا تحب راسلني عالخاص حته أنطيك معلوماتي التفصيلية ....
أنا أسكن مع عائلتي بولاية مينيسوتا - مقاطعة أولمستد - مدينة روشستر .....
حسب آخر أحصائية لعام 2011 أنا أسكن ضمن أفضل عشرة أماكن للسكن داخل أمريكا و تحديدا مقاطعة أولمستد تحتل المرتبة الخامسة .... و أذا تريد تتأكد من كلامي أبعثلك اللنك اللي يؤكد ما كتبته لكم .... رب العزة يقول جل في علاه ( عسى تكرهوا شيئا و هو خير لكم ) .....
الله لا يحير عبده .... لا تدوخ و لا تهتم .... و ربك يفرجهه ....
أخوكم
زياد - أبو الحسن
مينيسوتا - روشستر
حبيبي الغالي الله يوفقك انشاء الله بحق مجمد وال محمد والله يااخي خجلتني بردك والحمد لله والشكر اكو ناس طيبين مثلك اسال الله التوفيق الك ولكل من شعر بهمي وانشاء الله اتواصل وياك بس انطيني وكت لان راح اعيد كل حساباتي لان اخي العزيز لااخفيك سرا انا متزوج ولدي طفل لذلك هؤلاء هم همي الذي سوف يرافقني في حلي وترحالي ولي هموم سوف تبقى على ارض العراق واشكرك مره اخرى وسوف اتواصل معك.واما الاخت العزيزه انجي والله يااختي العزيزه الي سويتي الي موقليل رحم الله والديج وبارك الله بيج وتعبتج وياي وخليتج تتصلين بالكفيل واشكر اخواني شربوته,مغترب بلا وطن ,ساحر بغداد رامي البابلي,orkay
-
اخوان اتاكدو من الكفيل مالكم حتى مايصير بيكم مثلي
-
اخي اتصل بانجي هيه تحلها الك لان هيه اصلا بمشيكان وتساعد الكل واكيد راح تلكيلك 100 حل
-
لا املك سوى الدعاء لله الكريم ان يمدك بمن هو كريم يا اكرم الكرماء يا الله
-
السلام عليكم
أفضل شئ برأي إنه تلغي هذا الشخص وتترك مركز دخول اللاجئين يختار لك الولاية......وحضرتك تعرف إنه تقدر تغير أوضاعك قبل ٣٠ يوم من السفر بالنسبة للمنظمة....
إعتمد علي الله وعلي نفسك وأنسي هذا أقاربي وهذا صديقي....
هذه وجهة نظري.....
إحترامي
-
الله ايصبرك ويصبر كل العراقيين بالغربة احنا كلنا دزينا عناوينا الى مجهولين وانت وحظك بس ذاك من ذاك الي كرايب او صديق وفي ولا الباقي ذابيها على الله , والله كريم ماتضيك الا وتفرج
-
دزله مسج لهلدماغ سيز هذا ...
كلش زين يسمع صوتك ... بس هو نذل .. ومايريد يساعدك ....
الله لايحوجك على هيج ناقص ...
مع احترامي الى اقرباءك في كندة ..، بس انت اخي راح تبدي حياة جديده هناك ولازم تتعلم شلون تعتمد كليا على نفسك ..
صحيح اي واحد يمكن يحتاج ان يشاور ويطلب العونه من اخوانه ... لكن اطلبهه من اهلهه .. مو من هيج واحد نذل .. هاي عود بعدك بسم الله ما وصلت يمه وطلبت منه فدشي؟!!
اخي الله يسهل عليك ويفتحهه بوجهك ...
ومثل ما كالك احد الاخوان نزل موضوع اطلب كفيل .. واني متاكد محد يقصر وياك ..
ابو الحسن الله يوفقك ...
الله يسهل عليك اخي ...
-
اخوتي الاعزاء شكرا لكم على الدود والدعاء وشكرا على النصائح
اختي زهرة الصبار لايحتاج ان اطلب من الاخت انجي المساعده فهي التي بادرة وطلبت مني ان تساعدني ولم تقصر معي واتصلت بذلك الشخص وسالت ان كان هو الشخص المطلوب وقال لها نعم ولما قالت له انا من طرف الذي كفلته فلان انكر وقال لها انا لست المطلوب ذلك الشخص سافر وهاتفه عندي اخوتي شكرا لكم واسال الله ان لايخذلكم وان لا يولي علي وعليكم احد غيره هو ارحم الراحمين
اخواني بعد الذي حصل احسست بطعم الغربه رغم ان لم اسافر بعد ولم يسبق لي السفر خارج العراق اخوتي لاتنسوني بدعائكم اللهم كن وليي ياولي الاحسان
-
شلون بشر هو شنو بس يستلم الكرين كارت مو ديسوي فد مهام صعبة
الله ع الدنية ع الانسان
ان شاء الله تنحل خاطبهم واشرحهم كلشي وغيير المستلم هذا ماعندة امان وهواية اكو ازدواجيين وبيهم امراض نفسية
تحيتي
:)
-
up
-
خلي يولي ومدام هيج بداها عوفة وغير الكفيل
هذا مو مالت احترام
الله ايوفقك ويوكفلك ولد الحلال بحق محمد وال محمد
اخ ابو الحسن الله يوفقك
اخوية مترجم سابق ولا يهمك تفرج بس انت رتب امورك ولا اتيه ولا ابد نظم امورك من هسة
وعادي ولاتخلي الاحباط يصيبك
-
اشكرج اخت اسراء على الرد واسال الله لكي التوفيق
اخي زيد ابو الحسن اتمنه ترسل الي رساله على الخاص بيها ايميل الك حتى اكدر اتواصل وياك لان ما اكدر ارسل انه على الخاص ما ادري ليش
-
أخي العزيز ......
دزيتلك أيميلاتي برسالة لأيميلك مباشرة ....
أنتظر ردك ... و أن شاء خير
تحية لكل من كتب ردا بحقي و أنا خادم لكل طيب ... و أدعو للجميع أن لا يحتاجون رحمة البشر بل رحمة خالق البشر ....
الله سبحانه و تعالى يقول : وسعت رحمتي كل شئ ....
زياد - أبو الحسن
-
شكرا اخواني على الردود
اخي زيد ابو الحسن دزيت الك رساله على الياهو امسنجر اتمنى تقراها وتجاوبني بالتفصيل الله يوفقك بحق محمد وال محمد
اخي ماجد العراقي اتصلت الاخت انجي وسالته انته فلان كال الها نعم انه فلان فكالت اله انه من طرف فلان الي بالعراق كال الها ما اعرفه كالت اله اقارب فلان ابو فلان الي هم جماعته من كندا كال الها انه مو الشخص الي تردين تتكلمين وياه لان سافر الى كندا وخله الهاتف مالته يمي (سبحان الله هو قبلها كال الها انه نفس الشخص) وبعدها اتصلو بي اشخاص من كندا مايرد خليه الحمد لله والشكر على كل حال فما ادراني لعل في ذلك خير لي واسال الله ان يكون معي فهو وليي وهو كفيلي وهو معين من لامعين وصاحب من لاصاحب له
اخوان شكرا مره ثانيه الكم وجزاكم الله عني خير جزاء