ankawa
منتدى الهجرة واللجوء => الهجرة و واللاجئين => الموضوع حرر بواسطة: النورس جوناثان في 14:18 20/06/2011
-
اخوان السلام عليكم ورحمة الله وبركاته
انا رحت لليو ان وانطوني محافظة بولو والمشكلة ما اعرف اي شخص هناك كلهم اللي اعرفهم موجودين بانقرة وكيركلا وجانكري وجوروم وما انطوني ولا وحدة من هالمحافظات اللي اعرف بيها ممكن اذا عدكم معلومات عن الايجار عن المساعدات عن اي شي في محافظة بولو لا تبخلون علينا الله يخليكم
-
يا طيب بولو بعدها جديده على الخط يعني ابسط نصيحه اخذلك سياره وروح عليها وكمل أمورك بنفسك وانشالله تشوفلك هناك احد ...تحياتي
-
الف الحمد لله على سلامتك اخي النورس جوناثان .............. اخوية مرلنا بالجمعية راح اتصير خوش حركة سفر .
تحياتي
ماركوس اوريليوس
-
رحم الله والديك نوار بس هم اريد معلومات اذا اكو واحد عندا معلومات عن بولو
ماركوس حبيبي الله كريم وتتدلل
-
رحم الله والديك نوار بس هم اريد معلومات اذا اكو واحد عندا معلومات عن بولو
ماركوس حبيبي الله كريم وتتدلل
عيوني جونثان صدكني هوايه سئلت محد ما يعرف شي عنها بس بهل الفتره كلمن ديجي ديودوه عليها لازم تشوف الجماعه الي جايين جدد يمك .......هنا المنتدى مراح يفيدك لان ابد ابد ماكو معلومات عنها لان كما قلت هيه جديده علينا
-
بالبداية الحمد لله على سلامتك اخي نحن ايضا وصلنا الى تركيا منذ يومين لكن لحد الان لم نسجل في المفوضية وذلك لاسباب خاصة خارجة عن ارادتنا لكن ان شاء الله سنذهب قريبا جدا خلال اليومين القادمين
واسفة لااملك اي معلومة عن هذه المحافظة واريد اسألك هل هي المحافظة الوحيدة الفمتوحة الان او يوجد غيرها وما هي المحافظات الفمتوحة
-
اختي المسافرة
الحمد لله على سلامة وصولكم اولا
وثانيا هما اكو سبع محافظات كلتلي عليها البنت اللي تكعد يم الشباك وهي
ملاطيا يلوا ماردين بولو وادنة وثلاث محافظات اخرى ما اتذكرها هسا انا وبصراحة اخترت بولو لان كالو جدا قريبة على اسطنبول
والله يوفقنا ويوفقكم
-
الله يسلمك اخي واشكرك كثيرا على ردك واهتمامك اخي متى موعد المقابلة
تحياتي
-
اخويه هاي محافظة هسه دينطوها للي يجون جدد مثل ماكال اخويه ( نــــوار ) كلامه صحيح وطبعا هيه اذا مابيها نسبة عراقيين هواية اكيد راح تكون افضل يعني من ناحية الزخم اقصد وحتى بالمساعدات وموقعها هم قريب على اسطنبول يعني بالمقابلات الثانية والثالثة انشاء الله متتعب وبالتوفيق الك اخويه
Eagle eyes
-
اختي المسافرة يبدو ان هناك زخم كبير بحيث الكل اعطوهم تاريخ المقابلة الاولى 25-8
ماعدا امراة واحدة اعطوها تاريخ اعتقد 29-6 حسب ما سمعت
-
بالمناسبة اليوم رحت عليها باردة جدا وجميلة جدا وغالية جدا وشكرا جدا
-
السلام عليكم
اشلونك اخي النورس جوناثان وحمدلله عالسلامة واعذرني عالتقصير بس كنا مشغولين بخطار قادم من سوريا اتمنى لك الموفقية في تركيا وان شاءالله ماطول شغلتك .
بالنسبة لمحافظة بولو اللي اعرفه انها سياحية اما بالنسبة للاسعار فشي طبيعي الاتراك من يشوفون شخص عربي يستغلون الوضعية ويزيدون الاسعار بس انت لازم تفاصلهم اي حاجة اتريد تشتريها حاول تنزلها للضعف واعرف ناس اول مرة يجون لانقرة وميعرفون بيها شي بقوا 20 يوم بالفنادق بس يفاصلون بالاسعار ودوروا علا شقق رخيصة بمكان رخيص فانت كذلك حاول تتحمل بالبداية التعب بس شوف ودور علا مناطق رخيصة تسكن بيها اما بالنسبة للبرودة اذا هسة عندك الجو بارد فاكيد بالشتاء راح تنزل الثلوج وتكون باردة جدا جدا فانت حاول من هسة بعد مطلع الكملك وتراجع الامنيات اتروح على مختار المدينة والقائمقام علمود تسجل على الكمور اللي هو الفحم الحجري لان سعر الكيس الواحد 12الى15 ليرة بالشتاء بينما من هسة تروح وتسجل ان شالله راح ينطوك كمية كبيرة مجانا وتروح عالبلدية هي نفس اسمهابالتركي تكوللهم انك ملتجيء ايضا نفس المعنى بالتركي وتكوللهم انك محتاج (يردم ) اي yardim اي مساعدات وكلمة يميك اي طعام واكل لانه اكيد عندهم حصص شهرية يوزعوها على اللاجئين .. هذا اللي اكدر اساعدك بيه واعذرني عالتقصير مجددا واي شي اني بالخدمة..
-
الحمدلله على السلامه اول شي اخي النورس جوناثان ابو عمار ولو اني زعلان عليك على الاقل خابر كول ترا اني جاي بس لو انطوك جورم كان كبل خابرتني ليش هيجي بس الله كريم ??? ??? ??? ??? ??? ???
-
اخي رعد العربي والله حاولت معهم اشد المحاولات على جوروم او جانكري ولكنهم لم يقبلو ابد
اشكر تعاطفك معي وهذا من اصلك يا اصيل وطيب
فعلا اشكر الله سبحانه وتعالى على معرفتكم وجزاكم الله كل خير وما اتقصرون ابد
-
بالتوفيق اخونا نورس الوردة ,,,, يا رب تستقر و تتحسن الامور يمك
-
اشكر شعورك اخ ايهم الورد وبارك الله فيكم كلكم لان مابيكم احد بي تقصير وحاشاكم من كل تقصير واني جدا ممنون منكم ربي يوفقكم ويوفقنا جميعا يارب
-
اخوان ممكن تفهموني الله يخليكم شنو موضوع المحافضات ليش شنو همه يختارونه محافضه يذبونه بيها لو شنو
-
اختي هاي المحافظات تكون بالاتفاق بين اليو ان والحكومة التركية وهيا عادة سبع محافظات تتغير بين فترة واخرى حسب امتلائها باللاجئين وحاليا المحافظات هي بولو ادنة ماردين ملاطيا سقاريا يلوا ومحافظة ناسيها اعذريني
-
اي والله اني هم اليوم رحت سجلت او كتلهم اريد توكات كلولي ماكو توكات اختار غيرهة فكلتلهم ما اعرف انتو خلوني بوحدة فهمة خلوني على بولو هية الواضح انه موقعهة زين بس المشكلة ما بيهة معارف او هية هاي المشكلة راح نروح مثل الاطرش بالزفة كلشي منفتهم او منلكة احد يفهمنة
-
اخوان جماعة بولو الي راحو بشرونة شنو الاخبار شسويتو شمسويتو لا تبخلون علية فدوة اروح الكم سهلة صعبة الوضعية
-
مرحبا للجميع ...
اني في محافظه اوشاك من ضمن المحافظات الجديده الي موجوده حاليا بالقائمه عند التقديم واني و2 لاجئين فقط بيها بعدها كلش كلش جديده ومحد ديجي الها وهي الحمدلله تمام ويانه لحد الان وبالنسبه لبولو اني اصدقائي راحولها ويكولون زينه وكولشي تمام بيها بس الايجارات شويه غاليه وهالشغله بكل المحافظات الجديده غاليه لان اللاجئ ومعنى اللاجئ عليهم جديد ف الكل تريد تزيد عليه مو مثل باقي المحافظات القديمه مثل جوروم واماسيا وكونيا وغيرها ف الي يروح اي محافظه جديده خل يذبها على الله وين ماتصفى خل تصفى لان بكل الاحوال انت لازم اول شهر او شهرين تنجوي لحد ماتتعلم طبعهم والتعاملات مالتهم شلون تصير وانشالله الموفقيه للجميع وربي يسهل كل امورنه
-
هذا رابط بيه بعض المعلومات عن مدينه بولو التركية بلكي تستفاد منه مع بعض الصور
http://www.travelzad.com/vb/t18781.html
http://www.shakwmakw.com/vb/showthread.php?t=248921