ankawa
منتدى الهجرة واللجوء => الهجرة و واللاجئين => الموضوع حرر بواسطة: mohammedusa في 14:48 27/06/2011
-
ممكن احد يكلي شلون طريقة الهجرة الى كندا سمعت اكو هجرة للعمل هناك بس شلون مدا اعرف الطريقة .... و شكرا
-
اخى عنك عده طرق
الكفاله الكنائسيه
الكفاله الخماسيه
لم الشمل
اللجوء
العماله الماهره....اصعب طريقه باعتقادى
كل طريقه ولها شروطها ومتتطلباتها.....وهسه يجى اخونا الفريدو ويعطيك اكثر تفاصيل مشكورااااا
-
مرحبا اخي محمد كيف الحال .. اخي العزيز الهجرة موجودة لكندا من سنين واكو طريقتين للهجرة وحده هجرة مستثمرين ووحده هجرة كفائات. الاول هجرة مستثمرين هاي هم ببها نوعين وموكلش متاكد منها لان وحده لازم عندك 130 الف دولار هاي تنطيها وغير قابلة للرد والظريقة الثانية 350 الف او 400 الف دولار وهاي قابلة للرد لكن بعد اربع سنوات اطالب بيها تبقى كوديعة عند الحكومة الكندية.
اما طريقة الكفائات الي احنه كنا مقدمبن عليها فهاي يا عزيز اكو شهادات واختصاصات اتكون مطلوبة بالهجرة واكو شهادات واختصاصات سنة يطلبوها وسنة لا.
اما الشهادات الي دوم اتكون مطلوبة فهي كانت على ما اظن ثلاثين شهادة وياريت اتكون ماجستير او دكتوراه واتكون افضل ويكولون هسه زيدوها صارت ستين بس اني الي اعرفه من هاي الشهادات:
شهادة الادراة العامه والماجستير افضل طبعا الاطباء ومهندس نفط ومهندس جيلوجي ومهندس كهرباء ومهندس هندسة صناعية وبعد اكو كثير شهادات لكن متجي على بالي
اما طرق التقديم فتكون الاحسن عن طريق محامي ويكون مضبوط واكو عن طريق النت بس هاي قليل يقدمون عليها لان بيها (فورمات اتعبيها ) وتبعثها واي غلطة بالطلب يرجعلك ورة اشهر واتعيده من جديد , ومن هاي الناحية المحامي احسن لان هو يكملك الاوراق .
ولاز من اتريد اتقدم على هجرة مطلوب منك نقاط والنقاط هاي تنحسب على نوع شهادتك وخبرتك وعمرك وشهادة زوجتك هم اتفيد واذا عندك اقارب درجة اولى بكندا هم اتفيدك . والاهم من هذا كلة حبيبي الفالي يريدون منك ( امتحان الايلس ) وهو امتحان انكليزي والدرجة الي يطلبها منك بالهجرة تعتمد على نقاطك من شهادة وخبرة وشهادة زوجتك وعمرك والاقارب الي بكندا. وامتحان الايلس يكون في معهد بريطاني يعني تابع لللحكومة البريطانية واذا حضرتك بالعراق فماكو هذا المعهد حاليا بالعراق اكو بالاردن وبسوريا وبالدول العربية الباقية. ولازم تحجز لهذا الامتحان حسب الزخم على المعهد يعني مو قبل الشهر اقل شيء يوصلك السرة وسعر الامتحان الواحد 200 دولار امريكي تقريبا.. وهذا الي اكدر اكتبة اليوم واي شيء عندك اني حاضر وخاصة بهجرة الكفائات بس خبرني حضرتك بأي دولةموجود / لاني صارلي 4 سنوات مقدم على الهجرة وتركتها وعندي عناوين محامين هنا بالامارات لاني مقيم هنا.. واي شيء ثاني اني ابلخدمة
اخـــوك/ يــوســفــي
-
اخ محمد اني اسف مذكرة طرق الهجرة الي ذكرها اخي{ABADY} لاني ما اعرف غير هاي الطريقتين وحظرتك حر بالطريقة الاصرفلك... وربي يوفقك
يــوســفــي
-
تحياتي للكل وعاشت أيدكم
:) :) :) :) :) :) :) :) :) :) :) :) :)
تحياتي
-
انشالله تلاقي محامي زين وشاطر وتتوفقك وتوصل كنداااا اخي العزيز
تحياتي ابو جوجو محيسن