ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو فله في 19:24 27/06/2011
-
مساء الخير اخواني واخواتي الاكارم اني طبعا اموت بالامثال ولهذا اختاريت هذا العنوان لان لازم الواحد يضل يتذكرعالاقل شويه من تراثه
ردت اخذ رائيكم ابفد موضوع
البارحه اتصل بيه كفيلي وحجالي التفاصيل مال مكالمته مع المنضمه الي خابرته سابقا
المنضمه كالتله انشالله ابشهر التاسع او العاشر يجون فهل هذا الشي مضبوط لو جفيان شر مولا عليوي
علما اني مقابل الوفد او مايسمى بالمحلف بتاريخ 14/1/2011
اريد تعليقكم عالموضوع
وانشالله يارب الكل تخلص الامنيه الكشره مالتهم ويسافرون ويرتاحون
اخوكم ابو فله
-
خليك ور الجذاب الحد الباب
-
تفألو بالخير تجدوه ربك كبير وانشاء الله ومابقى شي وماعدك غير الانتظار
-
يا خبر بفلوس بكره يبئه ببلاش ;D ;D ;D
-
جفيان شر ::)
المنظمه مالها علاقه مثل الاطرش بل زفه ::)
-
هههههههههههههههههههههه
اخي الكريم اسعد العراقي يعني على حجيك ما راح اصدك ابدا
يوميه يكلولنه شي شكل يعني لشوكت نبقى هيج على كوله المثل ( لا معلك ولا مطلك)
وشكرا علرد الجميل اخويه وانشالله السفر القريب
-
الله ايوفقك اخوية
-
يمكن حجيكم صحيح اخواني المنضمه ما الها علاقه لان
بعد استلام نتيجه المحلف اتصلو بالكفيل وكلوله بعد شهرين نكون اهناك وخلصت الشهرين
وعلى كوله المثل المصري
(وطلعنا بالمولد بله حمص) هههههه
وعلى كوله المثل (خليك وره الجذاب لحد باب الدار ههههههه
شوكت راح تنتهي معاناتنه تره والله شيبنا قبل وكتنا
بس نكول الله كريم بس نوصل نرتاح
وانشالله ميبقى اي احد ابلدان الجوار الا ويسافرون
وشكرا جزيلا عللردود الجميله مالتكم اخواني واخواتي
الاعزاء
اخوكم ابو فله
-
أنشالله ما يكون كدامك الى الخير والبركه بعون ربي
قبل مروري
ولك اطيب التمنيات ...تحياتي اخي
-
اخوية لعد تدري المنظمة شكالت للكفيل مالتنا؟؟؟
كالوله يجون خلال 3 اشهر الى سنتين!!!!!!!!!
يعني شنو هالتوقيت اللطيف
-
حبيبي وخوني نوار اشكلرك هوايه عالدعاء
وانشالله لكل المنتضرين والك خونا عزيزا
-
انشاءالله حجيهم صحيح ، وهمه ما متوازين يكذبون او يجاملون ، بدليل كفيلي سالهم شوكت وكالوله ما ندري . توكل على الله انشاءالله صحيح .
-
والله يا خاثا فلونا الله يساعدج ويساعدنا
يعني مع احترامي لمنضمه الامم والجهات المسؤوله
المفروض يراعون الناس بالمفردات الي يتكلمون بيها
يعني اني من يمي هسه عفت العشا وانسدت نفسي هههههههه
يله راح ارجع واكول الله يسهلهه علينا
-
توكل على الله وتفائل بالخير
-
اخويه العزيز نزار كامل اتمنى حجيك يكون صحيح[
لان خلص صبري وما اعرف شسوي حتى ابو الشغل الي اشتغل يمه ديريد اسوي اقامه
بس راح اطول خلكي شويه ههههههههه لان ماعندي غير حل
انشالله تنفك الجبسه والكل يسافر
وشكرا عالردود الجميله لكل الاخوان والاخوات
اخوكم ابو فله/size]
-
اذا الامنية كاملة ليش لا ؟ ممكن
اما اذا امنيتك نايمة فتعذرني
-
اخويه العزيز انشالله تطلع قبل شهرين , بس بالنسبه الي المنظمه لا تحل ولا تربط بموضوع تاريخ الوصول! من تجربتي اول مره شهر الثامن 2009 وقع الكفيل اوراقي و سالهم شوكت يجي صاحبي ؟ كالوله بنص العاشر او بدايه 11 2009 ؟؟ و ثاني مره اتصلو بي شهر العاشر 2010 و كالوله صاحبك راح يجي انت تستلمه من المطار لو احنه ؟؟؟ ههههههههههههههههه وذاك يوم وهذا يوم ( هاي منظمه مال بطيخ )
-
خابروي كفيلي كالوله ماكس شهر وتوصل
وصار شهرين كل شي ماكو >:( ???
-
اني هم اجيبلك مثل مادام تحب الامثال والمثل يكول
ايس ياعبيس
اني صار 8 شهور من كالو للكفيل خلال اسبوعين راح يجوكم ::) ::) ::) ::) ::)
-
ابو فله .. مدام تحب المثال استلم وحد مني
بخيرهم ماخيّروني وبشرهم عمّوا عليّة ??? ::)
-
تقريبا نفس كلام كفيلي ............ كلوله "صاحبك بالمرحلة الاخيرة وتوقع عن قريب يوصل" طبعا اني طرت من سمعت هاي الحجاية لحيت على الولد الله يحفظه صاحبي وصديقي كتله خابرهم قلهم وصلت الامنية .........خطية الولد ماكذب راح سألهم .........كلوله احنا كملنا اوراق الكفالة مالته وارسلناها الى المقر الرئيسي بنيويورك وبعدين تروح لواشنطن وبعدين يتصلون بالـ IOM ((يابة شكيد طويلة الشغلة)) والامنية ...........ماعدنه علم بهاي الشغلات .............هاي شغلات امنية ماندخل بيه.
يعني المنظمة عليه بالشغلات الادارية الي تخصه ..........وماله علاقة بقية السوالف.
-
;) ;) ;) ;) ;) ;) ;)
-
الله يسهل امرك وتسافر باقرب وقت
-
يعني شغلتي لا حضت برجيلهه ولا حضت ابسيد علي
وال iom جتال صاحبه ههههههه عفوا الماطور مو ال اي او ام
على كوله الاخت زهره الصبار ومع احتراماتي لجميع الاخوه والاخوات (موت يا ........... علما يجيك الربيع )
والله والله والله اخواني واخواتي اني مو بس اعتقد وانما اؤمن ان السفر حظ
والماعنده شي ( طالع عالوهس يعني الممتهدد مع احتراماتي وبالعافيه عليهم) ديجيهم سفر
بس هيه قسمه
مستحيل اكو واحد يعرف شنو هيه الامنيه لان صارلي 4 شهور انتضر واني وجميع افراد العائله
1 - مو بالحزب لا سابقا ولا هسه
2 - متابعين لاي جهة
3 - بحياتنه ممتوقفين باي قضيه
4 - ذبانه او بكايه مكاتل ههههههههههههه
5 - وعندي تزكيات من الجماعه خيرات الله والهويات 7 و instillation pass 2 اكدر اطب لاي مكان حتى يم عمو نوري
يعني ماكو اي شائبه لويش الامنيه ماكو مدا افتهم
-
الفرج ياصاحب الفرج
الله يفرجها علينا كولوا امييييييييييييييييييييين
-
السلام عليكم ...
اخوية العزيز ... اني متصلين بالكفيل ماالتي صار خمسة اشهر وكالولة ان فد شهرين هوة يمك ... وليهسة اني اسمع حسك ماكو شي ... المنظمة ما الهة دخل بالموضوع
وتقبل مروري
-
اللهم بحق موسى بن جعفر فرج عنا همنا وغمنا وكربنا وآتنا الصبر ويسر وسهل امر سفرنا واجعل لنا فيه الخير والسلامة وعافية الدين والدنيا آمين رب العالمين
-
اولا اود ان اشكر
لاخ فانتوم
الاخred hat
الاخت ميمي 2010
والاخت basma_ mazen
ولاخ او الاخت amy 44
والاخ عراقي كرادي
والاخ cobra
والاخت زهره
والاخ xxlm569
والاخ لورنس العرب
والاخ شنايزر
والاخ نزار كامل
والاخت فلونا
والاخ نوار تيتو
والاخ اسعد العراقي
ARMY STRONGوالاخ
والاخ ساره
والاخت زيتونه
واتمنى ما انسى اي احد
شكلرا جزيلا عالردود الجميله
وثانيا انشالله ياربي الكل ينطوه مواعيد قريبا
اخوكم ابو فله