ankawa
منتدى الهجرة واللجوء => الهجرة و واللاجئين => الموضوع حرر بواسطة: فانتوم في 12:58 28/06/2011
-
والله شغلة تدوخ اخواني واخواتي اعضاء المنتدى
هسه قبل ثواني خابروني الأي او ام من عمان وطلعتلي وحه تحجي بالأردني سألتني:
مرحبا
اني كلتلهه كل الهله وبيني وبينكم جنت منتظر القنبله كلت هسه تحجيهه الدرة وتكول موعد سفر
كلتلي حضرتك فلان؟
كلتلهه اي نعم ، وطبعا الحالة النفسية والحسية ما اعرف شلون صارت الضغط يصعد وينزل واني بعدني منتظر الدرة
كلتلي انته اي او ام بغداد؟؟
كلتلهه اي >:( >:( >:( >:( >:(
كلتلي انته من سكان بغداد؟؟
كلتله لا من المحافظات الجنوبية
كلتلهه خير اكو تطر بالقضية مالتي؟؟ ;D ;D ;D ;D
كالت لا بس حبيت اتأكد من هاي المعلومات؟؟؟؟ >:( >:( >:( >:( :-[ :-[ :-[
فيمالله فيمالله
السؤال هو شني بأعتقادكم سبب الأتصال؟؟
هل هوه خربطة لو اكو وراه فد شي؟؟
لأن اني مكمل كلشي حتى الكفيل متصلين بي
بس اني اشك بشغلة الدورة التثقيفية
واترك لكم التحليل في استوديو التحليل
-
كلامك صحيح اكيد علمود الدوه التثقيفية لان انت محافظات اقتقد حتى ايحسبون حساب جيتك الى بغداد
-
الله يعينك اخويه
هسه هنه سطرين اني اقرا عشت الحله النفسيه مال انتظار القنبله
بس بلكي صدك علمود الدوره التثقيفيه
ولو احنه الحمدلله منحتاج هيج دورات بزود اخوتنه الطيبين الي ينزلون ارقى المواضيع عن الحياة بامريكا
المهم بلكي تخلص وينطوك موعد سفر بله دوره
-
والله ايجوز كل شي ايجوز موعد سفر ديحددولك ايجوز دوره تثقيفيه ان شاء الله خير يرجعون ايخابرون ويجيك السفر وين ايروح اتسافر اتسافر بس صبر
-
بما انو انت تركتلنة استوديو التحليل اني لح احجيلك من باب التجربة
اني شبعت من هاي الكلاوات مالتهم كل فترة يخابروني ويسالوني انت فلان اكوللهم اي نعم يكولولي انت ساكن ببغداد اكوللهم اي بعدني والحمد لله ومكد ما مليت من هاي الاسئلة كمت اكوللهم بعدني عايش لتخافون ادري الامنية مالتي تطلع ورة ما اموت وظليت على هاي الرنة مالتهم سنتين وهسة اجتني اعادة مقابلة للمحلف شنو رايك اخي العزيز بهاي القنبلة مالتي
هاي برايي اني انو انت تلح عليهم بالاسئلة هواي وتخابرهم او تراسلهم دائما
وشكرا لكم واترك الان المايك الى بقية زملائي وسنعود بعد قليل
تحياتي
جوني جاك
-
هاي علمود الدوره التثقيفيه اخي العزيز ليضل بالك
لان يمكن بس اهل بغداد مشمولين
جورجيا
-
مثل ما تفضلوا الاخوات والاخوان هاي علمود الدوره التقيفيه
بما انك مو من اهل بغداد فممشمول بهذه الدوره كن مطمئن
بالتوفيق
-
السلام عليكم
اخوية العزيز هاي المخابرة علمود يتاكدون من عنوانك علمود الدورة التثقيفية او اكثر المحافظات البعيدة من بغداد مامشمولين لان اني اتصلو بيه 3 مرات سئلوني على مكان سكني كتلهة من المحافظات كالت انتوا ممشموالين بالدورة تحياتي
-
تحدث بارقه العوائل .. هاي من يشتاقون يخابرون يسمعون صوتك
-
يالله هم زين مناسينك الله كريم
-
ههههههههههههه قوية مال بس اتاكد ...والله ديبدعوون بحرك اعصاابنا
-
زين خابروك وما ناسينك
كول يالله وانشالله تسافر باقرب وقت
-
انشاء الله يكون علمود الدورة التثقيفية ليظل بالك اخويه توكل على الله والله كريم وانشاء الله يوم سفرك
تحياتي
-
شنو يعني الدوره التثقيفيه بلا زحمه
-
اي اكيد علمود الدورة التثقيفية لان انت من المحافضات والدورة التثقيفية اتصير ابغداد شعجب منطوك سي دي همة جماعت المحافضات ينطوهم سي دي
-
هاي يجوز يردون يحددولك موعد سفر قبل زياره 40 ::)
و لهذا سئلتك انته من بغداد او محافظات
لاان الطريق ينسد ::) ::) ::) ::)
-
السلام عليكم
اكثر شي علمود الدورة التثقيفية لان اهل المحافظات مينطوهم دورة تثقيفية وانشالله خير اخي
تحياتي
-
صحيح اخي فانتوم مثل ما كالت الاخت جورجيا والاخت داليا الوردة علمود الدورة التثقيفية لان انا من خلصت مقابلة محلفين سالني شادي احد موظفي المنظمة انت من محافظة بغداد كتله لا من البصرة كالي تريد تحضر دورة تثقيفية لو لا كتله اذا ما احضر بيه تاثير على سير القضية كالي حتى لو تسالني خمس مرات نفس الجواب راح اكلل مابيه اي تاثير مجرد انريد نعرف منوا من المحافظات البعيدة ومايريد يحضر تثقيفية وكالي على جوابك هذا اقصد شادي كالي مراح نتصل بيك على الدورة التثقيفية فقط انتظارك رد المحلف وان شاء الله الخيرة لما اختارها الله وخليها على رب العباد والله كريم ........ حبيبي فانتوم اعتقد راح تفهم الي كتبتة وترتاح اعصابك اكيد الجاي موعد سفر ان شاء الله
-
اكيد علمود الدورة التثقيفية لتدوخ...............
-
انشاء الله سفرك قريب يا رب
-
نعم اخ فانتم اتفق مع الاعضاء المحافظات ما مشمولين بالدوره بسبب البعد والاوضاع الامنية الصعبة
-
اعتذر لهذا الأنقطاع والتأخر في الرد على الأخوة والأخوات الذين لم يدخروا جهدا او معلومه في مساعدتي والحقيقة اني جدا شاكر الكم وممون لتعاونكم ونصائحكم وفعلا احنا اهنا هنا بعنكاوا اسرة وعائلة وحدة والله يديم المحبة بين القلوب ويارب الكل تسافر انشالله وتتحقق الأماني
-
اخوية هاس يمكن ديتاكدون انت بعدك وياهم يو نسيتهم لانه همة ماشاء الله يبزعوه الواحد الا ان تطفر روحك والله اعلم على العموم ضل مرابط وياهم وانشاء الله خير
-
ان شاء الله الخير للجميع والجميع يسافر هذه السنة باذن الله تعالى
-
آمين رب العالمين