ankawa
منتدى الهجرة واللجوء => الهجرة و واللاجئين => الموضوع حرر بواسطة: كرافيك في 16:28 30/06/2011
-
السلام عليكم ورحمة الله وبركاته
اخوان اريد اسالكم اذا تعرفون احد نقل ملفه وسافر من سوريا للاردن؟ لان اني مقبل على هيج موضوع وحاير سوريا تقولي قدم طلب و90% يجيك رفض على طلب النقل, والاردن يقولولي تعال بدون هذا الطلب واحنه نكمل اجراءاتك من وين ما وصلت سوريا, وهسه اني حاير لان عندي تجربه مريره وياهم لان سابقا هم سالتهم على تغيير الجواز وقالولي مياثر على فترة الانتظار الامنية وهسه اني بسبب هذا الخطا دا انتظر الامنية صارلي سنة وعشرة اشهر تقريبا. فاريد احد مسوي هاي العملية مال نقل الملف, حته افهم من عنده اذا نقل الملف الطريقة شلون ومن راح لعمان شسوو للملف وهل صحيح يكملون لو كلام الليل يمحوه النهار. فبلكي تساعدوني بهذا الموضوع عسى الله ان يفرج عنه وعن الجميع.
وتحياتي الكم
-
اخى المحترم
يصير تنقل ملفك من اى دوله للمكان اللى انت تختاره
فى عند الاخت الامانى موضوع بهذا الخصوص هنا
-
ويــــــــــــــــــــــــــــــــــــــــــــــن جماعة اردن .....
للمســــــــــــــــــــــاعده
-
اخي هذا رابط مال موضوع الاخت الاماني الضاله .....استفسر منها
http://www.ankawa.com/forum/index.php/topic,514766.0.html
تحياتي
-
http://www.ankawa.com/forum/index.php/topic,514766.0.html
السلام عليكم اخونه هذا رابط موضوعي عسى بجاه ربي يفيدك شي من ما موجود به وان شاء الله باذنه تعالى يفرج همك وهم الجميع بتمام العافية
تحياتي واحترامي
-
hاخي اتلعزيز انته يو ان بعدك لو متحول ......اذا بعدك يو ان مينقل ملفك مطلقا وسجل من جديد وتبدا من الصفر اتعد ايام...........اما اذا ملفك متحول اي او ام ومخلص كلشي وهذه الي اعتقده من خلال كلامك الي اتصوره يصير بس لازم الملف ابوسوريا يوافق عله نقله واهنا يقبل وتكدر اهنا تاخذ الموافقه بتبرير النقل لدواعي معينه..............فركز ابو سوريا لازم يوافق........تقبل تحياتي واخوك تره مجرب...............
-
يابه منو ناقل ملفه خلي يساعد الاخ ينفله وياه ::)
-
اي اكو واحد نقل ملفه من سوريا للاردن للاي او ام ولو اني مال اعرف التفاصيل بس ااكدلك اكو هيج حالة
-
الاشكر الاخوان الي تفاعلو ويه الوضوع ووصلتني منهم ردود طيبه, وردا على تساؤل الاخ علاء فاني استلمت موافقة الوفد بالاي او ام بـ 14\9\2009 ولغاية اليوم اني انتظر الموافقة الامنية بسبب تغيير الجواز الي استفسرت موظفة الاتصالات في حال غيرت الجواز هل ياثر على فترة الانتظار وجاوتني لا مياثر واكدت عليه مره ثانية واكدتلي من جديد, والنتيجة انتظار طول هاي الفترة, فاني عندي تجربة مريره ويه الموظفين واجاباتهم فماعندي ثقة بيهم , وهسه يقولولي قدم طلب و90% يجيك رفض وعمان تقولي تعال بدون الطلب واحنه نمشيلك بالاجراءات من وين وصلت سوريا, طيب اني شلون اثق بيهم, فاريد نصيحة مجرب, شسوه بالتفاصيل, ولو اني قريت المواضيع الي دزتوليها بس ظليت متخوف فاريد احد مثل حالتي امورة وصلت للاي او ام دينتظر السفر وحول ملفة بعمان ومشه الموضوع وياه, فاريده يفهمني شسوه بالتفاصيل, وارجو من الاخ علاء افهامي بالموضوع لان قال اني مجرب, فاريد نصحته.
واشكر الجميع شكرا جزيل
-
اخي العزيز اني قبل شهر طلعت من سوريا علما اني واصله للهجره الدوليه وبسبب الظروف والبلبله حاولت نقل ملفي كالو اكتبي و ترجمي الطلب وفعلت مثل مارادو وسافرت بس أوكد لك مراح تجي موافقه اخي اتوكل وسافر والدوله الي اتقدمله راح تسحب ملفك وانت براحتك هذا ماحصل لي
-
اخي كرافيك انت حاليا بانتظار الموافقه الامنيه يعني مخلص كل المقابلات ومتحتاج تنقل ملفك
تكدر باي وقت ينطوك موعد سفر ترجع لسوريا وتطلع مناك
او تكدر تروح للاردن وتنطيهم رقم ملفك وهمه يتابعولكياه من يمهم لحين موعد السفر
-
اي اخويه ايصير هيجي شي
-
اخوية اتوكل على الله ووتعالى واي استفسار اني موجود
-
او تكدر تروح للاردن وتنطيهم رقم ملفك وهمه يتابعولكياه من يمهم لحين موعد السفر
عيني ريم الله يساعدج بس حبيت اوضح انو ابو عمان مرح ينطي اي جواب من يكون هوه بعمان وملفه بغير دوله يكله انقل الملف وبعدين اجاوبك وهذه الي صار ويايه .
ويكدر يروح لعمان ومن يوصل يبلغهم اني بعمان واريد انقل ملفي رح ينقلولهيا .
-
السلام عليكم
شكرا جزيلا على الردود الي تخلي الواحد يعرف طريقة, واني من بعد ان اتوكل على الله واصلي صلاة استخارة رح اخذ بتجاربكم واسافر لعمان ومن الله التوفيق, واشكركم مجددا لان صدق هسه استقرت "حالتي النفسية", فادعو من الله ان يسهل للجميع ويعجل للجميع بتحقيق امانيهم بالسفر القريب.
-
اخي صاحب الموضوع اولا تتصل ب اي او ام عمان وتشرحلهم الحاله مالتك وتستطيع ان تقول لهم باني لا اقدر ان اواصل في سوريا واريد ان اغير اقامتي في سوريا او تكدر ترسل لهم رساله عن طريق الايمل وهمه سوف يسمحولك بالدخول الى عمان عن استحصال فيزا لك ولعائلتك مثلما حصل لي انا في سنه 2009 ولحد الان بانتظار الامنيه ولعلمك سوريا افظل لان سوريا تستطيع العيش فيها لانها ارخص من عمان من كل النواحي فاني ما اشجعك على المجي لعمان