ankawa
منتدى الهجرة واللجوء => الهجرة و واللاجئين => الموضوع حرر بواسطة: baghdadlover في 13:21 02/07/2011
-
مساء الخير
و شكرا على قبولي بمنتداكم
و اتمنى الموفقيه للجميع
بس العفو عندي استفسار اتمنى من الي عندهم خبره و تجارب يساعدوني بيها
حالي حال الالاف العراقيين اريد اطلع و ارتاح من وضعك العراق الي يوم عن يوم يصير اسوء
سؤالي
ايها افضل اللجوء ام الهجرة؟
وهل الحصول على اي منها مستحيل ام
اتمنى احد يكون عنده جواب شافي لان اني مزوج و عندي اطفال 2
و اخاف اطلع مثل ما يكون من حفرة و اوكع بحفرة اغمق
و شكرا مجددا
-
ان شاء الله اخي هسه اهل الخبرة ايجاوبك ... بس اذا انته بالعراق واتشوف وضعك الامني مو زين اطلع اخي وقدم على
المفوضيه والله ايسهل امرك تحياتي اخي العزيز
-
اذا عندك عائله لجوء بنظري احسن
تحياتي
-
اهلا ً وسهلا ً بك بين اخوانك واخواتك في هذا المنتدى
اتمنى ان نستطيع اشباع كافة تسألاتك كل حسب معلوماته وتجاربه
اللجوء لا يحق لك اختيار بلد التوطين اما الهجرة فيمكنك ان تقدم اوراقك الى سفارات الدول التي تقبل الهجرة او هناك من يقدم لك طلبا ً من الخارج وتنتظر دورك في الموافقة او الرفض ولكن المهاجر ليس له اي نوع من انواع المساعدات يعني بالعراقي مسافر ماكل شارب نايم على حسابه.
هسة خليت الطوبة بساحتك اختار هجرة لو لجوء واحنا حاضرين للاجابة.
تحياتي وتمنياتي بالتوفيق
-
السلام عليكم
اشكركم الف الف شكر على الرد
اني ابالي شغله اللجوء
و بصراحه اكثر من شخص كلولي انه اسافر لاي دوله اوربيه و امزق الجواز و ما اعرف ايش
و اني هاي الشغله متخوف منها و خاصه العراقي غير مرحب بيه كما هو معروف و اخاف يسلموني للسفارة و تعال يا عمي خلصني و يطلعوني ارهابي
ارجو بيان الطريقه الصحيحه و الامنه و لكم جزيل الشكر
-
شو سكته؟؟
ماكو اي رد؟
-
اخي هاي سالفة تشك الجواز شيلها من بالك,,لان مال تطلع قجغ و تورط روحك و تورط عائلتك هاي مجازفة و هدر لفلوسك...الاخوان قصدو انه تطلع لاحدى دول الجوار مثل الاردن,سوريا,مصر,لبنان,تركيا و تقدم على لجوء عن طريق الامم المتحدة ال UN
-
اخي هاي سالفة تشك الجواز شيلها من بالك,,لان مال تطلع قجغ و تورط روحك و تورط عائلتك هاي مجازفة و هدر لفلوسك...الاخوان قصدو انه تطلع لاحدى دول الجوار مثل الاردن,سوريا,مصر,لبنان,تركيا و تقدم على لجوء عن طريق الامم المتحدة ال UN
شكرا على الرد اختي العزيزة
و الله يقدم الي بيه الخير
بس هي ينرادلها مصاريف و مو شغله لا شهر و لا شهرين
لان ولد صديقي بقه من ال2006 و الى ال2009 يله حصل لجوء
يعني بالعاميه اكوم اشحذ بعمان او سوريا الى ان احصل اللجوء
الله ارحم الراحمين
و اشكرك مجددا
-
اخوي العزيز اكو لاجئين عراقيين بره مرتاحين و الحمد لله و بنفس الوقت اكو ناس هم ما مرتاحين و خصوصا اللي بدول الجوار و اكو ناس ظالة تنتظر سنين حتى يسافرون و بعدهم و اكو ناس محد سائل عليهم فانت بالنسبة الك اذا ما مهدد ووضعك زين نسبيا فاني شخصيا ما انصحك تطلع لان راح تتعب و الطلعة لامريكا لو لاستراليا مو سهلة حاليا الا اذا انت مهدد و قصتك مقنعة او عامل مع يواس فورس فيا اخوي انت اعرف بوضعك اذا حالتك كلش داجة بالعراق توكل على الله بس من تطلع من العراق لا تخلي ببالك ترجع اقل شي فترة 5 سنين
-
اشكرك استاذي على النصيحه
اني الحمدلله ماكو اي تهديد او شي
القصه و ما بيها اني مليت من انتظار اللا شيء
اني و زوجتي من ال2005 تخرجنا
و صار ميت معامله نقدم و ماكو نتيجه
و الى متي محد يعرف
و الاسعار تجيب و تصعد من كل النواحي
و سيوله ماكو
لذلك فكرت بالهجرة او اللجوء
مع العلم اني ابد مو مقتنع بيها
بس من اللا جاره