ankawa
منتدى الهجرة واللجوء => الهجرة و واللاجئين => الموضوع حرر بواسطة: احمد لبنان في 15:28 02/07/2011
-
سلام عليكم اخواني وخواتي
عندي سؤال يخص العنوان اللي ينطيه الشخص بالمقابلات التابعه لليو ان
يعني شخص نطا عنوان بالعكس يعني رقم الزقاق وي المحله نطاهن واحد بمكان الثاني
شلون مشت اموره ووصل للمحلف وقابل ما ادري لان السؤال يخص شخص اعرفه وهو كلفني ان سال عن الحاله وهو انسان بسيط و ميعرف بالانترنت وسوالفها
هسه هو قابل محلف من شهر الرابع الفات ودينتظر الامنيه .. فهل هاي الشغله تاثر على امنيته ؟؟
وما على الرسول الا البلاغ .. ياريت تنطوني الاجابه بسرعه لان صاحب السؤال دينتظر
ورحم الله والديكم
-
اخويه اذا تقصد عنوان سكنه بالعراق وهو مقدم بطاقة السكن والبطاقة التموينية وغلطان احتمال تأثر شوية بس اذا ممقدم بطاقة سكن والبطاقة التموينية عادي متأثر
-
رحم الله والديك عالاجابه
بس سؤال لاخ رحمه لوالديك هذا الشخص يكول البيت اللي كان ساكن بيه ايجار و ماعنده اي ملك بالعراق .. بالتجييك الامني يسألون عنه بالمنطقه اللي كان الشخص ساكن بيهه ؟؟؟