ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 15:30 05/07/2011
-
بأرائكم ..
احترامي للجميع
-
اخويه شلون تريد تتجاهل الموضوع؟
اني اشوف انو تغير منطقة سكنك
وادز اميل للسفاره تكولهم ع التهديد واسالهم اذا اروح لغير دوله شنو من احراءات راح تتغير
والله يبعد عنك اولاد الحرام بجاه النبي محمد وآل محمد الطيبين الطاهرين
-
السلام عليكم ..
إبقه بالمعسكر ..ثلاث أشهر أو أربعه وخلي مرتك وجهالك يروحون لأهلها
خصوصا هسه المدارس عطلة ...
هاي الفترة كافية حتي تبين لك التهديدات فعليه أو مجرد تناقل كلام ..
بس قبل كل شئ دبرلك فد عذر زين حتي تنشره بالمنطقه عن طريق النسوان ...عن سبب إختفاءك أنت وعائلتك ...
سويلك عركة وهميه ويا المره بحضور إحدى الجارات ....ووديها لأهلها هي وجهالها ..
المهم...... أربع-ثلاث أشهر وكت كافي تشوف شون حتتصرف
يبقي يمك الخير والأمان ..وللجميع
-
غير مكان سكنك مثلي ما اني سويت
-
اشكركم اخوان بس بيت اهل زوجتي بنفس منطقتي القديمه والله متحير بس علمود اطفالي لن اني قلبي مات من هاي السوالف بعد ماهتملهه وبنفس الوقت ما اكدر ابقه ولااكدر اصير مثل ام البزازين جماله المعسكر راح ينسد
بس بقت عندي شغله وحده انه اتأكد من صاحب الدكان يمكن كاعد يكذب بس اكيد اكو فد غايه لان طريقة كلامه ما كانت عفويه
امتناني للجميع
-
اخي الله يحرسك ويدفع عنك شر كل شرير اخي شوفلك حل لاتتجاهل اللي ماعندة رحمه
-
طبعا اتغير سكنك ما يحتاج انكوللك ولو تكدر اطلع من العراق ... تعال لعمان عمان اشيلك فوك راسنه
-
اخي العزيز كلش حباب
لقد مررت بنفس ضروفك بالضبط وفي نفس هذه الايام قبل 5 سنوات فكان قراري ان اسفرهم الى عمان ليكونوا بمأمن ومارست عملي ولكن استقريت داخل المنطقة التي كنت اعمل بها واتردد على عمان بين فترة واخرى الى ان انتهت اعمالي وجئت الى هنا واستقريت وقدمت اوراقي وانتظر دوري ، اذا كانت معاملتك IOM بسهولة تنقل الى عمان اما SIV ما عندي معلومات ، بالنسبة الى IOM مجرد ان تعلمهم ما حصل لك وشوية رتوش ما عندهم اي مانع تنقل ملفك الى عمان.
تمنياتي لك بالتوفيق والله يبعد عنك كل شر يارب
تحياتي
-
الله يكون بعونك وبعون كل العراقين شوكت راح يبطلون هاي السوالف ما أدري
-
اخوية روح لاربيل اذاتريد ومن يجي موعد المقابلة تعال هذا اقتراح عاد انتة بكيفك تمنياتي الك بالسلامة
-
اخوية روح لاربيل اذاتريد ومن يجي موعد المقابلة تعال هذا اقتراح عاد انتة بكيفك تمنياتي الك بالسلامة
اني ويا رأي الاخ وربي يحفظك وينطيك على كد نيتك يارب
-
الله يحميك اخوي وحسبنا الله ونعم الوكيل
اخوية غير مكان سكنك وخذ زوجتك وديها الاهلها ونت ابقى بالدوام منا لما الله يفرجها
-
افلت للشمال عالسريع , حتة لا تتعب من التفكير ترة التهديد مو لعب
-
والله اخويةالعزيز لا تستسلم مهما كانت الضروف اقتراحي الحضرتك وتقيمي للوضع الحالي الاستهداف حاليا خصيصا مو مثل قبل يكتلون اي كان حاليا الخلافات السياسية بين الكتل افرزت شغلت الكواتم والواسق فيااخي اذا ما عندك ثار وية احد ابقة امنطقتك واحتمال اكيد ابو الدكان كاذب لان نصهم وية الحكومة يشتغلون والي يريد لا سامح الله يختالك ما يسئل عليك يختالك بدون مقدمات اما اذا اتريد تنتقل انتقل داخل بغداد مثلا انتة بالكرخ انتقل للرصافة وامرك الى الله ما اعتقد يلكوك باهل السهولة مع الحذر من الجيران اان تعطي عنوانك الجديد ولا تنطيي انطباع للناس الداير ما دايرك انك راح اشيل حاول تطلع مفاجئة باليل او وقت الضهر مع تحياتي وتمنياتي الحضرتك راحت البال وطيب الخاطر
-
السلام عليكم ... كيف الحال أخي العزيز كلش حباب نصيحتي إلك اذا تحس نفسك وعائلتك بخطر فنصيحتي إلك تبدل مكانك وتشوف منطقة امنة وما تعرف بيها ناس هواي وتحاول تقلل اختلاطك بالناس أو تحاول تنتقل لمحافظة قريبة من بغداد وتنتظر فيزتك من تطلع واكو ناس عدهم قتل بني ادم لا شيء فأرجو منك ان تحافظ على نفسك قدر الامكان مع جزيل الشكر والتقدير ... تحياتي . جاك
-
الله يساعدك اخي ويبعد عنك ولد الحرام
حاول تغير مكان اقامتك الى ان يبتعدون عن طريقك
ان شاء الله بردا وسلاما
-
الله يساعدك اخي ويكون بعونك اني اكول غير محافظتك وروح المحافظة محد ميعرك بيهه واخلص من هلشكولات الزفرة
-
السلام عليكم اخواني اخي العزيز كلش حبابادعيلك من رب العباد يفرج عنك وتجيك الفيزة بجاه النبي محمد وكلمن اله جاه وفضل عد رب العالمين والله يحفظك لاطفالك لانه اني قريت من سويت المقابلة وداتخيل جهالك شسوو الله يحفظك الهم ويحفظهم الك اخوية وتسافر وترتاح وتعيش بعيد عن الخوف
-
الله يحميك ويوفقك يا رب و يبعد عنك ولد الحراام نصيحتي ترروح للشماال مثل مااني سويت
-
يمعود توكل بالله وغير مكان سكنك التهديد مو لعبه
والي يروح يروح من عمره ترة محد يفيدك
-
احبائي بارك الله بيكم جميعأ , طبعأ جدأ ممنون من ردودكم ومقترحاتكم الصائبه واهتمامكم بالموضوع
راح احاول اصفي اموري و اتخذ قرار بس احتاج وقت لان التفكير في امر خطير يحتاج بال صافي وبما ان تفكيري مشوش حاليا فسوف اخذ اسبوع في الشمال وبعدها الله كريم ( بس اخاف الجماعه يحسون ويثبت عدهم عيد ومثل ماتعرفون سالفة الفيزا طويله ويمكن قبول او رفض لاسامح الله) علمأ انه قبل ساعه طلعت اشمشم اخبار واتحرى الوضع بحجة اشتري من المحل لكيت اكو تجمع مو رحماني لان صار كم يوم الجماعه ديسوون تجمعات ,,يمكن كاعد اتخيل هيج؟ مادري
-
الله يكون بعونك ويصبر ويحرسك اذا بعدك تشتغل لا تنزل للبيت
واذا ماتشتغل اطفر الاوربا الشمالية الي هيه كردستان الله يحرسك اخوية
-
اخي العزيز كلش حباب الله يساعدك
اخي غير موقع سكنك مثل مكالو الاخوه واذا تريد تعال بمنطقتي اني منطقتي امينه ومستعد الكيلك بيت للايجار واخليك بعيوني واذا متشيلك الكاع احطك فوك راسي وشتريد اني حاضر
-
اخي ..الشغله الي تحجي بيها وانته احساسك بمكانه .....
ولو النظرات مرات تكون مريبه من اشخاص انته متعرفهم بس هم يقلقك..
احسن وسيله للخلاص وراحه البال ,,,,,الخروج للمحافظان الشماليه ....ورتب نفسك اهناك وخلي اهلك ونفسك بمنائ عن الخطر
يسهلك الرب طريقك ...........
الهزيمه ثلث الرجوله ........شغله مو شقه
-
الى الشمال حيث لا ابو لهب ولا هم يحزنون .....اخي ضحي بكل شي من اجل عائلتك ,واني مريت بنفس ظروفك وطفرت موانع (للشمال) والحمد لله بغداد مااشوفهة بس من اروح للشغل ....وانته بكيفك بعد,والله يحفظ الجميع.
-
اخواني وخواتي العنكاويين
راح ابقه بالبيت لمدة اسبوع حتى ما اجيب اي شكوك وخصوصا من صاحب المحل يمكن يكول بس كتله جماعه سألوا عليك انهزم وتثبت عليه السالفه . اذن راح ابقه بالبيت وما اطلع واشوف هالاسبوع شيصير واللي يريد يجيني للبيت اعرف شلون اتصرف وياه , وراح افلت الى الشمال الاسبوع القادم والله كريم
شكرا لاهتمامكم يا طيبين
-
الله يسهل امرك وتجيك الفيزة بهل الاسبوع انشاء الله
-
الله يسهل امرك وتجيك الفيزة بهل الاسبوع انشاء الله
مشكور ياورده بس اني مقابلتي كانت قبل 20 يوم تقريبأ يعني اني وين والفيزا وين؟
الله يسهل امور الجميع
احترامي
-
نصيحتي الى كل من يعمل مع الجيش الشركات اي شي الشغل موعيب ومو حرام بسس ولد الزنا مخلوا شي بالبلد اذا مخربوه
ترة قضية التهديد اخي مو سهله ومو شقه حتى تراهن عليهه حياتك اخي العزيز انت صاحب عائله وسبق ان انكتب بالمنتدى من احد الاعضاء طرق الاغيالات المنظمة للجميع فئاة المجتمع دكتور مدرس مترجم وبالذات هاي الايام وعندكم علم الكواتم والفرق المنظمة وغيرها من المليشيات
وشي اخر ترة كل اوليات وعنوانين الموظفين الذين يعملون مع الامريكان توجد في وكالة التحقيقات والمعلومات الوطنيه في المسبح وقسم تقييم الشركات الاجنبيه في العراق يعني العلس جاي جاي وكلمن حسب سرى لان الدولة متخاذله وعميله الى ايران وعدهم اكثر من مخطط لتقليص الشعب بكل فئاته باي حجه وباي ذريعه
اخي افضل حل واسلم حل تاخذ القضية بجدية وبدون متبيع بطولات فكر بحال عائلتك الي هية نقطة ضعف كل عراقي وادري بيك سبع بس وليه مخانيث والشغله مو يوم ويومين اما تغير محل سكنك او تطلع الى الشمال اي شي اشتغل هناك لمى تفرج
واسف للاطاله وادعيلك بالخير والله يحفظك
-
الله يحميك اخوي وحسبنا الله ونعم الوكيل
-
لله ياخوية منكدر نكول اله الله يحفظك ويحفظكل العراقين الشرفاء الاصلاء الي يريدون بس يعيشون ومحد ديخليهم حسبي الله ونعم الوكيل
-
اخي كلش حباب بالبداية الله ايحفظك من كل مكروه وثانيا اخوية اتمنى متتجاهل اي تهديد حتى لو صغير لان لتنسي انته مو ابحدك انته ابركبتك ثلاثة اطفال وامهم غير مكانك روح الى اربيل او سافر الى اي دولة المهم لتهمل اي تهديد والله على كل ضالم انشاء الله
-
بالسلامة ان شاءالله
والله يحفظك ويحفظ الجميييييييييع يارب
تحياتي
-
اخوية العزيز اولا الله ايحرسك وحسبي الله عليهم اخوك هم جان ساكن بغداد اتهددت ورحت غير محافظة لا اعرف احد ولا احد يعرفني , برأي الشمال احسنلك الى ان الله يفرجها وان شاء الله عن قريب كول امين يارب العالمين
-
يا اخوان والله خجلتوني بردودكم وتعاطفكم ويايه بس شغلة السكن بالشمال تريد كفيل بس ممكن اروح سياحه بين ما اصفي دماغي بس يمكن راح اشوف سوريا ويمكن الاردن وراح انزل موضوع واشوف ردود الاخوان الساكنين هناك
الله يحرسكم جميعا ويرعاكم بعينه التي لاتنام
وسيعلم اللذين ظلموا اي منقلب ينقلبون والعاقبة للمتقين
احترامي للجميع
-
أخوية ماكو غير الشمال (ملاذ أمن) للمترجمين والمهجرين والمهددين ... تعال يمي خلي نصير كثافة سكانية هنا
وشتحتاج اني بالخدمة