ankawa
منتدى الهجرة واللجوء => الهجرة و واللاجئين => الموضوع حرر بواسطة: Arez في 00:31 08/07/2011
-
السلام عليكم ...
اخوان .. اخوات شونكم ان شالله الكل بخير
اني اريد اقدم للهجرة ومااعرف شون اقدم .. ممكن توضحولي شنو هي فكرة الكفيل ...واني الممنون
تحياتي للجميع
-
السلام عليكم ...
اخوان .. اخوات شونكم ان شالله الكل بخير
اني اريد اقدم للهجرة ومااعرف شون اقدم .. ممكن توضحولي شنو هي فكرة الكفيل ...واني الممنون
تحياتي للجميع
اخي العزيز انت باي بلد اولا؟
مشتغل وية جهة امريكية لو لا؟
عندك اخ/اب /قريب درجة اولى مشتغل وية الامريكان؟
عندك اقارب بامريكا؟
من تجاوبنا على هاي الاسئلة ان شاء الله يجيك الجواب الشافي
-
راح اتعقد من الاسئله الي ميوضحون بيها مقصدهم ؟؟.. ???
حبيبي اكو لجوء اولا عن ....
1-عن طريق الامم المتحده لشؤون الاجئين(un) وهي خاصه للذين حياتهم في خطر ومظطهدين والتي تعنئ بحقوق الانسان
2- منظمه الهجره الدوليه)iom( والتي يخص العاملين مع القوات الامريكيه بكافه صنوفها..مترجم مقاول ,, اداري شركات
وانته شوف اي واحد يشملك من هاي ........ واي بلد انته ...
اليو ان تقدم عليه من دول الجوار .....un
الاي او ام من العراق ودول الجوار ايضا iom
-
انشالله خير يكون ويستفاد من المواضيع .....
-
للرفع والاجابة والتعليم ....(وخصوصا كيفية استخدام خاصية البحث في المنتدى) ....
بس كولي انت مشتغل وية الامريكان ؟؟!!
وشكد صارلك تشتغل ؟؟؟
ووين انت هسة باي دولة ؟؟!!
علمود نكدر نجاوبك
-
انته منين وشتريد بلظبط هههههههه اذا انته بالعراق او خارج العراق اذا انته مشتغل او ممشتغل ويه التحالف يا ابيض يا اسود
-
اخوان الاعزاء على كيفكم ويه ا لولد هو شرايد منكم مساعده بسيطه ويجوز ميعرف شون يجاوب اني اول موضوع نزلته هم معرفت منين ارد واحد الاعضاء مشكورين علمني اخونا من تكمل قراءه اخر الردود هسه تشوف بالاخير مكتوب رد على الموضوع انقر بالماوس واكتب الرد ثم سوي ارسال وشتريد الاخوان ميقصرون بس همه يحبون يتشاقون
-
وين صار خطيه ..يمكن زعل ؟؟؟
-
اولا اني جديد بالمنتدى وان شالله هذا يكون اول واخر سؤال اليه لأن اكو اعضاء فعالين بالمنتدى (Aiham_ & كلش حباب & نــــــــــوار تيتــــــو & sally00 & aboodi issa & زرزور بغداد ) يعرفون شون يجاوبون المقابل ... مع الأسف
وثانيا أشكر الأخوان والأخوات (سرى1 & (COBRA) & RED HAT ) لأن هم من صدك اعضاء متميزين واحتراماتي الخاصة الهم .
وثالثا شكر خاص للأخت ( ام تسنيم1 )
واني سألت ومااعرف أي شي عن الهجرة
واشكر الأدارة ... تحياتي للجميع
-
اخي صاحب الموضوع تره احنه نتشاقه انت ليش تاخذ على خاطرك؟ وشوف المواضيع وردودنه عليهه يعني انت لو كاتب بصوره تفصيليه جان جاوبناك بصوره تفصيليه ولو هو حجي بيناتنه صارت عليك هجمه منظمه ;D وانت بعدك جديد ;D
لاتزعل عيوني والمنتدى للجميع واذا اخذت على خاطرك راح انزل موضوع اعتذار او اي شي انت تريد المهم ما تزعل بس بعدين عود نشتغلك عالبارد ;D
تحياتي واحترامي
-
اخي صاحب الموضوع تره احنه نتشاقه انت ليش تاخذ على خاطرك؟ وشوف المواضيع وردودنه عليهه يعني انت لو كاتب بصوره تفصيليه جان جاوبناك بصوره تفصيليه ولو هو حجي بيناتنه صارت عليك هجمه منظمه ;D وانت بعدك جديد ;D
لاتزعل عيوني والمنتدى للجميع واذا اخذت على خاطرك راح انزل موضوع اعتذار او اي شي انت تريد المهم ما تزعل بس بعدين عود نشتغلك عالبارد ;D
تحياتي واحترامي
حبيبي كلش حباب اني مازعلت واني عضو جديد ( هالله هالله بينه ) من اول موضوع هجمتوا عليه .. وان شالله ماكو اعتذار بيناتنه ... تحياتي
-
حبيبي الغالي انت بس وضحلنه وضعك
انت بيا دوله
اذا بالعراق لازم تكون مشتغل ويه الامريكان
اذا خارج العراق يعني الموضوع يتعلق بالوضع الي مر بي العراق
حدد الدوله الي انت بيها حتى يدلوك مقر الامم المتحده وين وتروح تسجل
-
حبيبي الغالي انت بس وضحلنه وضعك
انت بيا دوله
اذا بالعراق لازم تكون مشتغل ويه الامريكان
اذا خارج العراق يعني الموضوع يتعلق بالوضع الي مر بي العراق
حدد الدوله الي انت بيها حتى يدلوك مقر الامم المتحده وين وتروح تسجل
حبي استاذ احمد اني بالعراق ( كوردستان العراق ) واحب الهجرة ل أستراليا لو أمريكا .. وحبيت اسأل شون ومنين الهجرة ... تحياتي الك
-
اولا اني جديد بالمنتدى وان شالله هذا يكون اول واخر سؤال اليه لأن اكو اعضاء فعالين بالمنتدى (Aiham_ & كلش حباب & نــــــــــوار تيتــــــو & sally00 & aboodi issa & زرزور بغداد ) يعرفون شون يجاوبون المقابل ... مع الأسف
وثانيا أشكر الأخوان والأخوات (سرى1 & (COBRA) & RED HAT ) لأن هم من صدك اعضاء متميزين واحتراماتي الخاصة الهم .
وثالثا شكر خاص للأخت ( ام تسنيم1 )
واني سألت ومااعرف أي شي عن الهجرة
واشكر الأدارة ... تحياتي للجميع
اخويةالعزيز اريز الي يريد يهاجر او يسافر مو يذبلة قنبلة و يفلت , سوالك كلشي ما افتهمنة منة , يعني بشرفك واحد يكتب اريد اهاجر وشلون الهجر و كبل و تريد الناس تجاوبك ؟؟؟
اكثر الناس هنا مقدمة على الاامالمتحدة ومقدمةعلى ال اي او ام و ال اس اي في يعني اكثرهاراح تسافراو تريد تسافر لامريكا , انتة طبيت لا افتهمنة وين تريد تسافرلا افتهمنا شنو وضعك لا افتهمنة وين عايش و جمالة جاي هنا زعلان وتعتب علينة , و الله عمي حقك تعتب , نتمنالكالموفقية
-
صدك شجاب الدولمة عل جلاق ههههههه
رجعنا على نفس السالفه .؟. سعد الحلي طالب لجوء على امريكا ??? ??? ??? ??? ???
لا اجاه رفض ل اسباب خاصة
خطيه :'( :'( :'( :'( :'( :'( :'( :'( :'( :'( :'( :'( :'(
-
اخي العزيز Arez السلام عليكم
اولا اذا كان تحليلي صحيح فانت من الاخوة الاكراد وما اعتقد مشتغل ويا الامريكان هذا مجرد تحليل
اذا تريد تهاجر لازم تسافر وتستقر بواحدة من دول الجوار وحاليا افضل دولتين الاردن وتركيا وتقدم على الـ UN
من ناحية اخرى انت ما تختار الدولة الـ UN يرشحوك وهسة ماكو غير امريكا وبعدين لازم يكون عندك سبب مقنع تكون به مضطهدا ً وحياتك في خطر
انت في كردستان زين شنو سبب اضطهادك قابل هددوك جيش المهدي لان مشتغل ويا الامريكان يعني لازم تكون قصتك مقنعة.
اذا كنت تريد ان تعرف الطريق الصحيح فاكتب لنا ما نستطيع ان نفهمه من وضعك الخاص ليتسنى لنا اجابتك
ارجو ان تتصفح المنتدى فهناك كثير من الاجوبة لتساؤلاتك
واي استفسار او توضيح سنكون على اهبة الاستعداد لاجابتك ومساعدتك فنحن في هذا المنتدى عائلة واحدة وانت تعلم حتى العائلة الواحدة لكل فرد فيها اطباعه وعاداته فارجو ان لا تزعل من اخوانك فمنهم الذي يحاول ان يجعل الفكاهة والمرح تطغي على كتاباته ليزيل هم الاخرين ومنهم من يكتب بجدية كالمعلم وليس بيننا من يحاول ان يستهزأ بالاخرين فعندما يحدث خطأ من احد الاخوة تجد الجميع تقف يدا ً واحدة ضده
اذا اخذت على خاطرك من تعليقات الاخوة فانا اعتذر نيابة ً عنهم لأنني لربما اكبرهم سنا ً فلقد تجاوزت الستين عاما بس ما راح اقول لك اشكد متجاوز اخاف تكول هذا شايب وعجز
تحياتي وتمنياتي لك بالتوفيق
-
أخي العزيز اهلا بيك بالمنتدى وليظل بخاطرك ترى اخوانه كلهم ورود بس تعرف العراقي عاطفته العالية بالترحيب ربما الطرف الاخر يفهمه خطأ او نوع من عدم الترحيب وهذا موصحيح لان قلوبهم ارق من النسمة ومتلكاها بجميع دول العالم ....
اما بخصوص كونك جديد فاحنه كلنا بمركب واحد والمنتدى للجميع والغرض منه الاستفادة وكلنه جديدين هنا مادام بينه المساعدة والاخوة ... اخي العزيز الهجرة بيها طريقين اما عن طريق اليو ان اذا كنت مهدد او معرض لاضطهاد معين كأظطهاد طائفي ديني سياسي ... او سبب انساني والطريق الثاني هو التقديم المباشر على منظمة الاي او ام وهذا يشملك اذا كنت عملت وية الامريكان او كان احد صلة الرحم من الدرجة الاولى قد عمل مع الامريكان (اخ، اب، زوجة، ام ، اخت) .
واي شي احنا حاضرين بخدمتك
-
الاخوة الاعضاء تم حذف الردود الغير مناسبة التي لا تليق بالمنتدى ولا تليق للترحيب بالعضو الجديد الرجاء الالترام الاحترام المتبادل والحوار البناء بين الاعضاء بشكل موضوعي واي رد مخالف للقوانيين يرفع للادارة
-
اخي صاحب الموضوع تره احنه نتشاقه انت ليش تاخذ على خاطرك؟ وشوف المواضيع وردودنه عليهه يعني انت لو كاتب بصوره تفصيليه جان جاوبناك بصوره تفصيليه ولو هو حجي بيناتنه صارت عليك هجمه منظمه ;D وانت بعدك جديد ;D
لاتزعل عيوني والمنتدى للجميع واذا اخذت على خاطرك راح انزل موضوع اعتذار او اي شي انت تريد المهم ما تزعل بس بعدين عود نشتغلك عالبارد ;D
تحياتي واحترامي
حبيبي كلش حباب اني مازعلت واني عضو جديد ( هالله هالله بينه ) من اول موضوع هجمتوا عليه .. وان شالله ماكو اعتذار بيناتنه ... تحياتي
هسه الترحيب خلص وصرت واحد من عدنه يعني بعد ماكو رسميات ومدة الضيافه خلصت.. روح دور على ايمي44 خلي تحضر العشه لازم تساعدهه ومن تخلصون طبخ روح على ايهم جيب منه التنكه ومو تنسه ارمي سترونك واذا اجتك تونا كوللهه العشه خلص ;D اكيد انت هسه كلشي مفتهمت يعني راح تشوف هجومات وتعليقات وسالفة الزعل انساهه لان حتى اليزعل بالمنتدى نصالحه غصبأ عليه موبكيفه يزعل لان احنه اكثر من اخوه ... عموما خليك هسه بحالة يقظه وتأهب وشتريد احنه حاضرين للمساعده واذا تريد رقم تلفوني راسلني عالخاص واني حاضر بس بعد لتسويهه وتفلت
احترامي
-
اخواني اشكركم جدااااااااااااااا ... واني راح أعتذر منكم ززززززززين ؟؟؟ والله اعزكم كللللللش ... ( ابو هنودة ) انت على راسي واخوية الغالي ... ( كلش حباب ) ولو مو كلش حباب بس اني حبيتك ههههههههه
تحياتي للجميع
-
للرفع و تسليمه قلم و مساحة و مقطاطة و دفتر رسم , الجدول مال الدروس معلك ب باب المنتدى و تعال من الصبح ترا ما نطببك للمنتدى
-
ههههههههههههه ترى اني طالب شاطر هاااااااااااااا وعندي كلللللشي ( قلم ومساحة و ألخ ... )
تحياتي
-
ها اخويه ايهم نبدي نشتغل لو بعد ترى AREZ معنوياته عاليه :D
-
ها اخويه ايهم نبدي نشتغل لو بعد ترى AREZ معنوياته عاليه :D
هههههه اخوية حباب الورد ...
-
السلام عليكم اخوية العزيز ...
اذا انت بالعراق وتريد تقدم من العراق لازم تكون مشتغل وية الامريكان بصورة مباشرة او غير مباشرة (متعاقد ثانوي) ... واني لاي سؤال حاضر . بس اذا انت ما مشتغل وية الامريكان فأني اسف ما اكدر اساعدك لان ما عندي اي تفاصيل عن التقديم عن طريق ال يو ان .
وتقبل مروري
-
اخي الكريم اذا انت بالمناطق الباردة ليش تريد تهاجر ؟؟
القصد ..اذا تحب تسوي مثلنا تهاجر لدولة عربية بس كون تحضر نفسك انت وين اضطهدت بالضبط واي منطقة ولازم تكون من مناطق العراق الساخنة ..
الاخ العزيز ابو هنودة .... شرحلك بالضبط والاخوان البقية ما قصرو بالتوضيح واعتقد صارت عندك فكرة ..
اعتقد حضرتك طالب وعمرك حاليا عشرين او اقل بس حاب تترك كردستان الي هي (اربيل ..دهوك ,, سليمانية) الي هي مناطق باردة جدا بالاحداث وانت تعلم ذلك ..
يتم التوطين لامريكا عن طريقين (اما العمل معهم ) او ( تسافر الى دول الجوار ويتم تحويل ملفك ضمن شروط خاصة)
استراليا .. تريد كفيل ..ولكن نسبة النجاح بيها شبه ضئيلة وعلى الاغلب قسمة ونصيب وانت وحظك
كندا ... اما هرجة خاصة او هجرة رؤوس اموال او كفاءاات او عمل .. او تحويل من اليو ان UN بعد الرفض من امريكا مسبقا ..ولابد من وجود قريب درجة اولى على الاولى ..
فلندا ... عن طريق اليون ان UN وايضا نسبة ضئيلة جدا قياسا بغير دول ..وانت وحظك والقضية الي كتبتها وقوتها
اذا حبيت تهاجر لازم تحضر نفسك نفسيا وماديا ومعنويا لكلك طارئ يحدث .. وتتحمل جميع النتائج وقويو كلبك (بايسن) ;D
هناك عوائل تم تحويل ملفهم للتوطين خلال شهرين او سنتين او 10 سنوات لا توجد فترة محددة انت وحظك
لازم تحضر مستمسكات تثبت اضطهادك وكلما كانت موثقة ومضبوطة (صور ..باجات .. تزكيات.. ورقة تهديد) الخ..احتمال كبير يتحول ملفك للتوطين
ربما تقرير طبي يساعدك في تحويل ملفك للتوطين ..وهناك خيارات لا نعرفها ربما لانها تعود لهم .. واسبقيات لا احد يعرفها سوى هم UN
ارجوا ان اخذت فكرة ولو بسيطة
وتدلل
-
اشكركم اخوان عالمعلومات ... بارك الله بيكم