ankawa
منتدى الهجرة واللجوء => الهجرة و واللاجئين => الموضوع حرر بواسطة: كآبه في 21:37 09/07/2011
-
السلام عليكم عندي جارتي تريد تروح العمان ومتندل وين تروح وهي مريضه وكبيره اذا احد يعرف فندق رخيص ينطينه عنوانه ونريد نعرف اسم المكان الموجود بي اليو ان بارك الله بيكم
-
اليو ان عنوانها .......دير غبار
اما الفنادق فهى كثيره ورخيصه
-
فنادق رخيصه بوسط البلد
بس اذا تريد تقدم يو ان فه هاي اطول لازم تاجرلها بعد فتره شقه فارغه وتاثثها اثاث مستعمل بسيط
وتروح على كريتاس بلكي يساعدوها بطباخ وثلاجه ومن هل امور
بالنسبه لليو ان بعمان
تركب اي تكسي تكله اليو ان الي " بدير غبار "
تاخذ وياها جوازها وتقدم
طبعاً من تجي خلي اجيب وياها كل المستمسكات الهويه وشهاده الجنسيه وتقارير طبيه وياسامح الله اذا اكو ورقه تهديد او شهاده وفاة كلها اجيبها تفيد
-
اهخي اليو ان في دير غبار كل التكسيات تندلها اما الفتنادق فهي كثيره اما رخيصه فهاي مشكوك بامرها لان الفنادق الرخيصه معناها زباله وهم مو رخيصه وهي اذا جايه اتقدم على اليو ان متكدر اضل بالفنادق لازم اتاجر شقه واكو شقق رخيصه بالهاشم الشمالي ارخص مكان يمكن اذا بعمان اما بماركا وابعد فيمكن تلكه ارخص بس اذا بحدها وهي مره كبيره ومريضه فهاي والله صعبه الله ايعينها
-
:'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'(
-
الله يساعدكم ويسهل اموركم اخويه
-
اخي عمان كلش غالية اذا هي حالتها تعبانة حاول تكعد بالزرقاء و اي محافظة ثانية
فنادق وسط البلد غالية جدا جدا .... مثلا فندق زهران الي خلف جامع الحسين اليلة بي بـ 13 دينار !!!!؟؟؟
بوقتها من خبرني الموظف جزعت و طبعا باقي الفنادق بهذا الحد
-
والله خويه عمان غاليه خصوصا السكن وبهل وقت من السنه لان الخلايجه تارسيها ترس والاجانب وبالنسبه الى مكان اليو ان فكل التكسيات اتعرفه بس اتكلهم بس نصيحه ترى الفندق ميفيد لان شغلتها اطول ب6 اشهر يعني صعبه انو تكعد بفندق بهاي المده بعدين الاخوان كالوا مناطق رخيصه صح كلامهم بس اكو مشكله نسوها وهي التنقلات من والى اليو ان لان يعني الهاشمي الشمالي او ماركا او الزرقاء يرادلها اقل شي 6 دنانير روحه و6 دنانير رجعه يعني بين قوسين البطانه اغلى من الوجه مثل ميكولون اني بالنسبه الي افضل انو اتروح السوريا ارخصلها لان ترى اهنا الحياة بعمان مو سهله وخصوصا للكبار بالعمر واذا جتي العمان فلازم تاخذ شقه قريبه يعني بعمان الغربيه مو بعمان الشرقيه او بغير محافظه واكو اماكن رخيصه يعني اتروح تاخذ مثلا بصويلح منطقه قريبه على اليو ان وقريبه كلش على الخدمات ورخيصه
انشاء الله الله ايسهل الها وتوصل بالسلامه
-
فنادق عمان غالية جدا وخاصة الفنادق الجبيرة ألي مبين حجزها غالي من شكلها صراحة!!؟ يعني اني اجرت غرفة بجبل الحسين بدوار فراس يبعد حوالي دينارين وربع بأجرة التكسي من اروح لليو أن حسب اجرة عداد السيارة العداد كل 100 متر بقرشين وأول ميفتح ب 25 قرش هذا التكسي الأصفر علما ان الدينار =100 قرش ههههه هاي التفاصيل اريد ألطف الجو شوي ألك، اجرت بفندق اسمة أبجر اخذ45 دينار اردني باليوم، الدينار =1600عراقي تقريبا علما ان اردنيين كالولي هذا رخيص بالمقارنة مع الفنادق بالجبل،وبعدين اجرت شقة مفروشة بنفس المنطقة عباره عن غرفة وحمام ومطبخ صغير ب250دينار وبعدها ادنيت اشوي اكو ببيوت قريبة لبيوت المخيم مثل ميسموهن يم دوار فراس بالجبل يعني مو بالمخيم بس قريب اجرت شقة فارغة غرفتي وصالة مع مطبخ وحمام ب 95 دينار وشتريت غراض مستعملة رخيصة من شارع الأردن بي محلات لهيج شغلة وفرشت الشقة علما ان هذا الشارع قريب لسكني فهسا اني كاعد بمنطقة هم راقية ورخيصة واسواق المخيم قريبه جدا علية ورخيصة جدا بالمقارنة مع محلات الجبل أليمي بس اتعب بالصعود من ارجع للشقة وباقي مناطق عمان اكو ارخص واكو اغلة يعني ايجار الشقق الفارغة تنحصر من 200 دينار وانت نازل هاي اذا تكون من غرفتين وحمامين عدة اجرة الكهرباء والمي واذا مفروشه تبدي من 250 دينار وصاعد عدة اجرةالكهرباء احيانا اذا غرفة وحدة وحمام ومطبخ واكو (شقق فندقية) ، بالكي تطلع ارخص من الفنادق أو ايجارالشقق المفروشة ، بالمختصر كل منطقة بيها بيوت شعبية فهية تكون رخيصة والعكس صحيح، بس اكو مناطق راقية بس من الواحد يبحوش بيها يحصل شقق رخيصة تكون عادتا قريبة جدا لهاي المناطق الراقية وتكون حصلت الرخيص والراقي بس لازم يتعب روحة شوي لأن راح يمشي ويسأل ع شقق للأيجار ودائما اسأل اصحاب المحلات داخل الأفرع خاصتا همة دائما يعرفون الشقق الفارغة واليسأل راح يحصل اكيد ورخيص هم وبالنسبه للمنظمة فمراجعاتها قليلة جدا محدودة بمواعيد مو قابل الواحد يروحلها 3 ايام كل اسبوع حتى يخاف يصرف كراوي !؟بالأضافة ان اكو سرافيز (تكسي ابيض ) يتجول بين المناطق ويشيل عبرية من وألى محطة رغدان الجبيرةألي بيها سيارات عامة توديك لأي مكان بعمان تقريبا وبسعر بخس يعني مثل كراج العلاوي بس احسن منة ، ارجو ان صارت عندك فكرة بسيطة من خلال تجربتي بالأظافة لردود الأعضاء وأذا عندك سؤال اني حاظر
-
اذا اتريد فندق موجود ورخيص بالعبدلي وقريب على السرفيس اللي يودي لدير غبار واسمه صن رايز واليله 12 دينار وفندق محترم ونظيف واحتمال اخليهم ايقللون سعر الغرفه عده وبسعر مناسب واذا شقه من غرفه وصاله وحمام اله احسن تحصله 90 دينار مفروشه فرش بسيط بماركا الشماليه قرب شركة مرسيدس اني افضل الشقه اله احسن بهوايه وتحاول تتصل بالكريتاس والكير بلكي يساعدوه تحياتي
-
اخي لو تجي بعد شهرين اسعار السكن اتكون ارخص حاليا تكدر اتجر شقة فندقية اصغير باليوم بين ال 25 و ال 50 دينار لحد ماتلكي شقة بس مثل ماكتلك هاي الايام الوضع صعب بسبب السياحة لان الشقق اكثرة محجوزة الا اذا ادور بمناطق مثل الهاشمي يمكن اتلكي
-
اخ بهبهان هاي الكريتاس وين صاير مكانها؟
-
اخ بهبهان هاي الكريتاس وين صاير مكانها؟
حبي اهواي مكانات منه المستشفى الايطالي عدهم فرع اهناك ىومنها في الهاشمي عد دوار نقاوة مقابل كشك الشرطه والكير قرب شارع الاستقلال خلف الاستقلال مول وجمعية خوله بس هاي بالزركه كلهم يساعدون العراقيين اللي اوضاعهم تعبانه تحياتي
-
اخ بهبهان هاي الكريتاس وين صاير مكانها؟
حبي اهواي مكانات منه المستشفى الايطالي عدهم فرع اهناك ىومنها في الهاشمي عد دوار نقاوة مقابل كشك الشرطه والكير قرب شارع الاستقلال خلف الاستقلال مول وجمعية خوله بس هاي بالزركه كلهم يساعدون العراقيين اللي اوضاعهم تعبانه تحياتي
شكرا عيوني بهبهاني كلت بلكي احصل ثلاجة او براد لأن لسة اشرب مي حاااار
-
السلام عليكم عندي جارتي تريد تروح العمان ومتندل وين تروح وهي مريضه وكبيره اذا احد يعرف فندق رخيص ينطينه عنوانه ونريد نعرف اسم المكان الموجود بي اليو ان بارك الله بيكم
اخي احسن شي اكو شقق مفروشة بضاحية الياسمين وهي صغيرة ومناسبة وهم قريبة من اليوان
-
اشكر جميع الاخوان اللي شاركوا وبارك الله بيكم ويارب تتسهل امورك طبعا انطيتها العناويين واندعتلكم وهي انشاء الله اليوم تسافر يارب تتسهل امورها
-
اكو فندق هو زين يعني ويمكن ارخص شي ونضيف وكولش زين في خلدى هو اخر شارع المدارس الانكليزيه صاير نهايت الشارع
تخلي المدارس الانكليزيه عل ايدك اليمنه وتوصل اخر الشارع والفندق صاير ركن اخر الشارع
ويمكن الاجار مابين العشره والخمسة عشر دينار اردني
الله يفرجها علينا اميين :)
-
السلام عليكم اخوان اللي يحب يساعد يدليها على شقه غرفه وصاله فارغه اومفروشه لان هي كاعده بفندق وشويه غالي عليها وهذا رقم تلفونها يتصل بيها ودليها عليه00962788850265 وبارك الله بيكم
-
السلام عليكم اخوان اللي يحب يساعد يدليها على شقه غرفه وصاله فارغه اومفروشه لان هي كاعده بفندق وشويه غالي عليها وهذا رقم تلفونها يتصل بيها ودليها عليه00962788850265 وبارك الله بيكم
اخي زين هي بحدود اشكد امكانيتها؟ اذا اعتمادها على مساعدة اليو ان تره متكفيها اذا بوحدها,بس كللنا اشكد امكانيتها اذا ممكن؟