ankawa
منتدى الهجرة واللجوء => الهجرة و واللاجئين => الموضوع حرر بواسطة: مس لارا في 16:54 10/07/2011
-
مساء الخير على الجميع
مر ال60 يوم وما ماكو جواب بعدمقابلة المحلف وندز أيميل ماكو رد ايضا ... شنو القصة؟ والله دا نتظر كل يوم يمر علينه سنة . بين الأمل والصبر... جنت أتصور يجي الرد سريع خاصة عندي بنتي مريضة نفسيا من وره الي مر علينه جنت اتصور يراعون هيج حالات.. صاير هيج شيء ؟
-
كل تاخيره وبيه خير
اختي العزيزة احتمال باجر يردون عليكم لانه مو من العادة ان يتاخر جواب المحلف اكثر من المدة اللي مقرريه
-
ان شاء الله الايام الجيه ايدزون عليكم اختي
-
انشالله خير اختي
-
اختي اذا انتي مقدمة من بغداد دزيلهم ايميل للأي او ام وشوفي شنو الفلم لان ورا ال60 يوم همه يكولون اذا ماجاكم رد دزوا ايميل استفسروا بي عن قضيتكم
بالتوفيق انشاء الله
-
احنه مقدمين من بغداد . ودزينه أيميل نستفسر بس ماكو رد ... شكرا هواية على مروركم وردودكم السريعة .. نصبر والله كريم نشوف تاليته.
-
انشالله خير اختي .. ماعندك غير الصبر والايمان بالله.. ربي يفرجها عليكي وعلى كل العراقين
تحياتي الك
-
الله يسهلها عليكم بجااه الحبيب محمد
-
يمعوده موتي كلبج بعد ويييييييييييييييييييييييين ولو ما اريد اهبط معنوياتج بس رح يجيج الرد بعد جم يوم ووراها استلمي
الامنيه والله اعلم اشكد تاخذ
احنه من شهر الرابع مستلمين النتيجه وكلشي ماكو
وانتي بعد قيسي
انت دزي رساله استفسري عن قضيتج وكوليلهم اشو مااجه الرد مال المحلف
وشوفي شنو الجواب
اكيد وره 3ايام رح ايكولولج القرار تحت التجيك او من هيج فلم لان صاربينه هيج قبلج بس احنه 58يوم واجانه الرد
تحياتي
-
:'( :'( :'( :'( :'( :'( :'(
-
اختي اكتبي ايميل لمكتب عمان لانه هو المكتب الاقليمي المسووول عن مكاتب الهجرة الي موجودة بالمنطقة
-
عيني الاي اوم ,,, منظمه بلا قلوب لان اكو حالات يبجي الحجر ومدايرين بال همه
شايلين الكلب وخالين ختم ...قبول رفض تاجيل ...
الله يصبرج
-
الله يسهل امرج اختي ويارب تجيج الموافقة وترتاحين وتستقرين وينطيج الصحة والعافية الج ولبنتج
-
اختي العزيزة
تحية طيبة ....
هنالك تغيير بالاجراءات بشكل جيد جدا في الفترة الاخيرة ...فمثلا سابقا كان انتظار نتيجة المحلف يستغرق 4 الى 6 اشهر وفي الفترة الاخيرة والتي لاتزيد عن اسبوعين تم تبليغ كل الذين قابلوا محلفيين ان النتيجة ستكون 21 يوم هذا على مستوى ماليزيا وبعضهم سيقول ماليزيا في غير عالم او ليس لها دخل ولكن في الامس قابلت احد الاشخاص وهو في انتظار الدورة التثقيفية واخبرني انهم اتصلوا به واخبروه بانه الان بانتظار الفيزا ولن يعملوا له الدورة التثقيفية وهنالك احد الاشخاص ايضا في المنتدى ذكر ايضا بانه بانتظار الفيزا وبدون ان يعمل الدورة التثقيفية ....نسئل الله ان يسهل امور الجميع والكل تسافر باسرع وقت وحقيقة انا لاحظت ان هنالك تسريع في المعاملات في الفترة الاخيرة وانا متابع جيد للمنتدى ولليو ان والاي او ام والاس اي في حتى انه تم ترشيحي لاكون احد الاعضاء في مكتب ممثلين اللاجئيين العراقيين في كوالا لامبور يعني طالب شاطر جدا في اللجوء وتفاصيله ...ان شاء الله نسمع الاخبار الحلوة لكل الاعضاء والزوار ونسافر باقرب وقت .
أسف على الاطالة تقبلوا مروري
اخوكم ابو بكر
ودمتم للنضال
-
شكرا لكل من اسهم بالتوضيح , والله شعرت بقربكم وانتم تردون , فعلا انتم اخوات,اخوة أعزاء, ملاحظة لحد الآن لم نستلم اي رد
علما أن زوجي بعث لهم بأيميل للتذكير منذ اسبوع.شكرا لكم اصدقائي
-
الله كريم , انشالله تسافرون