ankawa
منتدى الهجرة واللجوء => الهجرة و واللاجئين => الموضوع حرر بواسطة: spiderman_baghdad في 22:38 18/07/2011
-
مرحبا ايها الاخوة الاعزاء والخوات:
احب اخذ نصيحة منكم بهذا الامر و مشكورين مقدما على النصيحة:
اني شخص عاقد حديثا اي راح اتزوج بعد فترة بس الان عاقد قران و لقد ذهبت بوحدي لليو ان بالاردن- عمان لكي اعمل تسجيل للجوء لانه اني اصلا بعدني ممقدم عليها و اني تعرضت للتهديد. و عندها دخلت و الشخص الذي يعمل في اليو ان كلي وين جوازك فانطتلهم جوازي بس و شافه و كلي راح نسويلك موعد بعد اسبوعين. و اعطاني ورقة برتقالية (اذا تعرفوها الورقة البرتقالية! مكتوب عليها تسجيل و الموعد و الاسم و عدد افراد العائلة) بها اسمي و الموعد و عدد افراد العائلة 1. بس اني عاقد قران و زوجتي المستقبلية ما حضرت وياي و ما انطت جوازها في يوم التسجيل باليو ان.
فسؤالي هو: اكدر بالمقابلة اللي راح تصيرلي اجلب زوجتي معاي و ياخذون اقوالي و اقوالها بالمقابلة لو راح يرفضوها و يكولون مايصير و لازم تسوي موعد جديد؟ اني احب احد يساعدني اذا مر و عنده خبرة بهذا الشي.
شكرا و انشاء الله الخير للجميع
-
اخي روح باجر ودي الورقه مالتك وجوازاتكم اثنينكم وكلهم سوولي موعد جديد وراح ينطوك ايضا موعد قريب لتخاف
-
اخي spiderman_baghdad السلام عليكم
اولا انت هاي 3 مرات تنزل الموضوع خلال اقل من 48 ساعة والاخوان ما قصروا وياك بالاجابات ، وسبق وان اجبناك اذا ما عندك عقد زواج رسمي ما يصير تقدم وياك هاي اولا وثانيا انت تبقى هنا وهي تروح الى بغداد هذه الامور تعرقل مسير المعاملة ، وهناك نقطة اساسية خليها على بالك في بعض الاحيان يخابروك الظهر ويكولولك باجر ساعة 8 الصبح مقابلة شنو راح يكون ردك هل ستطلب التاجيل لو تكول الهم والله زوجتي راحت الى بغداد ، مرة اتصلوا بية كالولي باجر ساعة 8 مقابلة رديت عليها كلتلها اختي تدرين امتحانات اخر السنة بس اجلي الموعد الى ساعة 11 فكان ردها بالنص ( الموعد ساعة 8 والقرار الك لو تجي للمقابلة لوتخلي اولادك يمتحنون ) وبالفعل رحت للمقابلة واتصلت بادارة المدرسة قبل ما ادخل للمفوظية وشرحت الموضوع للمدير وقال لي ولا يهمك باجر نمتحنهم.
الغاية من كلامي اذا انت بالاردن ومرتك ببغداد لو تقدم وحدك لو مرتك تبقى بالاردن لأنه راح تتعب ومعاملتك تتعرقل .
انا اسف لأن ردي قاسي ولكن هذا الواقع وطبعا ً هذا رأيي من خلال السنوات التي قضيها بالاردن والقرار الاول والاخير يعود الك.
بالنسبة لتغير الموعد واضافة زوجتك ماكو اي اشكال لقد شرحت لك الاخت زهرة الصبار الطريقة.
تمنياتي لك بالتوفيق
وتقبل تحياتي