ankawa
منتدى الهجرة واللجوء => الهجرة و واللاجئين => الموضوع حرر بواسطة: asan4363 في 09:38 19/07/2011
-
اني مليت الاوراق ودزيتها لنبراسكا يعني الفورم i-360
كلشي لحد هنا مثل الورد لكن ابني وبنتي مكان عدهم جواز
كتبت اسمائهم عادي وكتبت اللقب مالتهم مثل اللقب الي موجود بجواز والدهم علما ان لقب والدهم بالجواز هو اسم جده
بعدها رحنا اني وابو الجهال سوينا جوازات للطفال وكتبو لقب الاطفال بالجواز اسم جدهم يعني ابو زوجي
يعني لقب زوجي اسم جده ولقب اولادي اسم جدهم يعني يختلف اللقب
هسه دزولي ابروف من نبراسكا.. وال NVC دازه تريد المعلومات وهاي الملاعيب مالتهم لكل فرد
شاسوي الله يخليكم
اكلهم صار تغيير باللقب لو شاسوي لو شنو؟
الله يخليكم ساعدوني
-
أول شي هو منو صاحب الكيس انتي لو زوجك؟؟
أهم شي اذا انتي صاحب الكيس لازم من خلال الجواز تثبتين انهم اولادك وطبعا صورة القيد وبيان الولادة وهويه الأحوال المدنيه لازم هم تكون بنفس الأسماء.
من الأفضل الرجوع لدائره الجوازات وتغييرها بالسرعه الممكنه....
-
أول شي هو منو صاحب الكيس انتي لو زوجك؟؟
أهم شي اذا انتي صاحب الكيس لازم من خلال الجواز تثبتين انهم اولادك وطبعا صورة القيد وبيان الولادة وهويه الأحوال المدنيه لازم هم تكون بنفس الأسماء.
من الأفضل الرجوع لدائره الجوازات وتغييرها بالسرعه الممكنه....
كلشي ما يسوولها اهل الجوازات لان شغلهم صحيح
اختي انتي الجنسية مالتكم ما بيها القاب و لهذا اختارو اسم الجد كلقب و انتو الغلطانين , المفروض اطلعون جوازات يالة تمشون المعاملة , عموما ادزين لجماعة ال ان في سي رسالة تطلبين بيها تصحيح الاسم , او ادزيلهم فورم جديدة لل 360 و تكوليلهم اعتمدو هاي الفورم لان هذيج بيها خطا كذا و كذا و شوفي شيجاوبوج و بلغينا
-
عادي مو مشكلة عيني دزي الجوازات وياها الفورم جديدة تتضمن الاسماء كما في الجوازات وكليلهم هذيج الغت بسس وجود غلط باسماء الاولاد وبس وبسرعه استعجلي قبل لا يبدون يشتغلون بيهن
-
هو بس اللقب بالجواز يختلف
يعني لازم ادزلهم من جديد ويجيني ابروف جديد لو شنو ؟
-
زين سؤال هسه دزولنا الفورم الي تنملي اونلاين ..
اكو ناس يكولون همه يعتمدون هاي الفورم
يعني املي هاي الفورم على اساس الجواز واشوف شيصير؟
-
اختي العزيزة لتتخوفين الشغلة جدا عادية , همة عدهم علم انو اكو شغلات بالمعاملات عدنة تصير بيهة خربطة وشغلتك جدا عادية لأن همة راح يعتمدون الاسماء للاولاد مثل ما موجودة بجوازاتهم بالضبط بعد ما راح ادزيها مو مثل ما انتي كتبتيها وذلك لان الجواز يعتبر عدهم المستمسك الرسمي الوحيد الي راح تستعمليه في سفرك ولذلك يستخدم الاسم الصريح المذكور بالجواز وماكو اي داعي انو تشرحين لاحد الا في حالة انو طلبو منك استفسار ( تعتمدين الاسماء منا ورايح مثل ما مذكورة بالجواز ) وبالتوفيق .
-
زين سؤال هسه دزولنا الفورم الي تنملي اونلاين ..
اكو ناس يكولون همه يعتمدون هاي الفورم
يعني املي هاي الفورم على اساس الجواز واشوف شيصير؟
نعم على اساس الجواز
-
اشكرك اخ حيدر طمنتني الله يطمنك
يعني رأيك نبدي نملأ الاستماير الي دازيها عادي وحسب الجواز مو تمام؟
سؤال ثاني
طبعا صاحب الكيس زوجي
يصير هسه هو لوحده يسافر؟
يعني اني والاطفال نبقى وهو يروح يجيب كرين كارد ويجي؟ لو اكو شرط لازم عائلته وياه لو شنو؟
شكرا لكل من ساعدني ويارب كلكم تسافرون باقرب وقت
-
اشكرك اخ حيدر طمنتني الله يطمنك
يعني رأيك نبدي نملأ الاستماير الي دازيها عادي وحسب الجواز مو تمام؟
تمام مثل ما بالجواز وبدون اجتهاد ;D ;D
سؤال ثاني
طبعا صاحب الكيس زوجي
يصير هسه هو لوحده يسافر؟
يعني اني والاطفال نبقى وهو يروح يجيب كرين كارد ويجي؟ لو اكو شرط لازم عائلته وياه لو شنو؟
شكرا لكل من ساعدني ويارب كلكم تسافرون باقرب وقت
طبعا يصير يسافر وحدة مو شرط انتو وياه