ankawa
منتدى الهجرة واللجوء => الهجرة و واللاجئين => الموضوع حرر بواسطة: عونك يارب في 03:24 21/07/2011
-
اني اعرف الكل رح تهاجمني بس اريد تفكرون شوية
اشو شغلة الرفض كلها صارت كتة وحدة يعني خلال يومين كم رفض قرينا
وكلها من اغضاء جدد
زين الجديد لا سال كبل على معاملات الاس اي في ولا سال اعضاءالمنتدى عن ملأ الاستمارات ولا كال محتاج مساعدة
راسا حط الرفض مالتة؟؟؟؟؟؟؟؟؟؟؟؟ واللة ما اعرف شاكول
شاركوني الرأي لان الشغلة مو طبيعية
-
وحدة من حالات الرفض اني شفتهة صحيحة ومابيهة اي تشكيك لأن التواريخ صحيحة تقريباً وحتى الكيس نمبر جان طالع ربعة .. يعني اكو حالات رفض
-
هوه اكو حالات رفض مو ماكو
بس هسه الاشكال مساهمه وحده ويكلك انرفضت ودار وجهه ومشى ابو خد مشمشه
-
اخوان ترة اكثرهم جذب
ومن ناحيه الرفض اكو بس بأسباب
اذكر واحد ويانه بالشغل هم سحبوا الالبروفال لان عنده جنسيه اوربيه
بس مال الاعضاء الجدد جذب
يعني اعقلها صارله عمر ميشارك من ااجاه رفض شارك
ليش اللينرفض مينله واهس بعد حتى يسوي عضويه ويشارك
-
:o :o :o :o :o :o :o والله شغله تحير فعلا
-
والله اني هم كنت اتمنى يطلع كذب بس اليوم تفاجئت انو شخص اعرفه زين مو عضو بالمنتدى اجاه رفض :-\
-
من حق اي واحد يشك بس ميتسرع بالحكم الا ان تتوضح الصورة ...واكثر الاعضاء البارزين نقلوا حالات رفض لجماعاتهم واكدوا عليه.. واكثر من عضو بارز اجاه رفض اول شي كيلر وهسه موعود, اما ليش اعضاء جدد هسه يله قاموا يحجون؟؟؟؟ لانه طبيعي الخبر الجيد بالقوة الا ان يجي ..........بس الخبر السيء يجي طاير ويهلهل.
والظاهر هذا تسونامي جاي على جماعة الـ SIV وراح يجي تسونامي ثاني على جماعة الـ IOM وقاله احد الاخوان بالمنتدى قبل فترة بس محد صدقه (( أنتظروا الرفض الجماعي)).
-
اخي عوونك يارب طبعا من قريت مواضيع الرفض مال اس اي في الي هي هواية شكيت بيهة مبالغة بس هو اكو حالة رفض مو ماكو بس مااعرف شنو سالفة الاعضاء الجدد ؟؟؟؟؟؟؟؟
-
ميحتاج التشكيك
قبل فتره هم جتي حالاات رفض بصوره فجاءيه
همه من يدزون رفض يدزون دفعه وحده
لتستغرب
جورجيا
-
السلام عليكم
اني اتوقع اكثر الي ديرفضون هم الي مستمرين بالخدمه مع الامريكان كالك اذا الكل تسافر منو يبقى ويانه هههههه والله يستر
انتو شنو رايكم
-
اني اعرف الكل رح تهاجمني بس اريد تفكرون شوية
اشو شغلة الرفض كلها صارت كتة وحدة يعني خلال يومين كم رفض قرينا
وكلها من اغضاء جدد
زين الجديد لا سال كبل على معاملات الاس اي في ولا سال اعضاءالمنتدى عن ملأ الاستمارات ولا كال محتاج مساعدة
راسا حط الرفض مالتة؟؟؟؟؟؟؟؟؟؟؟؟ واللة ما اعرف شاكول
شاركوني الرأي لان الشغلة مو طبيعية
اخي العزيز عونك يارب
اتمنى ان تغيروا وجهة نظركم عن الاعظاء الجدد هل يعني ان الكل كذابين لا سامح الله
وثم لاتنسى اخي العزيز انك انت كنت في يوم من الايام عضو جديد
اما بالنسبه الى استفسارات الاخوان مثل وين جانوا ومنو كمل اوراقهم فهيه ترى الشغله بسيطه ومو علم الذره واحجي الك تجربتي الشخصيه اني لحد الان اعمل مع الجماعه والله شاهد احسب لساعات السفر ساعه ساعه لان ما مرتاح بالشغل وياهم واكو هوايه ولد وبنات ويانه بالشركه الله وفقهم وسافروا بس قبل لايسافرون جانوا يجاوبونه بدون ما نروح نسئل بالمنتديات لان حسب مايعرف الكل الصديق يحب يساعد صديقه وهم مات اكو فد شغله لخ انو الامريكان يتنحسون اذا كنت تشتغل وياهم وبس تفتح الانترنت عبالك مسوي جريمه ليش عايف الشغل وشكملت لحد الان وششتغلت ومن هاي السوالف لذا قررنه ان نتوكل على الله و واحد يساعد الاخر
اما اذا سئلتني لعد ليش هسه يله اجيت للمنتدى فاجوابك صراحه اكو هوايه ولد حلال وبنات حلال بهذا المنتدى مثل ابو قمر (قمر عين كاوه) وابو ساره الله يخليه وانجي الورده وغيرهم وغيرهم هوايه وجاي يساعدون ونيتهم صادقه
بقى بس سؤال محيرني هو شنو الي راح يستفاد صاحب الموضوع من ينزل هيج مواضيع (الرفض ) بهذا المنتدى وشنو قصدهم
انتمنى ان تتقبل كلامي هذا وشويه ولو شويه تبتعدون عن هذا الكلام تره صدكوني بعد كم يوم ما راح تلكون اعضاء جدد بعد
والله من وراء القصد
اسف على الاطاله واتمنى ان ما اكون اسئت الى اي شخص موجود بهذا المنتدى الرائع
عمكم ابو نعنوع الورده
-
ميحتاج التشكيك
قبل فتره هم جتي حالاات رفض بصوره فجاءيه
همه من يدزون رفض يدزون دفعه وحده
لتستغرب
جورجيا
تذكرون موجه الرفض مال اي او ام قبل فتره ::)
من طلعت سالفه و الله انته مو مهدد ::)
-
طبعا اني عضوة متابعة غير شاركة بس يمكن احنة مدنصدك لان احنة مثل الي نتعلك بكشاية بس مع الاسف هذي حقيقة لان انصدمت بصديق ابو الجهال اجا رفض بعد انتضار 7شهور الله يكون بالعون
-
ميحتاج التشكيك
قبل فتره هم جتي حالاات رفض بصوره فجاءيه
همه من يدزون رفض يدزون دفعه وحده
لتستغرب
جورجيا
تذكرون موجه الرفض مال اي او ام قبل فتره ::)
من طلعت سالفه و الله انته مو مهدد ::)
;)
جهز الغدا يا شيخ ;D
-
انلاصت والله...راحت ال170 دولار مال الفحص الطبي ههههههههههههههههه..... شباب اني عندي مشكلة بالسكريننك و قابلت بالسفارة قبل 5 اشهر و لحد الان ماكو شي قبل فترة دزيتلهم ايميل و كلولي معاملتك لا تزال بيها اجراءات ادارية بس اني متوقع راح يجيني رفض من هذا الزين هالايام...
ان شاء الله اذا انرفضت رأسا ابلغكم بيها و انزللكم الورقة مال الرفض همين... تددللون
ARMY STRONG شلون بينا؟؟؟!!!!! احنا يمكن حتى الجوازات مالتنا ما ينطونيها يمكن راح يشككوها و يذبوها بالزبل ههههههههههههه
-
انلاصت والله...راحت ال170 دولار مال الفحص الطبي ههههههههههههههههه..... شباب اني عندي مشكلة بالسكريننك و قابلت بالسفارة قبل 5 اشهر و لحد الان ماكو شي قبل فترة دزيتلهم ايميل و كلولي معاملتك لا تزال بيها اجراءات ادارية بس اني متوقع راح يجيني رفض من هذا الزين هالايام...
ان شاء الله اذا انرفضت رأسا ابلغكم بيها و انزللكم الورقة مال الرفض همين... تددللون
ARMY STRONG شلون بينا؟؟؟!!!!! احنا يمكن حتى الجوازات مالتنا ما ينطونيها يمكن راح يشككوها و يذبوها بالزبل ههههههههههههه
;D ;D ;D ;D ;Dشو هي انلاصت
خلي يشككوها ما نريدها بس لا خاف يرتكبون علينا و نروح بل زلك مثل ماارتكبو علينا بل شغل
هم عاد اسباع بسوالف الارتكاب
ابو خالد ;D ;D اجه رمضان يعني ماكو غده :D :D :D
-
والله اخوان هو اكو رفض بس مو بالكم هذا وبعدين على كَولة الاخ رامي هو منو يجي واهس يشترك بالمنتدى علمود بس يكَول اني انرفضت يعني هو لا مشارك قبل ولا مبين ولا نعرف شوكت قدم ولا شنو سبب الرفض والله هو بس انرفض
هو الحظ كلشي يسوي بس الي صدكَ ينرفض يدور حل ومساعدة من الاخوان هنا مو يكتب هالموضوع وبعد متشوفة
اتذكر اني اكو حالتين يمكن رفض وكل وحدة اله سالفة منها سالفة الاخ الي انرفض الكوم مالته من ال nvc لانه صاير غلط وقابلين الكوم مع العلم ماكو شهادة توصية اذا تتذكروه يعني اكو حالات بيها رفض ويكون بيها خلل بالمعاملة مو بدون سبب
اما ليش اكو ناس هيج تسوي صراحة ما اعرف يعني ممكن الواحد ضايج ويكَول خلي اسوي اكشن واخبصهم شوية علمود هوه يتونس وممكن شي ثاني الله العليم
وعلى كل حال الله يبعد سيرة الرفض عن كل المقدمين واملهم الوحيد هوه السفر
الحميدي
-
حنا يمكن حتى الجوازات مالتنا ما ينطونيها يمكن راح يشككوها و يذبوها بالزبل ههههههههههههه
;D ;D ;D ;D ;D
ضحكتنة رحم الله والديك
-
والله من كمت اقره مواضيع الرفض صار بيه error ومانام اليل بس بعدين اتيقنت انه الرفض مثل الموت يجيني لو مو مادخل المنتدى بس شنسوي النا الله
-
ما اعرف ليش تشكون و تتخيلون اكو لعبه شنو اللعبه بالموضوع ؟؟؟ يعني اذا اكو ناس انرفضت شنو الي راح ياثر على معاملات الباقين ??? ??? ??? ??? صحيح راح تهبط المعنويات و الكل تدوخ و تتخبل بس هذا لا راح يقدم و لا يأخر و لا راح يأثر على سير المعامله و لتنسون كل واحد و قسمته الله شكاتبله يشوف
-
ما اعرف ليش تشكون و تتخيلون اكو لعبه شنو اللعبه بالموضوع ؟؟؟ يعني اذا اكو ناس انرفضت شنو الي راح ياثر على معاملات الباقين ??? ??? ??? ??? صحيح راح تهبط المعنويات و الكل تدوخ و تتخبل بس هذا لا راح يقدم و لا يأخر و لا راح يأثر على سير المعامله و لتنسون كل واحد و قسمته الله شكاتبله يشوف
محد مشتكي على الرفض.... العالم دتشتكي على الكمية والزمن مال الرفض .. يعني جفتة وحدة وبوكت واحد كلهة انرفضت ???
-
:'( :'( :'( :'( :'( ::) ::) ::) ::) ::) ::) ::) ::) ::) ::) ::)
-
صحيح تعبنة وادمرنة وانتظار وصرف وروحة ورجعة ومخاطر الطريق داقصد على المعاملة مو على الشغل .. لأن الشغل جان برغبتنة محد جبرنة .. القصد صحيح كل هاي الشغلات .. بس اخر شي عوفوها على رب العالمين ... من عسة عشرين الف رفض ينزل بلمنتدى .. ماصدك الة اشوف بعيوني كتاب الرفض ...او من عضو قديم ومعروف ... غير هذا الشي ماصدك بعد .. من البارحة ليهسة نايم ساعتين بس ...
-
ما اعرف ليش تشكون و تتخيلون اكو لعبه شنو اللعبه بالموضوع ؟؟؟ يعني اذا اكو ناس انرفضت شنو الي راح ياثر على معاملات الباقين ??? ??? ??? ??? صحيح راح تهبط المعنويات و الكل تدوخ و تتخبل بس هذا لا راح يقدم و لا يأخر و لا راح يأثر على سير المعامله و لتنسون كل واحد و قسمته الله شكاتبله يشوف
مبقيتي شي الكل تدوخ وتتخبل والمعنويات تهبط
-
السلام عليكم ....
اخواني وخواتي الرفض ترة واقع حال اكو حالات رفض هواية اني عندي اثنين من اصدقائي خدمتهم كلش حسنة وحبابين وما عدهم مشاكل اجاهم جيف اوف مشن دينايل .. بس هذا الحجي قبل سنة تقريبا ... بس اخواني انتو ليش خايفين جم حالة رفض سمعنة 2 لو 3 لو 10 لو 50 تدرون همة المقدمين الاف مؤلفة يعي 50 حالة رفض مو فد شي ولا نكدر انكول انه الرفض جماعي ... ودائما اكول حرامي لا تصير من السلطان لا تخاف ترة حالات الرفض مو هواية ... وتعقيبا على كلام اخوية صاحب الموضوع ان صحيح مو يجي واحد عضو جديد يكول اني انرفضت ويختفي والناس تكعد ترجف ورة حجايته ها اني راح انرفض ها اني مراح اسافر ... اخوان الي يكول اني انرفضت رجاءا رجاءا خلي يذكر تفاصيل عن الكيس مالته شوكت مقدم شوكت قابل ويدز صورة من كتاب الرفض علمود تفتهم العالم مو حجي حجاية عل نص ويكطمهة ...
اخواني اني اشتغل ابمكان بي اكثر من 450 عراقي وتقريبا كلهم مقدمين عل برنامجين ولا حالة رفض سمعت يمي والرفض بس دا اسمعة بالمنتدى ... فأرجو المصداقية بالكلام مع وضع الحقائق .
وتقبلو مروري
-
شباب احس اكو لعبة بهاي شغلة الرفض اكو فد شي مو طبيعي احتمال اكو ناس مدسوسين علمود يسوون هاي الشغلة؟؟؟؟!!! و الله اعلم بعد ما اعرف....
بس خل احجيلكم هاي السالفة: قبل فترة رحت دا اعيد الفحص الطبي مالتي علمود معاملة الIOM بمستشفى ابن البيطار التقيت هناك بولد يشتغل مترجم بالجي ال اس و دوامه بالسفارة الامريكية يعني بداخل السفارة يشتغل فسألته على شغلة الفيزا لان اني همين دا انتضر الفيزا مالتي علما انو اني مقدم على البرنامجين بنفس الوقت فكلي كل السفر متوقف لامريكا يعني حتى كلي اكو جماعة عراقيين مترجمين لوكل يشتغلون وية الاف بي آي بداخل السفارة و همين مقدمين على فيزا هجرة و صارلهم اشهر ينتظرون و ماكو شي بعدين سألته على شغلة البلاك لست و تاثيرها على السفر كلي همة يعتمدون على الملفات مال الاف بي آي و الانتربول اكثر شي.
-
السلام عليكم يا اهل الخير على كيفكم علينه شنو الفلم اشو كل واحد نتكلم معا يكول اجاني ما اجاني ياخ على احنه ما طالبين منك روحك وارجو ان الموظوع لا يكبر ويعرض ترى عيب ولكم الشكر
-
اللي عندة اثبات بالرفض يخلي رسالة الرفض ويمسح االاسم مثل ما صار عندة وكت يكتب انرفضت ياخذ من وقتة شوية ويحط الرفض
واذا كتب انرفضت وما حط الاثبات هوووووووووووووووووو ة غير صادق مع احترامي للجميع
لان يا اخوة اللي ديصير نوع من الارهاب وكسر المعنويات
اني صحيح بامريكا بس كلبي مثل النار على اخوية اللي ينتضر الفيزا
ومن نسمع هاي الاخبار اللة العام شيصير بينا رعب وقلق من المجهول
على الاقل نريد اثبات مو نضل نفر براسنا
تحياتي للجميع وانشاء اللة نسمع استلام فيزا جماعي وبالجملة
-
كلام الاخ عونك يارب صحيح الي ينرفض بعد من شنو خايف ينزل الورقة مال رفض هوه خلاص بعد انرفض او من راح ينزلها راح يسويلنه فضل حتى العالم تشوف او تتاكد او ترتاح لان اكو هوواي ناس نفسيتها تعبت
تحياتي
-
اللي عندة اثبات بالرفض يخلي رسالة الرفض ويمسح االاسم مثل ما صار عندة وكت يكتب انرفضت ياخذ من وقتة شوية ويحط الرفض
واذا كتب انرفضت وما حط الاثبات هوووووووووووووووووو ة غير صادق مع احترامي للجميع
لان يا اخوة اللي ديصير نوع من الارهاب وكسر المعنويات
اني صحيح بامريكا بس كلبي مثل النار على اخوية اللي ينتضر الفيزا
ومن نسمع هاي الاخبار اللة العام شيصير بينا رعب وقلق من المجهول
على الاقل نريد اثبات مو نضل نفر براسنا
تحياتي للجميع وانشاء اللة نسمع استلام فيزا جماعي وبالجملة
لا عاب حلكك والله الي يثبت الرفض صادق والي يكول سمعت او اجاني رفض والله شاهد على ما اقول هذا الحجي ما يفيد خلي اثبات اخي اذا صادق من شنو خايف .... لو تخلون اثبات لو لا تكتبون اصلا كافي عاد هلدجل والكذب
-
السلام عليكم اعضاء هذا المنتدى الرائع
يعني انتو صايرين تضوجون من الاعضاء الجدد بطريقة غريبة.اني اليوم سجلت بالمنتدى بس صارلي فترة طويلة كلش اتابع كل اخباركم وكل الاعضاء اقرا رسائلهم وتعليقاتهم واعيش وياها.بصراحة تعرفون معظمكم خصوصأ الموجودين بالعراق انو انت من مقدم من بغداد ماكو احد تحجي ويا وتشكيلة همك عالتقديم لخطورة الموقف باعتبار مشتغل ويا الجماعة وقسم من الناس (المنافقين) يعتبروها خيانة (للوطن) لذلك كان هذا المنتدى هو ملاذي الوحيد الل ارتاح بي واحس اكو ناس دتعاني مثلي وهذا ينطيني دافع اصبر نفسي وانتظر.بس في الحقيقة شفت ردود افعالكم على الاعضاء الجدد قوية وبيها تشكيك بكلامهم وكذلك احيانا بيها تجريح غير لائق بمستوى هذا المنتدى الرائع.وبصراحة اني خايف انو اكتب خبر عن رفض او تاجيل او الغاء وتسووها ظلمة علية.هاهاهاها
اخواني وخواتي الاعزاء على كيفكم احنا كلنا متوترين ودنعيش نفس الظروف.احتمال الموافقة الى تجي الى احد الاعضاء تجيك الك ان شاء الله وكذلك الرفض لأحد الاعضاء لا سمح الله همين يجي النة.ارجو ان نتعامل سوى بحب واخوة
اني مشترك جديد وماكو اي مقابلة ولااستمارة ولاشي لحد الان والله كريم
تحياتي للجميع وان شاء الله المنتدى كلة يسافر
-
اني اعرف الكل رح تهاجمني بس اريد تفكرون شوية
اشو شغلة الرفض كلها صارت كتة وحدة يعني خلال يومين كم رفض قرينا
وكلها من اغضاء جدد
زين الجديد لا سال كبل على معاملات الاس اي في ولا سال اعضاءالمنتدى عن ملأ الاستمارات ولا كال محتاج مساعدة
راسا حط الرفض مالتة؟؟؟؟؟؟؟؟؟؟؟؟ واللة ما اعرف شاكول
شاركوني الرأي لان الشغلة مو طبيعية
وياك .. الشغله مو طبيعية
-
ما اعرف ليش تشكون و تتخيلون اكو لعبه شنو اللعبه بالموضوع ؟؟؟ يعني اذا اكو ناس انرفضت شنو الي راح ياثر على معاملات الباقين ??? ??? ??? ??? صحيح راح تهبط المعنويات و الكل تدوخ و تتخبل بس هذا لا راح يقدم و لا يأخر و لا راح يأثر على سير المعامله و لتنسون كل واحد و قسمته الله شكاتبله يشوف
مروكو صح
تحياتي