ankawa
منتدى الهجرة واللجوء => الهجرة و واللاجئين => الموضوع حرر بواسطة: المهاجر الجديد في 07:43 21/07/2011
-
السلام عليكم ورحمة الله وبركاته
الى كل اعضاء المنتدى المحترمين ........اسف على التاخير والسبب ؟؟؟ الوضع الصحي والحياة الجديده مشاغلها
وصلت امريكا قبل شهرين ونصف تقريبا ....كنت متابع دائم للمنتدى وكنت اسمع كثير من الاخوان الذين يحذرون من الذهاب الى امريكا.....( يمعود شنو امريكا مساعداتها تعبانه ....شغل ماكو..... شهر ويعوفوك . عمي لاتتورط وتجي ؟ لو اعرف هيج جان مااجيت ؟؟؟؟و و و و و الخ) وانا اقول عكس هذا ....امريكا بلد الفرص تريد ان تعمل بكد واجتهاد .......تريد ان تكون نفسك وتضمن مستقبلك.....تريد حياة افضل ومستقبلب مضمون لاولادك تعال الى امريكا.... تريد ان تبقى جالس بالبيت وتعيش على المساعدات ذلك بحث اخر ... وللاسف واكثر ماحز في نفسي هو عدم حب الخير للعراقيين فيما بينهم .ياتيك احدهم يحذرك من هذا . وهذا يحذرك من ذاك ....والكل يطعن بالكل والكل يحذر من الكل..طيب منو الزين . هذا مالمسته للاسف كثير من العراقيين غير متعاونيين مع بعض بل يكيدون لبعض ولايقدمون النصح لاحد ........ منهم من يتلقاك ها خويه انت جديد ي والله اني جاي جديد؟ الله يساعدك هسه انت تشوف بعينك والله الوضع تعبان شغل ماكو المساعدات مو زينه الكاش قليل 3شهور ويكطعوه...... ويخليك تكول اني شورطني شجابني....والحقيقه ربما فيها بعض الذي يذكره لكن الصوره ليست بهذه القتامه .....من يريد ان يعمل ولايدور فيكات ولا من جماعه تدري اني منو وابويه منو واني شجنت بالعراق من لم يكن من هذا النوع يعيش ويعمل ويحصل واحسن عيشه هنا .......تمنياتي للجميع بالتوفيق والسعاده..........اسف طولت عليكم
ابوحارث
-
حمدالله على السلامة اخي ابو حارث انشاءلله تكون ولاية الخير والرزق عليكم ربي يوفقك بالولاية
-
مبروك وصولكم بالسلامة اخوية وانشالله قدم السعد عيكم بيا ولاية انت احجيلنا على وضعكم اول ما وصلتوا البيت شلونه المنطقة والمنظمة شلونه تعاملهة وياكم ومن هالسوالف هههههههههه ملاعيب العيد
اختكم
الملاك الحائر
-
الحمد لله على السلامة اخي العزيز وانشاء الله موفقين بحياتكم الجديدة .
-
مشكور اخي على نقل الفكره وانشالله الله يكتبلك كل الخير
-
الله يوفقك حبيبى .......كل العراقين طيبون
-
الحمدلله على سلامة الوصول وبالتوفيق في حياتك الجديدة
كلامك صحيح ميه بالميه امريكا بلد الفرص الي يريد يشتغل يشتغل والمايريد يكول ماكو
-
بل توفيق ونشاء الله كلالسعاده اشوف بحياتك الجديده
-
الف الحمدالله على السلامه
الف مبروك تمنياتي بحياة هانئه
بلموفقيه انشالله ياربي
-
شكرا جزيلا لكل الاخوه والاخوات على التهنئه بسلامه الوصول وعلى المرور
اخي الرسام انا معك ان العراقيين طيبون؟؟؟؟ لكني وجدت ولمست وشفت وعايشت هذه الفئه من الناس المصلحيين والاستغلايين والمنافقين وللاسف هم عراقيين؟؟؟؟؟ كل شعب وكل امه فيها الصالح وفيها الطالح .....لكن يااخي مايحز في النفس انه ياتي شخص من جنسيه اخرى درجه التخلف لديهم لاتقاس بمقياس من شدتها وينتقد هذا الشخص الذي هو ابن بلدك امامك وانت لاتقدر ان تقول شي لان مايقوله هذا صحيح ؟؟؟؟؟
اختي الملاك الحائر ...شكرا لك على التهنئه والدعاء ....وهسه احجيلجرحلتنا من اول ماوصلنا للبيت ةوالمنطقه والولايه وكل ملاعيب العيد.... انا في شيكاغو اول ماوصلنا كان شخص من المنظمه ينتظرنا مع الكفيل وقد احضر معه سياره فان لنقل الحقائب ( تدرين 8 جنط + 8 هاند باك ينرادلها بيكب اب ) وهذا الشخص هو المسؤول عنا
ذهبنا الى البيت وهو عباره عن شقه جيده واسعه مؤثثه اثاث بسيط المطبخ شبه كامل يوجد طعام بالثلاجه يكفي يومين او ثلاثه ايام يعني احيانا يجيبون اشياء متخطر على بال احد ؟؟ يعني تصوروا جايبيلي ظروف رسائل وطوابع ودفتر ودرزن اقلام واحنا ناسيين الرسائل من زمان ضحكنا على شغله الظروف والطوابع .... طلعت الشغله هنا كل يوم يومين تجيك كومه رسائل بصندوق البريد.....وجايبين خوليات وصابون وشامبوات وحاطيلي 24 مكينه حلاقه من هاي الجاهزه هههههه الى هسه بعدهن مخلصن اما المساعدات فهي الاعزب له مساعدات 8 شهور كاش + فود ستامب والعائله الي عنده اطفال 60 شهر طبعا تتغير في حاله عمل احد افراد الاسره...الايجار مدفوع 3شهور مع الكهرباء .النظام هنا الماء على صاحب العماره .الغاز والتدفئه حسب الاتفاق المنطقه لاباس بها تتوفر فيها الاسواق العربيه والاسلاميه وكل مايخطر على بالك موجود هنا وكذلك المطاعم والاكل الحلال يعني شيكاغو الينوي موجود فيها كل شي انا قراءت انه الي يجي لامريكا خلي يجيب وياه قوري مال جاي واستكانات وهذي لكيتها هنا طبعا السعر يختلف بس موجوده .....ارجوا ان اكون اجبت عهلى تساؤلات ك اختي العزيزه اسف على الاطاله واي سؤال او استفسار انا بالخدمه تحياتي للجميع
-
اولا احب اهنيك على الوصول بسلامة انت وعائلتك وثانياً اتمنالك الحياة الكريمة والتوفيق بمستقبلك القادم وان تترك كل شيء خلف ظهرك وتبدأ حياتك من جديد وبدون منغصات وان تجد وتجتهد بالعمل بنوعيه الذهني او الجسدي اذا ممكن تكمل دراسة يكون افضل واذا حضرتك من جماعة محبين المهن ايضاً تكدر تعمل وتوصل لاهدافك بما يتناسب مع صبرك وطموحك ... اما اخي حبيت اسأل اللي عنده عائلة تكون اله مساعدات لغاية 5 سنوات كما ذكرت وان شاء الله تتيسر امورك .
-
اخي المهاجر الجديد حياك الله والف حمدالله على سلامة الوصول واشكرك جدا للتوضيح والمعلومات الله يكتبلك الرزق والموفقيه انت وعائلتك تقبل مروري jack black
-
الاخوان jack black و ابن العراق شكرا على مروركم الكريم وشرفتو الصفحه
اخي العزيز ابن العراق المساعدات للعائله الي عنده اطفال 5 سنوات ...... هذا بالنسبه لشيكاغو ولااعرف عن بقيه الولايات
حتى يكون الكلام دقيق الموجود هنا 8 شهور للعازب و60 شهر للعائله الي بيها اطفال
تمنياتي للجميع بالخير والتوفيق
-
الف مبروك الوصول بالسلامة وشكرا على المعلومات القيمة
تمنياتي بدوام الموفقية
-
الانسان الناجح لايحتاج من يلقمه اللقمه... يقول اخواننا المصريون ان الجواب باين من عنوانه.. الرجل او السيدة اللي يريد يعيش عاله على المجتمع بالتأكيد راح يحاول ان يعكس صورة سلبيه عن الواقع لانه يعكس الواقع اللي عايش بيه....انت ناجح من البداية اخي الكريم ونسال الله ان يوفقك ولاتنسى تزودنا بالاخبار خصوصا مدارس الاطفال وساعات الدوام مالهم مع التقدير والشكر الجزيل
-
الحمدلله على السلامة
-
حمدلله علسلامه هيه بس خلي تجي امريكااا و شحدني ارفضهاا
-
الحمدلله على سلامتك واتمنالك الموفقيه والآستقرار بحياتك الجديده /والله أخي كلامك صحيح بس ماعرف شبيه العالم متحب الخير لغيره بس هم نكول موكل اصابعك سوه والله يوفقك
تحياتي للجميع الأعظمي
-
الحمد لله على سلامتك
-
ابو حارث الوردة الف الحمد لله على سلامتك وسلامة عائلتك الكريمة وربي يستر عليك وعلى اعراضكم وربي يرزقكم الرزق الحلال الطيب ..
هدوري
-
الحمد لله على السلامة والله يوفقك ويفتحهة بوجهك وتبدي حياه حلوة تحقق بيهة كل طموحاتك واحلامك ويوم الي النا انشاء الله اخوك الزنداوي
-
مبروك
-
الف مبررووووك والحمد لله على سلامتك اخويه اتمنالك التوفيق والنجاح وراحة البال بحياتك الجديدة
تحياتي
-
المهاجر الجديد شكر على التوضيح بس ياريت اتوضح من ناحيه العمل وتوفر العمل اذا ممكن اخي
-
شكرا لكل من نور صفحتي بمروره الكريم
اخواني الكرام بالنسبه للعمل.اولا انا اتحدث عن ولايتي شيكاغو الينيوي..
خلي اتحدثلكم من البدايه.. اول وصولك ياتي شخص من المنظمه وياخذك الى البيت ( الشقه) ويترككم تستراحون يوم او يومين
يجيكم باليوم الثاني او الثالث وياخذكم الى المنظمه وهنا تبلش الحياة الجديده بامريكا
انا بالنسبه الي لغتي ضعيغه جدا قاموا ينطوني دروس لغه في المنظمه ذاتها بيها عده صفوف وعدة مستويات هذا بالنسبه للغه
وتوجد مدارس كثيره جدا لتعليم اللغه اكثرها مجانيه...ملاحظه ومن تداومتتعلم اللغه همه ينطوك كارت للمواصلات حتى تروح وتجي
بالنسبه لمدارس اذا عدكم اولاد اجتنا موظفه بالمنظمه للبيت معاها مترجم وظلت ساعتين (((((ساعتين كامله ))))))) تسالني عن بنتي الي هيه بالصف الاول شتحب شتكره صحتها حالتها النفسيه هواياتها وثاني يوم اجتي وياها جنطه مال مدرسه بيها اقلام والوان ومستلزمات المدرسه واخذتنا الى مدرسه قريبه علينا تبعد 10 دقائق مشي عن بيتنا ودخلنا وهيه قامت بكل شي
وسجلتابنتي بالمدرسه راسا كلولنا روحوا انتو للبيت وتعالو الساعه 2.45 دقيقه العصر اخذوها بهذا الوقت ينتهي الدوام الي يبداء من الساعه8.45 صباحا....بس شنو المدرسه اكثر من رائعه وكبيره جدا ويوجد فيها كل شي من قاعات رياضه وموسيقى ومسرح والعاب....اني جنت شايل هم صراحه كلت احنا اجينا من سوريا بنص السنه الدراسيه وهاي الطفله راح تروح عليها
السنه بس الحمد لله قبلوها بصف الاول وكملت ويه بقيه الطلاب وهسه هيه الان في الاجازه الصيفيه .....هذا بالنسبه للدراسه والمدارس اسمحولي الان وراح اكمل وياكم ان شاء الله واي سؤال اني بالخدمه الله ويفقك الجميع
ه
-
الله يسهل امرك اخوية وانشاء الله الامور تمشي بكل يسر وسهولة وهي مساله وقت الى ان تاخذون على الاجواء وانشاء الله الخير كدامكم
-
موفق اخي واتمنى لك التوفيق في حياتك الجديدة .. اخوان كما تعرفون العراقيين متعلمين على نمط معين من العمل وخاصة الموظفين .. ما متعلمين على الشغل القوي ولذالك حاليا العراق جاي يجييب عمال من ينغلادش وسريلانكا .. اهنانة الشغل كلش صعب يعني 8 ساعات تشتغل وانته واكف .. اغلب العراقيين وهذا واقع يعيشون بظروف صعية رغم روعة الحياة يامريكا .. ولذالك انصح يالولايات الباردة الي بيهه مساعدات والايتعاد عن تكساس او شيكاغو وكاليفورنيا او التوطين في استراليا او كندا .. وانصح بمجيئ العوائل والاعزب خليهه يتزوج ويجي .. وكبل لاتجون حاولو تتطوررن بالانكليزية .. وتجيبون ويالكم فلوس شراء سيارة وحاضر لاي سوال
اوركي
-
مبروك وصولكم بالسلامة اخوية
-
الحمدلله على سلامه وصولكم انت والعائله وانشالله الحياة الهادئه والاستقرار
-
أخوية المهاجر الجديد ,
أول شي الحمد لله على سلامتكم - ولو متأخرة شوية - و ثاني شي موفقين ان شاء الله .
بس عندي سؤال بدون زحمة , أشتغلت لو بعدك ؟ و وين وصلت بالأنكليزي ؟
ممنون أخوي
-
الف الحمد لله على سلامتك وانشاء الله موفق ياربي
طبعاً ذكرتني بوحدة هنا بالمنطقة يمنة ماشاء الله عليهم هي تشتغل فول تايم ورجلهه فول تيام يعني امورهم زينة والله يزيدهم ياربي بس كل ماتشوفهه تبجي ابوجهه الله اني اشجابني بأمريكا ولو باقية بالعراق ااحسن وهاي الوضعية التعبانة ... هسة هي شكو باقية لو ترجع احسن وصالهه سنتين اهنا اووووووووووووف بابا اكو ناس ماتصيرلهم جارة
-
السلام عليكم
اخواني هسه اكملكم الحجي ......
بالنسبه للعمل ساعات العمل المتعارف عليه الفول تايم 8 ساعات باليوم 5 ايام بالاسبوع يعني مجموع ساعات العمل 40 ساعه بالاسبوع والبارت تايم حسب الاتفاق .....الاجور الحد الادنى 8 دولارات بالساعه
اما بالنسبه الي يااخ hil ux اني عندي مشاكل صحيه الله يبعد عنكم كل مرض وينطيكم الصحه والعافيه..ولهذا السبب بعدني مشتغلت..وبخصوص اللغه اني لغتي الانكليزيه اتعب من وضع العراق ..خلوني بالصف الاول وداومت حوالي شهر ونص وهسه دينقلوني للصف الثاني.. والحمد لله عجله الحياة تسير..ببطء ام مسرعه؟؟؟؟؟؟لكنها تسير
اما بخصوص العمل بصوره عامه ..المنظمه هيه من يبحث لك عن عمل ..( هذا ماشاهدته في المنظمه التي تكفلتنا) هناك موظفين يعملون على ايجاد عمل لك ...اغلب الاحيان يكون عمل متعب وفي مكان بعيد وباجر متدني ..لكن عليك القبول هم لايجبروك لكن حتى تكسب ودهم وتقدر ان تطلب منهم خدمات فيما بعد ولو مجامله تقبل العمل..وان لم يعجبك تتركه متى ماشئت ان شاء بعد يوم او يومين.. المهم لديهم ان تقبل العمل ولاترفضه حتى لاياخذو ا عنك انطباع بانك لاتريد ان تعمل ......هذا معرفته عن العمل خلال هذه الفتره البسيطه التي عشتها هنا.. وهذا الكلام عم شيكاغو الينوي ولااعرف عن الوضع في الولايات الاخرى .. تحياتي وتقديري لكل الاخوه والاخوات الذين شاركوا بالموضوع ودعواتي للجميع بالتوفيق والنجاح.....
ابوحارث
-
اختي الملاك الحائر ...شكرا لك على التهنئه والدعاء ....وهسه احجيلجرحلتنا من اول ماوصلنا للبيت ةوالمنطقه والولايه وكل ملاعيب العيد.... انا في شيكاغو اول ماوصلنا كان شخص من المنظمه ينتظرنا مع الكفيل وقد احضر معه سياره فان لنقل الحقائب ( تدرين 8 جنط + 8 هاند باك ينرادلها بيكب اب ) وهذا الشخص هو المسؤول عنا
ذهبنا الى البيت وهو عباره عن شقه جيده واسعه مؤثثه اثاث بسيط المطبخ شبه كامل يوجد طعام بالثلاجه يكفي يومين او ثلاثه ايام يعني احيانا يجيبون اشياء متخطر على بال احد ؟؟ يعني تصوروا جايبيلي ظروف رسائل وطوابع ودفتر ودرزن اقلام واحنا ناسيين الرسائل من زمان ضحكنا على شغله الظروف والطوابع .... طلعت الشغله هنا كل يوم يومين تجيك كومه رسائل بصندوق البريد.....وجايبين خوليات وصابون وشامبوات وحاطيلي 24 مكينه حلاقه من هاي الجاهزه هههههه الى هسه بعدهن مخلصن اما المساعدات فهي الاعزب له مساعدات 8 شهور كاش + فود ستامب والعائله الي عنده اطفال 60 شهر طبعا تتغير في حاله عمل احد افراد الاسره...الايجار مدفوع 3شهور مع الكهرباء .النظام هنا الماء على صاحب العماره .الغاز والتدفئه حسب الاتفاق المنطقه لاباس بها تتوفر فيها الاسواق العربيه والاسلاميه وكل مايخطر على بالك موجود هنا وكذلك المطاعم والاكل الحلال يعني شيكاغو الينوي موجود فيها كل شي انا قراءت انه الي يجي لامريكا خلي يجيب وياه قوري مال جاي واستكانات وهذي لكيتها هنا طبعا السعر يختلف بس موجوده .....ارجوا ان اكون اجبت عهلى تساؤلات ك اختي العزيزه اسف على الاطاله واي سؤال او استفسار انا بالخدمه تحياتي للجميع
[/quote]
الف شكر الك اخوية على استجابتك لسؤالي وانشالله الله يوفقك وينطيك الصحة والعافية وتعيشون حياة سعيدة
اختكم
الملاك الحائر
-
شكرا اخويه على الملاحضات بصراحه هواي افدتنا
مع جزيل الشكر
-
الحمد لله على سلامة الوصول واتمنى تنفتح امامك كل ابواب الرزق والخير