ankawa
منتدى الهجرة واللجوء => الهجرة و واللاجئين => الموضوع حرر بواسطة: مسافر انشالله في 20:52 21/07/2011
-
السلام عليكم جميعا
قمت باستحداث هذا الموضوع نظرا لاهميته حيث ان الاخوة الذين وصلوا الى اميركا بالسلامة (وارجو من الله عز وجل ان يوفقهم ويوفقنا في عالمهم الجديد بكل ما تحمل الكلمة من معنى وان لا تمر عليهم لحظة ندم في اختيارهم هذه الخطوة الكبيرة وان مرت فتلك هي الحياة لا ياتي شيء بسهولة وهذا الكلام فقط للجادين وعلى الرغم من ان الله عز وجل قد خلقنا للعبادة فالصبر من اهم العبادات ) فقد مروا الاخوة بجميع أجراءات التوطين او اللجوء وقد مرت عليهم ظروف صعبة من انتظار ومن مواقف تمنوا لو كان لديهم علم بها مسبقا لتجاوز المشاكل التي مروا بها فارجوا ذكر وتنبيه وتفصيل جميع خطوات التوطين لتعم الفائدة للجميع كاخوة عراقيين عرفوا بالنصح والطيب للغريب قبل القريب شاكرا لكم كل ما تكتبوه بما تعتقدوا ان فيه منفعة للقراء الكرام .
اما الاخوة وفي اي مرحلة كانوا من مراحل التوطين او اللجوء ارجو اي يذكروا جميع ما لديهم من اسئلة فقط لكي يفسحوا المجال للاخوة في اميركا للاجابة وكما يقول المثل المستحدث اسأل مجرب في اميركا ولا تسأل حكيم خارج اميركا وشكرا للجميع
اخوكم مسافر انشالله
-
زين ةهية الاسئلة وين؟؟!!!
-
هههههههههههههههه صدك وين الاسئله والله موااضيع دتنزل هلاايام مااكو مثلها هههه
تحيااتي
-
اخي اعد قراءة الموضوع ان كنت باميركا اكتب ملاحظاتك وان كنت خارجها اكتب سؤالك اما اذا كنت بمكان ثالث فياريت تخبرنا وشكرا لك .......
-
موضوع محير ;D
-
اخي الحبيب
حجيك على عيني وراسي .......بس بما انه انت اللي طرحت هذا الموضوع لازم نعرف اولا انت شنو اسئلتك؟؟؟
يعني مو معقوله انت تريد الباقين يسألون وانت ماعندك ولا سوأل؟؟
-
هلو للكل
عيني مسافر ان شاء الله
همة وينهم الي ديسافرون كلهم لزموا درب الصد ما رد الا القلة القليلة ظلوا يتواصلون ويردون جمايل هالمنتدى بمساعدتهم للناس المنتظرة
جانوا يتواجون فقط على كد حاجتهم ومن سافروا نزل موضوع مختصر مفيد اني وصلت وحليب لتجيبون بالطيارة البسوا جاكيتات الجو بارد و وابوك الله يرحمه
اذا تريد اعددلك اسامي من الاعضاء الي كانوا على هالشاكلة ما عندي مانع
اقتراحك حلو
وننتظر الطيبين للدخول والأجابة على اسئلة كل من لديه سؤال او أستفسار ونشكرلهم تواصلهم ويانه
دنيا
-
اي اعرف غير اتسالوني حتة اجاوب؟؟؟؟
شنو السالفة يامعودين؟؟!!
هاي هيجي الامنية وانتظار الفيزة كلبتكم على البطانة؟؟؟؟
ابو سارة
-
هلو للكل
عيني مسافر ان شاء الله
همة وينهم الي ديسافرون كلهم لزموا درب الصد ما رد الا القلة القليلة ظلوا يتواصلون ويردون جمايل هالمنتدى بمساعدتهم للناس المنتظرة
جانوا يتواجون فقط على كد حاجتهم ومن سافروا نزل موضوع مختصر مفيد اني وصلت وحليب لتجيبون بالطيارة البسوا جاكيتات الجو بارد و وابوك الله يرحمه
اذا تريد اعددلك اسامي من الاعضاء الي كانوا على هالشاكلة ما عندي مانع
اقتراحك حلو
وننتظر الطيبين للدخول والأجابة على اسئلة كل من لديه سؤال او أستفسار ونشكرلهم تواصلهم ويانه
دنيا
الله يساعهم همه اكيد مشغولين لان امريكا الوقت بيهه ثمين واذا ما تشتغل ما تعيش فحقهم اذا مشغولين مو مثل العراق الموظفين نصهم يستلمون رواتب وما يشتغلون
-
اخي العزيز ..
اذا ما عندك سوال محدد تكدر تتصفح بمواضيع المنتدى القديمة .. دور بالصفحات تلكة هواي اسئلة واجوبة ...
-
هلو للكل
عيني مسافر ان شاء الله
همة وينهم الي ديسافرون كلهم لزموا درب الصد ما رد الا القلة القليلة ظلوا يتواصلون ويردون جمايل هالمنتدى بمساعدتهم للناس المنتظرة
جانوا يتواجون فقط على كد حاجتهم ومن سافروا نزل موضوع مختصر مفيد اني وصلت وحليب لتجيبون بالطيارة البسوا جاكيتات الجو بارد و وابوك الله يرحمه
اذا تريد اعددلك اسامي من الاعضاء الي كانوا على هالشاكلة ما عندي مانع
اقتراحك حلو
وننتظر الطيبين للدخول والأجابة على اسئلة كل من لديه سؤال او أستفسار ونشكرلهم تواصلهم ويانه
دنيا
الله يساعهم همه اكيد مشغولين لان امريكا الوقت بيهه ثمين واذا ما تشتغل ما تعيش فحقهم اذا مشغولين مو مثل العراق الموظفين نصهم يستلمون رواتب وما يشتغلون
مو لهالدرجة ام مهند عيوني ترة اكو شيء اسمه ويك ايند ممكن خمس دقايق يفوت هم يفيد ويستفاد وحتى لو يشتغل يعني هسة ميكعد على النت يملي فد ابلكيشن منا منا هم فد خمس دقايق يمر على اخوته المنتظرين بالاضافة الى ذلك همة مو راسا اول مايوصلون لامريكا اشتغلوا اكيد فترة يلة يشتغلون لكن هي شغلة حاجة وخلصت
-
هلو للكل
عيني مسافر ان شاء الله
همة وينهم الي ديسافرون كلهم لزموا درب الصد ما رد الا القلة القليلة ظلوا يتواصلون ويردون جمايل هالمنتدى بمساعدتهم للناس المنتظرة
جانوا يتواجون فقط على كد حاجتهم ومن سافروا نزل موضوع مختصر مفيد اني وصلت وحليب لتجيبون بالطيارة البسوا جاكيتات الجو بارد و وابوك الله يرحمه
اذا تريد اعددلك اسامي من الاعضاء الي كانوا على هالشاكلة ما عندي مانع
اقتراحك حلو
وننتظر الطيبين للدخول والأجابة على اسئلة كل من لديه سؤال او أستفسار ونشكرلهم تواصلهم ويانه
دنيا
لعد ليش مسوين المنتدى ؟ حتى يساعد العالم على السفر .. واللي سافر وبعد ما دخل للمنتدى هذا مو يعني نكران للجميل .. الانسان انتفت حاجته للمنتدى بعد وصولة لامريكا وما يريد يدخل .. والكل مشكور على مساعدتهم .. خوما يضل مديون للمنتدى بالدخول والمشاركة .. المشكلة عدنا احنا نتعلق بكلشي .. بموقع انترنت ..
المنتدى للكل واللي يريد يستفاد خلي يستفاد باقصى ما يمكن .. شعلينا بالعالم اذا متريد تدخل بعد ..
-
:o :o :o :o :o :o :o :o :o :o :o
-
هلو للكل
عيني مسافر ان شاء الله
همة وينهم الي ديسافرون كلهم لزموا درب الصد ما رد الا القلة القليلة ظلوا يتواصلون ويردون جمايل هالمنتدى بمساعدتهم للناس المنتظرة
جانوا يتواجون فقط على كد حاجتهم ومن سافروا نزل موضوع مختصر مفيد اني وصلت وحليب لتجيبون بالطيارة البسوا جاكيتات الجو بارد و وابوك الله يرحمه
اذا تريد اعددلك اسامي من الاعضاء الي كانوا على هالشاكلة ما عندي مانع
اقتراحك حلو
وننتظر الطيبين للدخول والأجابة على اسئلة كل من لديه سؤال او أستفسار ونشكرلهم تواصلهم ويانه
دنيا
لعد ليش مسوين المنتدى ؟ حتى يساعد العالم على السفر .. واللي سافر وبعد ما دخل للمنتدى هذا مو يعني نكران للجميل .. الانسان انتفت حاجته للمنتدى بعد وصولة لامريكا وما يريد يدخل .. والكل مشكور على مساعدتهم .. خوما يضل مديون للمنتدى بالدخول والمشاركة .. المشكلة عدنا احنا نتعلق بكلشي .. بموقع انترنت ..
المنتدى للكل واللي يريد يستفاد خلي يستفاد باقصى ما يمكن .. شعلينا بالعالم اذا متريد تدخل بعد ..
بلاك وتر على كيفك عيني هي اراء ليش كلامك متشنج ؟؟؟
-
هاي صار 3 مرات ادخل واكتب رد بالموضوع ومحد سالني سؤال ...
عمي اني صارلي 9 اشهر بامريكا ومامكطوع من المنتدى
واشتغل شغلتين باليوم
وملتهي بهواي امور بس مع ذلك ماكطعت من المنتدى
ابو سارة
-
السلام
شلونكم اخواتي و اخواتي
اني بقيت 3 سنوات و 3 شهور و3 اسابيع و 3 ايام وساعه و نصف طبعا راح تكلون شلون صدفه طبعا صدفه وما اكتشفتها غير بالطياره اثناء توجهي الى امريكا
هاي الفتره من يوم ما قدمت على ال un لحد ما طارت الطياره بينا
اهم تفكير الواحد لازم يفكر بي هو الصبر ثم الصبر ثم الصبر لان اكو ناس سافرو خلال سنه و اكو خلال 10 سنوات واكو لحد هسه ما مسافرين
اولا لازم تكون القصه مقتنعه الى موظف un وهو ينقلها الى مديره ومن ثم التوطين اكو قسمين بال un اول واحد هو الحمايه ثم التوطين والملف ينتقل لوحده بعد اقتناع المدير المسؤول عن المشكله الي يواجهها اللاجئ واكيد اكو ناس تكول اني قصتي اقوه قصه ومن هالحجي اكو معايير ثابته يحددها المدير المسؤل بعدين ينتقل الملف الى ال iom وهنا هم اكو تأخير وعدة مراحل اولها اللقاء الاول و الثاني مع موظف يكتب القصه كامله بغض النظر عن مطابقتها مع قصة ال un لكن بالتاكيد تكون متطابقه وياها
وراها تحديد موعد لقاء المحلف وهنا هي المهم اقتناع المحلف بالقصه اكو يقتنعون بالنظره الاولى لللاجئ واكو لا واكو ميتخذون قرار بسرعه وراها اذا وافق المحلف نجي على الامنيه واني اكول مع احترامي لكل الآراء محد يعرف شنو المعايير للموافقه الامنيه اكو تطلع بشهر واكو تجي ويه المحلف مثل ما صار ويايه يعني اني و الحمدلله قابلت محلف 15/8/2010 وسافرت 29/11/2010يعني 3 شهور وشويه وهاي الموافقه الامنيه جايه مالتي ويه رد المحلف والي تبدأ من يوم رفع البصمات الي هي قبل موعد لقاء المحلف او بنفس اليوم وراها الفحص الطبي ثم الدوره التثقيفيه و الي هي مو مهمه اكو ناس سافرو من غير الدوره التثقيفيه
وراها انتضار موعد السفر وهم محد يعرف شنو المعايير هلى هي على حسب اقدمية وجود اللاجئ او حالته او او او يعني كل الكلام اكدر اكول حظ لا اكثر ولا اقل
اني برأيي الواحد يمشي يومه وينسه انو هو مقدم على اللجوء لحد ما يسافر لان صدكوني الواحد يتمرض وتصيبه كآبه من وره الانتضار والي هو صعب والله يعين بعض الناس الي فد مره حالتهم الاقتصاديه او النفسيه
المهم وصلت مطار باريس وثم مطار نيوجيرسي ثم دالاس ثم ولايتي الي هي كولورادو ميدنة دينفر وهنا يأتي دور المنظمه المستقبله اكيد يجي موظف يستقبلك او الكفيل على حسب وراها المنظمه تحددلك موعد للمقابله مع الكيس منجر ثم مسؤول العمل
بالنسبه للشغل في امريكا انا ليس مع الي يكول المنظمه مقصره او ماكو شغل او او او اني اكول الارزاق بيد الله سبحانه وتعالى اكو ناس تلكي بدل الشغل 2 او 3 واكو واحد واكو ولا واحد حسب رزق رب العالمين
هاي كل ما صار ويايه واي سؤال اهلا وسهلا
تحياتي للجميع
-
هاي صار 3 مرات ادخل واكتب رد بالموضوع ومحد سالني سؤال ...
عمي اني صارلي 9 اشهر بامريكا ومامكطوع من المنتدى
واشتغل شغلتين باليوم
وملتهي بهواي امور بس مع ذلك ماكطعت من المنتدى
ابو سارة
رحم الله والديك ابو سارة
والنعم منك
تتذكر والكل يتذكرون مساعدتك للعضو الي ظل بالمطار يومين لان صادف وصوله وية ال ويك ايند وانت شلون ساعدته لو ما مستمر وية المنتدى كان عرفت بيه انه بهالموقف المحرج ؟؟
ليش اني كلت البعض لانه اكو ناس سافرت ومن زمان وبقوا متواصلين يفيدون العالم الي دتمر باتعس الضروف
على العموم مشكور ابو سارة على تواصلك الدائم
-
هاي صار 3 مرات ادخل واكتب رد بالموضوع ومحد سالني سؤال ...
عمي اني صارلي 9 اشهر بامريكا ومامكطوع من المنتدى
واشتغل شغلتين باليوم
وملتهي بهواي امور بس مع ذلك ماكطعت من المنتدى
ابو سارة
رحم الله والديك ابو سارة
والنعم منك
تتذكر والكل يتذكرون مساعدتك للعضو الي ظل بالمطار يومين لان صادف وصوله وية ال ويك ايند وانت شلون ساعدته لو ما مستمر وية المنتدى كان عرفت بيه انه بهالموقف المحرج ؟؟
ليش اني كلت البعض لانه اكو ناس سافرت ومن زمان وبقوا متواصلين يفيدون العالم الي دتمر باتعس الضروف
على العموم مشكور ابو سارة على تواصلك الدائم
هذا واجبي وحق كل عراقي عليه!!
اذا اني بالغربة ماافيد اخوية العراقي لعد شوكت افيده..
تحياتي للجميع
ابو سارة