ankawa
منتدى الهجرة واللجوء => الهجرة و واللاجئين => الموضوع حرر بواسطة: مثنى خالد في 22:52 23/07/2011
-
اخوان واخوات اني عضو جديد وياكم ولدي مقابلة محلفين غدا وجدا مرتعب وخايف من المقابلة
مداعرف شنو اسوي وخصوصا سمعت المحلفين هالوجبة صعبين ويريدون يصفون العدد الكبير
واليوم من ساعة 5 الفجر اني مستيقظ من النوم مد اكدر انام من كثر التفكير والقلق
ومريت على ناس اقاربنه وابنهم الصغير اعطاني عنوان هذا المنتدى واخبرني بانكم اكيد ستساعدوني
واني بصراحه اخوكم عمري 42 سنة ومتزوج ولدي طفلين .. تصورو اذا اني هالشكل خايف لعد هم شنو يسوون؟
ياريت تقدمولي نصيحه يعني شلون اتاعمل مع الاسئله زين هم يحبون الشخص الذي يبتسم بوجهم
لو يبقى متألم وهو يذكر القصة؟ ما عرف شنو يصير باجر انتظر ردودكم ياطيبين وياريت متردوني باول طلب من حضراتكم
والله يوفقكم ويسعدكم
-
عليك بلصدك والثقه اباجوبتك
كون واثق ولتتردد
-
اخوي شوف هذا الرابط وانشاالله موفقين ولتخاف كلهه بيد ربك ترى
http://www.ankawa.com/forum/index.php/topic,270874.0.html (http://www.ankawa.com/forum/index.php/topic,270874.0.html)
-
عمي كول يالله وطب بكل زودك وكون اعتيادي
وانشالله ماكو شي عليك حاول تهدي نفسك وترى المحلفين جدا بسيطين ويخلوك ترتاح
تحياتي
-
اخويه العزيز كول يا الله على شنو خايف هي كم سؤال و جواب و توقيع و ابوك الله يرحمه
الاسئله قسمين
1- شخصي اسماء و مواليد و بعث و عسكريه
2-خاص بالقصه و التهديد و التواريخ
ابرز دفتر الخدمه العسكريه اول متوصل ويا الاوراق و الجوازات
كن واثق و لا تتردد
تأنى بالاجايه و لتكن الاجابه واضحه و مختصره قدر الامكان لا تغرد هوايه لان ترجع عليك بعدين
تحياتي
ألن
-
يا ربي يسهل عليك باجر و تتسهل بوجهك
تحياتي
اختك سارة
-
السلام عليكم ورحمة الله
اخي العزيز اسال الله لك كل الموفقية بالمقابلة نصيحتي الك كون واثق من نفسك ومن كلامك جاوب على كد السوال لاتتعمق بالاجابة لانه ميحبون كثرة الكلام عادة فضلا عن الكلام في غير محله ممكن يفتح عليك اسئلة اكثر تقبل اسالتهم حتى لو كانت استفزازية وجاوب عليه همى ينتبهون على تعابير الوجه وقسماته وحركاتك فلاترتبك وتوكل على الحي القيوم واعلم
ان مااصابك لم يكن ليخطائك ومااخطائك لم يكن ليصيبك
اسال الله ان يكون حليفك ويسدد خطاك
تحياتي
-
توكل على الله اخويه
والي كاتبه ربنه يصير
ويارب ان شاء الله تتوفق وتكون مقابله سهلة
وتحجينه شنو صار وياك
لان اني دا انتظر مقابله محلفين
التسهيل من الله
-
حبيبي الغالي :
اهم شيء هو الثقة بالنفس وهدوء الاعصاب وعدم الارتباك وقوة الارادة والابتعاد عن القلق والخوف والتفكير الزائد غير المجدي نفعا سوى الجهد النفسي ........
طبق هاي الامور وصدكني لو مو هيئة محلفين صغيرة لو جيش محلفين ههههه راح اتكون نتيجتك ايجابية
تحياتي لشخصك الكريم
-
قل لن يصيبنا الا ما كتب الله لنا هو مولانا وعلى الله فليتوكل المؤمنون.
كن طبيعي جدا وجاوب على قدر السؤال وامرك مو بيد المحلف امرك بيد الي خلقك.
تحياتي
-
اخويه العزيز اول شي اهلا وسهلا بيك ويانا بالمنتدى
ثانيا بالنسبة للمحلفين اريدك تتوكل على الله كول بسم الله وطب على المحلف وطبعا من يسألك تجاوبه على قدر سؤاله لاتزيد ولاتنقص جواب واضح ووافي بس بدون زيادة او نقصان وصوتك يكون طبيعي من تحجي وعينك بعينه من تجاوب اهم شي ولاتفرك بأيدك ولاتخلي رجليك رقم 7 ;D ;D ;D وطبعا هيه الاسألة اكيد منها مار عليك بالمقابلة الاولى بس انت هم لازم تتحضر وتحفظ تواريخك واحداث قضيتك زين حتى لتنسى وتاخذ مستمسكاتك كلها والجوازات واي شي متعلق بقضيتك واهدأ وحاول تركز عالاسئلة وانسى كلشي بالك بس يم المحلف واسئلته والله يوفقك وانشاء الله تبشرنا بالقبول يارب
تحياتي
-
يمعود صدك جذب؟ قابل حيضربوك أبرة؟؟
عيني .....ز أقرة أهم مواضيع المنتدى لأخونا عكعك بيهة كل أسئلة المحلف ... وترة همة ناس يحبون البشوش والمتفائل ... وأوصيك خلي علكة بحلكك لأن العلكة تقلل من التوتر وترييح الأعصاب ولتدوخ مفتوحة بوجهك بجاه السميع العليم
Baguncero
-
مساء الخير
اخ مثنى اتوكل على الله وأدخل بكل ثقه احكي اللي حكيته بالمقابلات السابقه بدون زياده اونقصان وأضبط التواريخ تمام والباقي على رب العالمين
تقبل مروري
تحياتي
-
طبعا نسيت اكول شغلة لازم اذكره... وهاي اني لاحظته عند مقابلتي المحلفين ... عدا الاسئلة الروتينية.. هي المقابلة عبارة عن عملية مقارنة بين كلامك بالمقابلة الاولى او الثانية وبين هذه المقابلة الي هي مقابلة المحلف... حتى لو تقدم معلومات لو ادلة جديدة او اشياء ماذكرته بالمقابلة الاولى ماراح تثير انتباه المحلف بقدر المعلومات الي انت ذكرته سابقا... فعليك تذكر كل الي كلته انت قبل وتعيده بالضبط بدون زيادة ونقصان و تنطي انطباع بانه انت حازم و واثق من كلامك....
لانه بالاساس انت محصل صفة اللجوء من اليو ان .. بس هذه المقابلة عبارة عن اثبات مصداقية لا اكثر ولا اقل..وهذا رأي الشخصي وانشاء الله الاخوة كفو و وفوا.
تحياتي
-
اخي العزيز مثنى خالد
اهلا وسهلا بيك بين اخوتك وخواتك بالمنتدى
ترة الاخوان كفو ووفو وما خلو شي نكولة، متهيأين وكاعدين ركبة ونص بس ينزل السؤال تشتغل الاجابات صلي مو مفرد.
بس حبيت اضيف شغلة اخاف سمعت كلمة المحلف وكالولك راح يحقق وياك ولزمتك الرجفة بالستيرن وكمت تركل على التبليط ، عمي ترة هاي بنية بيضة وشعر اصفر وعيون زرك عبالك كيكة حتى السودة تخبل مو عبالك راح تدخل الامن العام ويتلكوك الربع لو راح يوكفوك بالسيطرة ويحققون وياك ليش مشغل تبريد وساد الجامات بالسيطرة.
بس كول يالله وربك يسهلها
تحياتي
-
اخي العزيز مثنى خالد
اهلا وسهلا بيك بين اخوتك وخواتك بالمنتدى
ترة الاخوان كفو ووفو وما خلو شي نكولة، متهيأين وكاعدين ركبة ونص بس ينزل السؤال تشتغل الاجابات صلي مو مفرد.
بس حبيت اضيف شغلة اخاف سمعت كلمة المحلف وكالولك راح يحقق وياك ولزمتك الرجفة بالستيرن وكمت تركل على التبليط ، عمي ترة هاي بنية بيضة وشعر اصفر وعيون زرك عبالك كيكة حتى السودة تخبل مو عبالك راح تدخل الامن العام ويتلكوك الربع لو راح يوكفوك بالسيطرة ويحققون وياك ليش مشغل تبريد وساد الجامات بالسيطرة.
بس كول يالله وربك يسهلها
تحياتي
هههههههههههههههههههههه والله ضحكتني ابو هنوده الله يفرحك اخي ويسهل عليك .
اما بالنسبة للاخ مثنى اول شي ارحب بيك بين اخوتك واهلك
وثاني شي مابقه شي ينحجي اخوتنه وخواتنه كفو ووفو .
واني ما اكولك غير توكل على الله وفوت بفالك وربك يسهل عليك وباجر لتنسه تبشرنه
وتدعيلنه الله يسهل علينه ونكمل مقابلاتنه بسلامه ونتوفق .
بالتوفيق اخي انته اكيد راح تدخل الفجر تشوف ردودنه ما اوصيك نام ولتبقى كاعد ولتحسب حسابات
شو احنه بالعراق مرينه باشكال اللغاوي هاي سهله اخويه لتشيل هم
-
اخي
القلق والارتباك ميجيب نتيجة .. ركز وتكون الاجابة واضحة .. والمحلف راح يكمش قصتك ومخلي خطوط وملاحظات على شكل قصاصات على الورق الرئيسي وعلى ضوء ما حجيته سايقا راح يسئلك .. الاجابة مختصرة واضحة لاتسرد القصة من جديد لان هيه موجودة عنده رد على استفساراته .. وان شاء الله من تخلص المقايلة راح تاكل بروحك وتضوج وتنعل اليوم وهكذا بسبب استفزازية المحلف .. انصحك هذه المشاعر عوفهه واول ما تطلع فكر بالجاي .. لان طبيعة عمل المحلف هو الاستفزاز .. واذا قصتك اصلا زينة صدكني المحلف سلفا راح يوافق .. وهي اصلا هذا المقابلة خطوة نحو السفر .. اصير يااخي وان شاء الله السفر
-
اخي اتوكل على الله و اهم شي راجع الي كلتة بالمقابلة الاولى و لا تتناقض او تخرج عنة و احجي الي صار وياك بلا مبالغة و كون طبيعي اقر موضوع الاخ عكعك بي معلومات مفيدة عن المقابلة اذا كنتو عائلة خلي اكون كلامكم متكامل و مترابط و لا اتجاوب اكثر من السؤال المطلوب و الله اوفقك
-
مرحبا
انشالله مقابلة سهلة والمحلفين سهلين ياريت اخ مثنى اتبشرنا شصار وياك بالمقابلة والتوفيق للجميع
اللهم لا سهل الا ماجعلته سهلا ان شئت جعلت الحزن سهلا
اختكم ام حنين
-
شلون الشباب
اقبلوني صديق جديد عدكم بالمنتدى
بس حبيت اعرف وين صاير موضوع عكعك اذكر هيج اسم الي هو ذاكر عن المحلفين وطريقة الاسئلة
لان اني اليوم دا ارجع المعلومات الي كلتها اذكرت اكو كم شغلة ناسيها
اريد استفسر حتى من اقابل المحلفين اكون مسيطر عليهم بالكلام
اذا الله راد ودعواتكم الي شباب
اخوكم عصام
-
شلون الشباب
اقبلوني صديق جديد عدكم بالمنتدى
بس حبيت اعرف وين صاير موضوع عكعك اذكر هيج اسم الي هو ذاكر عن المحلفين وطريقة الاسئلة
لان اني اليوم دا ارجع المعلومات الي كلتها اذكرت اكو كم شغلة ناسيها
اريد استفسر حتى من اقابل المحلفين اكون مسيطر عليهم بالكلام
اذا الله راد ودعواتكم الي شباب
اخوكم عصام
اهلا بيك اخ عصام
هذا رابط الموضوع
http://www.ankawa.com/forum/index.php/topic,294296.0.html
وان شاء الله التوفيق
-
الله يجازيج الف خير يا اختي
وياربي التوفيق للجميع
-
يا معود مثنى خالد وين صرت اشو رحت وكلت عدولي
بشرنا اشصار ترة بالنا يمك انشاء الله الامور مشت على خير
-
عيني اخ مثنى وينك اخاف صار بيك شي يمعود طمنه عليك
-
اي صدك والله ده نطمن عليه شو ماكو ؟؟!!
الله يجيب الي بي الخير
-
اخونا المحترم ان شاء الله اخبارك زينة ودننتظرك تحجيلنه
-
اشكر ردودكم وكلامكم الطيب والجميل وسوف اكتب موضوع منفصل مختصر عن تجربتي مع المحلفين
-
اهلا بيك اخ مثنى
والله جنه خايفين عليك
ويارب ان شاء الله خير
واتمنالك الموفقيه
-
http://www.ankawa.com/forum/index.php/topic,270874.0.html
هذا الرابط مهم جدا جدا جدا جدا
:) :) :) :) :) :) :) :) :) :) :) :) :) :) :) :)
-
الرجال قابل وخلص وروحوا اقروا بذاك الرااااااااابط
http://www.ankawa.com/forum/index.php/topic,524001.0.html