بعد لازم وراي ارجع للاحلام
ارد امسح صور بيهن رسمتك
اجيت ابالي مرة وصدكت جاي
بجيت وشبكة مسودن شبكتك
صوجك علمتني افتهمك بساع
تسكت وافتهم كلشي بنظرتك
امسح جفن عينك من الدموع
كبل لاتخنك ابصدرك عبرتك
كلش باتصالك واضح الصوت
بس مو واضحة كلش نبرتك
فرق كلش جبير ابين الاثنين
حرورة دمعي وبرودة ضحكتك!!
طبع المحب لو ضاج لاحبابة يشتاق وما يغث هاي الروح بس نار الفراق
انت ورد جوري وغيرك ينظرب بوري كل الناس فافون وانت فرفوري..
انت موزه...انت لوزه..انت مولده وقت العوزه..واذا تبتعد تطفه الجوزه...
عسى ربي يسامحكم احبكم ماامل منكم واذا شحت رسايلكم اظل للموت اراسلكم
يصح واحد ابنص الموت ميموت
ويصح واحد ابعز العافيه ايطيح
السفينه ماشيه ابنية السفان
متدري اشظامه وشناويه الريح
مو كلشي التريده لازم ايصير
ولا كلها تسمعك لمن اتصيح
ولا تستسلم الدنياك وتكول
انتهينه وحالنه حال المذابيح
أحبس الدمعه بقهر وتفيض الجروح
وأتاني يمر فــرح يطفيلي بركاني
مثل زفة عرس بالطيف لـو مريت
وأذكر ضحكتك بوجـــوه خلاني
خلص هذا العمر هم ومصــاب وآه
أسِد باب الحزن وأنسى شكثر بيباني
مل مني الصبر بس آنــي مامليت
أكابر وأبتسم لــو شفت صحباني
أريد أحچي بجـرح تبچيله كل عين
وأريد أكتب قصيدة بريشة أحـزاني
وأريد آخذ همومــي لفوگ الغيوم
أهدها وهم ترد ترجعلي مــن ثاني
حبكم غير بروحي الموازين
وكلت نسيان حبكم عندي عادي
طلع حبكم فرض مفروض بالروح
مثل دكات كلبي لا ارادي