ankawa
منتدى الهجرة واللجوء => الهجرة و واللاجئين => الموضوع حرر بواسطة: حيدر الربيعي في 14:34 30/07/2011
-
السلام عليكم أخواني وأخواتي
الكل يعرف انه اغلب الرحلات الحالية للولايات المتحدة الامريكية تتم عن طريق الترانزيت الى عمان ثم المانيا ثم امريكا, سؤالي لأهل الخبرة والمعرفه" هل يستطيع اللاجئ ان يرى او يلتقي بأقربائه او اصدقائه في المطارات المذكورة اعلاه وهو في حالة الترانزيت؟ أم لايمكن ذلك؟ وكيف؟"
أنتظر أجاباتكم ولكم جزيل الشكر والأمتنان
أخوكم المهندس حيدر الربيعي
اي او ام 116
-
لا اتوقع ذلك لان صالة الترانزيت تعتبر صالة مغادرة ولا يدخلها الا الذين لديهم تأشيرة مغادرة حتى لو المسافر من نفس البلد.الا اذا احد لديه معارف في ذلك المطار او ان بسأل الامن بوديه وكيبه انه لديه مسافر يرغب برؤياه.... والله اعلم
-
والله اخويا اني ابن عمي لمن سافر نعم التقى بأحد الاقرباء في مطار المانيا حسب كلامه ساعتين ترانزيت
-
نعم صحيح وانا الي صديق التقه باخته في المانيا من كان ترانزيت المانيا لان بوقتها ترانزيت طول مايقارب ال3 سعات حجالي بانهو كدر يشوفها ويسلم عليها بس مايكدر يطلع من صاله الاترانزيت والله واعلم
-
حبيبي الورد ...
الترانزيت يعني يبقى داخل المنطقة الامنية ... هاي المنطقة عبارة عن شنو ... عبارة عن منطقة دولية يعني انت بالمطار بس مداخل للدولة .. فاذا راد اقربائك يشوفوك ماكو غير حل واحد بما ان انت متكدر تطلع المنطقة الامنية .. لازم هما يدخلون المنطقة الامنية .. يعني اذا كان عدهم حجز رحلة لمنطقة اخرى ممكن تكون داخل المانيا فيدخلون المنطقة الامنية وتتجيك جوازاتهم وتلتقي بيهم وبعدها هم يسافرون وانت اتسافر .. او ممكن يلغون السفر ويدخلون بما ان هما عدهم اقامة او جنسية بالمانيا ..
يعني مختصر الحجي لازم يدخلولك للمنطقة الامنية ...
تحياتي
ابو قمر
-
اخى لازم يكون فى تصريح دخول لقاعه الترانزيت
-
اخي مثل مذكروا الاخوان انت متمكدر تطلع لكن همه يكدرون يدخلولك لحد ما حسب صالة المطار
اما في عمان اذا كان عندك مبيت في مطار الملكه عاليه فيكدرون يدخلولك للفندق وتلتقي بيهم
-
لا اتوقع ذلك لان صالة الترانزيت تعتبر صالة مغادرة ولا يدخلها الا الذين لديهم تأشيرة مغادرة حتى لو المسافر من نفس البلد.الا اذا احد لديه معارف في ذلك المطار او ان بسأل الامن بوديه وكيبه انه لديه مسافر يرغب برؤياه.... والله اعلم
كلام مضبوط ودقيق
-
لا اتوقع ذلك لان صالة الترانزيت تعتبر صالة مغادرة ولا يدخلها الا الذين لديهم تأشيرة مغادرة حتى لو المسافر من نفس البلد.الا اذا احد لديه معارف في ذلك المطار او ان بسأل الامن بوديه وكيبه انه لديه مسافر يرغب برؤياه.... والله اعلم
شكرا جزيلا أخي وما قصرت بالأجابة, ان شاء الله يسهلها علينا وعليكم
أخوك المهندس حيدر الربيعي
-
شكرا جزيلا أخي شنايزر وتحياتي لأبن عمك, اذا امكن وصار اتصال ويه ابن عمك ممكن اعرف شلون التقه بيه؟؟؟
تحياتي
.........................................................................
شكرا جزيلا أخ ساروين عالأجابة وما قصرت
تحياتي لكم
........................................................................
أخ عبادي شكرا جزيلا لك
........................................................................
أخت ريم العزيزة شكرا جزيلا للأجابة وما قصرتي, اني المدوخني والمحيرني بأنه قريبتي مكانها يبعد على مطار فرانكفورت بحوالي ال 6 ساعات وأخاف تجي وما أكدر اشوفها ويا حيييييييييييف عالتعب والمسافه... شكرا جزيلا
.......................................................................
خالتي أم مهند شكرا جزيلا عالأجابة
-
حبيبي الورد ...
الترانزيت يعني يبقى داخل المنطقة الامنية ... هاي المنطقة عبارة عن شنو ... عبارة عن منطقة دولية يعني انت بالمطار بس مداخل للدولة .. فاذا راد اقربائك يشوفوك ماكو غير حل واحد بما ان انت متكدر تطلع المنطقة الامنية .. لازم هما يدخلون المنطقة الامنية .. يعني اذا كان عدهم حجز رحلة لمنطقة اخرى ممكن تكون داخل المانيا فيدخلون المنطقة الامنية وتتجيك جوازاتهم وتلتقي بيهم وبعدها هم يسافرون وانت اتسافر .. او ممكن يلغون السفر ويدخلون بما ان هما عدهم اقامة او جنسية بالمانيا ..
يعني مختصر الحجي لازم يدخلولك للمنطقة الامنية ...
تحياتي
ابو قمر
عمي أبو قمر ممنون الك ولأجاباتك النيرة وان شاء الله نسمع منك اكثر فأكثر, قريبتي عندها أقامة دراسية بالمانيا بس يبعد سكنها عن المطار 6 ساعات لذلك اريد أعرف الجواب الأكيد والمضمون علمود لا أورطها وتقطع هالمسافة وبدون جدوى... مع جزيل الشكر والأمتنان
أبنكم المهندس حيدر الربيعي
-
اخي العزيز حيدر ممكن مل مكالولك الاخوان والاخوات اني قريبتي نفس الشي سوت بس حجزت سفر يعني تكت ومغادرة والتقت باقربائهة بلمطار بهل الطريقة واخي العزيز احب ابين الك شي ترة احتمال مو كل الرحلات على المانيا لانه مرات مباشر للولايات المتحدة او مرات يطلعون على اسطنبول ومرات ترانزيت بدبي يعني انت وحظك هاية اذا ممنطيك خط الرحلة متكدر تقرر والله يسهل امرك وتشوف اقربائك
-
اخي العزيز حيدر ممكن مل مكالولك الاخوان والاخوات اني قريبتي نفس الشي سوت بس حجزت سفر يعني تكت ومغادرة والتقت باقربائهة بلمطار بهل الطريقة واخي العزيز احب ابين الك شي ترة احتمال مو كل الرحلات على المانيا لانه مرات مباشر للولايات المتحدة او مرات يطلعون على اسطنبول ومرات ترانزيت بدبي يعني انت وحظك هاية اذا ممنطيك خط الرحلة متكدر تقرر والله يسهل امرك وتشوف اقربائك
مشكور حبيبي الزنداوي على هذا الخبر والتأكيد الحلو, ان شاء الله اكيد على فرانكفورت, بس سؤال تقصد بانه تحجز سفر داخلي مو؟؟ وتكدر تلغي السفر؟؟مع تحياتي
أخوك المهندس حيدر الربيعي
-
اكيد تحجز داخلي ارخص يمكن وبكيفهة تريد تسافر او لا بس ممكن ترجع للمقاطعة مالتهة بلطيارة احسن ميصير استقطاع من المبلغ واخاف تصير نقطة ليش حجزت وليش مسافرت تعرف احنه العراقين نحسبهة من كل النواحي والله يسهل امرك
-
اكيد تحجز داخلي ارخص يمكن وبكيفهة تريد تسافر او لا بس ممكن ترجع للمقاطعة مالتهة بلطيارة احسن ميصير استقطاع من المبلغ واخاف تصير نقطة ليش حجزت وليش مسافرت تعرف احنه العراقين نحسبهة من كل النواحي والله يسهل امرك
شكرا حبيبي عالايضاح واني جدا ممنون الك
أخوك المهندس حيدر الربيعي
-
اخي العزيز ..
خلي تراجع ادارة المطار مسبقا حتى ينطوها اذن موقت للدخول الى صالة الترانزيت .. مو فد مشكلة جبيرة .. تروح وتشرح الهم الامر واذا وافقوا خير على خير
اني سبق وان دخلت في احدى صالات الترانزيت في امريكا بعد ما استاذنت من مسوول الصالة وانطاني باج موقت اكدر اتجول بيه بالصالات لحين اكمل شغلتي ..
والسبب لدخولي الصالة لتوديع بعض الاصدقاء ومساعدتهم بالحقائب ..
ومثل ما ذكرت تبقى يم ادارة المطار اذا سببكم مقنع من الممكن جدا الدخول للترانزيت وماكو شي مستحيل ..