ankawa
منتدى الهجرة واللجوء => الهجرة و واللاجئين => الموضوع حرر بواسطة: النورس جوناثان في 20:44 02/08/2011
-
اخوتي الاعزاء المحترمين في عين كاوة
السلام عليكم ورحمة الله
بكل صراحة ساطرح موضوع وارجو ابداء اراءكم حوله وانا احترم كل الاراء واتمنى ان تكون جادة وتخدم الجميع
يوم امس اتصلت بصديقي الذي سيكون كفيلي في امريكا وابلغني انني لازلت في بداية التقديم وان موضوع الكفالة فيه وقت ولكن ليس هذا الموضوع
الموضوع انه بسبب وجود اكثر من شخص سيكفله في امريكا فقد اتصل بالمنظمات هناك للاستفسار والاتصال بنا في حالة وجود اي جديد ولكنهم في الوقت الحاضر اعلموه بمايلي
سوف تتوقف امريكا عن قبول العراقيين المتقدمين عن طريق اليو ان من عام 2011 ولغاية 2015 وسوف يتم ترحيل طلبات اللجوء المقدمة اليها عن طريق اليو ان الى استراليا
السؤال اخوتي هو
في حالة اذا كانت مفوضية اللاجئين هي التي قررت ارسالك الى استراليا وليس بطلب منك او بسبب رفض امريكا لك لاسمح الله ففي هذه الحالة
كم هي الفترة التي سيتم خلالها السفر؟
وكم مقابلة سيكون لديك هل ثلاثة مثل امريكا ام اقل؟
وهل سيكون هناك دورة تثقيفية ام لا؟
-
اين الردود ياورود
-
اخي العزيز ...
الموضوع والخبر جديدين ... ولهذا لدي استفسار قبل ان استطيع مساعدتك .
ما اسم المنظمة التي اتصل بها صديقك وتابعة لاي ولاية وما وظيفت الموظف الذي اجاب عليه ؟؟؟
لو تمكنت ان تجلب لي اسم المنظمة ورقم الهاتف سوف اقوم بالاتصال بهم ومعرفة معلومات اكثر قد تفيد الجميع ومعرفة ان كان هذا كتاب رسمي او مجرد تقديرات لموظف ...
يمكن ارسال رقم هاتفهم الي عالخاص واعدك باني سوف اجلب التفاصيل للجميع .. حتى يكون الامر واضح ..
تحياتي
ابو قمر
-
اخي العزيز مستحيل احد يكدر يجاوبك جواب علمي على سؤالك لانك دتسئل على شيء لم يحدث سابقا ومحد مار بيه .. نعم اكو لجوء الى استراليا وهناك مقابلات وتستغرق ما بين 8 شهور الى سنتين ولدي احد الاصدقاء في استراليا .. لكنك تسأل عن تحويل ملفات ضخمة وعن تغيير في مسار اللجوء وما اتصور اي انسان يكدر ايجاوبك ..
ولهذا طلبت منك رقم تلفون المنظمة لاني في امريكا واعرف اساليب منظمات اللجوء هنا , وايضا ساتمكن من معرفة هذا التغيير الجديد ..
تحياتي
ابو قمر
-
اخي العزيز هل انت متاكد من هذا الموضوع لم اسمع بمثل هذه الخبر من قبل امل ان تتاكد من صحة الخبر وشكرا
تحياتي
-
اخي الغالي القمر ابو قمر
اولا صديقي الغالي مثلك هو في ولاية كنتاكي ولا ادري اي منظمة قام بسؤالها ولكنه اكد لي الخبر حيث انه سيكفل ابن خالته ايضا وصديقة زوجته
حتى عندما تكلم معي كانت نبرته حزينة نوعا ما لانه لن يتمكن من عمل شيء لنا او لابن خالته في حالة ترحيلنا الى استراليا
اشكر اهتمامك اخي الغالي
وياريت احصل من حضرتك على رد يبرد القلب
-
اخواني الاعزاء
مثل هكذا عمليه ليست بالسهله و لا تأتي بجرة قلم او برغبة منظمه و اذا يريد يصير تحويل كان صار من لحظة الي كنتوا باليو ان مو هسه وره متحولت الملفات و قابلتوا محلفين امريكان و دتنتظرون الامنيه او الكفاله من الكفيل و لازالت اليو ان لحد هذا اليوم تحول على امريكا توطين و يقولون لا يوجد غير امريكا
تحياتي
ألن
-
حبيبي الورد ... راح احاول ان اتصل باحد المنظمات واستفسر منها عن هذا الموضوع ..
انت اهم شي خلي معنوياتك عالية لان اكو هنا خربطات ادارية رهيبة .. وقد يكون الموضوع ارتباك او اي شيء اخر لاني لحد هذه اللحظة لم اسمع بهذا الموضوع .. ممكن يكون القصد على المعاملات الجديدة .. مع هذا خليني استفسر وانشاء الله ارجعلك الخبر باقرب وقت ..
تحياتي
ابو قمر
-
والله اذا صدك عاشت ايدك عالخبر ومني الك عزيمة لانو اني من جماعة 2011 وعلساس داانتظر تحويل من اليوان للاي اي او وكلما اخابرهم يكلولي ماكوووووو واظن السبب تقليل ميزانية امريكا خلاهم يحولون الملفات على استراليا واظن هالامور رح تبدي تبين قريبا صحة الخبر من عدمة ووالله اذا صدك صار التحويل لاستراليا احسن من امريكا وشكرا لنقل الخبر
-
اخي النورس جونثان .. هاذا خبر صاعق وبيه تفائل للمقدمين عن طريق اليوان ..
ولكن يجب التاكد من الخبر ... ومصداقيته لان بصراحه هوايه اخبار دتطلع من مصادر موجوده في امريكا عن اللجوء.. وتتنقل الى موقعنا وغالبا ما تكون محبطه او مشوه او ميؤسه منها ..
انشالله يمن على المقدمين راحه البال والاستقرار ولو استراليا هو حلم النا بس انكول يصير خير انشالله
-
هذا الخبر اول مرة اسمعه !
وحتى لو تم التحويل على استراليا هم ميخالف بيا مكان بس نخلص
-
يمعودين رح اتخبل من نويت اطلع اقدم عاليو ان بس لا صدك
-
::) ::) ::) ::) ::) ::) ::) ::) ::) ::)
-
امريكا استراليا كلها انشاء الله زينة بس خل واحد الله يسهل علي ويسافر وين ماكان المهم دولة براسها خير
-
اللجوء الى استراليا موجود ولكن بنسب قليلة مقارنة الى اميريكا وعلى الاكثر هو مفتوح من تركيا اكثر شي
وفي اكثر الحالات اذا رفض الشخص من الامريكية وعندما يحول الى استراليا فانه يقبل في بعض الاحيان
-
اللللله استراليا حلم والله يا ريت لو تصير
تحياتي لصاحب الموضوع
-
لازلنا بانتظر رد اخونا الغالي القمر ابو قمر
-
لو اكو هيجي شي مجان الناس قابلت محلفين بالشهر الفات او هذا الشهر
وحتى لو امريكا قللت العدد فه يبدون يحولون الكندا واذا حولو الاستراليا ليش شبيها هيه ؟
استراليا همين زينه وحلوه
بس الناس تكول امريكا وكندا لان اغلب العراقين هناك فه يردون مكان بي عراقين شويه احساس الغربه يقل
يرتاحون نفسياً انو اكو هناك عراقين ياسامح الله اذا حتاجو شي فه اكو ناس منهم وبيهم ممكن تساعدهم
-
يابه لو للمريخ هم اطلع بس كون اخلص من العراق
شبيها استراليا قابل الكهرباء برمجة ؟
-
الصراحة اول مرة اسمع بهالسالفة بس صدفة قبل يومين ولد صديق الي في عمان كال هسه على اساس استراليا كامت تقبل لجوء مو الا ترفض امريكا يلة يتحول ملفك و انما لجوء الى استراليا مباشرة بس بروونة الذمة شباب خاف يطلع الخبر مو صحيح اني ماسمعتة من موظف باليو ان ولا شي بس هوة صديق الي ساكن بعمان صارلة فترة طويلة ... المهم على كولتكم استراليا لو امريكا اثنينهن موقاصرات و على كولة اخوية عبد الله لو للمريخ هم قبوول بس عالاقل مانبقة هيج معلكين بين السمة و الكاع
-
معقولة بس هوة كلشي هل ايام يصير
عيني وين ما كان
ياااااااااااااااااااا ربييييييييييييييي فرجك على الصابرين
-
يابا والله اني هم اكول ياريت لو استراليا ليش شبيها والله اي مكان افضل بكثير من العراق او الانتضار بدول الجوار
مو لو مو مو ؟
-
up
بلكي ابن حلال يبرد قلبنا بجواب
-
up