منتدى الهجرة واللجوء => الهجرة و واللاجئين => الموضوع حرر بواسطة: مدام كوري في 15:19 07/08/2011
العنوان: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: مدام كوري في 15:19 07/08/2011
السلام عليكم اخوان انتو عرفتوا انه اني السفر مالتي صار قريب بس اريد اعرف اهم الاشياء الي احتاجهه للسفر وخصوصا اني عندي اطفال3 اكبرهم بالثاني ابتدائي والصغيره1 ونص يعني بهذله محترمه ;D ;D ;D فاريد تساعدوني في اخذ الاهم والمهم حتى الادويه الضروريه رجاءا الي عنده اي معلومه لايبخل بيهه والتوفيق للجميع بعون الله
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: ابن الرافدين للابد في 15:25 07/08/2011
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: مايكل اندريه85 في 15:27 07/08/2011
الرفع للمساعدة
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: فـلـونـا في 16:01 07/08/2011
الاخت مدام كوري...اولا الف مبروك على موعد السفر وانشاء الله توصلون بالسلامة
اختي اعتقد هذا الموضوع يفيدج عن الاغراض المهمة بالسفر لان الاخوان ممقصرين وذاكرين كل شي http://www.ankawa.com/forum/index.php/topic,308359.0.html
وامنياتي الكم بالتوفيق في حياتكم الجديدة
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: ريم عبد في 18:08 07/08/2011
حبيبتي مدام كوري الله يساعدج ان شاء الله ويخفف عنج بهذا الطريق الطويل
وهاي جبتلج نصائح الاخت سراوي بخصوص الاطفال راح تستفادين منها
بالنسبة لشغلة الاطفال اني بالنسبة الي وعن تجربة شخصية لازم يكون عند كل عائلة جنطة طفل يكون بيها كل الاحتياجات ترة الطفل يدمر اهله اذا جوعان او عطشان او نعسان او تعبان وهاي هي المدمرات الاربعة واللي تخلي الطفل حتى يتصرف تصرفات غريبة
المهم جنطة الطفل يجب ان تكون من النوع الذي يحمل على الكتف (هاي مهمة حتى تبقى اليدين فارغة لان راح تحتاجون ايدكم تكون فارغة علمود سحب الجنط او حمل الاطفال )
تحتوي على:
1) اطعمة للطفل من النوع المغلف وغير القابل للتلف مثل: جبس نوعين (لان اذا ضاج من نوع يكلب عليكم الدنيا ويكوللكم هذا مو طيب ما اريده)
2) جلاتين هذا كلش مفيد علمود تخلون الطفل ياكل جلاتين بصعود الطيارة او هبوطها حتى تقلل من عملية انسداد اذني الطفل والل راح تخليه ضايج واحتمال يبجي فبما انه ما تكدرون تنطوهم علج انطوهم شي يكلوه
3) ماء بقنينة صغيرة جدا تنحط بجيب الجنطة (مو بالجيب الرئيسي اقصد تخلوها بالجانبي) وهاي تفيد هواية لان بالطيارة مو مال كل شوية تكوللولهم نريد مي للطفل مو صحيح؟ واحتمال قوي يجيبولكم ماء بارد كلش شراح تسوون؟؟
4) الجنطة يجب ان تحتوي على غيار كامل للطفل اقصد ملابس داخلية مع حفاضات عدد 3 لكل طفل على الاقل تحسبا للطوارئ اما الملابس فيجب جلب بنطرون عدد2 وبلوزات عدد واحد مع تي شيرت اخاف تصير الدنيا حارة بالطيارة او المطار لاتخلون الاطفال لابسين ملابس ثقيلة وبعدين يعرقون بيها وراح يوصلون بجو يكون بارد (يعني نشلة مضبوطة!!!!!) + صداري للاطفال الرضع
5) محارم او خاولي صغير او كلنكس باكيت جيب مفيد جدا وضروري
6) حليب مطعم (ان وجد) فد باكيتين صغار حتى تلهوهم بيها من يكونون كاعدين.
7) لعبة صغيرة الحجم ممكن توضع بالجنطة حتى تلهوهم بس مو لعبة بيها موسيقى او صوت عالي وتنهرج الطيارة والناس تكوم تصيح الداد!!!!!!!
علاكة فارغة او اكياس فارغة عدد 4 (تفيد للحفاضة المتسخة وتفيد ايضا لوضع الملابس مال الاطفال اللي ممكن يكونون بللوها بالمي من ديشربون او اتسخت عند تناول الطعام)
9) تلبسون الاطفال ملابس مريحة واحذية واسعة ومريحة ترة يقلبون الدنيا عليكم اذا تضايقوا من الحذاء
10) طبعا اذا جايين ببرد تلبسون الاولاد كولونات طويلة (وتجيبون وياكم احتياط واحد بالجنطة)
11) معقم جل تخلوه بالجنطة وممكن تجيبون كلينكس معقم (wipes) هذا يفيد في كل الاحوال وخصوصا اذا الطفل وسخ نفسه بالاكل ومهم تمسحون الطبلة مال الاكل بالطيارة قبل ما تخلون الطفل يلزمها ترة ما تعرفون اللي جان كاعد قبلكم شعنده من امراض معدية فكونوا حذرين.
هاي قائمة تخلوها كدامكم وتعبون الاغراض بالجنطة مع تحياتي
س------------------------------رى
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: ريم عبد في 18:12 07/08/2011
وهاي نصيحة زينه مهمه
بالنسبه للمرأه اذا كانت محجبه فخلي تكثر بالشغلات الاسلاميه وتاخذ دشاديش لان التراكسوتات بكثره بامريكا يعني شغلات اسلاميه مثل التنورات والاحجبه والشالات وغيرها من الملابس الاسلاميه واما بالنسبه للبنت الي مامحجبه فنصيحيتي الها لاتكثر بالملابس لان هنا اكو اشكااااااال والوان
بالنسبه للاقراص مال مسلسلات وافلام فكلشي لاتاخذون لان هناك النت فول يعني مثل دا تصفح بمجله قوي جدا يعني تكدر تنزل اي فلم واي مسلسل واي لعبه وبالنسبه للكتب للي ايريد ايكمل دراسته فلا ياخذ اي كتاب لان الدراسات بامريكا تختلف عن الدراسات بالعراق
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: ريم عبد في 18:14 07/08/2011
وهاي نصائح الدكتوره سرى بالنسبه للادويه
مرحبا اخواني هاي مجموعة ادوية مهمة تجيبوها وياكم ان شاء الله من تسافرون ِ الادوية المهمة في السفر: للكبار: 1) البانادول 500mg فد كم باكيت. 2) التكاميت tagamet حب مضاد للحموضة 3) زنتاك zantac ايضا مضاد للحموضة (اقوى شوية). 4) دسبتالين او كولوسبازمين (duspitalin/colospasmin) هو نفسه بس الثاني المصري للي عنده تهيج القولون العصبي (يسموه بالعراقي عنده قولون). 5) بلاسيل حب plasil حب مضاد للغثيان (للناس اللي مرات بالسفر او الحركة مال الطيارة شوية يصير عدهم لعبان نفس). 6) انتيبايوتكس antibiotics وهاي انتبهوا بيها شوية اخاف اكو احد من العائلة عنده حساسية للبنسلين ومشتقاته يعني الاموكسيل مثلا المهم اموكسيسلين Amoxycillin والاضبط لو تجيبون اوكمنتين او يسموه ايضا اموكسيكلاف augmentin/amoxiclav (اما ابو ال375 يؤخذ 3 مرات باليوم او ابو ال 625 mg يؤخذ مرتين باليوم)
ايضا للي عنده حساسية السلفا ما يكدر ياخذ المثبريم. 7) بونستان وهذا مهم جدا يعني البنادول اكسترا ما يعوض عنه لمن اكو وجع عظام مثل الاسنان واسمه ponstan او mefenamic acid. جيد اكو مضاد للحموضة باودر مطعم هم يفيد. 9) طبعا لاتنسون الوايبس المناديل المعقمة لان الطيارة متروسة اشكال والوان وكذلك الجل المعقم العبوة الصغيرة. 10) حب مضاد للاسهال lomotil/vacontil/enterostop يفيد مرات بس اذا انتو اصلا بالبيت ما طالعين الافضل الاكتفاء باكثار شرب الماء. 11) الفلاجيل (طبعا العراقيين متعلمين اسهال=فلاجيل) وهذا خطأ بس شنسوي امرنا لله. 12) دهن يفيد للحب اللي يطلع عند المرض ونسميه لطمة الحمى يسموه veramid/cargosil. 13) الرمين حب يفيد للحساسية.
للاطفال: 1) بنادول panadol شراب للاطفال او قطرات للرضع اكو اماراتي اسمه ادول Adol. 2) بونستان شراب ponstan يفيد لالام الاسنان واتهابات الاذن. 3) بيبيكون قطرات babycon للغازات للاطفال الصغار جدا (عمر اشهر). 4) اموكسيل شراب amoxil للي ما عنده حساسية بنسلين او مثبريم شراب . 5) بلاسيل شراب للغثيان.(للي ماعنده حساسية منه) والافضل بالطيارة حاولوا في فترة الاقلاع والهبوط توكلوهم او تشربوهم فد شي خفيف علمود انسداد الاذن او الكبار منهم انطوهم علج وايضا يقلل من الغثيان.
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: (strawberry) في 18:38 07/08/2011
اووووف مبروك بالسلامة مدام ::)
[/size]
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: مدام كوري في 18:48 07/08/2011
مشكوووورين اخوتي واخواتي على مساعدتكم وبالاخص الاخت فلونا وريم عبد الله يوفقكم ويسعدكم بحياتكم تحياتي للجميع بالصحه والسفر القريب ان شاء الله تعالى
العنوان: رد: شنو اهم الاشياء الي اخذهه للسفر ارجو المساعده من اهل الخبره
أرسل بواسطة: البغدادية2 في 20:57 07/08/2011