منتدى الهجرة واللجوء => الهجرة و واللاجئين => الموضوع حرر بواسطة: heart_0f_baghdad في 12:40 08/08/2011
العنوان: تحويل الفلوس من العراق الى امريكا متوقف؟
أرسل بواسطة: heart_0f_baghdad في 12:40 08/08/2011
مرحبا الكل يعرف انه اذا تريد تحول فلوس بطريقه مضمونه ولو شويه مكلفه تستعمل الويسترن يونيون لكن بالفتره الاخير ه ماكو تحويل لامريكا من العراق بيها ماعرف ليش عساس هيه وافغانستان وفلسطين المهم موضوعنا امريكا اني اريد احول لهناك بس مرات لاشخاص جنسيتهم مو عراقيه فما يصير الا بالويسترن يونيون او اشتري شغلات مناك بالنت سؤالي هل يوجد بديل عنها؟ ووين مع الشكر
العنوان: رد: تحويل الفلوس من العراق الى امريكا متوقف؟
أرسل بواسطة: ARMY STRONG في 12:51 08/08/2011
خاف خلو العراق بلاك لست من وره جماعه كنتاكي ::)؟
العنوان: رد: تحويل الفلوس من العراق الى امريكا متوقف؟
أرسل بواسطة: البغدادية2 في 12:55 08/08/2011
اخويه العزيز انت من بغداد لو خارج خاطر اكولك وين المظبوط لان اني كل شهر احول فلوس
العنوان: رد: تحويل الفلوس من العراق الى امريكا متوقف؟
أرسل بواسطة: rafid82 في 13:01 08/08/2011
والله اخي اللي اعرفه انه من زمان ماكو تحويل من العراق الى امريكا اكو طريقة انه تحول الى الاردن و من الاردن يحولون الى امريكا ولكن انتبه على عدم تحويل مبلغ اكثر من 5 الاف دولار لان الشخص اللي راح يستلم راح يتعرض للمسائلة من اين لك هذا وهيه هاي الايام اكو شغلات مو طبيعية بالنسبة للحوالات واكو تعليمات مشدده من قبل البنك المركزي على الحوالات و خاصة اذا مبلغ 10 الاف دولار فما فوق و حتى اعرف مكاتب هنا بالاردن توقفت عن استلام الحوالات
العنوان: رد: تحويل الفلوس من العراق الى امريكا متوقف؟
أرسل بواسطة: dannybasim في 13:06 08/08/2011
اخي العزيز اكو شركة الطيف بالكرادة داخل وشركة النبال بس التحويل مو اكثر من 10000 دولار ويطول 4 ايام لانه من العراق لعمان ومنها لكندا وبعدين امريكا تحياتي
العنوان: رد: تحويل الفلوس من العراق الى امريكا متوقف؟
أرسل بواسطة: جاسم كراده في 13:42 08/08/2011
تحياتي الى صاحب الموضوع واحترامي الى جميع الاجابات ......... بس اني دائما احول من بغداد الى امريكا عن طريق شركة الطيف فرع الكراده داخل مقابل مثلجات جوز وموز ويكون التحويل الى امريكا الى ولاية مشيكان ديترويت و هاي العمليه تاخذ وقت تقريبا ثلاثة ايام و من توصل يكدر يستلمه من ولاية مشيكان.....
ملاحظة: اذا كانت الولاية بعيده عن ولايتك تكدر تتصل بي وتتفق ويحولك المبلغ مالك الى حسابك مباشرأ دون الحاجه والذهاب الى ولاية مشكان وهذا العنوان:
شركة الطيف - امريكا-ولاية مشيكان مدينة ديترويت ديربورن هاتف: 3132161444
مع فائق التحيات
العنوان: رد: تحويل الفلوس من العراق الى امريكا متوقف؟
أرسل بواسطة: (COBRA) في 13:55 08/08/2011
حولي ياه تره اخوك واكع من السطح.... ;D ;D ;D
العنوان: رد: تحويل الفلوس من العراق الى امريكا متوقف؟
أرسل بواسطة: جورجيا في 14:17 08/08/2011
البارحه حولت الاهلي فلوس من مكتب طيف الي بلكراده
العنوان: رد: تحويل الفلوس من العراق الى امريكا متوقف؟
أرسل بواسطة: ARMY STRONG في 14:22 08/08/2011
العنوان: رد: تحويل الفلوس من العراق الى امريكا متوقف؟
أرسل بواسطة: انيس الجالسين في 15:06 08/08/2011
هناك طريقة استخدمها انا قد تنفع السائل فيستخدمها مع من يعرف بالنسبة لي انتظر موعد سفر .. لذلك انا احاول ان ارسل اي مبلغ فائض عن حاجتي لدي اخوتي هناك في روشستر - نيويورك المهم : اذا اكو واحد من اصدقاء اخوتي يريد يحول فلوس للعراق يسلم الفلوس لاخوتي واني من يمي احول للشخص المعني هنا داخل العراق طبعا اني راح ابقى اطلب اخوتي لحين وصولي هناك ان شاء الله .. طبعاً اخوتي اهل للثقة
هاي الطريقة اني استخدمه من فترة هي اقل كلفة وبعيدة عن الانظار ايضاً وضمان للمبلغ .. وتحياتي
العنوان: رد: تحويل الفلوس من العراق الى امريكا متوقف؟
أرسل بواسطة: heart_0f_baghdad في 22:19 08/08/2011
شكرا اخوان لردودكم بالنسبه الي اني ببغداد بالفعل اني قبل جنت احول من مكتب ب 14 رمضان على الويسترن يونيون مباشره لامريكا الى تكساس ويوصل بنفس اليوم بس قبل تقريبا 4 اشهر اتوقف المكتب عن التحويل وسمعت انه اكو تحويل لامريكا بس عن طريق عمان وبعموله غاليه بالنسبه الي اني عندي تحويلات بسيطه يعني مرات 100 دولار مرات 500 دولار يعني شغلات اشتريها من النت كتب كورسات مو تجاره حتى بمبالغ كبيره اللي اريد اعرفه شكد ياخذون عموله على هيجي مبالغ؟
العنوان: رد: تحويل الفلوس من العراق الى امريكا متوقف؟
أرسل بواسطة: (COBRA) في 22:30 08/08/2011
اغاتي الويسترن يونين.......من عمان ياخذعلى الورقه 14 دولار واذا مكتب تحويل عادي مال العراقيين ياخذون على 100 دولار .... دينار الى دينار ونص هاي بالاردن ............ بغداد ماعرف
العنوان: رد: تحويل الفلوس من العراق الى امريكا متوقف؟
أرسل بواسطة: جورجيا في 14:11 09/08/2011
والله ارمي المبلغ جان جبير لان امانه مالتهم تحويشه العمر جانوا خاليها يمي
العنوان: رد: تحويل الفلوس من العراق الى امريكا متوقف؟
أرسل بواسطة: alzandawi في 14:23 09/08/2011
تحية طيبة اخواني اني الي اعرفة على حساب بنك يصير تحويل والمبلغ يدخل بلحساب بعد 3ايام والعمولة كلش بسيطة يعني تقريبا على الف دولار 10دولارات او اقل قبل فترة حولت لاقربائي بس تنطي المعلومات كاملة من سوفت ورقم الحساب واسم البنك والله يسهل
العنوان: رد: تحويل الفلوس من العراق الى امريكا متوقف؟
أرسل بواسطة: كتربلر في 14:44 09/08/2011
عيني شركه الطيف تاخذ دولار واحد على الورقه؟
العنوان: رد: تحويل الفلوس من العراق الى امريكا متوقف؟
أرسل بواسطة: جورجيا في 10:13 10/08/2011
شركه الطيف امزيده نسبتها شويه صايره اكثر من دولار بشويه يعني تاخذ على الدفتر 120 دولار وبعد التخفيضات اخذوا 105 على الدفتر لان المبلغ شويه جبير وقبلوا يسون خصم هذا الحجي قبل 3 ايام فقط