ankawa
منتدى الهجرة واللجوء => الهجرة و واللاجئين => الموضوع حرر بواسطة: beautiful angel في 00:47 09/08/2011
-
السلام عليكم
اخواني حبيت اعرف شنو الاجوبة المناسبة لهكذا اسئلة اثناء مقابلة المحلف واحب انوه هذي الاسئلة موجودة بموضوع للاخ احمد لكن حبيت اكتب فقط هذي الاسئلة لاستخلاص الاجوبة المناسبة وخليتها بموضوع منفصل لتوجيه النظر الها وخاصة من الاخوة الي حصلوا على موافقات من المحلفين
وهذه هيه الاسئلة
1- هل تستطيع الحكومة العراقية الحالية ان تحميك الجواب بنعم او لا ؟ولماذا؟
2- ما هو رايك بالعراق ما قبل 2003 وما بعد 2003 ؟
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
تحياتي
-
1-لا -خلي تحمي نفسها بالاول
2-تنطي ايجابيات وسلبيات كل وضع
3-ميكدرون يحموني الميليشيات اقوى من الشرطة
ولو انا ما مقابل محلف بس من هسة محظر هاي الاجوبه
-
عبودي الوردة مشكور على المشاركة بالموضوع بس هم جايتك المقابلة ولازم تحضر
لكن اعتقد جوابك بخصوص الحكومة وتبليغ الشرطة غير مقبول بالنسبة للمحلفين ولو هو هذا واقع الحال واني الاحظ الكثيرين ممن جابوا هذا الجواب حصلوا قيد الدراسة لهذا اريد مشاركة اكثر واجوبة مقنعه بعيدا عن تصنيف الحكومة والشرطة
-
مشمولين احنا بل تصويت لو لا؟ ::)
-
مشمولين احنا بل تصويت لو لا؟ ::)
طبعا مشكور على مرورك ارمي و مشمول لان انته ابو التعليقات الجميلة و من مخضرمين المنتدى اكيد اجوبتك راح تكون مركزة ومدروسة
تحياتي الك
-
الجواب الاول كلا لانهاا لاتستطيع حمااية نفسها بلذات فكيف لها ان تحميني
الجواب الثاني العيش حرا افضل من العيش سجناا مهماا ماا حصل من تضحياات و تفجيرات و ماشابه فانا افضل الان على الماضي
الجواب الثالث كلا لانهم اصلا يوجد منهم فاسدين ارهابيين منضمين الى الجيش والشرطه كيف لهم ان يحموني و هم يريدون قتلي
تحياااتي
-
شكرا ريان على مرورك بس نفس اجوبة الاخ عبد الله هذولة ما اتصور يرضون بيها
-
شكرا ريان على مرورك بس نفس اجوبة الاخ عبد الله هذولة ما اتصور يرضون بيها
والله احنه كلنه هيجي حجينه و اني هيجي حجيت بلمقاابله و اتوقع همه يعرفون كلش زين لان الحجي صدك هذاك اليوم قذفوا الخضراء بهااوناات
-
لا اعتقد ان هذه الاسئلة هي الحساسة في موضوع الموافقة الامنية الكاملة من المحلف
الي يحصلون موافقة امنية من المحلف اما عزابي يقتنعون بقصته، او عائلة من النساء
-
الله كريم
-
1- هل تستطيع الحكومة العراقية الحالية ان تحميك الجواب بنعم او لا ؟ولماذا؟
طبعا ما تحميني لان لحد الان منشئاتها الامنية مثل الجيش والشرطة دا يتعرضون لهجوم منالارهابيين و ما دا يكدرون يحمون نفسهم
2- ما هو رايك بالعراق ما قبل 2003 وما بعد 2003 ؟
كل مرحلة بيها سلبيات و ايجابيات
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
مراكز الشرطة اولا مخترقة من قبل المليشيات ثانيا ليس لها القدرة ولا الخبرة للتعامل مع هيج تهديدات بدليل اغتيال الكثير من الشخصيات العراقية المهمة و المحمية من قبل قوات الشرطة العراقية
تحياتي
[/quote]
-
خوش اسئله و متوقعه و موجوده بالاحرى. وتقبل رأي و مشاركتي.
1-هل تستطيع الحكومة العراقية الحالية ان تحميك الجواب بنعم او لا ؟ولماذا؟
ج \ لا ..... لاحظ السوال جيدا (هل تستطيع الحكومة العراقية الحالية ان تحميك) ميكول تحميكم انتو العراقيين. السوال موجه الك و الى قضيتك انت, بمعنى, الجواب خلي يكون خاص بقضيتك لا تحجي بالعام مثل الوضع مو زين والحكومه كيت و كيت. واذا سال لماذا لازم تنطي دليل والدليل يخص قضيتك.... مثل الحاله المريت بيه انت من تهديد او خطف او استهداف والحكومه مكدرت تحميك...هذا جواب ال لماذا.
2-ما هو رايك بالعراق ما قبل 2003 وما بعد 2003 ؟
ج \ قبل: كان الحكم مستبد و ظلم وحروب لا تنتهي . بعد: خلصنه من الاستبداد و من حكم عسكري لا يرحم, ولكن فقدنه الامان بسبب ضعف الحكومه و انتشار المليشيات.
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
ج \ لا توجد ثقه بين الانسان العراقي و اقسام الشرطه لان افراده قد يكونون تابعين الى مليشيات ويوجد فساد مستشري بين اقسام الشرطه...والاهم, انو اذا سالنه انفسنه ما هي الغايه من الشكوى عند الشرطة والابلاغ عن التهديد ؟؟ هم اذا الشرطه ما عدهم الامكانيات الفنيه و اللوجستيه و البشريه حته يكدرون يحققون بالموضوع و يخطون خطوات امنيه مدروسه بحيث يتوصلون الى الاشخاص المهددين و ينقذوني ويجعلوني بأمان, بل بالعكس قد ياثرون عليه سلبيا بسبب عدم امتلاكهم الخبره اللازمه لحمايتي بعد ابلاغي.
اتمنه جاوبتك على الاسئله
تحياتي
willpower
-
شكرا جزيلا ايهم و عاشت ايدك ومقصرت فعلا اجوبة حلوة وبارك الله بيك
تحياتي
beautiful angel
-
willpower عزيزي شكرا على الاجوبه القيمه و بارك الله بيك و الله يسهل امورك
-
السلام عليكم شلوونج اختي ان شاء الله بخير .... اني لو سائلني هيجي اساله راح يكون جوابي كـ التالي و مختصر مفيد لان اكووو محلفين ما يحبون تفاصيل مثل ما صار ويايه ...
1- هل تستطيع الحكومة العراقية الحالية ان تحميك الجواب بنعم او لا ؟ولماذا؟
ج\ لا .. لان ماعندي ثقه بالحكومه
2- ما هو رايك بالعراق ما قبل 2003 وما بعد 2003 ؟
ج\ قبل 2003 كان الامان موجود بس الظلم و الاستبداد و الدكتاتوريه بنفس الوقت موجوده .. اما بعد 2003 وجدنا الحريه بس فقدنا الامان ... و الحريه بدون امان ما نكدر نطبقها
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
ج\ لان 80% من الشرطه مليشيات و اخاف من غدرهم و ماعندي ثقه بيهم
تحياتي و احترامي الج ..
-
السلام عليكم شلوونج اختي ان شاء الله بخير .... اني لو سائلني هيجي اساله راح يكون جوابي كـ التالي و مختصر مفيد لان اكووو محلفين ما يحبون تفاصيل مثل ما صار ويايه ...
1- هل تستطيع الحكومة العراقية الحالية ان تحميك الجواب بنعم او لا ؟ولماذا؟
ج\ لا .. لان ماعندي ثقه بالحكومه
2- ما هو رايك بالعراق ما قبل 2003 وما بعد 2003 ؟
ج\ قبل 2003 كان الامان موجود بس الظلم و الاستبداد و الدكتاتوريه بنفس الوقت موجوده .. اما بعد 2003 وجدنا الحريه بس فقدنا الامان ... و الحريه بدون امان ما نكدر نطبقها
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
ج\ لان 80% من الشرطه مليشيات و اخاف من غدرهم و ماعندي ثقه بيهم
تحياتي و احترامي الج ..
اشكرك غزوان على مرورك ونورت الموضوع كله يا وردة انته
اسعدتني جدا مشاركتك وان شاء الله يا ربي الموافقة مال محلف واستلام الامنية بنفس اليوم وراها تكتبلنه موعد السفر بسرعه يا رب
مع فائق احترامي وتقديري الك غزوان الاعظمي
beautiful angel
-
willpower عزيزي شكرا على الاجوبه القيمه و بارك الله بيك و الله يسهل امورك
اهلا بيج اخت beautiful angel تتدللين.
انتي الظاهر مقدمه من بغداد من اسئلتج ونمط الاسئله الي دتتحظرين اله.
بالموفقيه
تحياتي
W
-
عزيزتي بيوتفل انجل,,,
بس حبيت اطرح شغلة يجوز تفيدج و تفيد بقية الاخوة,,,الامريكان ميقبلون نحجي على بلدنه بطريقة سلبية و لا على الحكومة,شنو رايج؟؟؟اني قبل جنت متصورة انه طبيعي اكول اللي اريده او انتقد الحكومة الحالية,,,بس المحامي نبهني ان ما انتقد الحكومة ابد و لا العراق,,من وجهة نظرهم انه اللي ما عنده ولاء لبلده ما عنده ولاء لاي بلد اخر.
خلي جوابج يكون بعيد عن الانتقاد,,مثلا(بلدنه حاليا ديمر بمرحلة انتقالية و من هالامور بمكان انتقاد الحكومة العراقية)
و شوفي اراء اخرى للاخوة يجوز هم تضيف شي لمعلوماتج
تحياتي و موفقة ان شاء الله
-
1-لا -خلي تحمي نفسها بالاول
2-تنطي ايجابيات وسلبيات كل وضع
3-ميكدرون يحموني الميليشيات اقوى من الشرطة
ولو انا ما مقابل محلف بس من هسة محظر هاي الاجوبه
اخي ارجو ان تعيد النظر كليا باجوبتك هاي,,لان ما ارح تخدمك بشي ابد,,بالعكس راح تضرك,,خليك بعيد عن الانتقاد لان هالشي راح يضر بقضيتك
تحياتي
-
1-لا -خلي تحمي نفسها بالاول
2-تنطي ايجابيات وسلبيات كل وضع
3-ميكدرون يحموني الميليشيات اقوى من الشرطة
ولو انا ما مقابل محلف بس من هسة محظر هاي الاجوبه
العزيزة
اخي ارجو ان تعيد النظر كليا باجوبتك هاي,,لان ما ارح تخدمك بشي ابد,,بالعكس راح تضرك,,خليك بعيد عن الانتقاد لان هالشي راح يضر بقضيتك
تحياتي
العزيزة SARA CALIFORNIA
اؤيد كلامك 100% يجب ان يكون الجواب دبلوماسية
تقبلو تحياتي
ابو هاشم
-
عزيزتي بيوتفل انجل,,,
بس حبيت اطرع شغلة يجوز تفيدج و تفيد بقية الاخوة,,,الامريكان ميقبلون نحجي على بلدنه بطريقة سلبية و لا على الحكومة,شنو رايج؟؟؟اني قبل جنت متصورة انه طبيعي اكول اللي اريده او انتقد الحكومة الحالية,,,بس المحامي نبهني ان ما انتقد الحكومة ابد و لا العراق,,من وجهة نظرهم انه اللي ما عنده ولاء لبلده ما عنده ولاء لاي بلد اخر.
خلي جوابج يكون بعيد عن الانتقاد,,مثلا(بلدنه حاليا ديمر بمرحلة انتقالية و من هالامور بمكان انتقاد الحكومة العراقية)
و شوفي اراء اخرى للاخوة يجوز هم تضيف شي لمعلوماتج
تحياتي و موفقة ان شاء الله
اشكرج حبيبتي سارة واني اتفق وياج بالراي من ناحية عدم توجية الانتقاد للحكومة و احييج على هذا الطرح الجميل ومناقشتج للموضوع بصورة تفيدني وتفيد كثير من الاخوة باركج الله ودعائي الج بالتوفيق
تحياتي
beautiful angel
-
willpower عزيزي شكرا على الاجوبه القيمه و بارك الله بيك و الله يسهل امورك
اهلا بيج اخت beautiful angel تتدللين.
انتي الظاهر مقدمه من بغداد من اسئلتج ونمط الاسئله الي دتتحظرين اله.
بالموفقيه
تحياتي
W
كلشي يصير اخ W اي من بغداد اني مقدمة ;D
-
عفوا اختي,بس للتاكيد اني قصدت بكلامي الحكومة الحالية و ليس الحكومة السابقة,,,بالنسبة للحكومة السابقة تكدرين ببساطة توصفيها بالدكتاتورية و القمعية و ما الى ذلك من الاوصاف.
و اتمنالج مقابلة سهلة و موفقة باذن الله
-
عفوا اختي,بس للتاكيد اني قصدت بكلامي الحكومة الحالية و ليس الحكومة السابقة,,,بالنسبة للحكومة السابقة تكدرين ببساطة توصفيها بالدكتاتورية و القمعية و ما الى ذلك من الاوصاف.
و اتمنالج مقابلة سهلة و موفقة باذن الله
اشكرج سارة واني فهمتج من الاول بس صحيح جايز اكو ناس يختلط عليها وان شاء الله الكل استفاد و قدرنة ننطي معلومة مفيدة
واشكرج حبيبتي على الدعاء ونورتي الموضوع بمرورج العطر
تحياتي
beautiful angel
-
بيوتفل انجل
انتي مقدمة من بغداد قابلتي مقابله اولى لو لسه؟
وشكد الايزي نمبر مالتك
-
مرحبا
اني البارحه كتبت كومت جوابا على الموضوع لكن ما اعرف لو انحذف لو ما وصل ما اعرف شنو السالفه مع العلم اني الي كتبته صار حقيقة ويايه وكتبته بصراحه
??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ???
-
أجوبتي كانت كالاتي :
- هل تستطيع الحكومة العراقية الحالية ان تحميك الجواب بنعم او لا ؟ولماذا؟
اذا هي لم تستطيع حماية نفسها فكيف تؤمن لي الحماية !!!
2- ما هو رايك بالعراق ما قبل 2003 وما بعد 2003 ؟
لم يطرح عليه هذا السؤال اثناء المقابلة .
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
لا اثق بالشرطة ولا بمغاوير الداخلية وحتى الجيش لان الغالبية تنتمي الي أحزاب دينية وميليشيات ويرتدون زي عسكري
وهذا هو الحال اينما ذهبت في العراق طبعا بغض النظر عن كردستان العراق
-
أجوبتي كانت كالاتي :
- هل تستطيع الحكومة العراقية الحالية ان تحميك الجواب بنعم او لا ؟ولماذا؟
اذا هي لم تستطيع حماية نفسها فكيف تؤمن لي الحماية !!!
2- ما هو رايك بالعراق ما قبل 2003 وما بعد 2003 ؟
لم يطرح عليه هذا السؤال اثناء المقابلة .
3-اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
لا اثق بالشرطة ولا بمغاوير الداخلية وحتى الجيش لان الغالبية تنتمي الي أحزاب دينية وميليشيات ويرتدون زي عسكري
وهذا هو الحال اينما ذهبت في العراق طبعا بغض النظر عن كردستان العراق
عاشت ايدك عزيزي optix على هذي الاجوبة وربي يبارك بيك وما قصرت
وبالنسسبة لسؤال الاخ doori قريت اجوبتك على الاسئلة العشرة وكانت بموضوع ثاني للاخ احمد واشكرك على مرورك وشاكرة اني لصراحتك
تحياتي