موضوع رائع عاشت ايديكم بس سؤال يرحم والديكم
اشلون الواحد ايطب الاردن همه ايخلون الواحد ايطب ؟؟ الا اذا كان علاج ومينطون العائلة فيزا اليوم اني سألت بيها
اخي مستر جوكر السلام عليكمابو هنودة الورد اشكرك وردة على ردك
اولا ً اهلا ً وسهلا ً بيك
ثانيا حتى تكون اجابتنا وافية ارجو اعلامنا انت اعزب لو عائلة واذا عائلة عددهم واعمار الاطفال، تسأل عن الشغل قضية الشغل كلش صعبة بس شنو مجال عملك او اختصاصك وانشاء الله ما نقصر وياك.
تحياتنا
السلاماخويه دوري عاجز عن شكرك يا ذهب
اخي مستر جوكر اهلا وسهلا بيك بالاردن ولو اني بامريكا حاليا لكن ان شاءالله افيدك بالامور كلها وهم جماعة عمان يفيدوك واذا تحب عندي ولد اصدقائي بعمان هم يكدرون يساعدوك ويانه هنا بالمنتدى
اخويه بالمختصر المناظق الرخيصه ايجارها هي عمان الشرقيه مثل جبل الحسين وسط البلد جبل التاجي ماركا الشماليه وغيرها هوايه مناظق كونها شعبيه تكون ايجارها ارخص للعازب و المتزوج سويه اما المناطق الغاليه فهي عمان الغربيه مثل عبدون صويفيه الكاردنز دير غبار الي بيها منظمة الامم المتحده لشؤون اللاجئين وطبعا بالصيف الايجارات تكون اغله من الشتا بسبب موسم السياحه اما بالنسبه لفرص العمل ما اخفيك سر فهي ضعيفه لان غير مسموح للعراق و اللاجئ تحديدا العمل اله اذا المنظمه لكتلك شغل لكن الرزق على الله وهم يعتمد على معارفك بعمان يسمو الشغل الاسود مثل امريكا يعني يلكولك شغل ( من جوه العبايه ) بدون ما تحصل على رخصة عمل
العيشه هناك لا غاليه ولا رخيصه مثل السوق الموجود في وسط البلد كل الناس تروحله كون هو يعتبر مثل العلوه يعني تلكي بي البضاعه ارخص خضراوات وفواكه وغيرها تعتبر وسط البلد من ارخص الاماكن في عمان كونها شعبيه وهم بيها عراقيين كومه
اما عن التقديم للامم المتحده فاول ما توصل ثاني يوم تروح للمنظمه الي صايره بدير غبالر وكل اهل التكسيات يعرفوها تاخذ جواز سفرك و هويتك طبعا اذا وياك عائله كلهم نفس الشي وميصير تاخذ اوراقهم بدون ما يحضرون لا لازم الكل يحضر وتسال رجل الامن الي واقف بالباب هسه يكلك الزم سره ويه الجماعه من يجي سراك تدخل جوه همه يكلولك وين تروح تقدم جواز السفر ياخذون معلومات وطبعا الشي المهم الاخر هو رقم اللتفون لازم تشتري ترفون قبل ما تروح للمنظمه لان راح يطلبون منك رقم اللتفون عملود يخابروك اذا صار اي شي بملفك وراها ينطوك كارت والله ناسي لونه اعتقد اخضر او برتقالي همه يغيرون الكارت لون الكارت كل فتره كارت صغير مكتوب عليه اسمك وتاريخ المقابله
طبعا بيوم المقابله تروح انت بحدك اذا كنت عزابي واذا عائله فالكل يروح وياك تنتظر الله اعلم شكد حسب السره ويقابلوك تحجيلهم القصه كلها ولازم تحفظ التواريخ من اول مقابله لحد ما تسافر باذن الله و لازم كل العائله تحفظ التواريخ وكلامكم يكون موحد لان من الممكن يسوون مقابله مع احد افراد الاعائله لوحدهم ما تعرف
وراها ينطوك ورقة الحمايه لكن هاي الورقه لا تعتبر اقامه ولا تعتبر تصريح للعمل لكن لا سمح الله اذا كمشوك شرطه او او وطلبو هويتك وانت ما عندك اقامه ممنوع يسفروك اله لمن يرجعون للامم المتحده وهيا بهاي الورقه محد يكدر يطلعك من الاردن ابدا يسمو التسفير القسري يعني هاي الورقه وين متروح لازم تكون وياك
وشيصير وياك اكتبلنه واحنه ان شاءالله نساعدك بكل الطرق
تقبلوا تحياتي
موضوع رائع عاشت ايديكم بس سؤال يرحم والديكم
اشلون الواحد ايطب الاردن همه ايخلون الواحد ايطب ؟؟ الا اذا كان علاج ومينطون العائلة فيزا اليوم اني سألت بيها
اشلونكم عيوني ان شاء الله بخير بالنسبة التعليمات للفيزا حسب ما اني اجيت العمان : ( طيران الملكية الاردنية )
1- تذهب الى فندق الفلسطين مرديان في بغداد السعدون وتسئل باب الستعلامات الفندق كلهم اريد اروح مكتب الخطوط الملكية الاردنية.
2- عندما تذهب الى المكتب الخطوط الملكية الاردنية تذهب الى الاستعلامات كلهم اريد اقدم على فيزا العمان اول شغلة راح يجاوبك بيها .... (شنو سبب الزيارة ؟) بقت انتو يمكم لو تكولولهم علاج اما تجارة واذا زيارة لازم عدكم احد بعمان . اني بالنسبة الي كتلهم تجارة بس ما طلبو مني هوية غرفة تجارة ولا بالمطار طلبوها ! .
3- استعلامات الخطوط الملكية الاردنية راح ينطوك استمارة تملئ بها المعلومات رقم جوازك واسمك الكامل ورقم تلفونك وعنوانك الي راح تسكن في بعمان .
4- بعد ما تكمل ملئ معلوماتك في الاستمارة تدفع 5$ رسوم فيزا و100$ تأمين تكت طيارة علمنأ ان التذاكر 2wy ماكو 1wy بالنسبة لل 100$ قابلة لللاسترجاع في حال لا سامح الله لو تحصل على فيزا ويجيك رفض !. بس 5$ غير قابلة لللاسترجاع .
5- اجور الطيران طبعآ حسب الدرجة اكو vip واكو درجة اولى وكلشي بسعرة واقل تذكرة 730 $ !
6- بعدها تسلم الطلب الفيزا الي هيه الاستمارة راح يجاوبك موظف الملكية يكلك انتظر خلال من سبوع الى 15 يوم راح نرد عليك بمسج لو موافقة لو رفض لا سامح الله !
7- عند حصولك على الموافقة تذهب الى نفس المكان الخطوط الملكية وتقوم بدفع باقي اجور تذكرة الطيران وعند ما تحجز تذكرة راح يسئلوكم كم المدة الي راح تبقون في عمان لان عدكم تذكرة 2wy لهذا السبب يسئلون هذه السؤال وانتوا بقة يمكم علمآ انه تذكرة الدرجة الاولة غير قابلة لااسترجاع المبلغ تذكرة 2wy اما تذكرة vip على ما اعتقد يتم استرجاع 40% .
8- عند وصولكم بالسلامة الى مطار ملكة علياء الدولي تدفع رسم دخول المملكة الاردنية 20 دينار اردني وراح يسئلك احدة الظباط شنو سبب قدومك من بغداد الى العمان ؟؟؟؟ بقة يمكم اما تجارة اما علاج فقط لان الي يكول سياحة رفظ ينطو للعلم !
9- علمأ ان الوقت الطيران من مطار بغداد الدولي الى مطار ملكة علياء 1:30 وعلى ما اضن هسه يتم الرحلات من بغداد الى عمان في تمام الساعة 2:00 ظهرآ بتوقيت بغداد الحبيبة على متن الطيران الملكية الاردنية . واذا تحبون تزورون موقع الملكية الاردنية يرجى الظغط على الرابط او الموقع الويب سايت .www.rj.com
[شباب والله ماعرف شلون اشكركم :-* :-*
بس عندي سؤال حيل مهم ياريت تجاوبني عليه
رح اقدم اني وصديقي ورح نعيش سوه السؤال المهم اذا عدنا نفس الكيس تصير قضيتنا سوه واذا لا كل واحد رح يصير قضية زين خاف واحد منا ينقبل ونديح لان احنا واحد شايل الثاني وطالعين على هل مبدا ونديح اذا نقبل واحد منها ياريت تفيدونا بهل الموضوع
اخواني السلام عليكماخي العزيز ممكن ان يدرسون اولادك بلمدارس الاردنيه وهذا قرار ملكي .والعراقي يعامل كالاردني .. واذا تحب تفتح ملف الك من عمان لازم تنقل ملفك من سوريا .. وانشالله ربنا يسهل عليك
اني مقيم بسوريا واريد احول لعمان
اذا قدمت على الامم المتحدة واخذت ورقه الحماية يسمحون الاولادي باكمال الدراسة بفترة الانتظار
اني عتدي ولد بصف السادس علمي يدرس خارجي والاخر ثالث متوسط والاخير سادس ابتدائي
واني ماريد افرط بسنه دراسيه من عمرهم كافي الي ضاع بسوريا
اغيثوني يرحمكم الله
تسلمون على الاجابة اخوانحبيبي اذا توطينك على امريكا تذز رساله للاي او ام وتكولهم اريد انقل ملفي الى عمان ....... وتشرح بان الوضع في سوريا ياثر عليك......... وانته بعد تعرف شنو تضيف بالرساله ......
باقي عندي سوال اني ملفي بسوريا مقبول ومكمل مقابلات وبس انتظر مقابله الوفد
ومثل ماتعرفون ماكو وفود محلفين بسوريا هسه
شلون انقل ملفي
بسوريا يكلولي منكدر ننطيك اي ورقه
اني بس الكارت عندي ورقم الكيس
السلام عليكم شباب
وصلني خبر هسه صدمني صحيح غلقوا التسجيلن على التوطين باليوان بعمان
هسه اجاني هذا الخبر واني ناوي اسافر وره العيد من سوريا احول ملفي
انجدوني صحيح الخبر لو هم اشاعة من الاشاعات المدمرتنه هل الايام