ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو نعنوع في 14:19 16/08/2011
-
شباب بنات شنو رائيكم لو نسوي هجره جماعيه لليابان وراح تسئلوني ليش وشمعنه وراح اجاوب
من يوم تسونامي الي دمر اليابان وآني گاعد أسمع الاخبار بلكن يگولون صار فرهود باليابان حتى أروح أشارك في الحملة الإيمانية الفرهودية بطوكيو و بلكن أحصل لي تلفزيون سوني لو سيارة لكزس ...أو كابتن ماجد لمنتخب الفاشل ناجح عمود أو حتى نسخة من گريندايزر تايواني لإعادة تأهيل الجيش العراقي هم ميخالف....بس.يوم يومين ..شهر شهرين تلاثه اربعه أشو ما سمعت الرفيق " شاكي باكي شاكي / " فتح قاصة البنك إللي يم بيته وطشر الينات بالشارع لأن مال اليابان لليابان مثل الأهزوجة الأزلامية التعبانه (نفط العرب للعرب ) ...من دبش يمعودين حتى شط العرب مو للعرب !
يعني شنو يريدون اليابانيين أكثر من هاي الفرصة الطبيعية التاريخية الچبيرة حتى يفرهدون حالهم حال الدول الديمقراطية المفدرلة..إللي يعرفون شلون يصطادون أي فرصة للفرهود حتى الكل يصيرون زناگين وعدهم فلوس وأملاك وچلاب...بشرية وحيوانية..يعني بصراحة هاي الشغلة تخلي الواحد يصفن ليش اليابانيين هيچ غشمة وما عدهم خبره حواسميه ...إذا واحد بتسونامي ما يصير غني ويفرهد لعد إشوكت يصير غني ؟؟؟ شنو دا ينتظرون القيامة لو طوفان نوح بأثر رجعي حتى يفرهدون....فگوررررررررررر ...إن شاء الله تتويتون وتتوشبون يا أهل تويوتا وتوشيبا على هاي الدگة اللي ما صايرة...شنو مو بشر إنتو؟؟...يمعودين لو هزة نص ربع ريختر يمنا چنا نعلمكم شنو الفرهود وشنو هو من منهج (إلاقتصاد الفرهودي والحواسم )...هذا المنهج إللي يخلي الكل طايرين من الفرحه والكاع ما شايلتهم ...وإسألوا التيار الصدري او دولة الفافون عليه إن كنتم للإقتصاد الفرهودي لا تعرفون يا ايها اليابانيون!
بس والله هذولة يخبلون الواحد...إي شنو مو بشر...ما عدهم احزاب دينيه !؟ ما عدهم عقل!!...شنهي ما شنهي...يابة إذا ما عدهم احزاب دينيه مثل احزابنه إحنا مستعدين ننطيهم شكم حزب ديني وغير ديني واخلاقي ولااخلاقي صدقة على روح هيكارو الطاهره بت الطاهر... ننطيهم احزاب ألوان وأشكال...بس قبل ما ننطيهم لازم نعرف يا نذالة حزب او يا حقارة حزب يفضلون ...لأن أخاف ندزلهم حزب مال تالي وكت وما يعجب الجماعه وهذي النكاسه اسف اقصد الاحزاب تشتغل عدنا بس تطلع غير متوافقة وي السيستم الياباني وتالي نطلع مو خوش ونفشل وتصير الشغلة مخازي وعيب وفشل من سيد دامبي الشريف ابن الشريفه
الحمد لله إحنا خلصنه ايام الله كلها ركض في ركض من تجي الحصه التموينيه نركض من يجي الغاز نركض من يجي المي نركض حتى نترسلنه شكم لتر مي ملوث ...وهاي نعمه من انعام الاحزاب الاسلامويه (ولد عم معاويه ) وصرنا كلنا أبطال رياضيين وإستفدنا من هاي الرياضة في التطبيق في يوم الفرهود الكبير..وإللي ما عنده مثل هيج ايام ما عنده شي بيوم الفرهود ويظل طول عمره يجر حسرة ورا حسرة مثل السبحة. وهذا اصلاً مو عراقي
شوفوا اليابانيين...عدهم يوم هوندا...ويوم مازدا...يوم سانيو...يوم سوني...يوم توشيبا...خو يوم ذكرى عــَطــَل توشيبا تشوف اليابانيين كلهم طابخين سوشي...طاح حظكم وحظ أيامكم إللي ما بيها بركة...أنتو وين والأوادم المدمقرطة المعممة بالصلصة البارزانية وين؟؟!!! اشو احنه والحمد لله عدنه هوايه ايام مثل يوم تشكيل الحكومه العرجه ويوم الزحف الكبير ويوم عيد ميلاد الريس البعير ويوم الالتهابات اسف اقصد الانتخابات ويوم من راحوا الجماعه الى اربيل يم كاكه مسعور ويوم فوز الزوراء بالدوري على اربيل وهوايه بعد عدنه ايام ...حييييييييييل شي يوصل اليابان يمنا...إش حده اليوصل يم حدنا نكص ايده وايد الخلفوهه.....خو إحنا عدنا هيئة علمية ولا صايرة ....هيئة علماء المجرمين ...الله ناطيهم لسان يلحسون بيه نعمة الله من العباد والبلاد ولو اليابان تظل ألف سنة بعد تسونامي ما تعرف شنو فائدة هاي الهيئة...هم الجماعة الوحيدة إللي يعرفون قيمة المحرك البخاري وعدهم كتالوج البخاري ولا يريدون يغيرون الكتالوج بالمحرك الديزل ولا الطاقة الشمسية...عدهم حق يگولون الديزل يوسخ الدنيا..على اساس هم مو وسخ الدنيا والآخرة...ويگولون الطاقة الشمسية حرام لأن الله يگول بالقرآن " لا تعبدوا للشمس ولا للقمر" ...أعوذ بالله ...هم زين آني ما أكرز حب شمسي قمر من يوم التسريح من الجيش....الحمد لله على نعمة العقل إللي هداني أن أترك حب شمسي قمر وهسة چنت محسوب على ملة الشمس والقمر ! والعياذ بالله
أكو بلد طلع الماي من المحيط ودمرهم وصاروا شذر مذر ببطون الحيتان وجوا الأطيان وما يصير عدهم فرهود!!!..شنو اكيد ما عدهم متحف ولا حضارة حتى يفرهدون المتحف لأن الحضارة من حق الجميع ومن حق كل واحد يخلي ببيته تمثال من الحضارة مالته...حرام عليهم ...يابة وحق كلمة الله أكبر بالعلم مال العراق العقيم لو طاسة ماي تجي على شارعنا إلا أطلع وبيدي گونية حتى أستلم الحصة الفرهودية مالتي... مو النوب تسونامي وما أتحرك...والله ما ينلام بيكم وحش فيگا زنگة زنگة أبو الگرون! ابو عيون الحمر
بس آني حاير......وحتى ما أظل بهاي الحيرة إللي راح تقلتني...راح أتبع حزب واحد حتى لو بيه طيحان حظ واللي ينتمون لهذا الحزب مايعرفون يفرهدون...وهذا الحزب الاسلاموي الياباني الجديد بقيادة تشو سو بو الهالكي الياباني فرع طوكيو ثالث دربونه على ايدك اليسره .
بصراحة...آني أشوف كل العراقيين لازم ينتمون لهذا الحزب أدام الله كلاواته علينا...وجعلنا من الذين يجلسون في ظله الوارف في الحديقة الإمبراطورية بطوكيو...فرع أبو دشير! لان هذا الحزب هو حزب مبارك (لا مو كرايب حسني مبارك لان مشغول بالمحاكمه مالته خطيه ولا كرايب ميناء مبارك ) بس يخلق من الشبه 66 مو اربعين ...... اودعناكم مع تحيات ابو نعنوع زن ون هن
;D
-
شكو باليابان متكلي, حتى المكان اللي ينامون بيه كله متر ونص في متر, أتكول صندوك مال بيره
-
لك هلو ابو النعانيع حبي ;D بشرفي وين ما تروح اشلع وياك ;D
-
ابو نعنوع ... موضوعك حلو وحييييييييييييييييييييييييييييييييييييييييييييييييييييييييل طويل ... عاشت ايدك
-
لك هلو ابو النعانيع حبي ;D بشرفي وين ما تروح اشلع وياك ;D
ها...بدت رحمه الله :D ;D :D
-
لك هلو ابو النعانيع حبي ;D بشرفي وين ما تروح اشلع وياك ;D
هلو خويي ايهم ...يابه انت كول وفعل ادري بيك سيف المجرب
مشكور خويي على مرورك الكريم
-
لك هلو ابو النعانيع حبي ;D بشرفي وين ما تروح اشلع وياك ;D
هلو خويي ايهم ...يابه انت كول وفعل ادري بيك سيف المجرب
مشكور خويي على مرورك الكريم
زين وأني شنو...مروري مو كريم؟؟؟ ??? ??? ???
-
للرفع عليهم (( لليابان )) وين كروب اليابان ;D
-
لك هلو ابو النعانيع حبي ;D بشرفي وين ما تروح اشلع وياك ;D
هلو خويي ايهم ...يابه انت كول وفعل ادري بيك سيف المجرب
مشكور خويي على مرورك الكريم
زين وأني شنو...مروري مو كريم؟؟؟ ??? ??? ???
عمي انت ومرورك كريم وابن كريم وعلى راسي بس لاتزعل يمعود
وثم اني ليش اريد اعوف العراق العقيم لان كثرت بيه الحثلكيه والحثاله حــــشاكم خلي نروح لليابان لو للصومال لو لاي دوله بس نخلص من هذولي الحشرات واحزابهم وميليشاتهم العفنه القذره
-
هههههههههههههه على راسي ابو نعنوع, صدكني مزعلت منك لانه جنت داتشاقه وياك, انت انسان شريف ابن شريف
تره صدك حتى الصومال صار أحسن من العراق أبمليون مره :)
-
للرفع عليهم (( لليابان )) وين كروب اليابان ;D
فد شويه ويجون, لانه كاعدين ديضربون تشريب روبيان ;D :D ;D
-
عاشت ايدك اخوية ابو نعنوع الموضوع كلش حلو
بس ترى الفرهود طلع مو بس يمنة .. دتشوف احداث لندن هالايام
-
عاشت ايدك اخوية ابو نعنوع الموضوع كلش حلو
بس ترى الفرهود طلع مو بس يمنة .. دتشوف احداث لندن هالايام
بالفعل ضعاف النفوس موجودين بكل العالم
شوف شصار ببريطانيا
الرابط :
http://observers.france24.com/ar/content/20110810-amateur-footage-london-riots-united-kingdom-violence
(http://a5.sphotos.ak.fbcdn.net/hphotos-ak-snc6/283234_177326462344471_103622369714881_317050_5670077_n.jpg)
(http://www.daqiqten.com/site_media/image/article/front1.6351561.jpg)
واحب اشكرك عالموضوع
-
اخواني الكرام اشكر لكم ردوكم الجميله وشكراً لمروركم العطر والجميل في متصفحي
دمتم بود ودمتم للنضال
;D ;D ;D ;D
-
اخي الكريم ياروحي وعليكم السلام
هذا بس من ذوقك يا راقي واشكر لك مرورك الرائع والجميل
ودمتم بود ;D ;D ;D
-
ابداع والله ابداع وعين البارده على هاللسان . هاي شنو ابو نعنوع ديربالك علينه . اني من المنضمين للحزب الجديد
-
ني هاي ابو النعانيع
حبيبي موضوعك عبالك فيلم لو قصة هزليه بس تعال واضحك
لا ..... المعاني اللي ورا القصة هي الاجمل
تسلم على هكذا مواضيع
-
عاشت ايدك رفيق ابو نعنوع بس كلي هذا يا حزب مابيه حرامية وحواسم حتى انضم اله وياك ولو اني اموت من شي اسمه حزب ولو يظل بس الاحزاب بالعالم مراح اتنمي لاي واحد بيه
-
ابو نعنوع
والله نعنعت كلوبنه ونشفت ريكنه واحنه تونه فاطرين اقره وارجع ليوره متكولي اشكد كاتب ؟؟؟ خخخخخ
-
ابداع والله ابداع وعين البارده على هاللسان . هاي شنو ابو نعنوع ديربالك علينه . اني من المنضمين للحزب الجديد
كل الهله بيك خويي ..هذا بس من ذوقك الراقي يا راقي ..... اما بخصوص الحزب الجديد فتعال وهلا بيك الا اخليك عضو فرقه
هههههههههههههههه
;D ;D ;D ;D ;D
-
ني هاي ابو النعانيع
حبيبي موضوعك عبالك فيلم لو قصة هزليه بس تعال واضحك
لا ..... المعاني اللي ورا القصة هي الاجمل
تسلم على هكذا مواضيع
لك هلو خويي شنايزر شلونك
يابه اني هدف من اهدافي ان ازرع الابتسامه على شفاهكم الحلوه
اما المعاني اللي وره القصه فكانت واضحه
تسلم لمرورك الكريم وبارك الله بيك
:D
-
عاشت ايدك رفيق ابو نعنوع بس كلي هذا يا حزب مابيه حرامية وحواسم حتى انضم اله وياك ولو اني اموت من شي اسمه حزب ولو يظل بس الاحزاب بالعالم مراح اتنمي لاي واحد بيه
وايدج العايشه اخت ميمي 2010
والله هو ماكو حزب مابيه حراميه وحواسم لان الظاهر هذا صارشعار من شعاراتهم وان يكن غير معلن عنه ..ليش هو منو الي رجعنه ستين سنه ليوره غير الاحزاب ...اما بخصوص انتمائج ويايه للحزب الجديد مالتي( فهلا بيج هلا وبجيتج هلا ) وراح انطيج درجه حزبيه مرموقه وراح اخليج بس تجمعين الاشتراكات واني وياج بالنص هههههههههههه
شكراً لمروركم الكريم ;D ;D ;D ;D ;D
-
ابو نعنوع
والله نعنعت كلوبنه ونشفت ريكنه واحنه تونه فاطرين اقره وارجع ليوره متكولي اشكد كاتب ؟؟؟ خخخخخ
اختي العزيزه احلى دنيا اني جداً اسف اذا نعنعت كلبج ..وسلامة كلبج يمعوده ...تره الشغله ما تسوه يرحولج فدوه الاحزاب الحاكمه كلهم ...بس هو صحيح جان الموضوع شويه طويل اي شسوي مو احزابنه الحراميه فتوهه لمرارتي وخلوني احجي ويه نفسي
والله العظيم من اتصفح الاخبار والجرايد واشوف البوكك واللغف مالتهم احس الضغط مالتي يصعد للستار وبس الله الي يدري بيه وين يوصل...اي ليش بدل هاي الفلوس الي تروح بجيوبكم اصرفوا ولو نصهن على الشعب والله جان صار العراق براسهه خير ومحد ما فكر ان يسافر ..... الله لا يوفق الحكومه ومجلس الدواب والاحزاب الحراميه الحاكمه شلع
-
كول رحنا لليابان
-
أكيد انت جنت مخرج سينمائي عمي عاشت اناملك الذهبيه اشلون قصه مفبركه ومنسقه اكول ليش مدزها الى أوس الشرقي
-
أكيد انت جنت مخرج سينمائي عمي عاشت اناملك الذهبيه اشلون قصه مفبركه ومنسقه اكول ليش مدزها الى أوس الشرقي
اهلاً وسهلاً بالبغداديه2 :D
عمي اني لا مخرج ولا روائي ولا قاص بس عندي ميول الى كتابته مثل هيج مقالات وحتى نشرها في بعض المواقع الالكترونيه للاسف البعض منها ما ينعرض او يعرض ثم يلغى والبعض الاخر ينشر
اني اشكرج على هاي الكلمات الجميله وبصراحه وراهه راح اصاب بالغرور واكوم بعد ما اتحاجهه
لا عمي لا اوس الشرقي ولا جاسم الغربي خليني هيج احسن ابو نعنوع وبس
بس صدكيني من اكتب وافرغ الي بكلبي احس جبل وانزاح من على صدري والا احنه ليش نريد نسافر تره امريكه مو جنه بس نريد ان نبحث عن ذاتنه الي نفقد بالعراق العقيم وابسط مثال على كلامي خلي تصير عندج مراجعه باي دائره من دوائر الدوله وشوفي شلون يعاملون البشر باحتقار منو السبب ؟؟؟؟
على العموم الحجي هوايه وميخلص بس ما اكول غير الله كريم يجي يوم ويرجع العراق يصير براسه خير بس من ينزاحون هذوله الحراميه الانجاس
-
السلام عليكم
ابو نعنوع عيني عندك نعناع صفوي سستاني المنشا ، لان مزكوم ، وياريت ترسلي بالفيدكس كتاب الوافي في شرح خرافات الكافي بس باللغة اليابانية لان داعيك يريد ياخذ لجوء لكندا ويكمل دراسة باليابان هندسة اليكترونية لان اريد اخترع العمامة الفسفورية هاي باليل تضوي رغم انها سودة على ابيض يعني مقلم حتى الي مايعرفني يعرفني اني كيوتو1880 من زمن توكوكاوا اليابان اجيت في رحلة مكوكية تحت ارضية حفرت نفق من اليابان لسامرا وطلعت منها لان اني سامرائي .
تحياتي
الي يريد يروح لجوء لليابان خلي يبطل لان ماكو لجوء باليابان فقط تقديم على دراسة او تزوج يابانية . والي يريد معلومات عن اليابان
خلي يسوي بحث على الكوكل باسم ahmed.almfarji راح تطلع لكم الصفحة مالتي باسم احمد السامرائي وصورتي لابس عكال ويشمغ ونضارات شمسية.
تحياتي لكم واسف على الازعاج.
-
صدقه لروح هيكارو الطاهره بت الطاهر
هاي العباره قويه هههههههههه