ankawa
منتدى الهجرة واللجوء => الهجرة و واللاجئين => الموضوع حرر بواسطة: umany في 04:08 20/08/2011
-
مرحبا اخوان
رايده مشورتكم ...اليوم مع الاسف لكيت مكالمه بالتلفون لم يرد عليها من رقم من داخل امريكا )001-xxx-xxx-xxxx(
داك عليه ساعه 11 بليل وشفته بالسحور ..هسه شسوي ارجع اخابر هذا الرقم ؟؟ لو انتظر يدك عليه مرة لخ ؟
زين احد صارت وياه هاي السالفه انو متصلين عليه من داخل امريكا علمود قضيته ؟؟؟
علما انو اني مقابلة SIV بشهر ال11 ولحد الان دا انتظر الفيزا,,ها وماعندي اي احد بامريكا علمود يخابرني حسب اعتقادي يعني...
ستنصحوني اسوي
مع تحياتي اختكم اماني
-
اني برائي تتصلين هسه عليه واتشوفين اذا رد عليك انسر مشين يعني دائرة واذا رد عليج شخص بعد انتي راح تعرفين منو فا اتصلي اختي وان شاء الله خير
-
خابري و شوفي منو و كطعي الشك باليقين
تحياتي
-
اي فعلا اختي خابري وكطعي الشك باليقين
-
اعتقد ان شخص يعرفك من اخوانك اللاجئين وانتي ماتعرفين انهم واصلين الى امريكا وحبو يتصلون عليك ويفاجئونك او اتصال خاطأ ..انشالله الاتصال خير بس ماعتقد ان يتصلون من امريكا بخصوص ملفكم ..والله يسهل عليكم يارب ويخرجكم من هم الانتظار
-
اتصلي بيه والله كريم
-
أرجعي أتصلي بيهم أختي وشوفي منو هذوله
-
شوفي ال3 ارقم وره ال 001 شنو الكود مال يا ولايه؟ بلكي تتذكرين شي اذا عرفتي الولايه وتوصلين الى نتيجة.
-
مرحبا اخوان ...
اني اشكركم لردودكم ومثل مااقترحتو عليه سويت, طبعا بالسحور اني دكيت عله هذا الرقم ومحد جاوبني ....وبقيت بس افكر بيه ماعرف اشون نمت تالي ,, بس همه توقيتهم عكسنه مع الاسف يعني اذا يمهم بالوحده الظهر يمي بالدعش بالليل ولذلك دا انتظر تصير ساعه سته العصر واخابرهم بلكت الله اطمأن ...
هسه عدهم ليل اتصور ..
تحياتي
اختكم اماني
-
أن شاء الله خير ويكون الكفيل بس انت انتظري فرق بينهم 7 ساعات والله كريم
-
ان شاء الله يتصلون بيج والخبر ان شاء الله خير
-
انشالله يكون اتصال خير
-
الله كريم بلكي خبر زين ويكلولج تعاي سافري لو موعد طيارة بلكي الله وابو الحسنين
تحياتي
-
اعتقد الكفيل ... و ان شاء الله خير
-
الله كريم بلكي خبر زين ويكلولج تعاي سافري لو موعد طيارة بلكي الله وابو الحسنين
تحياتي
امين ربي وان شاء الله كلها تسافر وانت على اول القائمة يا ابو الاخبار الزينة
-
ها اتصلتي!!!!!!!!!!!!!!!!!!
-
خير ان شاء الله
-
اخوان اني اشكركم جدا علمشاعركم الطيبه وامنياتكم الي بالخير , ياربي يطمن بالكم وكلكم ترتاحون وتسافرون ...
طبعا اني دكيت عله هذا الرقم العصر بالسته وطلعلي انسر مشين ورديت دكيت عليه بثمانيه وهسه هماتينه ونفس الشي ماكو اي جواب ...مادري شسوي بعد ...كلش ضايجه من نفسي انو فوتت المكالمه البارحه بس هذا اللي صار ...
ياربي يتصلون مرة لخ عليه ويتصلون بيكم كلكم ...بس المشكله محد قبلي متصلين بيه من داخل امريكا كلهم يتصلون عليهم من عمان مثلا موبالله ؟
اما كفيلي فما اتصور هوه الي داك عليه لان عنده غير رقم واحنه نتواصل اكثر شي بالايميل !!
اخوواني اشكركم مرة لخ لتفاعلكم ويايه ..
مع تحياتي اختكم اماني
-
ادري الانسر مشين شكال؟ خوما الانسر مشين عبارة عن معزوفه موسيقيه مال باخ اتسمعيه و اتسدي حته كلشي ما عرفتي. ;D ...... هذا الانسر مشين اشكال اشحجه ما افتهمتي شي؟
-
صدك الانسر مشين اكيد ايكول احنة الدائرة الفلانية اكيد يوصلج الشي
-
وجان هسه دكيت هماتينه عالرقم...
.
.
.
.
.
.
.
ويطلعلي واحد يحجي عنكلوزو كتله مرحبا خويه البارحه داكين عليه من هذا الرقم كال اوكي كتله علما اني مقدمه عالهجره الخاصه لامريكا وصار 10 اشهر تقريبا من المقابله مالتي كلي واني شعليه اني موظف اني اسف بس الستاف كله طالع لان هسه خارج الدوام الرسمي والساعه ب12 ونص بالليل ,,,ومالي علم كتله انتو وين ومنين كال احنه شركة حمايات للسفاره الامريكيه في بغداد !!!!!!! كتله يعني انتو هسه بالعراق كلي اي ومالهم اي علاقه بشغل السفاره او اي معاملاتهه ,, كلي اتحبين اخذ رساله منج لاي احد كتله منو مثلا هوه اني لحد الان كلشي مافهمت عبالي السفاره مخابرتني عله المعامله مالتي ...كتله شكرا ورحمالله والديك ...
شفتو بالله هاي خاف اني جنت عايزه هبطات وتأملات ...كلت هذاهو اجت الفيزا ,,بس لحد الان مدا اتطخ بعقلي هذا يا تعبان من هاي الشركه الامنيه اللي دك عليه البارحه ..
مع الاسف اتمنيت اختم هذا الموضوع ببشاره واكللكم اجتني الفيزا بس الظاهر مامكتوبه النه هسه والله كريم
اشكركم اخواني لردودكم ةمشاعركم الطيبه
مع تحياتي اختكم اماني
-
زين امنين جابوا رقمج هذا امحشش تلكي
-
هوه هذا اللي مخبلني اختي بغداديه ,,,دا اكول هذا يمكن مسطول وبالليل يروح يدور باوراق السفاره وشاف رقمي ههههه
-
ان شاء الله خير
بس ما دام الاتصال من السفارة اذا ان شاء الله خير
واعتقد ابو الحماية ماله علاقة بالموضوع بس لانه اتصالج كان بوقت نهاية دوام الرجال جاوب
اتصلي بوقت الدوام وشوفي
-
والله ما اعرف اخي بس همه البارحه اتصلو بيه هماتينه بالليل ومو بوقت الدوام مالتهم
-
الله كريم اختي والله ما اعرف شكلك احنا صارت بينا قبل فتره اتصلو باخويه طبعا هوه بعمان وكلوله تعال فلان يوم عندك دوره تعليميه وطبعا هوه كيف واجيت سألت الاخوان كتلهم يابه الدوره التثقيفيه هم يسموهها تعليميه وطلع ماكو هيج اسم ومن راح كلوله يابه ماكو هيج شي وطبعا سالته على الرقم يكول ما طلع طلع عندي رقم خاص ولحد الان ما عرفنا منو وليش هيج سوه الله كريم
-
أن شاء الله خير ويكون الكفيل بس انت انتظري فرق بينهم 7 ساعات والله كريم
انت ماراح تخسرين شي بس سعر كارت علمود يرتاح بالك وانشاء الله خير يارب