ankawa
منتدى الهجرة واللجوء => الهجرة و واللاجئين => الموضوع حرر بواسطة: bang في 19:40 20/08/2011
-
أخواني وأخواتي اعضاء المنتدى بما انه اني صارلي فترة طويلة GLS ومن خلال الفترة الي قضيتها ولحد هذا اللحظة جمعت هواية معلومات وصارت عندي خبره بهذا المجال حبيت افيد الاخوان الاعضاء بهذا المعلومات , اي احد عنده ستفسار او سؤال اني حاضر وان شاء الله مااقصر بالجواب
-
الأخ العزيز bang مشكور لهذه المبادرة الحلوة وهي مو جديدة عليك سؤالي هو :
شخص اكمل الأختبار والفحص الطبي وكذلك السكريننك وتم استلامه للباج في هذه السنة وعند اعطائه location ذهب هناك بعد مشقة وعناء حسب روايته ولكنه فوجئى من قبل الوحدة اللي أخذ الميمو لها بانهم طلبوا منه اشياء لم يجلبها معه مما استدعاه بالعودة الى مدينته ليعود بعد 3 ايام او اكثر وحصل ظرف معه لم يكن بالحسبان مما منعه من الذهاب الى ال location الموجود بالميمو بعدها بايام تم الاستفسار من قبل موظفي الGLS عن طريق الهاتف ليعرفوا سبب عدم رجوعه مرة اخرى وعند شرحه الاسباب قاموا باعطائه موقع اخر لكنه لم يرغب بالذهاب الى ذلك الموقع لاسباب امنية حسب قوله ولانه قريب من مدينته وبعد مرور فترة تم التواصل بينه وبين الشركة لاعطائه اماكن اخرى لكن لم يتم ذهابه الى اي موقع من تلك المواقع فاما تكون بعيده جدا من مسكنه او بالعكس
بعد الشرح الطويل السؤال هل هناك اي اشكال بعدم ذهابه مرة ثانية وبقاء الباج بحوزته لحد هذه الساعة وما المفروض عمله ان كان الجواب نعم ؟
ملاحظة / هذا الشخص متمكن جدا من اللغة الانكليزية لكن ملاحقة بعض الاشخاص تمنعه من الذهاب اللى اماكن معينه ولقد كلفني بهذا الموضوع لعدم اشتراكه باي منتدى وقال من الصعب ان يحصل على جواب الا من ناس لديهم خبرة جيدة بالعمل .
شكرا جزيلا واسف للاطالة ويارب نسمع جوابك
-
حبيبي الاخ ياسر ماكو اي مشكلة برفضه للموقع الي طلعله قبل جان اذا رفض الموثع لازم ينتضر 6 اشهر هسه هاي الفقرة بعد ماكو يكدر يرفض اي موقع يطلعله بس تبقى اذا تمضى فترة 3 اشهر وبعده مامشتغل لازم يحتاج الى فحص طبي و متقبلة امنية بس ميحتاج اختبار لغه ماكو اي مشكلة اذا بقى الباج عنده اهم شئ يبقى على اتصال وياهم لان كل فترة تنفتح مواقع جديده حتى بلكي يلكي الموقع الي يفيده واني بالخدمة يا ذهب
-
ورده انت وبارك اله بيك راح نحصل كيلو البقلاوة لانه حيل ضايج من هذه الوضعية وكان قلق على شغلة الباج مع انه مقدم SIV وعنه مقابلة بهذا الشهر
ممنون منك اخوية وبارك الله بيك
-
خلي ينام رغد اي تأثير على شغلة السفر ماكو ماله علاقه وحتى لو صاير شئ جان من اول موقع رفضه بعد مادزو لغير موقع وبالعافيه عليك البقلاوة
-
أشكرك عينيbang على مبادرتك اللي أكثر من رائعه وعسى الله يكثر من أمثالك ياطيب.
عندي أستفسار أذا أمكن بخصوص المبالغ الخاصه بالضمان الأجتماعي،قد مرت عليه أكثر من سنه عن أنقطاعي من الشركه فعند مراجعة الشركه ومستصحبا أستمارة الضمان الأجتماعي فهل من الممكن أكمال الأستماره بوقت مناسب وقصير لكوني مقيم بسوريا ولدي ما يثبت ذلك؟وما هي الفتره اللآزمه لأكمال الأستماره من قبل الشركه؟وأشكرك أخي العزيز مرة أخرى
-
حبيبي ابو رافد الورده اني بالخدمة وياربي يمكني من تقديم اي مساعده اكدر عليها وخصوصا اذا انته خارج القطر ياربي يحفظك ويسهل عليك ويفتحها بوجهك بالنسبة للضمان بداء الاستقطاعات من تاريخ 1/1/2209 تتراوح مابين 90 الى 85 الف دينار عراقي تأخذ الفورم وياك مستمسكات وتتوكل تروح للجي ال اس بالمطار بوابه 14 بالقرب من تمثال عباس ابن فرناس بالنسبة لجماعة الضمان ماتحتاج موعد من الجي ال اس اي وقت تروح يستقبلوك تروح لهنا تقريبا كل ساعه يجي ممثل من الشركة لمنطقة الانتظار الي في المطار بوابه 14 يجي يستلم منك الفورم واذا كاملة تستلمهه من نفس الحالة اكو هواية خصوصا المترجمين القدماء والي توقفو عن العمل من فترة طويلة الشركة هيه كملت لهم الاستمارة ودزلهم ايميل هوة فقط يروح يستلمها انته راسلهم بلكي همه مكمليه الك تروح فقط تستلم واذا مامكمليه الك من سلمه راح يكلك الموظف الاجرائات تاخذ شهرين وندزلك ايميل حتى تجي تستلمها من الله يسهل عليك وتستلم الفورم تتوكل للضمان الاجتماعي الي بشارع فلسطين هم سلسلة اجرائات هناك واكثرهم ستلمو الصك بالمبلغ بنفس اليوم وهذا ايميل الموظف المختص بمعماملات الضمان الاجتماعي وياربي يسهل عليك وعلى الجميع
ايميل موظف المختص باكمال معملات الضمان الاجتماعي
Farooq.Butt@gls-1.com
-
الله يبارك فيك أخي bang كل البركه بجاه هذا الشهر الفضيل والله يحميك من كل شر،ووالله ما قصرت بالشرح اللي أكثر من وافي وعسى الله تكون في ميزان حسناتك ياطيب ياأصيل اللهم آمين.
-
اهلا وسهلا بيك اخوية العزيز ابو رافد ياربي امين ولجميع ان شاء الله
-
اخ bang يوم غد عندي مقابلة وياهم للتعيين بس ما راح اروح بسبب الوظع الامني او بعيدة عن محافظتي ايصير اروح ابغير وكت وشكرا واذا رحت او نجحت بالاختبار وانطوني الباج ايصير ابهذا الباج فقط اقدم iom وشكرا
-
مساء الخير اخي صاحب الموضوع.عندي استفسار؟؟؟هل من الممكن الي مقابل بالسفاره ودينتظر فيزه انو يرجع للشغل مره اخرى؟؟واذا يكدر يرجع لازم يحجز موعد عن طريق الايمل؟؟لو يصير يروح بليه موعد؟
تحياتي.
-
اخي bang ارسلت لك رساله على صندوق الرسائل الخاص اتمنى اذا تكر تساعدني
-
حبيبي camaro211 اي يصير تروح بغير وقت ماكو مشكلة لان همه يقدرون وضعنا يوم زدحام ويوم طريق مسدود لهذا السبب الاسماء كلها بقائمة من تروح يلا يمسحون اسمك من القائمة بالنسبة الى اي او ام والله جدا اسف لان اني مقدم اس اي في ماعندي اي تفاصيل على الاي او ام والبتوفيق ان شاء الله
-
مساء الخير اخي صاحب الموضوع.عندي استفسار؟؟؟هل من الممكن الي مقابل بالسفاره ودينتظر فيزه انو يرجع للشغل مره اخرى؟؟واذا يكدر يرجع لازم يحجز موعد عن طريق الايمل؟؟لو يصير يروح بليه موعد؟
تحياتي.
حبي Joe بالنسبة الى المقابل ودينتظر فيزا يكدر يرجع يقدم ماكو اي مشكلة يبقى يشتغل ال ان تصدرالفيزا بعد صدور الفيزا مالحه حق يبقى يشتغل كمترجم محلي وبالسبة اذا يريد يروح يقدم مرة اخرى نصيحتي لايروح بدون موعد ترة مايستقبلو من يوصل يمهم وهوة محاجز راح يكتبوله الايميل بورقة ويكلوله روح قدم عن طريق الايميل واحنه ننطيك موعد تجي بي الي عنده معملة مال ضارئب يكدر يروح بدون موعد اي وقت يكدر يروح ماكو مشكلة , اتمنى ان تكون ستفدت من االجواب
-
اخي bang ارسلت لك رساله على صندوق الرسائل الخاص اتمنى اذا تكر تساعدني
اخي جاوبتك على الرساله واسف على تاخير
-
شكرا جزيلا.الله يكثر من امثالك.جدا ممنون.
-
اخي العزيز Bang اولا مشكور اخي على الردود اللطيفة وممكن تكلي شنو وضع التعيينات بهذه الفترة يعني موجودة لا وحتى اذا اكو احراج ممكن تتصل بيه على الخاص اذا ماكو زحمة عليك وممنون منك ياوردة
-
اخي العزيز Bang اولا مشكور اخي على الردود اللطيفة وممكن تكلي شنو وضع التعيينات بهذه الفترة يعني موجودة لا وحتى اذا اكو احراج ممكن تتصل بيه على الخاص اذا ماكو زحمة عليك وممنون منك ياوردة
حبيبي Yasir بلعكس كل احراج ماكو بلكي الباقين يستفادون من المعلومات وهوة هذا هدفي , بالنسبة الى وضع التعيينات تعينات اكو مستمرة 90% في المناطق الجنوبية وكل فترة ينفتح التعيين في موقع يعني قبل فترة نفتح تعين في الموصل وهسه نسد وراها نفتح بالبصرة وهسه نسد وراها انفتح بالناصرية وهسه نسد وهسه حاليا اكو تعين في تكريت والحلة بالنسبة لبغداد ماكو يعني الموظف يكلك لاتفكر بغداد واذا تنتظر تضيع وقتك , مثل ماكتلك كل فترة ينفتح بمكان يختلف
-
شكرا اخ بانك .. ممكن تعطينا الايميل حتى نستفسر على الوظائف واذا بنية تريد تتوظف تكدر تلاكي مكان قريب او يعينوها ابغداد؟
-
اهلا وسهلا روزة طبعا اكيد البنية الها الاولوية في بغداد وحسب معلوماتي اكو هواية مكانات بغداد طالبين بنات فقط واسبب يعود الى طبيعة العمل يجب توفر بيه وتكدرين تستفسرين اكثر من الاتصال على الارقام او ارسال ايميل على الموقع الرسمي للشركة
hoglsiz@gmail.com
07905662762,
OR 07901432097,
OR 07815501458
-
شكرا جزيلا اخ بانك على الرد
-
اهلا وسهلا وتشرفنا بالمرور الكريم^_^
-
السلام عليكم ... أخي العزيز bang مبروك عليك ما تبقى من الشهر الكريم وتقبل الله طاعتك , حبيبي bang تركت العمل في 1/1/2011 بسبب انه تم نقلي من مكان إلى اخر , عندما تم نقلي إلى المكان الجديد لم اذهب اليه بل ذهبت للبيت مباشرة ولم احصل على الرليس مالتي ... سؤالي هو انني لا اعلم عن وضعي في ال GLS هل تم انهاء خدمتي في النظام مال ال GLSمباشرة بعد تركتي للعمل ام ماذا علماً عند تركي العمل لم اخبر ال GLS عن ذلك بل راسلتهم بعد فترة واستفسرت عن وضعي ولكن لم يجيبوني وبماذا تنصحني ؟
... تحياتي . جاك
-
السلام عليكم
اخ bang انا تقريبا نفس قصة الاخ جاك مع فرق انه الوحدة الكنت اشتغل وياهم غادروا العراق بشهر السابع 2010 وبلغونا بهالشي وانه راح يكون شهر السابع 2010 اخر شهر النا وياهم واستلمنا الراتب مال السابع 2010 من الجي ال اس وبعدها ما رحنا للشغل لان الوحدة انسحبت مثل ما كلت لك .
ما اعرف هل الوحدة الكنا نشتغل وياها بلغت الجي ال اس بذلك ام لا ؟ وايضا ما امطونا ورقة ريليز ؟
شنو موقفنا من الجي ال اس هسه بلكي تفيدنا بارك الله بيك
تقبل احترامي ورمضان كريك على الجميع
-
السلام عليكم ... أخي العزيز bang مبروك عليك ما تبقى من الشهر الكريم وتقبل الله طاعتك , حبيبي bang تركت العمل في 1/1/2011 بسبب انه تم نقلي من مكان إلى اخر , عندما تم نقلي إلى المكان الجديد لم اذهب اليه بل ذهبت للبيت مباشرة ولم احصل على الرليس مالتي ... سؤالي هو انني لا اعلم عن وضعي في ال GLS هل تم انهاء خدمتي في النظام مال ال GLSمباشرة بعد تركتي للعمل ام ماذا علماً عند تركي العمل لم اخبر ال GLS عن ذلك بل راسلتهم بعد فترة واستفسرت عن وضعي ولكن لم يجيبوني وبماذا تنصحني ؟
... تحياتي . جاك
حبيبي جاك رمضان كريم علينا وعليك وعلى جميع المسلمين الله يتقبله منا ومنكم اجمعين , اخوية العزيز بالنسية للرليس صار تقريبا اكثر من سنة ماينطي باليد ولاتوقع اي شئ مجرد بس تتبلغ انته رليس مو مثل قبل ينطوك ورقة وتوقعها هذا الفقرة لغوها وبالنسبه لموقفك اذا الفريق او والوحده الي جنت تشتغل وياهم طبق التعلمات والضوابط الي هيه يسموها job Abandonment
وهذا طبعا شئ سلبي هسه حاليا اذا ردت ترجع تشتغل مع الاسف مايستقبلوك الجي ال اس وانته هم راسلهم مرة ثانية نطيهم رقم باجك كلهم اريد اعرف موقفي شنو وان شاء الله عدت على خير وماكو شئ وهذا ايميلهم راسلهم عليه اكيد راح يجياوبوك
hoglsiz@gmail.com
-
.. تحياتي . جاك
حبيبي جاك رمضان كريم علينا وعليك وعلى جميع المسلمين الله يتقبله منا ومنكم اجمعين , اخوية العزيز بالنسية للرليس صار تقريبا اكثر من سنة ماينطي باليد ولاتوقع اي شئ مجرد بس تتبلغ انته رليس مو مثل قبل ينطوك ورقة وتوقعها هذا الفقرة لغوها وبالنسبه لموقفك اذا الفريق او والوحده الي جنت تشتغل وياهم طبق التعلمات والضوابط الي هيه يسموها job Abandonment
وهذا طبعا شئ سلبي هسه حاليا اذا ردت ترجع تشتغل مع الاسف مايستقبلوك الجي ال اس وانته هم راسلهم مرة ثانية نطيهم رقم باجك كلهم اريد اعرف موقفي شنو وان شاء الله عدت على خير وماكو شئ وهذا ايميلهم راسلهم عليه اكيد راح يجياوبوك
hoglsiz@gmail.com
-
السلام عليكم
اخ bang انا تقريبا نفس قصة الاخ جاك مع فرق انه الوحدة الكنت اشتغل وياهم غادروا العراق بشهر السابع 2010 وبلغونا بهالشي وانه راح يكون شهر السابع 2010 اخر شهر النا وياهم واستلمنا الراتب مال السابع 2010 من الجي ال اس وبعدها ما رحنا للشغل لان الوحدة انسحبت مثل ما كلت لك .
ما اعرف هل الوحدة الكنا نشتغل وياها بلغت الجي ال اس بذلك ام لا ؟ وايضا ما امطونا ورقة ريليز ؟
شنو موقفنا من الجي ال اس هسه بلكي تفيدنا بارك الله بيك
تقبل احترامي ورمضان كريك على الجميع
اخوية لعزيز need justice h;d اكيد ال POC مالكم قبل لايروح كمل كل اجرائاتكم وية الجي ال اس وبلغهم بوضعكم ومثل ما ذكرت الى الاخ جاك بعد ماكو رليس ينطي باليد الرليس يكون بالايميل بين الجي ال اس وبين البي او سي يعني حت ماتعرف شنو الي مكتوب بي قبل جان الرليس نسخه تنطي للمترجم ونسخة تروح للجي ال اس هسه لابس انته اكيد لان بلغكم راح ينهي خدماتكم نهاية الشهر بلغ الجي ال اس ايضا لان مستحيل يروح ويبقي اي اجرائات قانونية متعلقه وهم تكدر تراسل الجي ال اس وتنطيهم رقم باجك وتتاكد من موقفك , ورمضان كريم علينا وعليك وينعاد بالخير والبركة على جمييع المسلمين
-
الله يحفظك اخ bang ورمضان كريم عليكم وعلى كل العراقيين وعلى المسلمين بمشارق الارض ومغاربها ويعيده عليكم بالخير والبركة
شكرا يا طيب
-
الله يحفظك اخ bang ورمضان كريم عليكم وعلى كل العراقيين وعلى المسلمين بمشارق الارض ومغاربها ويعيده عليكم بالخير والبركة
شكرا يا طيب
أمين وأجمعين يارب العالمين
-
سلام عليكم Bang الان انا قدمت من جديد على GLS ورد عليه gary رئيس الموظفين سوالى هو قالوا لي انتظر راح نخبارك على المقابلة للاختبار - شنو رايك الاختبار سهل كيف يتم الاختبار واين يتم اسف لازعاجك حبيبي
ووين العمل اكو امل بالعمل واحصل بعدين على الكومنديشن شنو رايك لان اني محتاج من زمان هذا العمل بس يااخي اتمنى يقبلون
لان اني مرحلة رابعة تربية رياضية فا ما اريد اضيع العملين
ششلون يختبرون اترجاك ساعدني
تحياتي توني