ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو هنودة في 13:53 23/08/2011
-
ايها الاخوة والاخوات الاعزاء
وصلني توا ً الرسالة التالية من UNHCR عمان وهذا نصها :-
تقوم وزارة الهجرة والمهجرين العراقية بتسجيل العراقيين المقيمين في الاردن لتوزيع المساعدات المالية لاحقا للمحتاجين منهم ... حيث قامت المفوظية بتزويد الوزارة بأرقام الملفات فقط، نرجو حظوركم مع وثيقة تعريفية عراقية ووثيقة المفوظية في مركز زها / خلدا يوم الاربعاء 24 / 8 / 2011 للتسجيل الساعة العاشرة صباحا . للأستفسار يرجى الاتصال على الهواتف التالية :-
5531577 او 0788967327 وشكرا.
ارجو الاطلاع وتبليغ الجميع
تحياتي
-
مرحبا عليكم جميعاااا
اتصلت الان بمركز زها وكلولي من يوصلج مسج تجين للمركز تسجلين اسمج او وياكم عشر ايام وضروري تحتفضون بل مسج...
اوك
وعاشت ايدك ابو هنودة
-
شكد؟
تسوه التعب؟ ::)
-
شكراً البو هنوده على الخبر الحلوو و انشاء الله العوائل العراقيه المحتاجه تستفاد من المبلغ
تحياتي و احترامي
-
هناك تصريح قبل ايام لمسؤول في الوزارة على الفضائية العراقية على ان المبلغ 400 دولار .
يا خبر بفلوس بكرة ببلاش باجر تبين في مركز زها.
-
ههههههه
راح اتصير الهوسة مثل العام والمكافش بفلس واللي ميشتري يتفرج
كل 100 ينطون 1 والباقي بالجيب ::) ::) ::) ::) ::)
يمعودين صايمين لتروحون وتتعبون نفسكم بلاشششششششششششششششش
-
عاشت ايدك ابو هنودة الورده وانشاء الله اخوتنه وخواتنه يستفادون من هل معلومة
-
هم اجاني مسج كبل شوي بس
متردد اروح لو لا اخاف اروح تطلع الشغلة مثل ام الميتين دولار والله تبهذلت هواي وبعدين ماكو شي ;D
المهم جماعة عمان وين هذا مركز زها يكولون بخلدا وين بخلدا
اللي يعرف لايقصر
-
يموعودين هي وزارة الهجرة والمهجرين اشوكت اهتمت بالعراقيين بالداخل والخارج حتى تهتم هاليوم بيهم, اشو كله حجي او ياوزير يجي بس يكوم يصفط حجي او القبض من دبش.
اذا بيهم خير او يريدون يساعدون العراقيين المهجرين في الداخل والخارج لازم يفتحولهم مكتب مثل الاوادم او يعينون موظفين حتى يكدرون العراقيين المساكين يراجعون هذي المكاتب حتى يساعدوهم في محنهم, بس لاء ينقلون الاشغال كلها على مكاتب الامم المتحدة اللي كاعدين بيها موظفين مايكدرون يتفاهمون ويا العراقيين المساكين اما الموظف افغاني ولا باكستاني او صيني او فيتنامي او تعال جيب مترجم حتى اتفض شغلتك العراقي المسكين.
هذولا الحكام اشقد مااتطورت الدنيا او هما يبقون على حطت ايدكم او على جهلهم او بس هما شطار ابشي واحد وهو اكل او بوك افلوس المساكين واتمنى الكم الموفقية او الله يصبركم على هذي العيشة والسلام
جوسي البغدادي
-
أخواني المنحة للعوائل فقط ؟؟ ام للجميع ؟؟
-
مرحبا شباب هي المنحه الماليه فقط لل اجتهم رساله او الكل؟؟؟؟؟؟؟؟؟؟؟؟؟؟؟؟؟؟؟ يراجع ارجو الاجابه
شكر الك ارجووووووو الاجابه
-
مرحبا شباب هي المنحه الماليه فقط لل اجتهم رساله او الكل؟؟؟؟؟؟؟؟؟؟؟؟؟؟؟؟؟؟؟ يراجع ارجو الاجابه
شكر الك ارجووووووو الاجابه
الاخت الكردية نشرت في تعليقها انها اتصلت بهم وبلغوها الاحتفاظ بالرسالة يعني يريدون الرسالة مال الـ UN والله اعلم.
-
عمي اللي اجاه مسج يراجع
واللي ما اجاه لا يتعب نفسك وخلي يتاكد كبل مايروح يتصل ويتأكد
لان اليو ان هي اللي تنسب لوزارة الحراميه اقصد وزارة الهجرة ياهو يستحق ويا هو لا
وارجع واقول ويننننننننننننننننننننننن خلللللللللللللللللللللدااااااااااااااااا
يم صويلح لو وين كولولي
-
عيني شنايزر انت وين ساكن شتكول امر عليك اخذك ونروح سوية شنو رايك ؟؟؟
-
حبيب قلبي helpfull
نشمي والله ما تقصر اني ساكن اربد وماعرف مناطق هواي بعمان حتى عالجوجل رحت والبحث وما استفدنه شي
حجينا ويا جماعه ساكنين بعمان كالو يم صويلح هسه اريد اتاكد صدك يم صويلح
اذا تعرف بس جاوبني رحمالله والديك
-
شنايزر تسال عن خلدا ، دور في الكوكل تلاع العلي ، او نهاية الكاردنز الي يسموه الآن شارع وصفي التل
اذا راكب تكسي تكول له خلدا ، عند اشارة البنك العربي ، لما يوصل اشارة البنك العربي يدور يسار ويمشي حدود 200 متر راح تشوف الحديقة الي اسمها مركز زها
-
ابو حاتم
رحمالله والديك
تسلم وجزاك الله خير الجزاء
-
السلام عليكم ....... تمام كلام الاخوه ابو هنوده والاعضاء الباقين اني رحت حته اشوف شنوا الاجرائات .......
الموظف الي موجود كال يجي رساله من المفوضيه ... يله تكدر تسجل ...واليوم وصلني مسج بالاستلام الساعه العاشره ليوم غد.............. وانشالله لجميع المقيمين يستلمون حسب رساله المفوضيه المبلغه للجميع
-
اخي شكو ماكو
تسلم عالتوضيح
بارك الله بيك
-
انشاء الله الكل يستفاد
-
السلام عليكم اخواني اني اليوم رحت وما جاني مسج من كتله كلي روح للحاسبه يمهم بلمقر لما رحتله جيك وانطاني استماره وملاه الي وسلمته والحمدلله كال انشاء الله مشمول رغم مجاني مسج الموقع خلدا مو اول اشاره الثانيه ادخل بيه وانته جاي من الكاردنز و200 متر هم يسار تلكي حديقه بيه لجنه كاعده وانشاء الله خير
-
مساءالخير للجميع ومشكورين لنقل الخبر بس حبيت اسئل
سؤال هاي المن تشمل يعني مثل حالتي اني جاي صارلي شهر مشمول بيه وعندي ورقة حمايه
لو ممشمول بيه ارجو الاجابه
-
ايها الاخوة والاخوات الاعزاء
وصلني توا ً الرسالة التالية من UNHCR عمان وهذا نصها :-
تقوم وزارة الهجرة والمهجرين العراقية بتسجيل العراقيين المقيمين في الاردن لتوزيع المساعدات المالية لاحقا للمحتاجين منهم ... حيث قامت المفوظية بتزويد الوزارة بأرقام الملفات فقط، نرجو حظوركم مع وثيقة تعريفية عراقية ووثيقة المفوظية في مركز زها / خلدا يوم الاربعاء 24 / 8 / 2011 للتسجيل الساعة العاشرة صباحا . للأستفسار يرجى الاتصال على الهواتف التالية :-
5531577 او 0788967327 وشكرا.
ارجو الاطلاع وتبليغ الجميع
تحياتي
عاشت ايدك خوية على نقل الخبر وبارك الله بيك بس المهم يلتزمون بالوعد مالهم وينطون حسب ما قالو 400 $ واكيد بس استلم انتو اول الناس اعزمكم :)
-
اخوان
السلام عليكم ورحمة الله وبركاته
وتحيه طيبه للجميع
انا رحت امس الثلاثاء 23\8
والعنوان خلدا قرب جامع خلدا الكبير مركز زها خلدا
وهي عباره عن منتزه صغير للعوائل
وكل اللي ذكروه اخوان صحيح
طبعا اول شي الدوام يبدي بالعشره يعني لحد يروح قبل هالموعد
ثاني شي الشغله مرتبه نوعا ما مو مثل العام
وحسب ما افتهمنا من المسؤول الي هناك انه راح يتم صرف المساعده لاربع آلاف اسم فقط
واظن انهم فقط اللي جاي يستلمون رواتب من المفوضيه
والصيغه كالاتي
1 - لازم توصلك رساله من المفوضيه يالله تروح لانهم مقسمينها يوميا 400 اسم فقط
2 - من توريهم الرساله ينطوك استمارة معلومات تمليها وتسلمها الهم مره ثانيه
3 - تسليم المساعدات سوف يكون بعد العيد
يعني اخوان هاي الايام تسجيل فقط والفلوس ورى العيد وهذا الكلام اكيد
ونصيحه اللي ما وصلته رساله لا يتعب ويروح لانهم اصلا اذا ما شافوا الرساله ما راح يدخلوك
وارجو ان اكون قد افدتكم
تحياتي للجميع