ankawa
منتدى الهجرة واللجوء => الهجرة و واللاجئين => الموضوع حرر بواسطة: ام طلال في 22:50 25/08/2011
-
مرحبا اني اليوم حبيت ابين حقيقة الموظف في الامم المتحده ...ياريت بدون ماينمسح الموضوع حتى الناس تكون على بينه مع من دا تتعامل .......يا جماعة الخير اذا الكلام على اليون اني صار ويايه هذا الموقف والله شاهد على كل كلامي وحق هذا الشهر المبارك
مره عن طريق جماعه وصلونه الى شخص يعمل بادائرة اليون الي موقعه باشميساني اتصلنه بيه هذا الشخص من اول اتصال استغربنه من كلامه كال اي شي تريدون احنه نسويه كال لان الحال بهذا الوقت كلش تعبان وقال هسه الشغل كله من تحت الطاولت اوك زوجي استغرب من كلامه اني فرحت على اساس راح يسفرنه باسرع وقت ...ومع العلم احنه مرفوضين من امريكا قال نكدر نرجع الملف ونكدر نسحب من الوراق ونكدر نضيف اوراق ونرفعه للتوطين وخلال ايام راح يتصلون بيكم طبعا كل دقيقتين يتصل بينه هذا الشخص موت نفسه طبعا اني شايفته هذا الشخص يجي باسياره مال اليون ويدخل لليون الي بدير غبار ويلبس باج يعني يكدر يوصل الى اي مكان باليون المهم اتصل بازوجي طبعا هو الي يتصل كل ساعه قال زوجي اليوم اجيكم على الدار ونتفاهم على المبلغ بس اجي ومعي صديقي زوجي رئسن شك وخاف من هذا الشخص وتركنه الموضوع كله وخلينه على الله لان زوجي شاف كلش يحجي علني ومايخاف كال اكو هيج شي مامعقوله ها كال روح لليون اكو شخص اسمه فلان راح ينتظركم باالباب اليون لا تحجون وياه على فلوس اني ادفع وبعدين اني اتفاهم معك وانتم تدفعون لي هذا هو احد موظفين اليون وهذا كلامي نص عن الي صار معنا هو هذا شعارهم لا غش ولا احتيال ولا رشوه ؟ اكو بنيه صديقه الي صدفه ذهبت الى بيت صديقته وصدفه طلعت احد موظفات اليون جيران صديقته تسولف اله صديقته دكول كل يوم توصله هاي الموظفه هديه يوم تخم قنفات الي من الدرجه الاوله يعني سعره 5 الف او اكثر يوم ميز طعام و و و و و الى اخره دكول حتى سياره وصلت اله هديه هاي مو رشوه هم هولاء موظفين الامم المتحده يا اخوان واخواتي الاعزاء لاحد ينغر بيهم
تحياتي للجميع
-
اني هم سااامع هيجي شي بس مجنت متااكد و لكن هسه تااكدت
-
اخوان ما افتهمت شنو قصدكم يعني توطين بالفلوس لو بس ياخذون فلوس ومايسوون شي!!
-
اني هم كنت ما اصدق من اسمع هكذا كلام بس من صار معي
هذا الموقف تااكدت ....وحيات اطفالي وحيات هذا الشهر الفضيل
هذا بجد صار ويايه
-
اخوان ما افتهمت شنو قصدكم يعني توطين بالفلوس لو بس ياخذون فلوس ومايسوون شي!!
لالالالالا هم ياخذون فلوس ويسون شي
بس احنه هذا شكينه بيه من كال اجيب
صديقي معي على البيت احنه شكينه
شنو هيج صار شغلهم علنيه هذا الي خوفنه
-
والله يا اختي همة قابل نازلين من السماء بشر عادي بيهم الزين وبيهم الفاسد لكن انا كول حسبي الله على اللي يتاجر بألام الناس ومعاناتهم وغربتهم
كل شي بالدنيا مع الاسف الانسانيه والرحمة جاي تختفي يوم عن يوم
وهذا شي عادي ترى وموجود
-
والله انا من ايام المقر القديم بالشميساني سمعت بهيج حجي خبروني من امريكا بأن اكو ناس تاخذ
بس مادري عاد صدك جذب
الله اعلم
-
والله بارك بيج على هذه المعلومة لان أكو هوايه ناس هلكد مطلعت روحهه من الانتظار وبطئ عمل اليو ان يدورون على حلول ومن ناس لناس يطلعلج اشخاص يلعبون دور اطواق النجاة وهمه بالحقيقة دحاولون يستغلون الناس التعبانه من الانتظار ومع الاسف على كوله اخونه حسبي الله ونعم الوكيل على من يتاجر بالالام الناس ومعناتهم بالغربة.
-
الى الاخت ام طلال
تحية طيبة
اولاً اود ان اذكر انه الاي او ام منظمة انسانية للتوطين او عدها مراكز في جميع انحاء العالم.
تهتم بشؤون التوطين او الأمم المتحدىة لشؤون اللاجئيين تعتمد عليها.
اني انطيج الحق انه اغلب موظفيها متعلمين على الرشوة والنهب.
اكدر اكلج انه اول احتكاك صار عندي وياها عندما كانت الانتخابات العراقية الاولى, حيث الحكومة العراقية اعتمدت عليها على ادارة الانتخابات العراقية للعراقيين في الخارج.
او جنت الممثل مالتهم في مدينتي حيث قمت بكل الاشغال منة دعاية الى توعية او تنظيم او جانو يوزميا يتصلون بيا بواسطة التلفون النقال او من اكلهم مو هذا يكلف ليش ماتتصلون على الارضي مجانا, يجاوبوني مو مشكلة العراق عنده افلوس اهوايا.
او بعد ماخلصت الانتخابات ضربو اتعابنا على اساس الافلوس ماكفت.
عاد عندج الاحساب شنو نوعية هذي المنظمة وتقبلي تحياتي
جوسي البغدادي المانيا
-
الله يكون بعون العراقي علساس حاطين اليو ان تساعد تسهل امور العالم انوب طلعوا مرتشين
اكو الله
-
السلام عليكم ومقدما شهرا كريم وعيد مبارك على الجميع
اما بعد احب اوضح شيء بسيط دا اشوف الكل مع احترامي للجميع غافلين عنه هو احنه مسلمين وكلنة نعرف احنه مو انبياء يعني خطائين وبما انو احنه خطائين يعني اكو هكذا امور وشيء اكيد في كل مؤسسات العالم الحيوية والاجتماعية
واذا خليت قلبت فطبعا اكو قانون الرشوة مقابل كذا امر معين في كل المؤسسات
مع تحياتي للجميع وبالتوفيق للجميع واتمنى ان يفرج الله عن كل ملتجاْ امين يا رب العالمين
-
ام طلال عذرا على التدخل ...... بس منين الخوف واذا جاب صديقة يعني الخوف عليه مو عليكم
ثاني شئ اكو مثل يكول زين الي يعبي بالسكلة ركي
يعني اذا تنحل بالفلوس لا تقصرون بس خليكم متأكدين يعن مو تقفيص ولا تنطولة اي فلس الا ما تكولون سمسم
اعتذر .... ترة اني دا اكتب من بغداد ومقدم ايوم ومنتظر الامنية ...... يعني فهمي على كدي باليو ان .
-
اشكر الجميع على المرور وعلى الردود الجميله
تنزيل هكذا موضوع فقط للفائده وتنبيه
اخواني واخواتي العراقين لان مااريد احد من الاعضاء
يكون فريسه هكذا نماذج اتمنى الموفقيه والسفر
السريع للجميع ان شاء الله يارب
-
اختي الكريمة لاتتعجبين .... هم موظفين اليو ان من دول عربية و هذا الشي مو غريب على الدول العربية الرشاوي
اكو هواي ناس تأذت بسببهم و اني من زمان سامع هيجي قصص خصوصا بدت تصير اكثر خلال السنتين الاخيرات
تحياتي الك و للعائلة الكريمة و ان شا الله يفرجها ربنا الكريم
-
أخوية لازم تشتكي واذا ما تكدر كولي اكو هوايه هنا منظمات تراقبهم واني أتكفل بالموضوع خلي نشيلهم حتى بجون عالم يشتغلون عدل
لاتخافون لانه الحق هنا دائماً ويه المواطن
-
هذا صار موقف ويه صديقنه الحمد لله هو الان سافر وربي يسرله الامور كنه بمصر و هو ومجموعه نطو فلوس الشخص يشتغل بالمنضمه بسته اكتوبر الشخص سوداني و فعلا هو موضف وكللهم اسهللكم الامور وجمع من هواي عراقيين حسب هو و شكد كذر يحلب منه و ابو الشباب طلع منقول لم الفلوس و سافر و الجماعه كضوه يشربون معسل زغلول بالكهوه يم المنضمه ويغنون راحو ما بعد نلاكاهم
-
هو موظف ال يو ان شنو قابل منتزل من السماء؟ اكيد اكو بيهم فئة (ولكن قليله) من ضعاف النفوس و يحاولون ينصبون على قسم من الناس البسطاء,
وهو هذا الشخص ما اجه دك بابكم كلكم تعالو اني فلان و اريد اساعدكم. انتوا الي خابرتوا و اتصلتو بيه. والي جي من ايده الله يزيده.
-
عزيزتي ام طلال
مو اكو رقم بالكتيب يكول اتصلوا بينا في حالة اذا موظف طلب منكم رشوه؟؟؟؟
اتصلي بهذا التلفون وبلغي عن المخالفه
والمبلل ميخاف من المطر
اذا انتوا مرفوضين بعد على شنو خايفين بلغوا عليهم وخلي ينظفون هيجي اشكال مدام استفحلوا وصار تصرفهم علني
لازم يجي يوم احد يوكفهم عن استغلالهم ويصيبكم اجر كل الحالات الي صار بيها غُبن
والشغله الثانيه حتى لو غيروا اوراق ومشوا شغلتكم باليو ان
شلون راح تمشي بال اي او ام
واذا ال اي او ام مشوها شلون تطلع من المحلفين...قابل ذوله هم مرتشين :o
-
عجيب ردناهم عون طلعونا فرعون الك الله يالعراقي
-
لاحول ولا قوة الا بالله
-
عيني ام طلال انتي كل يوم حاجيتنة قصة جديدة مثل مكالت الاخت ريم عبد المبلل ميخاف من المطر انتي مرفوضة بعد شنو هذا الخوف هذه الشغلات عيب تحجيه على الموضفين انتي ارفضتي وخلص بعد ميفيدج اي شي وهذا كلامج القديم مرة اتريدين تنفصلين عن زوجج والخخخخخ رجاءا كلامج غير منطقي ودتأثرين على الكل؟؟؟؟؟؟؟؟؟؟؟؟؟؟؟
-
ام طلال الحمدلله الشي الي لفت انتباهي بلموضوع كلمة زوجي !! هزين حبيبتي تصافيتو ومراح تطلكون بعد ماكانت حياتكم مستحيله الحمدلله
-
عيني ام طلال انتي كل يوم حاجيتنة قصة جديدة مثل مكالت الاخت ريم عبد المبلل ميخاف من المطر انتي مرفوضة بعد شنو هذا الخوف هذه الشغلات عيب تحجيه على الموضفين انتي ارفضتي وخلص بعد ميفيدج اي شي وهذا كلامج القديم مرة اتريدين تنفصلين عن زوجج والخخخخخ رجاءا كلامج غير منطقي ودتأثرين على الكل؟؟؟؟؟؟؟؟؟؟؟؟؟؟؟
عيني ضوء ما اعرف انت بنيه او رجل... ظاهر انت اصدقائك احد الموظفين اول واحد عراقي دافع عن موظفين الامم المتحده بالاردن الي يعاملون كل الناس العراقين معامله غير جيده ...اني ما دا احجي شي من جيبي حبيت انبه الاعضاء حتى لا يقعون في هكذا فخ لا اكثر ولا اقل لان احنه هنا كلنا اهل واخوان ويد واحده.....اني ارفضت اوك هاي شي يرجع الي ما الك حق تدخل رجاء...شغلة الثانيه مامسموح الك تتكلم عن خصوصيات ليش انت منو حتى تتكلم
عني انت مبين عليك جديد ماتعرفنه احنه هنا ناس تنصح ناس وهذا شي من اصلتنه العراقيه
واني ما دا اثر على الكل ومااسمح دكول كلامي غير منطقي اوك
رجاء شويه احترم نفسك واعرف شلون تكتب مره ثانيه اوك مع الاسف اكو ناس ما اعرف شلونهم داخل المنتدى
-
ام طلال الحمدلله الشي الي لفت انتباهي بلموضوع كلمة زوجي !! هزين حبيبتي تصافيتو ومراح تطلكون بعد ماكانت حياتكم مستحيله الحمدلله
شكرا الك كثير كلي امل.... الحمد الله رجعت حياتنا طبيعيه احسن من اول باكثير في وقته تدخلو الاصدقاء وكل شي رجع احسن بكثير من اول الف الحمد الله والشكر تحياتي الك
-
اكو ناس ما اعرف شلونهم داخل المنتدى
حتى انا هم اعرف ;) ;D
-
اولا الى الاخت ام طلال اني موجديدة بالمنتدى بس ماكو شي ان اشارك بي واغث الاعضاء فقط دخولي للاطلاع ولما يصير بقضيتي شي جديد اكتب الي صار ومااشارك باشياء فارغه زين
-
اولا الى الاخت ام طلال اني موجديدة بالمنتدى بس ماكو شي ان اشارك بي واغث الاعضاء فقط دخولي للاطلاع ولما يصير بقضيتي شي جديد اكتب الي صار ومااشارك باشياء فارغه زين
عيني ضوء لعد ليش دخلت على موضوعي اذا بانظرك شي فارغ احنه هنا مجرد دانتناقش مو دا نتعارك رجاء بعد مااريد منك اي تعليق على موضوعي حتى لا تغثنى ولاشارك با الشي الفارغ خليك على كد موضوعك الخاص بيك تحياتي
-
كل عام وانتم بخير اخوان وعساكم من عواده
هسة ما فهمنة هي المفوضية السامية لو المفوضية الفاشية ؟؟؟؟؟
اي لازم واحد يعرف قبل فترة سمعت بهذا الموضوع وسويت ايميل مفبرك ودزيتة الى المفوضية وكتبت بالعنوان اني اود التبليغ عن عصابة فاذا تردين اختنة العزيزة اني اتكفل بان ارسل نفس الامور الى المفوضية بس اريد اسم الشخص او اي شيء يوضح هويته بالمفوضية واني اتخذ كل الاجراءات .اما اذا ماكو اي دليل على شخصيته فتعذريني ما اكدر اسوي اي شيء لان اذا الواحد يبقه ساكت فهذه مصيبة عظمى .
تحياتي الى صاحبة الموضوع والى جميع الاخوة وكل عام وانتم بخير
-
بصراحه اللي عجبني بالموضوع هو براعة الاخت ام طلال بالرد واخلاقهه العاليه
احترامي للجميع
-
انى رائيى اللى ينطى رشوةبهيج موضوع يعنى بلاصل مو مستحق توطين هاى وحدة اثنين يعنى دياخذ حق انسان من حقة التوطين وماعندة فلوس يدفع رشوة تلاثة لعن اللة الراشى والمرتشى
-
اني مع الاخت ام طلال لان بالمفوضية اكو اعلان انو لاتنطون رشوة لاي موظف واذا اي احد طلب منكم اتصلوا بالرقم كذا
يعني بين فوسين اكو حالات صايرة بالمفوضية من قبل والا مكان خلوه هذا التنبيه للناس
وفعلا همة بشر يعني بيهم الزين وبيهم الشين
الله كريم ان الله مع العراقين الصابرين
-
بصراحه اللي عجبني بالموضوع هو براعة الاخت ام طلال بالرد واخلاقهه العاليه
احترامي للجميع
شكرا الك كلش حباب هاي من ذوقك العالي....كل عام وانت بالف خير
-
انى رائيى اللى ينطى رشوةبهيج موضوع يعنى بلاصل مو مستحق توطين هاى وحدة اثنين يعنى دياخذ حق انسان من حقة التوطين وماعندة فلوس يدفع رشوة تلاثة لعن اللة الراشى والمرتشى
كل عام وانت بالف خير يا احمد سلطان....
عيني اول شي احنه ماريد ننطيه رشوه احنه ملفنه نزل للحمايه بعد ماكان سنه كامله بعد الرفض من امريكا كان باقسم التوطين احنه ردنا نعرف ليش ملفنه بالحمايه اكو ناس قالو اكو شخص يكدر يوصل الى ملفكم انطونه رقم موبيل الخاص بيه هذا كل الموضوع
ثانيه شي الزم حدودك ولا تجوز عليه عيب عليك احنه دا نتناقش با موضوع حبيت انبه باقي الاخوه العراقين حتى لا يصيرون فريسه لهكذا ناس...ما اسمحلك بان تقول بلا اصل احنه هنا كلنا اولاد عوائل وكلنه عراقين فاعيب نتكلام بهذا الكلام ....بعد مارد عليك اكثر ...شكرا الك
-
الاخت العزيزة ام طلال ايامج سعيدة وعيدك مبارك انى مكنت داتكلم على شخصك انى داتكلم بصورة عامة وارجوك اقرئى الكلمة انى كلت بلاصل ممستحق توطين يعنى اقصد اصلا غير مستحق مو اقصد ماعندة اصل واضيفج من الشعر بيت انى جدا محترم وعمرى متجاوزت على اى شخص فى المنتدى او خارجة لان اللة يرحم اهلنا ربونة واحسنوا تربيتنا نحترم الكبير ونعطف على الصغير واعتقد انى اكبر منك سنا وارجو ان تكون الفكرة وصلت ويكون قصدى واضح بين الفرق فى معنى الاصل من انسان اصيل وكلمة اصلا يعنى بلاساس مع تقبل مرورى وفائق احترامى
-
اوووووووووووووكي اخي احمد السلطان ...صار سوء فهم باالموضوع اني اقدم اعتذاري اسفه جدا احنه نبقه اهل واخوان
اتمنى لك الموفقيه يارب والسفر السريع ان شاء الله
-
السلام عليكم اخواني واخواتي..
عيدكم مبارك....
اختي ام طلال
مشكوره والله يبارك بيج على تنبيه الاخوان من مثل هكذا حالات .. ومثل ما دنشوف من الردود اكثر الاخوان انهم سامعين هيج شي قبل .....
مو غريبه حتى لو كان موظف اليو ان شنو يعني ، هل هذا يمنع ان يكون حرامي ..
والله ملينه من الحراميه ............... بالداخل وبالخارج .......
تحياتي واعتزازي للجميع
ربي يسهل علي الجميع
اللهم امين